kv2.1:0.1Kathāvatthu
kv2.1:0.2Mahāpaṇṇāsaka
kv2.1:0.3Dutiyavagga
kv2.1:0.4Parūpahārakathā
kv2.1:1.1Atthi arahato asuci sukkavissaṭṭhīti?
kv2.1:1.2Āmantā.
kv2.1:1.3Atthi arahato rāgo kāmarāgo kāmarāgapariyuṭṭhānaṁ kāmarāgasaṁyojanaṁ kāmogho kāmayogo kāmacchandanīvaraṇanti?
kv2.1:1.4Na hevaṁ vattabbe …pe….
kv2.1:2.1Natthi arahato rāgo kāmarāgo kāmarāgapariyuṭṭhānaṁ kāmarāgasaṁyojanaṁ kāmogho kāmayogo kāmacchandanīvaraṇanti?
kv2.1:2.2Āmantā.
kv2.1:2.3Hañci natthi arahato rāgo kāmarāgo kāmarāgapariyuṭṭhānaṁ kāmarāgasaṁyojanaṁ kāmogho kāmayogo kāmacchandanīvaraṇaṁ, no ca vata re vattabbe—
kv2.1:2.4“atthi arahato asuci sukkavissaṭṭhī”ti.
kv2.1:3.1Atthi puthujjanassa asuci sukkavissaṭṭhi, atthi tassa rāgo kāmarāgo kāmarāgapariyuṭṭhānaṁ kāmarāgasaṁyojanaṁ kāmogho kāmayogo kāmacchandanīvaraṇanti?
kv2.1:3.2Āmantā.
kv2.1:3.3Atthi arahato asuci sukkavissaṭṭhi, atthi tassa rāgo kāmarāgo kāmarāgapariyuṭṭhānaṁ …pe… kāmacchandanīvaraṇanti?
kv2.1:3.4Na hevaṁ vattabbe …pe….
kv2.1:4.1Atthi arahato asuci sukkavissaṭṭhi, natthi tassa rāgo kāmarāgo kāmarāgapariyuṭṭhānaṁ …pe… kāmacchandanīvaraṇanti?
kv2.1:4.2Āmantā.
kv2.1:4.3Atthi puthujjanassa asuci sukkavissaṭṭhi, natthi tassa rāgo kāmarāgo kāmarāgapariyuṭṭhānaṁ …pe… kāmacchandanīvaraṇanti?
kv2.1:4.4Na hevaṁ vattabbe …pe….
kv2.1:5.1Atthi arahato asuci sukkavissaṭṭhīti?
kv2.1:5.2Āmantā.
kv2.1:5.3Kenaṭṭhenāti?
kv2.1:5.4Handa hi mārakāyikā devatā arahato asuciṁ sukkavissaṭṭhiṁ upasaṁharantīti.
kv2.1:6.1Mārakāyikā devatā arahato asuciṁ sukkavissaṭṭhiṁ upasaṁharantīti?
kv2.1:6.2Āmantā.
kv2.1:6.3Atthi mārakāyikānaṁ devatānaṁ asuci sukkavissaṭṭhīti?
kv2.1:6.4Na hevaṁ vattabbe …pe….
kv2.1:7.1Natthi mārakāyikānaṁ devatānaṁ asuci sukkavissaṭṭhīti?
kv2.1:7.2Āmantā.
kv2.1:7.3Hañci natthi mārakāyikānaṁ devatānaṁ asuci sukkavissaṭṭhi, no ca vata re vattabbe—
kv2.1:7.4“mārakāyikā devatā arahato asuciṁ sukkavissaṭṭhiṁ upasaṁharantī”ti.
kv2.1:8.1Mārakāyikā devatā arahato asuciṁ sukkavissaṭṭhiṁ upasaṁharantīti?
kv2.1:8.2Āmantā.
kv2.1:8.3Mārakāyikā devatā attano asuciṁ sukkavissaṭṭhiṁ upasaṁharanti, aññesaṁ asuciṁ sukkavissaṭṭhiṁ upasaṁharanti, tassa asuciṁ sukkavissaṭṭhiṁ upasaṁharantīti?
kv2.1:8.4Na hevaṁ vattabbe …pe….
kv2.1:9.1Mārakāyikā devatā neva attano na aññesaṁ na tassa asuciṁ sukkavissaṭṭhiṁ upasaṁharantīti?
kv2.1:9.2Āmantā.
kv2.1:9.3Hañci mārakāyikā devatā neva attano na aññesaṁ na tassa asuciṁ sukkavissaṭṭhiṁ upasaṁharanti, no ca vata re vattabbe—
kv2.1:9.4“mārakāyikā devatā arahato asuciṁ sukkavissaṭṭhiṁ upasaṁharantī”ti.
kv2.1:10.1Mārakāyikā devatā arahato asuciṁ sukkavissaṭṭhiṁ upasaṁharantīti?
kv2.1:10.2Āmantā.
kv2.1:10.3Lomakūpehi upasaṁharantīti?
kv2.1:10.4Na hevaṁ vattabbe …pe….
kv2.1:11.1Mārakāyikā devatā arahato asuciṁ sukkavissaṭṭhiṁ upasaṁharantīti?
kv2.1:11.2Āmantā.
kv2.1:11.3Kiṁ kāraṇāti?
kv2.1:11.4Handa hi vimatiṁ gāhayissāmāti.
kv2.1:11.5Atthi arahato vimatīti?
kv2.1:11.6Na hevaṁ vattabbe …pe….
kv2.1:12.1Atthi arahato vimatīti?
kv2.1:12.2Āmantā.
kv2.1:12.3Atthi arahato satthari vimati, dhamme vimati, saṅghe vimati, sikkhāya vimati, pubbante vimati, aparante vimati, pubbantāparante vimati, idappaccayatāpaṭiccasamuppannesu dhammesu vimatīti?
kv2.1:12.4Na hevaṁ vattabbe …pe….
kv2.1:13.1Natthi arahato satthari vimati, dhamme vimati, saṅghe vimati, sikkhāya vimati, pubbante vimati, aparante vimati, pubbantāparante vimati, idappaccayatāpaṭiccasamuppannesu dhammesu vimatīti?
kv2.1:13.2Āmantā.
kv2.1:13.3Hañci natthi arahato satthari vimati …pe… idappaccayatāpaṭiccasamuppannesu dhammesu vimati, no ca vata re vattabbe—
kv2.1:13.4“atthi arahato vimatī”ti.
kv2.1:14.1Atthi puthujjanassa vimati, atthi tassa satthari vimati …pe… idappaccayatāpaṭiccasamuppannesu dhammesu vimatīti?
kv2.1:14.2Āmantā.
kv2.1:14.3Atthi arahato vimati, atthi tassa satthari vimati …pe… idappaccayatāpaṭiccasamuppannesu dhammesu vimatīti?
kv2.1:14.4Na hevaṁ vattabbe …pe….
kv2.1:15.1Atthi arahato vimati, natthi tassa satthari vimati …pe… idappaccayatāpaṭiccasamuppannesu dhammesu vimatīti?
kv2.1:15.2Āmantā.
kv2.1:15.3Atthi puthujjanassa vimati, natthi tassa satthari vimati …pe… idappaccayatāpaṭiccasamuppannesu dhammesu vimatīti?
kv2.1:15.4Na hevaṁ vattabbe …pe….
kv2.1:16.1Atthi arahato asuci sukkavissaṭṭhīti?
kv2.1:16.2Āmantā.
kv2.1:16.3Arahato asuci sukkavissaṭṭhi kissa nissandoti?
kv2.1:16.4Asitapītakhāyitasāyitassa nissandoti.
kv2.1:16.5Arahato asuci sukkavissaṭṭhi asitapītakhāyitasāyitassa nissandoti?
kv2.1:16.6Āmantā.
kv2.1:16.7Ye keci asanti pivanti khādanti sāyanti, sabbesaṁyeva atthi asuci sukkavissaṭṭhīti?
kv2.1:16.8Na hevaṁ vattabbe …pe….
kv2.1:17.1Ye keci asanti pivanti khādanti sāyanti, sabbesaṁyeva atthi asuci sukkavissaṭṭhīti?
kv2.1:17.2Āmantā.
kv2.1:17.3Dārakā asanti pivanti khādanti sāyanti, atthi dārakānaṁ asuci sukkavissaṭṭhīti?
kv2.1:17.4Na hevaṁ vattabbe.
kv2.1:18.1Paṇḍakā asanti pivanti khādanti sāyanti, atthi paṇḍakānaṁ asuci sukkavissaṭṭhīti?
kv2.1:18.2Na hevaṁ vattabbe …pe….
kv2.1:19.1Devā asanti pivanti khādanti sāyanti, atthi devatānaṁ asuci sukkavissaṭṭhīti?
kv2.1:19.2Na hevaṁ vattabbe …pe….
kv2.1:20.1Arahato asuci sukkavissaṭṭhi asitapītakhāyitasāyitassa nissandoti?
kv2.1:20.2Āmantā.
kv2.1:20.3Atthi tassa āsayoti?
kv2.1:20.4Na hevaṁ vattabbe …pe….
kv2.1:21.1Arahato uccārapassāvo asitapītakhāyitasāyitassa nissando, atthi tassa āsayoti?
kv2.1:21.2Āmantā.
kv2.1:21.3Arahato asuci sukkavissaṭṭhi asitapītakhāyitasāyitassa nissando, atthi tassa āsayoti?
kv2.1:21.4Na hevaṁ vattabbe …pe….
kv2.1:22.1Arahato asuci sukkavissaṭṭhi asitapītakhāyitasāyitassa nissando, natthi tassa āsayoti?
kv2.1:22.2Āmantā.
kv2.1:22.3Arahato uccārapassāvo asitapītakhāyitasāyitassa nissando, natthi tassa āsayoti?
kv2.1:22.4Na hevaṁ vattabbe …pe….
kv2.1:23.1Atthi arahato asuci sukkavissaṭṭhīti?
kv2.1:23.2Āmantā.
kv2.1:23.3Arahā methunaṁ dhammaṁ paṭiseveyya, methunaṁ uppādeyya, puttasambādhasayanaṁ ajjhāvaseyya, kāsikacandanaṁ paccanubhaveyya, mālāgandhavilepanaṁ dhāreyya, jātarūparajataṁ sādiyeyyāti?
kv2.1:23.4Na hevaṁ vattabbe.
kv2.1:24.1Atthi puthujjanassa asuci sukkavissaṭṭhi, puthujjano methunaṁ dhammaṁ paṭiseveyya, methunaṁ uppādeyya, puttasambādhasayanaṁ ajjhāvaseyya, kāsikacandanaṁ paccanubhaveyya, mālāgandhavilepanaṁ dhāreyya, jātarūparajataṁ sādiyeyyāti?
kv2.1:24.2Āmantā.
kv2.1:24.3Atthi arahato asuci sukkavissaṭṭhi, arahā methunaṁ dhammaṁ paṭiseveyya, methunaṁ uppādeyya, puttasambādhasayanaṁ ajjhāvaseyya, kāsikacandanaṁ paccanubhaveyya, mālāgandhavilepanaṁ dhāreyya, jātarūparajataṁ sādiyeyyāti?
kv2.1:24.4Na hevaṁ vattabbe …pe….
kv2.1:25.1Atthi arahato asuci sukkavissaṭṭhi, na ca arahā methunaṁ dhammaṁ paṭiseveyya, methunaṁ uppādeyya, puttasambādhasayanaṁ ajjhāvaseyya, kāsikacandanaṁ paccanubhaveyya, mālāgandhavilepanaṁ dhāreyya, jātarūparajataṁ sādiyeyyāti?
kv2.1:25.2Āmantā.
kv2.1:25.3Atthi puthujjanassa asuci sukkavissaṭṭhi, na ca puthujjano methunaṁ dhammaṁ paṭiseveyya, methunaṁ uppādeyya, puttasambādhasayanaṁ ajjhāvaseyya, kāsikacandanaṁ paccanubhaveyya, mālāgandhavilepanaṁ dhāreyya, jātarūparajataṁ sādiyeyyāti?
kv2.1:25.4Na hevaṁ vattabbe.
kv2.1:26.1Atthi arahato asuci sukkavissaṭṭhīti?
kv2.1:26.2Āmantā.
kv2.1:26.3Nanu arahato rāgo pahīno ucchinnamūlo tālāvatthukato anabhāvaṅkato āyatiṁ anuppādadhammoti?
kv2.1:26.4Āmantā.
kv2.1:26.5Hañci arahato rāgo pahīno ucchinnamūlo tālāvatthukato anabhāvaṅkato āyatiṁ anuppādadhammo, no ca vata re vattabbe—
kv2.1:26.6“atthi arahato asuci sukkavissaṭṭhī”ti.
kv2.1:27.1Atthi arahato asuci sukkavissaṭṭhīti?
kv2.1:27.2Āmantā.
kv2.1:27.3Nanu arahato doso pahīno …pe…
kv2.1:27.4moho pahīno …
kv2.1:27.5māno pahīno …
kv2.1:27.6diṭṭhi pahīnā …
kv2.1:27.7vicikicchā pahīnā …
kv2.1:27.8thinaṁ pahīnaṁ …
kv2.1:27.9uddhaccaṁ pahīnaṁ …
kv2.1:27.10ahirikaṁ pahīnaṁ …pe…
kv2.1:27.11anottappaṁ pahīnaṁ ucchinnamūlaṁ tālāvatthukataṁ anabhāvaṅkataṁ āyatiṁ anuppādadhammanti?
kv2.1:27.12Āmantā.
kv2.1:27.13Hañci arahato anottappaṁ pahīnaṁ ucchinnamūlaṁ tālāvatthukataṁ anabhāvaṅkataṁ āyatiṁ anuppādadhammaṁ, no ca vata re vattabbe—
kv2.1:27.14“atthi arahato asuci sukkavissaṭṭhī”ti.
kv2.1:28.1Atthi arahato asuci sukkavissaṭṭhīti?
kv2.1:28.2Āmantā.
kv2.1:28.3Nanu arahato rāgappahānāya maggo bhāvitoti?
kv2.1:28.4Āmantā.
kv2.1:28.5Hañci arahato rāgappahānāya maggo bhāvito, no ca vata re vattabbe—
kv2.1:28.6“atthi arahato asuci sukkavissaṭṭhī”ti.
kv2.1:29.1Atthi arahato asuci sukkavissaṭṭhīti?
kv2.1:29.2Āmantā.
kv2.1:29.3Nanu arahato rāgappahānāya satipaṭṭhānā bhāvitā …pe…
kv2.1:29.4sammappadhānā bhāvitā …
kv2.1:29.5iddhipādā bhāvitā …
kv2.1:29.6indriyā bhāvitā …
kv2.1:29.7balā bhāvitā …pe…
kv2.1:29.8bojjhaṅgā bhāvitāti?
kv2.1:29.9Āmantā.
kv2.1:29.10Hañci arahato rāgappahānāya bojjhaṅgā bhāvitā, no ca vata re vattabbe—
kv2.1:29.11“atthi arahato asuci sukkavissaṭṭhī”ti.
kv2.1:30.1Atthi arahato asuci sukkavissaṭṭhīti?
kv2.1:30.2Āmantā.
kv2.1:30.3Nanu arahato dosappahānāya …pe…
kv2.1:30.4mohappahānāya …pe…
kv2.1:30.5anottappapahānāya maggo bhāvito …pe…
kv2.1:30.6bojjhaṅgā bhāvitāti?
kv2.1:30.7Āmantā.
kv2.1:30.8Hañci arahato anottappapahānāya bojjhaṅgā bhāvitā, no ca vata re vattabbe—
kv2.1:30.9“atthi arahato asuci sukkavissaṭṭhī”ti.
kv2.1:31.1Atthi arahato asuci sukkavissaṭṭhīti?
kv2.1:31.2Āmantā.
kv2.1:31.3Nanu arahā vītarāgo vītadoso vītamoho katakaraṇīyo ohitabhāro anuppattasadattho parikkhīṇabhavasaṁyojano sammadaññāvimutto ukkhittapaligho saṅkiṇṇaparikho abbūḷhesiko niraggaḷo ariyo pannaddhajo pannabhāro visaññutto suvijitavijayo, dukkhaṁ tassa pariññātaṁ, samudayo pahīno, nirodho sacchikato, maggo bhāvito, abhiññeyyaṁ abhiññātaṁ, pariññeyyaṁ pariññātaṁ, pahātabbaṁ pahīnaṁ, bhāvetabbaṁ bhāvitaṁ, sacchikātabbaṁ sacchikatanti?
kv2.1:31.4Āmantā.
kv2.1:31.5Hañci arahā vītarāgo vītadoso vītamoho katakaraṇīyo …pe…
kv2.1:31.6sacchikātabbaṁ sacchikataṁ, no ca vata re vattabbe—
kv2.1:31.7“atthi arahato asuci sukkavissaṭṭhī”ti.
kv2.1:32.1Atthi arahato asuci sukkavissaṭṭhīti?
kv2.1:32.2Sadhammakusalassa arahato atthi asuci sukkavissaṭṭhi, paradhammakusalassa arahato natthi asuci sukkavissaṭṭhīti.
kv2.1:32.3Sadhammakusalassa arahato atthi asuci sukkavissaṭṭhīti?
kv2.1:32.4Āmantā.
kv2.1:32.5Paradhammakusalassa arahato atthi asuci sukkavissaṭṭhīti?
kv2.1:32.6Na hevaṁ vattabbe …pe….
kv2.1:33.1Paradhammakusalassa arahato natthi asuci sukkavissaṭṭhīti?
kv2.1:33.2Āmantā.
kv2.1:33.3Sadhammakusalassa arahato natthi asuci sukkavissaṭṭhīti?
kv2.1:33.4Na hevaṁ vattabbe …pe….
kv2.1:34.1Sadhammakusalassa arahato rāgo pahīno, atthi tassa asuci sukkavissaṭṭhīti?
kv2.1:34.2Āmantā.
kv2.1:34.3Paradhammakusalassa arahato rāgo pahīno, atthi tassa asuci sukkavissaṭṭhīti?
kv2.1:34.4Na hevaṁ vattabbe …pe….
kv2.1:35.1Sadhammakusalassa arahato doso pahīno …pe…
kv2.1:35.2moho pahīno …pe…
kv2.1:35.3anottappaṁ pahīnaṁ, atthi tassa asuci sukkavissaṭṭhīti?
kv2.1:35.4Āmantā.
kv2.1:35.5Paradhammakusalassa arahato anottappaṁ pahīnaṁ, atthi tassa asuci sukkavissaṭṭhīti?
kv2.1:35.6Na hevaṁ vattabbe …pe….
kv2.1:36.1Sadhammakusalassa arahato rāgappahānāya maggo bhāvito …pe…
kv2.1:36.2bojjhaṅgā bhāvitā …pe…
kv2.1:36.3dosappahānāya …pe…
kv2.1:36.4mohappahānāya …pe…
kv2.1:36.5anottappapahānāya maggo bhāvito …pe…
kv2.1:36.6bojjhaṅgā bhāvitā, atthi tassa asuci sukkavissaṭṭhīti?
kv2.1:36.7Āmantā.
kv2.1:36.8Paradhammakusalassa arahato anottappapahānāya bojjhaṅgā bhāvitā, atthi tassa asuci sukkavissaṭṭhīti?
kv2.1:36.9Na hevaṁ vattabbe …pe….
kv2.1:37.1Sadhammakusalo arahā vītarāgo vītadoso vītamoho …pe…
kv2.1:37.2sacchikātabbaṁ sacchikataṁ, atthi tassa asuci sukkavissaṭṭhīti?
kv2.1:37.3Āmantā.
kv2.1:37.4Paradhammakusalo arahā vītarāgo vītadoso vītamoho …pe…
kv2.1:37.5sacchikātabbaṁ sacchikataṁ, atthi tassa asuci sukkavissaṭṭhīti?
kv2.1:37.6Na hevaṁ vattabbe …pe….
kv2.1:38.1Paradhammakusalassa arahato rāgo pahīno, natthi tassa asuci sukkavissaṭṭhīti?
kv2.1:38.2Āmantā.
kv2.1:38.3Sadhammakusalassa arahato rāgo pahīno, natthi tassa asuci sukkavissaṭṭhīti?
kv2.1:38.4Na hevaṁ vattabbe …pe….
kv2.1:39.1Paradhammakusalassa arahato doso pahīno …pe…
kv2.1:39.2moho pahīno …pe…
kv2.1:39.3anottappaṁ pahīnaṁ, natthi tassa asuci sukkavissaṭṭhīti?
kv2.1:39.4Āmantā.
kv2.1:39.5Sadhammakusalassa arahato anottappaṁ pahīnaṁ, natthi tassa asuci sukkavissaṭṭhīti?
kv2.1:39.6Na hevaṁ vattabbe …pe….
kv2.1:40.1Paradhammakusalassa arahato rāgappahānāya maggo bhāvito …pe…
kv2.1:40.2bojjhaṅgā bhāvitā …pe…
kv2.1:40.3dosappahānāya …pe…
kv2.1:40.4mohappahānāya …pe…
kv2.1:40.5anottappapahānāya maggo bhāvito …pe…
kv2.1:40.6bojjhaṅgā bhāvitā, natthi tassa asuci sukkavissaṭṭhīti?
kv2.1:40.7Āmantā.
kv2.1:40.8Sadhammakusalassa arahato anottappapahānāya bojjhaṅgā bhāvitā, natthi tassa asuci sukkavissaṭṭhīti?
kv2.1:40.9Na hevaṁ vattabbe …pe….
kv2.1:41.1Paradhammakusalo arahā vītarāgo vītadoso vītamoho …pe…
kv2.1:41.2sacchikātabbaṁ sacchikataṁ, natthi tassa asuci sukkavissaṭṭhīti?
kv2.1:41.3Āmantā.
kv2.1:41.4Sadhammakusalo arahā vītarāgo vītadoso vītamoho …pe…
kv2.1:41.5sacchikātabbaṁ sacchikataṁ, natthi tassa asuci sukkavissaṭṭhīti?
kv2.1:41.6Na hevaṁ vattabbe …pe….
kv2.1:42.1Atthi arahato asuci sukkavissaṭṭhīti?
kv2.1:42.2Āmantā.
kv2.1:42.3Nanu vuttaṁ bhagavatā—
kv2.1:42.4“ye te, bhikkhave, bhikkhū puthujjanā sīlasampannā satā sampajānā niddaṁ okkamanti, tesaṁ asuci na muccati.
kv2.1:42.5Yepi te, bhikkhave, bāhirakā isayo kāmesu vītarāgā, tesampi asuci na muccati.
kv2.1:42.6Aṭṭhānametaṁ, bhikkhave, anavakāso yaṁ arahato asuci mucceyyā”ti.
kv2.1:42.7Attheva suttantoti?
kv2.1:42.8Āmantā.
kv2.1:42.9Tena hi na vattabbaṁ—
kv2.1:42.10“atthi arahato asuci sukkavissaṭṭhī”ti.
kv2.1:43.1Na vattabbaṁ—
kv2.1:43.2“atthi arahato parūpahāro”ti?
kv2.1:43.3Āmantā.
kv2.1:43.4Nanu arahato cīvarapiṇḍapātasenāsanagilānapaccayabhesajjaparikkhāraṁ pare upasaṁhareyyunti?
kv2.1:43.5Āmantā.
kv2.1:43.6Hañci arahato cīvarapiṇḍapātasenāsanagilānapaccayabhesajjaparikkhāraṁ pare upasaṁhareyyuṁ, tena vata re vattabbe—
kv2.1:43.7“atthi arahato parūpahāro”ti.
kv2.1:44.1Arahato cīvarapiṇḍapātasenāsanagilānapaccayabhesajjaparikkhāraṁ pare upasaṁhareyyunti, atthi arahato parūpahāroti?
kv2.1:44.2Āmantā.
kv2.1:44.3Arahato sotāpattiphalaṁ vā sakadāgāmiphalaṁ vā anāgāmiphalaṁ vā arahattaṁ vā pare upasaṁhareyyunti?
kv2.1:44.4Na hevaṁ vattabbe …pe….
kv2.1:44.5Parūpahārakathā niṭṭhitā.