kv1.6:0.1Kathāvatthu
kv1.6:0.2Mahāpaṇṇāsaka
kv1.6:0.3Paṭhamavagga
kv1.6:0.4Sabbamatthītikathā
kv1.6:1.0Vādayutti
kv1.6:1.1Sabbamatthīti?
kv1.6:1.2Āmantā.
kv1.6:1.3Sabbattha sabbamatthīti?
kv1.6:1.4Na hevaṁ vattabbe.
kv1.6:1.5Sabbamatthīti?
kv1.6:1.6Āmantā.
kv1.6:1.7Sabbadā sabbamatthīti?
kv1.6:1.8Na hevaṁ vattabbe.
kv1.6:1.9Sabbamatthīti?
kv1.6:1.10Āmantā.
kv1.6:1.11Sabbena sabbaṁ sabbamatthīti?
kv1.6:1.12Na hevaṁ vattabbe.
kv1.6:1.13Sabbamatthīti?
kv1.6:1.14Āmantā.
kv1.6:1.15Sabbesu sabbamatthīti?
kv1.6:1.16Na hevaṁ vattabbe.
kv1.6:1.17Sabbamatthīti?
kv1.6:1.18Āmantā.
kv1.6:1.19Ayoganti katvā sabbamatthīti?
kv1.6:1.20Na hevaṁ vattabbe.
kv1.6:1.21Sabbamatthīti?
kv1.6:1.22Āmantā.
kv1.6:1.23Yampi natthi, tampatthīti?
kv1.6:1.24Na hevaṁ vattabbe.
kv1.6:1.25Sabbamatthīti?
kv1.6:1.26Āmantā.
kv1.6:1.27Sabbamatthīti yā diṭṭhi sā diṭṭhi micchādiṭṭhīti, yā diṭṭhi sā diṭṭhi sammādiṭṭhīti, hevamatthīti?
kv1.6:1.28Na hevaṁ vattabbe.
kv1.6:1.29(Saṅkhittaṁ.)
kv1.6:1.30Vādayutti.
kv1.6:2.0Kālasaṁsandana
kv1.6:2.1Atītaṁ atthīti?
kv1.6:2.2Āmantā.
kv1.6:2.3Nanu atītaṁ niruddhaṁ vigataṁ vipariṇataṁ atthaṅgataṁ abbhatthaṅgatanti?
kv1.6:2.4Āmantā.
kv1.6:2.5Hañci atītaṁ niruddhaṁ vigataṁ vipariṇataṁ atthaṅgataṁ abbhatthaṅgataṁ, no ca vata re vattabbe—
kv1.6:2.6“atītaṁ atthī”ti.
kv1.6:3.1Anāgataṁ atthīti?
kv1.6:3.2Āmantā.
kv1.6:3.3Nanu anāgataṁ ajātaṁ abhūtaṁ asañjātaṁ anibbattaṁ anabhinibbattaṁ apātubhūtanti?
kv1.6:3.4Āmantā.
kv1.6:3.5Hañci anāgataṁ ajātaṁ abhūtaṁ asañjātaṁ anibbattaṁ anabhinibbattaṁ apātubhūtaṁ, no ca vata re vattabbe—
kv1.6:3.6“anāgataṁ atthī”ti.
kv1.6:4.1Paccuppannaṁ atthi paccuppannaṁ aniruddhaṁ avigataṁ avipariṇataṁ na atthaṅgataṁ na abbhatthaṅgatanti?
kv1.6:4.2Āmantā.
kv1.6:4.3Atītaṁ atthi atītaṁ aniruddhaṁ avigataṁ avipariṇataṁ na atthaṅgataṁ na abbhatthaṅgatanti?
kv1.6:4.4Na hevaṁ vattabbe …pe…
kv1.6:4.5paccuppannaṁ atthi paccuppannaṁ jātaṁ bhūtaṁ sañjātaṁ nibbattaṁ abhinibbattaṁ pātubhūtanti?
kv1.6:4.6Āmantā.
kv1.6:4.7Anāgataṁ atthi anāgataṁ jātaṁ bhūtaṁ sañjātaṁ nibbattaṁ abhinibbattaṁ pātubhūtanti?
kv1.6:4.8Na hevaṁ vattabbe …pe….
kv1.6:5.1Atītaṁ atthi atītaṁ niruddhaṁ vigataṁ vipariṇataṁ atthaṅgataṁ abbhatthaṅgatanti?
kv1.6:5.2Āmantā.
kv1.6:5.3Paccuppannaṁ atthi paccuppannaṁ niruddhaṁ vigataṁ vipariṇataṁ atthaṅgataṁ abbhatthaṅgatanti?
kv1.6:5.4Na hevaṁ vattabbe …pe…
kv1.6:5.5anāgataṁ atthi anāgataṁ ajātaṁ abhūtaṁ asañjātaṁ anibbattaṁ anabhinibbattaṁ apātubhūtanti?
kv1.6:5.6Āmantā.
kv1.6:5.7Paccuppannaṁ atthi paccuppannaṁ ajātaṁ abhūtaṁ asañjātaṁ anibbattaṁ anabhinibbattaṁ apātubhūtanti?
kv1.6:5.8Na hevaṁ vattabbe.
kv1.6:6.1Atītaṁ rūpaṁ atthīti?
kv1.6:6.2Āmantā.
kv1.6:6.3Nanu atītaṁ rūpaṁ niruddhaṁ vigataṁ vipariṇataṁ atthaṅgataṁ abbhatthaṅgatanti?
kv1.6:6.4Āmantā.
kv1.6:6.5Hañci atītaṁ rūpaṁ niruddhaṁ …pe…
kv1.6:6.6abbhatthaṅgataṁ, no ca vata re vattabbe—
kv1.6:6.7“atītaṁ rūpaṁ atthī”ti.
kv1.6:7.1Anāgataṁ rūpaṁ atthīti?
kv1.6:7.2Āmantā.
kv1.6:7.3Nanu anāgataṁ rūpaṁ ajātaṁ abhūtaṁ asañjātaṁ anibbattaṁ anabhinibbattaṁ apātubhūtanti?
kv1.6:7.4Āmantā.
kv1.6:7.5Hañci anāgataṁ rūpaṁ ajātaṁ …pe…
kv1.6:7.6apātubhūtaṁ, no ca vata re vattabbe—
kv1.6:7.7“anāgataṁ rūpaṁ atthī”ti.
kv1.6:8.1Paccuppannaṁ rūpaṁ atthi paccuppannaṁ rūpaṁ aniruddhaṁ avigataṁ avipariṇataṁ na atthaṅgataṁ na abbhatthaṅgatanti?
kv1.6:8.2Āmantā.
kv1.6:8.3Atītaṁ rūpaṁ atthi atītaṁ rūpaṁ aniruddhaṁ avigataṁ avipariṇataṁ na atthaṅgataṁ na abbhatthaṅgatanti?
kv1.6:8.4Na hevaṁ vattabbe.
kv1.6:9.1Paccuppannaṁ rūpaṁ atthi paccuppannaṁ rūpaṁ jātaṁ bhūtaṁ sañjātaṁ nibbattaṁ abhinibbattaṁ pātubhūtanti?
kv1.6:9.2Āmantā.
kv1.6:9.3Anāgataṁ rūpaṁ atthi anāgataṁ rūpaṁ jātaṁ bhūtaṁ sañjātaṁ nibbattaṁ abhinibbattaṁ pātubhūtanti?
kv1.6:9.4Na hevaṁ vattabbe.
kv1.6:10.1Atītaṁ rūpaṁ atthi atītaṁ rūpaṁ niruddhaṁ vigataṁ vipariṇataṁ atthaṅgataṁ abbhatthaṅgatanti?
kv1.6:10.2Āmantā.
kv1.6:10.3Paccuppannaṁ rūpaṁ atthi paccuppannaṁ rūpaṁ niruddhaṁ vigataṁ vipariṇataṁ atthaṅgataṁ abbhatthaṅgatanti?
kv1.6:10.4Na hevaṁ vattabbe.
kv1.6:11.1Anāgataṁ rūpaṁ atthi anāgataṁ rūpaṁ ajātaṁ abhūtaṁ asañjātaṁ anibbattaṁ anabhinibbattaṁ apātubhūtanti?
kv1.6:11.2Āmantā.
kv1.6:11.3Paccuppannaṁ rūpaṁ atthi paccuppannaṁ rūpaṁ ajātaṁ abhūtaṁ asañjātaṁ anibbattaṁ anabhinibbattaṁ apātubhūtanti?
kv1.6:11.4Na hevaṁ vattabbe.
kv1.6:12.1Atītā vedanā atthi …pe…
kv1.6:12.2saññā atthi, saṅkhārā atthi, viññāṇaṁ atthīti?
kv1.6:12.3Āmantā.
kv1.6:12.4Nanu atītaṁ viññāṇaṁ niruddhaṁ vigataṁ vipariṇataṁ atthaṅgataṁ abbhatthaṅgatanti?
kv1.6:12.5Āmantā.
kv1.6:12.6Hañci atītaṁ viññāṇaṁ niruddhaṁ …pe…
kv1.6:12.7abbhatthaṅgataṁ, no ca vata re vattabbe—
kv1.6:12.8“atītaṁ viññāṇaṁ atthī”ti.
kv1.6:13.1Anāgataṁ viññāṇaṁ atthīti?
kv1.6:13.2Āmantā.
kv1.6:13.3Nanu anāgataṁ viññāṇaṁ ajātaṁ abhūtaṁ asañjātaṁ anibbattaṁ anabhinibbattaṁ apātubhūtanti?
kv1.6:13.4Āmantā.
kv1.6:13.5Hañci anāgataṁ viññāṇaṁ ajātaṁ …pe…
kv1.6:13.6apātubhūtaṁ, no ca vata re vattabbe—
kv1.6:13.7“anāgataṁ viññāṇaṁ atthī”ti.
kv1.6:14.1Paccuppannaṁ viññāṇaṁ atthi paccuppannaṁ viññāṇaṁ aniruddhaṁ …pe…
kv1.6:14.2na abbhatthaṅgatanti?
kv1.6:14.3Āmantā.
kv1.6:14.4Atītaṁ viññāṇaṁ atthi atītaṁ viññāṇaṁ aniruddhaṁ …pe…
kv1.6:14.5na abbhatthaṅgatanti?
kv1.6:14.6Na hevaṁ vattabbe.
kv1.6:15.1Paccuppannaṁ viññāṇaṁ atthi paccuppannaṁ viññāṇaṁ jātaṁ …pe…
kv1.6:15.2pātubhūtanti?
kv1.6:15.3Āmantā.
kv1.6:15.4Anāgataṁ viññāṇaṁ atthi anāgataṁ viññāṇaṁ jātaṁ …pe…
kv1.6:15.5pātubhūtanti?
kv1.6:15.6Na hevaṁ vattabbe.
kv1.6:16.1Atītaṁ viññāṇaṁ atthi atītaṁ viññāṇaṁ niruddhaṁ …pe…
kv1.6:16.2abbhatthaṅgatanti?
kv1.6:16.3Āmantā.
kv1.6:16.4Paccuppannaṁ viññāṇaṁ atthi paccuppannaṁ viññāṇaṁ niruddhaṁ …pe…
kv1.6:16.5abbhatthaṅgatanti?
kv1.6:16.6Na hevaṁ vattabbe.
kv1.6:16.7Anāgataṁ viññāṇaṁ atthi anāgataṁ viññāṇaṁ ajātaṁ …pe…
kv1.6:16.8apātubhūtanti?
kv1.6:16.9Āmantā.
kv1.6:17.1Paccuppannaṁ viññāṇaṁ atthi paccuppannaṁ viññāṇaṁ ajātaṁ …pe…
kv1.6:17.2apātubhūtanti?
kv1.6:17.3Na hevaṁ vattabbe.
kv1.6:18.1“Paccuppannan”ti vā “rūpan”ti vā, “rūpan”ti vā “paccuppannan”ti vā paccuppannaṁ rūpaṁ appiyaṁ karitvā esese ekaṭṭhe same samabhāge tajjāteti?
kv1.6:18.2Āmantā.
kv1.6:18.3Paccuppannaṁ rūpaṁ nirujjhamānaṁ paccuppannabhāvaṁ jahatīti?
kv1.6:18.4Āmantā.
kv1.6:18.5Rūpabhāvaṁ jahatīti?
kv1.6:18.6Na hevaṁ vattabbe …pe….
kv1.6:19.1“Paccuppannan”ti vā “rūpan”ti vā, “rūpan”ti vā “paccuppannan”ti vā paccuppannaṁ rūpaṁ appiyaṁ karitvā esese ekaṭṭhe same samabhāge tajjāteti?
kv1.6:19.2Āmantā.
kv1.6:19.3Paccuppannaṁ rūpaṁ nirujjhamānaṁ rūpabhāvaṁ na jahatīti?
kv1.6:19.4Āmantā.
kv1.6:19.5Paccuppannabhāvaṁ na jahatīti?
kv1.6:19.6Na hevaṁ vattabbe …pe….
kv1.6:20.1“Odātan”ti vā “vatthan”ti vā, “vatthan”ti vā “odātan”ti vā odātaṁ vatthaṁ appiyaṁ karitvā esese ekaṭṭhe same samabhāge tajjāteti?
kv1.6:20.2Āmantā.
kv1.6:20.3Odātaṁ vatthaṁ rajjamānaṁ odātabhāvaṁ jahatīti?
kv1.6:20.4Āmantā.
kv1.6:20.5Vatthabhāvaṁ jahatīti?
kv1.6:20.6Na hevaṁ vattabbe.
kv1.6:21.1“Odātan”ti vā “vatthan”ti vā, “vatthan”ti vā “odātan”ti vā odātaṁ vatthaṁ appiyaṁ karitvā esese ekaṭṭhe same samabhāge tajjāteti?
kv1.6:21.2Āmantā.
kv1.6:21.3Odātaṁ vatthaṁ rajjamānaṁ vatthabhāvaṁ na jahatīti?
kv1.6:21.4Āmantā.
kv1.6:21.5Odātabhāvaṁ na jahatīti?
kv1.6:21.6Na hevaṁ vattabbe …pe…
kv1.6:22.1Rūpaṁ rūpabhāvaṁ na jahatīti?
kv1.6:22.2Āmantā.
kv1.6:22.3Rūpaṁ niccaṁ dhuvaṁ sassataṁ avipariṇāmadhammanti?
kv1.6:22.4Na hevaṁ vattabbe.
kv1.6:22.5Nanu rūpaṁ rūpabhāvaṁ na jahatīti rūpaṁ aniccaṁ adhuvaṁ asassataṁ vipariṇāmadhammanti?
kv1.6:22.6Āmantā.
kv1.6:22.7Hañci rūpaṁ aniccaṁ adhuvaṁ asassataṁ vipariṇāmadhammaṁ, no ca vata re vattabbe—
kv1.6:22.8“rūpaṁ rūpabhāvaṁ na jahatī”ti.
kv1.6:23.1Nibbānaṁ nibbānabhāvaṁ na jahatīti nibbānaṁ niccaṁ dhuvaṁ sassataṁ avipariṇāmadhammanti?
kv1.6:23.2Āmantā.
kv1.6:23.3Rūpaṁ rūpabhāvaṁ na jahatīti rūpaṁ niccaṁ dhuvaṁ sassataṁ avipariṇāmadhammanti?
kv1.6:23.4Na hevaṁ vattabbe …pe…
kv1.6:23.5rūpaṁ rūpabhāvaṁ na jahati rūpaṁ aniccaṁ adhuvaṁ asassataṁ vipariṇāmadhammanti?
kv1.6:23.6Āmantā.
kv1.6:23.7Nibbānaṁ nibbānabhāvaṁ na jahati nibbānaṁ aniccaṁ adhuvaṁ asassataṁ vipariṇāmadhammanti?
kv1.6:23.8Na hevaṁ vattabbe …pe….
kv1.6:24.1Atītaṁ atthi atītaṁ atītabhāvaṁ na jahatīti?
kv1.6:24.2Āmantā.
kv1.6:24.3Anāgataṁ atthi anāgataṁ anāgatabhāvaṁ na jahatīti?
kv1.6:24.4Na hevaṁ vattabbe.
kv1.6:24.5Atītaṁ atthi atītaṁ atītabhāvaṁ na jahatīti?
kv1.6:24.6Āmantā.
kv1.6:24.7Paccuppannaṁ atthi paccuppannaṁ paccuppannabhāvaṁ na jahatīti?
kv1.6:24.8Na hevaṁ vattabbe …pe….
kv1.6:25.1Anāgataṁ atthi anāgataṁ anāgatabhāvaṁ jahatīti?
kv1.6:25.2Āmantā.
kv1.6:25.3Atītaṁ atthi atītaṁ atītabhāvaṁ jahatīti?
kv1.6:25.4Na hevaṁ vattabbe …pe….
kv1.6:26.1Paccuppannaṁ atthi paccuppannaṁ paccuppannabhāvaṁ jahatīti?
kv1.6:26.2Āmantā.
kv1.6:26.3Atītaṁ atthi atītaṁ atītabhāvaṁ jahatīti?
kv1.6:26.4Na hevaṁ vattabbe.
kv1.6:27.1Atītaṁ atthi atītaṁ atītabhāvaṁ na jahatīti?
kv1.6:27.2Āmantā.
kv1.6:27.3Atītaṁ niccaṁ dhuvaṁ sassataṁ avipariṇāmadhammanti?
kv1.6:27.4Na hevaṁ vattabbe …pe…
kv1.6:27.5nanu atītaṁ aniccaṁ adhuvaṁ asassataṁ vipariṇāmadhammanti?
kv1.6:27.6Āmantā.
kv1.6:27.7Hañci atītaṁ aniccaṁ adhuvaṁ asassataṁ vipariṇāmadhammaṁ, no ca vata re vattabbe—
kv1.6:27.8“atītaṁ atthi atītaṁ atītabhāvaṁ na jahatī”ti.
kv1.6:28.1Nibbānaṁ atthi nibbānaṁ nibbānabhāvaṁ na jahatīti nibbānaṁ niccaṁ dhuvaṁ sassataṁ avipariṇāmadhammanti?
kv1.6:28.2Āmantā.
kv1.6:28.3Atītaṁ atthi atītaṁ atītabhāvaṁ na jahatīti atītaṁ niccaṁ dhuvaṁ sassataṁ avipariṇāmadhammanti?
kv1.6:28.4Na hevaṁ vattabbe …pe….
kv1.6:29.1Atītaṁ atthi atītaṁ atītabhāvaṁ na jahati atītaṁ aniccaṁ adhuvaṁ asassataṁ vipariṇāmadhammanti?
kv1.6:29.2Āmantā.
kv1.6:29.3Nibbānaṁ atthi nibbānaṁ nibbānabhāvaṁ na jahati nibbānaṁ aniccaṁ adhuvaṁ asassataṁ vipariṇāmadhammanti?
kv1.6:29.4Na hevaṁ vattabbe …pe….
kv1.6:30.1Atītaṁ rūpaṁ atthi atītaṁ rūpaṁ atītabhāvaṁ na jahatīti?
kv1.6:30.2Āmantā.
kv1.6:30.3Anāgataṁ rūpaṁ atthi anāgataṁ rūpaṁ anāgatabhāvaṁ na jahatīti?
kv1.6:30.4Na hevaṁ vattabbe …pe…
kv1.6:30.5atītaṁ rūpaṁ atthi atītaṁ rūpaṁ atītabhāvaṁ na jahatīti?
kv1.6:30.6Āmantā.
kv1.6:30.7Paccuppannaṁ rūpaṁ atthi paccuppannaṁ rūpaṁ paccuppannabhāvaṁ na jahatīti?
kv1.6:30.8Na hevaṁ vattabbe …pe….
kv1.6:31.1Anāgataṁ rūpaṁ atthi anāgataṁ rūpaṁ anāgatabhāvaṁ jahatīti?
kv1.6:31.2Āmantā.
kv1.6:31.3Atītaṁ rūpaṁ atthi atītaṁ rūpaṁ atītabhāvaṁ jahatīti?
kv1.6:31.4Na hevaṁ vattabbe …pe….
kv1.6:32.1Paccuppannaṁ rūpaṁ atthi paccuppannaṁ rūpaṁ paccuppannabhāvaṁ jahatīti?
kv1.6:32.2Āmantā.
kv1.6:32.3Atītaṁ rūpaṁ atthi atītaṁ rūpaṁ atītabhāvaṁ jahatīti?
kv1.6:32.4Na hevaṁ vattabbe …pe….
kv1.6:33.1Atītaṁ rūpaṁ atthi atītaṁ rūpaṁ atītabhāvaṁ na jahatīti?
kv1.6:33.2Āmantā.
kv1.6:33.3Atītaṁ rūpaṁ niccaṁ dhuvaṁ sassataṁ avipariṇāmadhammanti?
kv1.6:33.4Na hevaṁ vattabbe …pe…
kv1.6:33.5nanu atītaṁ rūpaṁ aniccaṁ adhuvaṁ asassataṁ vipariṇāmadhammanti?
kv1.6:33.6Āmantā.
kv1.6:33.7Hañci atītaṁ rūpaṁ aniccaṁ …pe…
kv1.6:33.8vipariṇāmadhammaṁ, no ca vata re vattabbe—
kv1.6:33.9“atītaṁ rūpaṁ atthi atītaṁ rūpaṁ atītabhāvaṁ na jahatī”ti.
kv1.6:34.1Nibbānaṁ atthi nibbānaṁ nibbānabhāvaṁ na jahati nibbānaṁ niccaṁ dhuvaṁ sassataṁ avipariṇāmadhammanti?
kv1.6:34.2Āmantā.
kv1.6:34.3Atītaṁ rūpaṁ atthi atītaṁ rūpaṁ atītabhāvaṁ na jahati atītaṁ rūpaṁ niccaṁ dhuvaṁ sassataṁ avipariṇāmadhammanti?
kv1.6:34.4Na hevaṁ vattabbe …pe….
kv1.6:35.1Atītaṁ rūpaṁ atthi atītaṁ rūpaṁ atītabhāvaṁ na jahati atītaṁ rūpaṁ aniccaṁ adhuvaṁ asassataṁ vipariṇāmadhammanti?
kv1.6:35.2Āmantā.
kv1.6:35.3Nibbānaṁ atthi nibbānaṁ nibbānabhāvaṁ na jahati nibbānaṁ aniccaṁ adhuvaṁ asassataṁ vipariṇāmadhammanti?
kv1.6:35.4Na hevaṁ vattabbe …pe….
kv1.6:36.1Atītā vedanā atthi …
kv1.6:36.2atītā saññā atthi …
kv1.6:36.3atītā saṅkhārā atthi …
kv1.6:36.4atītaṁ viññāṇaṁ atthi atītaṁ viññāṇaṁ atītabhāvaṁ na jahatīti?
kv1.6:36.5Āmantā.
kv1.6:36.6Anāgataṁ viññāṇaṁ atthi anāgataṁ viññāṇaṁ anāgatabhāvaṁ na jahatīti?
kv1.6:36.7Na hevaṁ vattabbe …pe…
kv1.6:36.8atītaṁ viññāṇaṁ atthi atītaṁ viññāṇaṁ atītabhāvaṁ na jahatīti?
kv1.6:36.9Āmantā.
kv1.6:36.10Paccuppannaṁ viññāṇaṁ atthi paccuppannaṁ viññāṇaṁ paccuppannabhāvaṁ na jahatīti?
kv1.6:36.11Na hevaṁ vattabbe …pe….
kv1.6:37.1Anāgataṁ viññāṇaṁ atthi anāgataṁ viññāṇaṁ anāgatabhāvaṁ jahatīti?
kv1.6:37.2Āmantā.
kv1.6:37.3Atītaṁ viññāṇaṁ atthi atītaṁ viññāṇaṁ atītabhāvaṁ jahatīti?
kv1.6:37.4Na hevaṁ vattabbe …pe….
kv1.6:38.1Paccuppannaṁ viññāṇaṁ atthi paccuppannaṁ viññāṇaṁ paccuppannabhāvaṁ jahatīti?
kv1.6:38.2Āmantā.
kv1.6:38.3Atītaṁ viññāṇaṁ atthi atītaṁ viññāṇaṁ atītabhāvaṁ jahatīti?
kv1.6:38.4Na hevaṁ vattabbe …pe….
kv1.6:39.1Atītaṁ viññāṇaṁ atthi atītaṁ viññāṇaṁ atītabhāvaṁ na jahatīti?
kv1.6:39.2Āmantā.
kv1.6:39.3Atītaṁ viññāṇaṁ niccaṁ dhuvaṁ sassataṁ avipariṇāmadhammanti?
kv1.6:39.4Na hevaṁ vattabbe …pe…
kv1.6:39.5nanu atītaṁ viññāṇaṁ aniccaṁ adhuvaṁ asassataṁ vipariṇāmadhammanti?
kv1.6:39.6Āmantā.
kv1.6:39.7Hañci atītaṁ viññāṇaṁ aniccaṁ adhuvaṁ asassataṁ vipariṇāmadhammaṁ, no ca vata re vattabbe—
kv1.6:39.8“atītaṁ viññāṇaṁ atthi atītaṁ viññāṇaṁ atītabhāvaṁ na jahatī”ti.
kv1.6:40.1Nibbānaṁ atthi nibbānaṁ nibbānabhāvaṁ na jahati nibbānaṁ niccaṁ dhuvaṁ sassataṁ avipariṇāmadhammanti?
kv1.6:40.2Āmantā.
kv1.6:40.3Atītaṁ viññāṇaṁ atthi atītaṁ viññāṇaṁ atītabhāvaṁ na jahati atītaṁ viññāṇaṁ niccaṁ dhuvaṁ sassataṁ avipariṇāmadhammanti?
kv1.6:40.4Na hevaṁ vattabbe …pe….
kv1.6:41.1Atītaṁ viññāṇaṁ atthi atītaṁ viññāṇaṁ atītabhāvaṁ na jahati atītaṁ viññāṇaṁ aniccaṁ adhuvaṁ asassataṁ vipariṇāmadhammanti?
kv1.6:41.2Āmantā.
kv1.6:41.3Nibbānaṁ atthi nibbānaṁ nibbānabhāvaṁ na jahati nibbānaṁ aniccaṁ adhuvaṁ asassataṁ vipariṇāmadhammanti?
kv1.6:41.4Na hevaṁ vattabbe …pe….
kv1.6:42.01. Vacanasodhana
kv1.6:42.1Atītaṁ nvatthīti?
kv1.6:42.2Āmantā.
kv1.6:42.3Hañci atītaṁ nvatthi, atītaṁ atthīti micchā.
kv1.6:42.4Hañci vā pana atthi nvātītaṁ, atthi atītanti micchā.
kv1.6:42.5Anāgataṁ nvatthīti?
kv1.6:42.6Āmantā.
kv1.6:42.7Hañci anāgataṁ nvatthi, anāgataṁ atthīti micchā.
kv1.6:42.8Hañci vā pana atthi nvānāgataṁ, atthi anāgatanti micchā.
kv1.6:43.1Anāgataṁ hutvā paccuppannaṁ hotīti?
kv1.6:43.2Āmantā.
kv1.6:43.3Taññeva anāgataṁ taṁ paccuppannanti?
kv1.6:43.4Na hevaṁ vattabbe …pe…
kv1.6:43.5taññeva anāgataṁ taṁ paccuppannanti?
kv1.6:43.6Āmantā.
kv1.6:43.7Hutvā hoti hutvā hotīti?
kv1.6:43.8Na hevaṁ vattabbe …pe…
kv1.6:43.9hutvā hoti hutvā hotīti?
kv1.6:43.10Āmantā.
kv1.6:43.11Na hutvā na hoti na hutvā na hotīti?
kv1.6:43.12Na hevaṁ vattabbe …pe….
kv1.6:44.1Paccuppannaṁ hutvā atītaṁ hotīti?
kv1.6:44.2Āmantā.
kv1.6:44.3Taññeva paccuppannaṁ taṁ atītanti?
kv1.6:44.4Na hevaṁ vattabbe …pe…
kv1.6:44.5taññeva paccuppannaṁ taṁ atītanti?
kv1.6:44.6Āmantā.
kv1.6:44.7Hutvā hoti hutvā hotīti?
kv1.6:44.8Na hevaṁ vattabbe …pe…
kv1.6:44.9hutvā hoti hutvā hotīti?
kv1.6:44.10Āmantā.
kv1.6:44.11Na hutvā na hoti na hutvā na hotīti?
kv1.6:44.12Na hevaṁ vattabbe …pe….
kv1.6:45.1Anāgataṁ hutvā paccuppannaṁ hoti, paccuppannaṁ hutvā atītaṁ hotīti?
kv1.6:45.2Āmantā.
kv1.6:45.3Taññeva anāgataṁ taṁ paccuppannaṁ taṁ atītanti?
kv1.6:45.4Na hevaṁ vattabbe …pe…
kv1.6:45.5taññeva anāgataṁ taṁ paccuppannaṁ taṁ atītanti?
kv1.6:45.6Āmantā.
kv1.6:45.7Hutvā hoti hutvā hotīti?
kv1.6:45.8Na hevaṁ vattabbe …pe…
kv1.6:45.9hutvā hoti hutvā hotīti?
kv1.6:45.10Āmantā.
kv1.6:45.11Na hutvā na hoti na hutvā na hotīti?
kv1.6:45.12Na hevaṁ vattabbe.
kv1.6:46.02. Atītacakkhurūpādikathā
kv1.6:46.1Atītaṁ cakkhuṁ atthi rūpā atthi cakkhuviññāṇaṁ atthi āloko atthi manasikāro atthīti?
kv1.6:46.2Āmantā.
kv1.6:46.3Atītena cakkhunā atītaṁ rūpaṁ passatīti?
kv1.6:46.4Na hevaṁ vattabbe …pe…
kv1.6:46.5atītaṁ sotaṁ atthi saddā atthi sotaviññāṇaṁ atthi ākāso atthi manasikāro atthīti?
kv1.6:46.6Āmantā.
kv1.6:46.7Atītena sotena atītaṁ saddaṁ suṇātīti?
kv1.6:46.8Na hevaṁ vattabbe …pe…
kv1.6:46.9atītaṁ ghānaṁ atthi gandhā atthi ghānaviññāṇaṁ atthi vāyo atthi manasikāro atthīti?
kv1.6:46.10Āmantā.
kv1.6:46.11Atītena ghānena atītaṁ gandhaṁ ghāyatīti?
kv1.6:46.12Na hevaṁ vattabbe …pe…
kv1.6:46.13atītā jivhā atthi rasā atthi jivhāviññāṇaṁ atthi āpo atthi manasikāro atthīti?
kv1.6:46.14Āmantā.
kv1.6:46.15Atītāya jivhāya atītaṁ rasaṁ sāyatīti?
kv1.6:46.16Na hevaṁ vattabbe …pe…
kv1.6:46.17atīto kāyo atthi phoṭṭhabbā atthi kāyaviññāṇaṁ atthi pathavī atthi manasikāro atthīti?
kv1.6:46.18Āmantā.
kv1.6:46.19Atītena kāyena atītaṁ phoṭṭhabbaṁ phusatīti?
kv1.6:46.20Na hevaṁ vattabbe …pe…
kv1.6:46.21atīto mano atthi dhammā atthi manoviññāṇaṁ atthi vatthuṁ atthi manasikāro atthīti?
kv1.6:46.22Āmantā.
kv1.6:46.23Atītena manena atītaṁ dhammaṁ vijānātīti?
kv1.6:46.24Na hevaṁ vattabbe …pe….
kv1.6:47.1Anāgataṁ cakkhuṁ atthi rūpā atthi cakkhuviññāṇaṁ atthi āloko atthi manasikāro atthīti?
kv1.6:47.2Āmantā.
kv1.6:47.3Anāgatena cakkhunā anāgataṁ rūpaṁ passatīti?
kv1.6:47.4Na hevaṁ vattabbe …pe…
kv1.6:47.5anāgataṁ sotaṁ atthi …
kv1.6:47.6ghānaṁ atthi …
kv1.6:47.7jivhā atthi …
kv1.6:47.8kāyo atthi …
kv1.6:47.9mano atthi dhammā atthi manoviññāṇaṁ atthi vatthuṁ atthi manasikāro atthīti?
kv1.6:47.10Āmantā.
kv1.6:47.11Anāgatena manena anāgataṁ dhammaṁ vijānātīti?
kv1.6:47.12Na hevaṁ vattabbe …pe….
kv1.6:48.1Paccuppannaṁ cakkhuṁ atthi rūpā atthi cakkhuviññāṇaṁ atthi āloko atthi manasikāro atthi, paccuppannena cakkhunā paccuppannaṁ rūpaṁ passatīti?
kv1.6:48.2Āmantā.
kv1.6:48.3Atītaṁ cakkhuṁ atthi rūpā atthi cakkhuviññāṇaṁ atthi āloko atthi manasikāro atthi, atītena cakkhunā atītaṁ rūpaṁ passatīti?
kv1.6:48.4Na hevaṁ vattabbe …pe….
kv1.6:48.5Paccuppannaṁ sotaṁ atthi …
kv1.6:48.6ghānaṁ atthi …
kv1.6:48.7jivhā atthi …
kv1.6:48.8kāyo atthi …
kv1.6:48.9mano atthi dhammā atthi manoviññāṇaṁ atthi vatthuṁ atthi manasikāro atthi, paccuppannena manena paccuppannaṁ dhammaṁ vijānātīti?
kv1.6:48.10Āmantā.
kv1.6:48.11Atīto mano atthi dhammā atthi manoviññāṇaṁ atthi vatthuṁ atthi manasikāro atthi, atītena manena atītaṁ dhammaṁ vijānātīti?
kv1.6:48.12Na hevaṁ vattabbe …pe….
kv1.6:49.1Paccuppannaṁ cakkhuṁ atthi rūpā atthi cakkhuviññāṇaṁ atthi āloko atthi manasikāro atthi, paccuppannena cakkhunā paccuppannaṁ rūpaṁ passatīti?
kv1.6:49.2Āmantā.
kv1.6:49.3Anāgataṁ cakkhuṁ atthi rūpā atthi cakkhuviññāṇaṁ atthi āloko atthi manasikāro atthi, anāgatena cakkhunā anāgataṁ rūpaṁ passatīti?
kv1.6:49.4Na hevaṁ vattabbe …pe…
kv1.6:49.5paccuppannaṁ sotaṁ atthi …
kv1.6:49.6ghānaṁ atthi …
kv1.6:49.7jivhā atthi …
kv1.6:49.8kāyo atthi …
kv1.6:49.9mano atthi dhammā atthi manoviññāṇaṁ atthi vatthuṁ atthi manasikāro atthi, paccuppannena manena paccuppannaṁ dhammaṁ vijānātīti?
kv1.6:49.10Āmantā.
kv1.6:49.11Anāgato mano atthi dhammā atthi manoviññāṇaṁ atthi vatthuṁ atthi manasikāro atthi, anāgatena manena anāgataṁ dhammaṁ vijānātīti?
kv1.6:49.12Na hevaṁ vattabbe …pe….
kv1.6:50.1Atītaṁ cakkhuṁ atthi rūpā atthi cakkhuviññāṇaṁ atthi āloko atthi manasikāro atthi, na ca atītena cakkhunā atītaṁ rūpaṁ passatīti?
kv1.6:50.2Āmantā.
kv1.6:50.3Paccuppannaṁ cakkhuṁ atthi rūpā atthi cakkhuviññāṇaṁ atthi āloko atthi manasikāro atthi, na ca paccuppannena cakkhunā paccuppannaṁ rūpaṁ passatīti?
kv1.6:50.4Na hevaṁ vattabbe …pe…
kv1.6:50.5atītaṁ sotaṁ atthi …
kv1.6:50.6ghānaṁ atthi …
kv1.6:50.7jivhā atthi …
kv1.6:50.8kāyo atthi …
kv1.6:50.9mano atthi dhammā atthi manoviññāṇaṁ atthi vatthuṁ atthi manasikāro atthi, na ca atītena manena atītaṁ dhammaṁ vijānātīti?
kv1.6:50.10Āmantā.
kv1.6:50.11Paccuppanno mano atthi dhammā atthi manoviññāṇaṁ atthi vatthuṁ atthi manasikāro atthi, na ca paccuppannena manena paccuppannaṁ dhammaṁ vijānātīti?
kv1.6:50.12Na hevaṁ vattabbe …pe….
kv1.6:51.1Anāgataṁ cakkhuṁ atthi rūpā atthi cakkhuviññāṇaṁ atthi āloko atthi manasikāro atthi, na ca anāgatena cakkhunā anāgataṁ rūpaṁ passatīti?
kv1.6:51.2Āmantā.
kv1.6:51.3Paccuppannaṁ cakkhuṁ atthi rūpā atthi cakkhuviññāṇaṁ atthi āloko atthi manasikāro atthi, na ca paccuppannena cakkhunā paccuppannaṁ rūpaṁ passatīti?
kv1.6:51.4Na hevaṁ vattabbe …pe…
kv1.6:51.5anāgataṁ sotaṁ atthi …
kv1.6:51.6ghānaṁ atthi …
kv1.6:51.7jivhā atthi …
kv1.6:51.8kāyo atthi …
kv1.6:51.9mano atthi dhammā atthi manoviññāṇaṁ atthi vatthuṁ atthi manasikāro atthi, na ca anāgatena manena anāgataṁ dhammaṁ vijānātīti?
kv1.6:51.10Āmantā.
kv1.6:51.11Paccuppanno mano atthi dhammā atthi manoviññāṇaṁ atthi vatthuṁ atthi manasikāro atthi, na ca paccuppannena manena paccuppannaṁ dhammaṁ vijānātīti?
kv1.6:51.12Na hevaṁ vattabbe …pe….
kv1.6:52.03. Atītañāṇādikathā
kv1.6:52.1Atītaṁ ñāṇaṁ atthīti?
kv1.6:52.2Āmantā.
kv1.6:52.3Tena ñāṇena ñāṇakaraṇīyaṁ karotīti?
kv1.6:52.4Na hevaṁ vattabbe …pe…
kv1.6:52.5tena ñāṇena ñāṇakaraṇīyaṁ karotīti?
kv1.6:52.6Āmantā.
kv1.6:52.7Tena ñāṇena dukkhaṁ parijānāti, samudayaṁ pajahati, nirodhaṁ sacchikaroti, maggaṁ bhāvetīti?
kv1.6:52.8Na hevaṁ vattabbe …pe….
kv1.6:53.1Anāgataṁ ñāṇaṁ atthīti?
kv1.6:53.2Āmantā.
kv1.6:53.3Tena ñāṇena ñāṇakaraṇīyaṁ karotīti?
kv1.6:53.4Na hevaṁ vattabbe …pe…
kv1.6:53.5tena ñāṇena ñāṇakaraṇīyaṁ karotīti?
kv1.6:53.6Āmantā.
kv1.6:53.7Tena ñāṇena dukkhaṁ parijānāti, samudayaṁ pajahati, nirodhaṁ sacchikaroti, maggaṁ bhāvetīti?
kv1.6:53.8Na hevaṁ vattabbe …pe….
kv1.6:54.1Paccuppannaṁ ñāṇaṁ atthi, tena ñāṇena ñāṇakaraṇīyaṁ karotīti?
kv1.6:54.2Āmantā.
kv1.6:54.3Atītaṁ ñāṇaṁ atthi, tena ñāṇena ñāṇakaraṇīyaṁ karotīti?
kv1.6:54.4Na hevaṁ vattabbe …pe…
kv1.6:54.5paccuppannaṁ ñāṇaṁ atthi, tena ñāṇena dukkhaṁ parijānāti, samudayaṁ pajahati, nirodhaṁ sacchikaroti, maggaṁ bhāvetīti?
kv1.6:54.6Āmantā.
kv1.6:54.7Atītaṁ ñāṇaṁ atthi, tena ñāṇena dukkhaṁ parijānāti, samudayaṁ pajahati, nirodhaṁ sacchikaroti, maggaṁ bhāvetīti?
kv1.6:54.8Na hevaṁ vattabbe …pe…
kv1.6:54.9paccuppannaṁ ñāṇaṁ atthi, tena ñāṇena ñāṇakaraṇīyaṁ karotīti?
kv1.6:54.10Āmantā.
kv1.6:54.11Anāgataṁ ñāṇaṁ atthi, tena ñāṇena ñāṇakaraṇīyaṁ karotīti?
kv1.6:54.12Na hevaṁ vattabbe …pe…
kv1.6:54.13paccuppannaṁ ñāṇaṁ atthi, tena ñāṇena dukkhaṁ parijānāti, samudayaṁ pajahati, nirodhaṁ sacchikaroti, maggaṁ bhāvetīti?
kv1.6:54.14Āmantā.
kv1.6:54.15Anāgataṁ ñāṇaṁ atthi, tena ñāṇena dukkhaṁ parijānāti, samudayaṁ pajahati, nirodhaṁ sacchikaroti, maggaṁ bhāvetīti?
kv1.6:54.16Na hevaṁ vattabbe …pe….
kv1.6:55.1Atītaṁ ñāṇaṁ atthi, na ca tena ñāṇena ñāṇakaraṇīyaṁ karotīti?
kv1.6:55.2Āmantā.
kv1.6:55.3Paccuppannaṁ ñāṇaṁ atthi, na ca tena ñāṇena ñāṇakaraṇīyaṁ karotīti?
kv1.6:55.4Na hevaṁ vattabbe …pe…
kv1.6:55.5atītaṁ ñāṇaṁ atthi, na ca tena ñāṇena dukkhaṁ parijānāti, samudayaṁ pajahati, nirodhaṁ sacchikaroti, maggaṁ bhāvetīti?
kv1.6:55.6Āmantā.
kv1.6:55.7Paccuppannaṁ ñāṇaṁ atthi, na ca tena ñāṇena dukkhaṁ parijānāti, samudayaṁ pajahati, nirodhaṁ sacchikaroti, maggaṁ bhāvetīti?
kv1.6:55.8Na hevaṁ vattabbe …pe….
kv1.6:56.1Anāgataṁ ñāṇaṁ atthi, na ca tena ñāṇena ñāṇakaraṇīyaṁ karotīti?
kv1.6:56.2Āmantā.
kv1.6:56.3Paccuppannaṁ ñāṇaṁ atthi, na ca tena ñāṇena ñāṇakaraṇīyaṁ karotīti?
kv1.6:56.4Na hevaṁ vattabbe …pe….
kv1.6:56.5Anāgataṁ ñāṇaṁ atthi, na ca tena ñāṇena dukkhaṁ parijānāti, samudayaṁ pajahati, nirodhaṁ sacchikaroti, maggaṁ bhāvetīti?
kv1.6:56.6Āmantā.
kv1.6:56.7Paccuppannaṁ ñāṇaṁ atthi, na ca tena ñāṇena dukkhaṁ parijānāti, samudayaṁ pajahati, nirodhaṁ sacchikaroti, maggaṁ bhāvetīti?
kv1.6:56.8Na hevaṁ vattabbe …pe….
kv1.6:57.04. Arahantādikathā
kv1.6:57.1Arahato atīto rāgo atthīti?
kv1.6:57.2Āmantā.
kv1.6:57.3Arahā tena rāgena sarāgoti?
kv1.6:57.4Na hevaṁ vattabbe …pe…
kv1.6:57.5arahato atīto doso atthīti?
kv1.6:57.6Āmantā.
kv1.6:57.7Arahā tena dosena sadosoti?
kv1.6:57.8Na hevaṁ vattabbe …pe…
kv1.6:57.9arahato atīto moho atthīti?
kv1.6:57.10Āmantā.
kv1.6:57.11Arahā tena mohena samohoti?
kv1.6:57.12Na hevaṁ vattabbe …pe…
kv1.6:57.13arahato atīto māno atthīti?
kv1.6:57.14Āmantā.
kv1.6:57.15Arahā tena mānena samānoti?
kv1.6:57.16Na hevaṁ vattabbe …pe…
kv1.6:57.17arahato atītā diṭṭhi atthīti?
kv1.6:57.18Āmantā.
kv1.6:57.19Arahā tāya diṭṭhiyā sadiṭṭhikoti?
kv1.6:57.20Na hevaṁ vattabbe …pe…
kv1.6:57.21arahato atītā vicikicchā atthīti?
kv1.6:57.22Āmantā.
kv1.6:57.23Arahā tāya vicikicchāya savicikicchoti?
kv1.6:57.24Na hevaṁ vattabbe …pe…
kv1.6:57.25arahato atītaṁ thinaṁ atthīti?
kv1.6:57.26Āmantā.
kv1.6:57.27Arahā tena thinena sathinoti?
kv1.6:57.28Na hevaṁ vattabbe …pe…
kv1.6:57.29arahato atītaṁ uddhaccaṁ atthīti?
kv1.6:57.30Āmantā.
kv1.6:57.31Arahā tena uddhaccena sauddhaccoti?
kv1.6:57.32Na hevaṁ vattabbe …pe…
kv1.6:57.33arahato atītaṁ ahirikaṁ atthīti?
kv1.6:57.34Āmantā.
kv1.6:57.35Arahā tena ahirikena saahirikoti?
kv1.6:57.36Na hevaṁ vattabbe …pe…
kv1.6:57.37arahato atītaṁ anottappaṁ atthīti?
kv1.6:57.38Āmantā.
kv1.6:57.39Arahā tena anottappena saanottappīti?
kv1.6:57.40Na hevaṁ vattabbe …pe….
kv1.6:58.1Anāgāmissa atītā sakkāyadiṭṭhi atthīti?
kv1.6:58.2Āmantā.
kv1.6:58.3Anāgāmī tāya diṭṭhiyā sadiṭṭhikoti?
kv1.6:58.4Na hevaṁ vattabbe …pe…
kv1.6:58.5anāgāmissa atītā vicikicchā atthi …
kv1.6:58.6atīto sīlabbataparāmāso atthi …
kv1.6:58.7atīto aṇusahagato kāmarāgo atthi …
kv1.6:58.8atīto aṇusahagato byāpādo atthīti?
kv1.6:58.9Āmantā.
kv1.6:58.10Anāgāmī tena byāpādena byāpannacittoti?
kv1.6:58.11Na hevaṁ vattabbe …pe….
kv1.6:59.1Sakadāgāmissa atītā sakkāyadiṭṭhi atthīti?
kv1.6:59.2Āmantā.
kv1.6:59.3Sakadāgāmī tāya diṭṭhiyā sadiṭṭhikoti?
kv1.6:59.4Na hevaṁ vattabbe …pe…
kv1.6:59.5sakadāgāmissa atītā vicikicchā atthi …
kv1.6:59.6atīto sīlabbataparāmāso atthi …
kv1.6:59.7atīto oḷāriko kāmarāgo atthi …
kv1.6:59.8atīto oḷāriko byāpādo atthīti?
kv1.6:59.9Āmantā.
kv1.6:59.10Sakadāgāmī tena byāpādena byāpannacittoti?
kv1.6:59.11Na hevaṁ vattabbe …pe….
kv1.6:60.1Sotāpannassa atītā sakkāyadiṭṭhi atthīti?
kv1.6:60.2Āmantā.
kv1.6:60.3Sotāpanno tāya diṭṭhiyā sadiṭṭhikoti?
kv1.6:60.4Na hevaṁ vattabbe …pe…
kv1.6:60.5sotāpannassa atītā vicikicchā atthi …
kv1.6:60.6atīto sīlabbataparāmāso atthi …
kv1.6:60.7atīto apāyagamanīyo rāgo atthi …
kv1.6:60.8atīto apāyagamanīyo doso atthi …
kv1.6:60.9atīto apāyagamanīyo moho atthīti?
kv1.6:60.10Āmantā.
kv1.6:60.11Sotāpanno tena mohena samohoti?
kv1.6:60.12Na hevaṁ vattabbe …pe….
kv1.6:61.1Puthujjanassa atīto rāgo atthi, puthujjano tena rāgena sarāgoti?
kv1.6:61.2Āmantā.
kv1.6:61.3Arahato atīto rāgo atthi, arahā tena rāgena sarāgoti?
kv1.6:61.4Na hevaṁ vattabbe …pe…
kv1.6:61.5puthujjanassa atīto doso atthi …pe…
kv1.6:61.6atītaṁ anottappaṁ atthi puthujjano tena anottappena anottappīti?
kv1.6:61.7Āmantā.
kv1.6:61.8Arahato atītaṁ anottappaṁ atthi, arahā tena anottappena anottappīti?
kv1.6:61.9Na hevaṁ vattabbe …pe….
kv1.6:62.1Puthujjanassa atītā sakkāyadiṭṭhi atthi, puthujjano tāya diṭṭhiyā sadiṭṭhikoti?
kv1.6:62.2Āmantā.
kv1.6:62.3Anāgāmissa atītā sakkāyadiṭṭhi atthi, anāgāmī tāya diṭṭhiyā sadiṭṭhikoti?
kv1.6:62.4Na hevaṁ vattabbe …pe…
kv1.6:62.5puthujjanassa atītā vicikicchā atthi …pe…
kv1.6:62.6atīto aṇusahagato byāpādo atthi, puthujjano tena byāpādena byāpannacittoti?
kv1.6:62.7Āmantā.
kv1.6:62.8Anāgāmissa atīto aṇusahagato byāpādo atthi, anāgāmī tena byāpādena byāpannacittoti?
kv1.6:62.9Na hevaṁ vattabbe …pe….
kv1.6:63.1Puthujjanassa atītā sakkāyadiṭṭhi atthi, puthujjano tāya diṭṭhiyā sadiṭṭhikoti?
kv1.6:63.2Āmantā.
kv1.6:63.3Sakadāgāmissa atītā sakkāyadiṭṭhi atthi, sakadāgāmī tāya diṭṭhiyā sadiṭṭhikoti?
kv1.6:63.4Na hevaṁ vattabbe …pe…
kv1.6:63.5puthujjanassa atītā vicikicchā atthi …
kv1.6:63.6atīto oḷāriko byāpādo atthi, puthujjano tena byāpādena byāpannacittoti?
kv1.6:63.7Āmantā.
kv1.6:63.8Sakadāgāmissa atīto oḷāriko byāpādo atthi, sakadāgāmī tena byāpādena byāpannacittoti?
kv1.6:63.9Na hevaṁ vattabbe …pe….
kv1.6:64.1Puthujjanassa atītā sakkāyadiṭṭhi atthi, puthujjano tāya diṭṭhiyā sadiṭṭhikoti?
kv1.6:64.2Āmantā.
kv1.6:64.3Sotāpannassa atītā sakkāyadiṭṭhi atthi, sotāpanno tāya diṭṭhiyā sadiṭṭhikoti?
kv1.6:64.4Na hevaṁ vattabbe …pe…
kv1.6:64.5puthujjanassa atītā vicikicchā atthi …pe…
kv1.6:64.6atīto apāyagamanīyo moho atthi, puthujjano tena mohena samohoti?
kv1.6:64.7Āmantā.
kv1.6:64.8Sotāpannassa atīto apāyagamanīyo moho atthi, sotāpanno tena mohena samohoti?
kv1.6:64.9Na hevaṁ vattabbe …pe….
kv1.6:65.1Arahato atīto rāgo atthi, na ca arahā tena rāgena sarāgoti?
kv1.6:65.2Āmantā.
kv1.6:65.3Puthujjanassa atīto rāgo atthi, na ca puthujjano tena rāgena sarāgoti?
kv1.6:65.4Na hevaṁ vattabbe …pe…
kv1.6:65.5arahato atīto doso atthi …pe…
kv1.6:65.6atītaṁ anottappaṁ atthi, na ca arahā tena anottappena anottappīti?
kv1.6:65.7Āmantā.
kv1.6:65.8Puthujjanassa atītaṁ anottappaṁ atthi, na ca puthujjano tena anottappena anottappīti?
kv1.6:65.9Na hevaṁ vattabbe …pe….
kv1.6:66.1Anāgāmissa atītā sakkāyadiṭṭhi atthi, na ca anāgāmī tāya diṭṭhiyā sadiṭṭhikoti?
kv1.6:66.2Āmantā.
kv1.6:66.3Puthujjanassa atītā sakkāyadiṭṭhi atthi, na ca puthujjano tāya diṭṭhiyā sadiṭṭhikoti?
kv1.6:66.4Na hevaṁ vattabbe …pe…
kv1.6:66.5anāgāmissa atītā vicikicchā atthi …pe…
kv1.6:66.6atīto aṇusahagato byāpādo atthi, na ca anāgāmī tena byāpādena byāpannacittoti?
kv1.6:66.7Āmantā.
kv1.6:66.8Puthujjanassa atīto aṇusahagato byāpādo atthi, na ca puthujjano tena byāpādena byāpannacittoti?
kv1.6:66.9Na hevaṁ vattabbe …pe….
kv1.6:67.1Sakadāgāmissa atītā sakkāyadiṭṭhi atthi, na ca sakadāgāmī tāya diṭṭhiyā sadiṭṭhikoti?
kv1.6:67.2Āmantā.
kv1.6:67.3Puthujjanassa atītā sakkāyadiṭṭhi atthi, na ca puthujjano tāya diṭṭhiyā sadiṭṭhikoti?
kv1.6:67.4Na hevaṁ vattabbe …pe…
kv1.6:67.5sakadāgāmissa atītā vicikicchā atthi …pe…
kv1.6:67.6atīto oḷāriko byāpādo atthi, na ca sakadāgāmī tena byāpādena byāpannacittoti?
kv1.6:67.7Āmantā.
kv1.6:67.8Puthujjanassa atīto oḷāriko byāpādo atthi, na ca puthujjano tena byāpādena byāpannacittoti?
kv1.6:67.9Na hevaṁ vattabbe …pe….
kv1.6:68.1Sotāpannassa atītā sakkāyadiṭṭhi atthi, na ca sotāpanno tāya diṭṭhiyā sadiṭṭhikoti?
kv1.6:68.2Āmantā.
kv1.6:68.3Puthujjanassa atītā sakkāyadiṭṭhi atthi, na ca puthujjano tāya diṭṭhiyā sadiṭṭhikoti?
kv1.6:68.4Na hevaṁ vattabbe …pe…
kv1.6:68.5sotāpannassa atītā vicikicchā atthi …pe…
kv1.6:68.6atīto apāyagamanīyo moho atthi, na ca sotāpanno tena mohena samohoti?
kv1.6:68.7Āmantā.
kv1.6:68.8Puthujjanassa atīto apāyagamanīyo moho atthi, na ca puthujjano tena mohena samohoti?
kv1.6:68.9Na hevaṁ vattabbe …pe….
kv1.6:69.05. Atītahatthādikathā
kv1.6:69.1Atītā hatthā atthīti?
kv1.6:69.2Āmantā.
kv1.6:69.3Atītesu hatthesu sati ādānanikkhepanaṁ paññāyatīti?
kv1.6:69.4Na hevaṁ vattabbe …pe…
kv1.6:69.5atītā pādā atthīti?
kv1.6:69.6Āmantā.
kv1.6:69.7Atītesu pādesu sati abhikkamapaṭikkamo paññāyatīti?
kv1.6:69.8Na hevaṁ vattabbe …pe…
kv1.6:69.9atītā pabbā atthīti?
kv1.6:69.10Āmantā.
kv1.6:69.11Atītesu pabbesu sati samiñjanapasāraṇaṁ paññāyatīti?
kv1.6:69.12Na hevaṁ vattabbe …pe…
kv1.6:69.13atīto kucchi atthīti?
kv1.6:69.14Āmantā.
kv1.6:69.15Atītasmiṁ kucchismiṁ sati jighacchā pipāsā paññāyatīti?
kv1.6:69.16Na hevaṁ vattabbe …pe….
kv1.6:70.1Atīto kāyo atthīti?
kv1.6:70.2Āmantā.
kv1.6:70.3Atīto kāyo paggahaniggahupago chedanabhedanupago kākehi gijjhehi kulalehi sādhāraṇoti?
kv1.6:70.4Na hevaṁ vattabbe …pe…
kv1.6:70.5atīte kāye visaṁ kameyya, satthaṁ kameyya, aggi kameyyāti?
kv1.6:70.6Na hevaṁ vattabbe …pe…
kv1.6:70.7labbhā atīto kāyo addubandhanena bandhituṁ, rajjubandhanena bandhituṁ, saṅkhalikabandhanena bandhituṁ, gāmabandhanena bandhituṁ, nigamabandhanena bandhituṁ, nagarabandhanena bandhituṁ, janapadabandhanena bandhituṁ, kaṇṭhapañcamehi bandhanehi bandhitunti?
kv1.6:70.8Na hevaṁ vattabbe …pe….
kv1.6:71.1Atīto āpo atthīti?
kv1.6:71.2Āmantā.
kv1.6:71.3Tena āpena āpakaraṇīyaṁ karotīti?
kv1.6:71.4Na hevaṁ vattabbe …pe…
kv1.6:71.5atīto tejo atthīti?
kv1.6:71.6Āmantā.
kv1.6:71.7Tena tejena tejakaraṇīyaṁ karotīti?
kv1.6:71.8Na hevaṁ vattabbe …pe…
kv1.6:71.9atīto vāyo atthīti?
kv1.6:71.10Āmantā.
kv1.6:71.11Tena vāyena vāyakaraṇīyaṁ karotīti?
kv1.6:71.12Na hevaṁ vattabbe …pe….
kv1.6:72.06. Atītakkhandhādisamodhānakathā
kv1.6:72.1Atīto rūpakkhandho atthi, anāgato rūpakkhandho atthi, paccuppanno rūpakkhandho atthīti?
kv1.6:72.2Āmantā.
kv1.6:72.3Tayo rūpakkhandhāti?
kv1.6:72.4Na hevaṁ vattabbe …pe…
kv1.6:72.5atītā pañcakkhandhā atthi, anāgatā pañcakkhandhā atthi, paccuppannā pañcakkhandhā atthīti?
kv1.6:72.6Āmantā.
kv1.6:72.7Pannarasakkhandhāti?
kv1.6:72.8Na hevaṁ vattabbe …pe….
kv1.6:73.1Atītaṁ cakkhāyatanaṁ atthi, anāgataṁ cakkhāyatanaṁ atthi, paccuppannaṁ cakkhāyatanaṁ atthīti?
kv1.6:73.2Āmantā.
kv1.6:73.3Tīṇi cakkhāyatanānīti?
kv1.6:73.4Na hevaṁ vattabbe …pe…
kv1.6:73.5atītāni dvādasāyatanāni atthi, anāgatāni dvādasāyatanāni atthi, paccuppannāni dvādasāyatanāni atthīti?
kv1.6:73.6Āmantā.
kv1.6:73.7Chattiṁsāyatanānīti?
kv1.6:73.8Na hevaṁ vattabbe …pe….
kv1.6:74.1Atītā cakkhudhātu atthi, anāgatā cakkhudhātu atthi, paccuppannā cakkhudhātu atthīti?
kv1.6:74.2Āmantā.
kv1.6:74.3Tisso cakkhudhātuyoti?
kv1.6:74.4Na hevaṁ vattabbe …pe…
kv1.6:74.5atītā aṭṭhārasa dhātuyo atthi, anāgatā aṭṭhārasa dhātuyo atthi, paccuppannā aṭṭhārasa dhātuyo atthīti?
kv1.6:74.6Āmantā.
kv1.6:74.7Catupaññāsa dhātuyoti?
kv1.6:74.8Na hevaṁ vattabbe …pe….
kv1.6:75.1Atītaṁ cakkhundriyaṁ atthi, anāgataṁ cakkhundriyaṁ atthi, paccuppannaṁ cakkhundriyaṁ atthīti?
kv1.6:75.2Āmantā.
kv1.6:75.3Tīṇi cakkhundriyānīti?
kv1.6:75.4Na hevaṁ vattabbe …pe…
kv1.6:75.5atītāni bāvīsatindriyāni atthi, anāgatāni bāvīsatindriyāni atthi, paccuppannāni bāvīsatindriyāni atthīti?
kv1.6:75.6Āmantā.
kv1.6:75.7Chasaṭṭhindriyānīti?
kv1.6:75.8Na hevaṁ vattabbe …pe….
kv1.6:76.1Atīto rājā cakkavattī atthi, anāgato rājā cakkavattī atthi, paccuppanno rājā cakkavattī atthīti?
kv1.6:76.2Āmantā.
kv1.6:76.3Tiṇṇannaṁ rājūnaṁ cakkavattīnaṁ sammukhībhāvo hotīti?
kv1.6:76.4Na hevaṁ vattabbe …pe….
kv1.6:77.1Atīto sammāsambuddho atthi, anāgato sammāsambuddho atthi, paccuppanno sammāsambuddho atthīti?
kv1.6:77.2Āmantā.
kv1.6:77.3Tiṇṇannaṁ sammāsambuddhānaṁ sammukhībhāvo hotīti?
kv1.6:77.4Na hevaṁ vattabbe …pe….
kv1.6:78.07. Padasodhanakathā
kv1.6:78.1Atītaṁ atthīti?
kv1.6:78.2Āmantā.
kv1.6:78.3Atthi atītanti?
kv1.6:78.4Atthi siyā atītaṁ, siyā nvātītanti.
kv1.6:79.1Ājānāhi niggahaṁ.
kv1.6:79.2Hañci atītaṁ atthi, atthi siyā atītaṁ, siyā nvātītaṁ, tenātītaṁ nvātītaṁ, nvātītaṁ atītanti.
kv1.6:79.3Yaṁ tattha vadesi—
kv1.6:79.4“vattabbe kho—
kv1.6:79.5‘atītaṁ atthi atthi siyā atītaṁ, siyā nvātītaṁ, tenātītaṁ nvātītaṁ, nvātītaṁ atītan’”ti micchā.
kv1.6:80.1No ce pana atītaṁ nvātītaṁ nvātītaṁ atītanti, no ca vata re vattabbe—
kv1.6:80.2“atītaṁ atthi atthi siyā atītaṁ, siyā nvātītan”ti.
kv1.6:80.3Yaṁ tattha vadesi—
kv1.6:80.4“vattabbe kho—
kv1.6:80.5‘atītaṁ atthi atthi siyā atītaṁ, siyā nvātītaṁ, tenātītaṁ nvātītaṁ, nvātītaṁ atītan’”ti micchā.
kv1.6:81.1Anāgataṁ atthīti?
kv1.6:81.2Āmantā.
kv1.6:81.3Atthi anāgatanti?
kv1.6:81.4Atthi siyā anāgataṁ, siyā nvānāgatanti.
kv1.6:82.1Ājānāhi niggahaṁ.
kv1.6:82.2Hañci anāgataṁ atthi atthi siyā anāgataṁ siyā nvānāgataṁ, tenānāgataṁ nvānāgataṁ, nvānāgataṁ anāgatanti.
kv1.6:82.3Yaṁ tattha vadesi—
kv1.6:82.4“vattabbe kho—
kv1.6:82.5‘anāgataṁ atthi atthi siyā anāgataṁ, siyā nvānāgataṁ, tenānāgataṁ nvānāgataṁ, nvānāgataṁ anāgatan’”ti micchā.
kv1.6:83.1No ce panānāgataṁ nvānāgataṁ nvānāgataṁ anāgatanti, no ca vata re vattabbe—
kv1.6:83.2“anāgataṁ atthi atthi siyā anāgataṁ, siyā nvānāgatan”ti.
kv1.6:83.3Yaṁ tattha vadesi—
kv1.6:83.4“vattabbe kho—
kv1.6:83.5‘anāgataṁ atthi atthi siyā anāgataṁ, siyā nvānāgataṁ, tenānāgataṁ nvānāgataṁ, nvānāgataṁ anāgatan’”ti micchā.
kv1.6:84.1Paccuppannaṁ atthīti?
kv1.6:84.2Āmantā.
kv1.6:84.3Atthi paccuppannanti?
kv1.6:84.4Atthi siyā paccuppannaṁ, siyā no paccuppannanti.
kv1.6:85.1Ājānāhi niggahaṁ.
kv1.6:85.2Hañci paccuppannaṁ atthi atthi siyā paccuppannaṁ, siyā no paccuppannaṁ, tena paccuppannaṁ, no paccuppannaṁ, no paccuppannaṁ paccuppannanti.
kv1.6:85.3Yaṁ tattha vadesi—
kv1.6:85.4“vattabbe kho—
kv1.6:85.5‘paccuppannaṁ atthi atthi siyā paccuppannaṁ, siyā no paccuppannaṁ, tena paccuppannaṁ no paccuppannaṁ, no paccuppannaṁ paccuppannan’”ti micchā.
kv1.6:86.1No ce pana paccuppannaṁ no paccuppannaṁ, no paccuppannaṁ paccuppannanti, no ca vata re vattabbe—
kv1.6:86.2“paccuppannaṁ atthi atthi siyā paccuppannaṁ, siyā no paccuppannan”ti.
kv1.6:86.3Yaṁ tattha vadesi—
kv1.6:86.4“vattabbe kho—
kv1.6:86.5‘paccuppannaṁ atthi atthi siyā paccuppannaṁ, siyā no paccuppannaṁ, tena paccuppannaṁ no paccuppannaṁ, no paccuppannaṁ paccuppannan’”ti micchā.
kv1.6:87.1Nibbānaṁ atthīti?
kv1.6:87.2Āmantā.
kv1.6:87.3Atthi nibbānanti?
kv1.6:87.4Atthi siyā nibbānaṁ siyā no nibbānanti.
kv1.6:88.1Ājānāhi niggahaṁ.
kv1.6:88.2Hañci nibbānaṁ atthi atthi siyā nibbānaṁ, siyā no nibbānaṁ, tena nibbānaṁ no nibbānaṁ, no nibbānaṁ nibbānanti.
kv1.6:88.3Yaṁ tattha vadesi—
kv1.6:88.4“vattabbe kho—
kv1.6:88.5‘nibbānaṁ atthi atthi siyā nibbānaṁ, siyā no nibbānaṁ, tena nibbānaṁ no nibbānaṁ, no nibbānaṁ nibbānan’”ti micchā.
kv1.6:89.1No ce pana nibbānaṁ no nibbānaṁ, no nibbānaṁ nibbānanti, no ca vata re vattabbe—
kv1.6:89.2“nibbānaṁ atthi atthi siyā nibbānaṁ, siyā no nibbānan”ti.
kv1.6:89.3Yaṁ tattha vadesi—
kv1.6:89.4“vattabbe kho—
kv1.6:89.5‘nibbānaṁ atthi atthi siyā nibbānaṁ, siyā no nibbānaṁ, tena nibbānaṁ no nibbānaṁ, no nibbānaṁ nibbānan’”ti micchā.
kv1.6:90.08. Suttasādhana
kv1.6:90.1Na vattabbaṁ—
kv1.6:90.2“atītaṁ atthi, anāgataṁ atthī”ti?
kv1.6:90.3Āmantā.
kv1.6:90.4Nanu vuttaṁ bhagavatā—
kv1.6:90.5“yaṁ kiñci, bhikkhave, rūpaṁ atītānāgatapaccuppannaṁ ajjhattaṁ vā bahiddhā vā oḷārikaṁ vā sukhumaṁ vā hīnaṁ vā paṇītaṁ vā yaṁ dūre santike vā—
kv1.6:90.6ayaṁ vuccati rūpakkhandho.
kv1.6:90.7Yā kāci vedanā …
kv1.6:90.8yā kāci saññā …
kv1.6:90.9ye keci saṅkhārā …
kv1.6:90.10yaṁ kiñci viññāṇaṁ atītānāgatapaccuppannaṁ ajjhattaṁ vā bahiddhā vā oḷārikaṁ vā sukhumaṁ vā hīnaṁ vā paṇītaṁ vā yaṁ dūre santike vā—
kv1.6:90.11ayaṁ vuccati viññāṇakkhandho”ti.
kv1.6:90.12Attheva suttantoti?
kv1.6:90.13Āmantā.
kv1.6:90.14Tena hi atītaṁ atthi, anāgataṁ atthīti.
kv1.6:91.1Atītaṁ atthi, anāgataṁ atthīti?
kv1.6:91.2Āmantā.
kv1.6:91.3Nanu vuttaṁ bhagavatā—
kv1.6:91.4“tayome, bhikkhave, niruttipathā adhivacanapathā paññattipathā asaṅkiṇṇā asaṅkiṇṇapubbā na saṅkiyanti na saṅkiyissanti appaṭikuṭṭhā samaṇehi brāhmaṇehi viññūhi.
kv1.6:91.5Katame tayo?
kv1.6:91.6Yaṁ, bhikkhave, rūpaṁ atītaṁ niruddhaṁ vigataṁ vipariṇataṁ ‘ahosī’ti tassa saṅkhā, ‘ahosī’ti tassa samaññā, ‘ahosī’ti tassa paññatti;
kv1.6:91.7na tassa saṅkhā ‘atthī’ti, na tassa saṅkhā ‘bhavissatī’ti.
kv1.6:91.8Yā vedanā …pe…
kv1.6:91.9yā saññā …
kv1.6:91.10ye saṅkhārā …
kv1.6:91.11yaṁ viññāṇaṁ atītaṁ niruddhaṁ vigataṁ vipariṇataṁ ‘ahosī’ti tassa saṅkhā, ‘ahosī’ti tassa samaññā, ‘ahosī’ti tassa paññatti;
kv1.6:91.12na tassa saṅkhā ‘atthī’ti, na tassa saṅkhā ‘bhavissatī’ti.
kv1.6:92.1Yaṁ, bhikkhave, rūpaṁ ajātaṁ apātubhūtaṁ ‘bhavissatī’ti tassa saṅkhā, ‘bhavissatī’ti tassa samaññā, ‘bhavissatī’ti tassa paññatti;
kv1.6:92.2na tassa saṅkhā ‘atthī’ti, na tassa saṅkhā ‘ahosī’ti.
kv1.6:92.3Yā vedanā …pe…
kv1.6:92.4yā saññā …
kv1.6:92.5ye saṅkhārā …
kv1.6:92.6yaṁ viññāṇaṁ ajātaṁ apātubhūtaṁ ‘bhavissatī’ti tassa saṅkhā, ‘bhavissatī’ti tassa samaññā, ‘bhavissatī’ti tassa paññatti;
kv1.6:92.7na tassa saṅkhā ‘atthī’ti, na tassa saṅkhā ‘ahosī’ti.
kv1.6:93.1Yaṁ, bhikkhave, rūpaṁ jātaṁ pātubhūtaṁ ‘atthī’ti tassa saṅkhā, ‘atthī’ti tassa samaññā, ‘atthī’ti tassa paññatti;
kv1.6:93.2na tassa saṅkhā ‘ahosī’ti, na tassa saṅkhā ‘bhavissatī’ti.
kv1.6:93.3Yā vedanā …pe…
kv1.6:93.4yā saññā …
kv1.6:93.5ye saṅkhārā …
kv1.6:93.6yaṁ viññāṇaṁ jātaṁ pātubhūtaṁ ‘atthī’ti tassa saṅkhā, ‘atthī’ti tassa samaññā, ‘atthī’ti tassa paññatti;
kv1.6:93.7na tassa saṅkhā ‘ahosī’ti, na tassa saṅkhā ‘bhavissatī’ti.
kv1.6:93.8Ime kho, bhikkhave, tayo niruttipathā adhivacanapathā paññattipathā asaṅkiṇṇā asaṅkiṇṇapubbā na saṅkiyanti na saṅkiyissanti appaṭikuṭṭhā samaṇehi brāhmaṇehi viññūhi.
kv1.6:94.1Yepi te, bhikkhave, ahesuṁ ukkalā vassabhaññā ahetukavādā akiriyavādā natthikavādā, tepime tayo niruttipathe adhivacanapathe paññattipathe na garahitabbaṁ na paṭikkositabbaṁ amaññiṁsu.
kv1.6:94.2Taṁ kissa hetu?
kv1.6:94.3Nindābyārosaupārambhabhayā”ti.
kv1.6:94.4Attheva suttantoti?
kv1.6:94.5Āmantā.
kv1.6:94.6Tena hi na vattabbaṁ—
kv1.6:94.7“atītaṁ atthi, anāgataṁ atthī”ti.
kv1.6:95.1Atītaṁ atthīti?
kv1.6:95.2Āmantā.
kv1.6:95.3Nanu āyasmā phagguno bhagavantaṁ etadavoca—
kv1.6:95.4“atthi nu kho taṁ, bhante, cakkhuṁ yena cakkhunā atīte buddhe parinibbute chinnapapañce chinnavaṭume pariyādinnavaṭṭe sabbadukkhavītivatte paññāpayamāno paññāpeyyāti.
kv1.6:95.5Atthi nu kho sā, bhante, jivhā …pe…
kv1.6:95.6atthi nu kho so, bhante, mano yena manena atīte buddhe parinibbute chinnapapañce chinnavaṭume pariyādinnavaṭṭe sabbadukkhavītivatte paññāpayamāno paññāpeyyā”ti.
kv1.6:96.1“Natthi kho taṁ, phagguna, cakkhuṁ yena cakkhunā atīte buddhe parinibbute chinnapapañce chinnavaṭume pariyādinnavaṭṭe sabbadukkhavītivatte paññāpayamāno paññāpeyya.
kv1.6:96.2Natthi kho sā, phagguna, jivhā …pe…
kv1.6:96.3natthi nu kho so, phagguna, mano yena manena atīte buddhe parinibbute chinnapapañce chinnavaṭume pariyādinnavaṭṭe sabbadukkhavītivatte paññāpayamāno paññāpeyyā”ti.
kv1.6:96.4Attheva suttantoti?
kv1.6:96.5Āmantā.
kv1.6:96.6Tena hi na vattabbaṁ—
kv1.6:96.7“atītaṁ atthī”ti.
kv1.6:97.1Atītaṁ atthīti?
kv1.6:97.2Āmantā.
kv1.6:97.3Nanu āyasmā nandako etadavoca—
kv1.6:97.4“ahu pubbe lobho tadahu akusalaṁ, so etarahi natthi, iccetaṁ kusalaṁ.
kv1.6:97.5Ahu pubbe doso …
kv1.6:97.6ahu pubbe moho, tadahu akusalaṁ, so etarahi natthi, iccetaṁ kusalan”ti.
kv1.6:97.7Attheva suttantoti?
kv1.6:97.8Āmantā.
kv1.6:97.9Tena hi na vattabbaṁ—
kv1.6:97.10“atītaṁ atthī”ti.
kv1.6:98.1Na vattabbaṁ—
kv1.6:98.2“anāgataṁ atthī”ti?
kv1.6:98.3Āmantā.
kv1.6:98.4Nanu vuttaṁ bhagavatā—
kv1.6:98.5“kabaḷīkāre ce, bhikkhave, āhāre atthi rāgo, atthi nandī, atthi taṇhā;
kv1.6:98.6patiṭṭhitaṁ tattha viññāṇaṁ virūḷhaṁ.
kv1.6:98.7Yattha patiṭṭhitaṁ viññāṇaṁ virūḷhaṁ, atthi tattha nāmarūpassa avakkanti.
kv1.6:98.8Yattha atthi nāmarūpassa avakkanti, atthi tattha saṅkhārānaṁ vuddhi.
kv1.6:98.9Yattha atthi saṅkhārānaṁ vuddhi, atthi tattha āyatiṁ punabbhavābhinibbatti.
kv1.6:98.10Yattha atthi āyatiṁ punabbhavābhinibbatti, atthi tattha āyatiṁ jātijarāmaraṇaṁ.
kv1.6:98.11Yattha atthi āyatiṁ jātijarāmaraṇaṁ, sasokaṁ taṁ, bhikkhave, sarajaṁ saupāyāsanti vadāmi.
kv1.6:99.1Phasse ce, bhikkhave, āhāre …
kv1.6:99.2manosañcetanāya ce, bhikkhave, āhāre …
kv1.6:99.3viññāṇe ce, bhikkhave, āhāre atthi rāgo, atthi nandī …pe…
kv1.6:99.4sarajaṁ saupāyāsanti vadāmī”ti.
kv1.6:99.5Attheva suttantoti?
kv1.6:99.6Āmantā.
kv1.6:99.7Tena hi anāgataṁ atthīti.
kv1.6:100.1Anāgataṁ atthīti?
kv1.6:100.2Āmantā.
kv1.6:100.3Nanu vuttaṁ bhagavatā—
kv1.6:100.4“kabaḷīkāre ce, bhikkhave, āhāre natthi rāgo, natthi nandī, natthi taṇhā;
kv1.6:100.5appatiṭṭhitaṁ tattha viññāṇaṁ avirūḷhaṁ.
kv1.6:100.6Yattha viññāṇaṁ appatiṭṭhitaṁ avirūḷhaṁ, natthi tattha nāmarūpassa avakkanti.
kv1.6:100.7Yattha natthi nāmarūpassa avakkanti, natthi tattha saṅkhārānaṁ vuddhi.
kv1.6:100.8Yattha natthi saṅkhārānaṁ vuddhi, natthi tattha āyatiṁ punabbhavābhinibbatti.
kv1.6:100.9Yattha natthi āyatiṁ punabbhavābhinibbatti, natthi tattha āyatiṁ jātijarāmaraṇaṁ.
kv1.6:100.10Yattha natthi āyatiṁ jātijarāmaraṇaṁ, asokaṁ taṁ, bhikkhave, arajaṁ anupāyāsanti vadāmi.
kv1.6:101.1Phasse ce, bhikkhave, āhāre …
kv1.6:101.2manosañcetanāya ce, bhikkhave, āhāre …
kv1.6:101.3viññāṇe ce, bhikkhave, āhāre natthi rāgo, natthi nandī …pe…
kv1.6:101.4arajaṁ anupāyāsanti vadāmī”ti.
kv1.6:101.5Attheva suttantoti?
kv1.6:101.6Āmantā.
kv1.6:101.7Tena hi na vattabbaṁ—
kv1.6:101.8“anāgataṁ atthī”ti.
kv1.6:101.9Sabbamatthītikathā niṭṭhitā.