kv2.5:0.1Kathāvatthu
kv2.5:0.2Mahāpaṇṇāsaka
kv2.5:0.3Dutiyavagga
kv2.5:0.4Vacībhedakathā
kv2.5:1.1Samāpannassa atthi vacībhedoti?
kv2.5:1.2Āmantā.
kv2.5:1.3Sabbattha samāpannānaṁ atthi vacībhedoti, na hevaṁ vattabbe …pe…
kv2.5:2.1Samāpannassa atthi vacībhedoti?
kv2.5:2.2Āmantā.
kv2.5:2.3Sabbadā samāpannānaṁ atthi vacībhedoti?
kv2.5:2.4Na hevaṁ vattabbe …pe…
kv2.5:3.1Samāpannassa atthi vacībhedoti?
kv2.5:3.2Āmantā.
kv2.5:3.3Sabbesaṁ samāpannānaṁ atthi vacībhedoti?
kv2.5:3.4Na hevaṁ vattabbe …pe…
kv2.5:4.1Samāpannassa atthi vacībhedoti?
kv2.5:4.2Āmantā.
kv2.5:4.3Sabbasamāpattīsu atthi vacībhedoti?
kv2.5:4.4Na hevaṁ vattabbe …pe…
kv2.5:5.1Samāpannassa atthi vacībhedoti?
kv2.5:5.2Āmantā.
kv2.5:5.3Samāpannassa atthi kāyabhedoti?
kv2.5:5.4Na hevaṁ vattabbe …pe…
kv2.5:6.1Samāpannassa natthi kāyabhedoti?
kv2.5:6.2Āmantā.
kv2.5:6.3Samāpannassa natthi vacībhedoti?
kv2.5:6.4Na hevaṁ vattabbe …pe…
kv2.5:7.1Samāpannassa atthi vācā, atthi vacībhedoti?
kv2.5:7.2Āmantā.
kv2.5:7.3Samāpannassa atthi kāyo, atthi kāyabhedoti?
kv2.5:7.4Na hevaṁ vattabbe …pe…
kv2.5:8.1Samāpannassa atthi kāyo, natthi kāyabhedoti?
kv2.5:8.2Āmantā.
kv2.5:8.3Samāpannassa atthi vācā, natthi vacībhedoti?
kv2.5:8.4Na hevaṁ vattabbe …pe…
kv2.5:9.1Dukkhanti jānanto dukkhanti vācaṁ bhāsatīti?
kv2.5:9.2Āmantā.
kv2.5:9.3Samudayoti jānanto samudayoti vācaṁ bhāsatīti?
kv2.5:9.4Na hevaṁ vattabbe …pe…
kv2.5:10.1Dukkhanti jānanto dukkhanti vācaṁ bhāsatīti?
kv2.5:10.2Āmantā.
kv2.5:10.3Nirodhoti jānanto nirodhoti vācaṁ bhāsatīti?
kv2.5:10.4Na hevaṁ vattabbe …pe…
kv2.5:11.1Dukkhanti jānanto dukkhanti vācaṁ bhāsatīti?
kv2.5:11.2Āmantā.
kv2.5:11.3Maggoti jānanto maggoti vācaṁ bhāsatīti?
kv2.5:11.4Na hevaṁ vattabbe …pe…
kv2.5:12.1Samudayoti jānanto na ca samudayoti vācaṁ bhāsatīti?
kv2.5:12.2Āmantā.
kv2.5:12.3Dukkhanti jānanto na ca dukkhanti vācaṁ bhāsatīti?
kv2.5:12.4Na hevaṁ vattabbe …pe…
kv2.5:13.1Nirodhoti jānanto na ca nirodhoti vācaṁ bhāsatīti?
kv2.5:13.2Āmantā.
kv2.5:13.3Dukkhanti jānanto na ca dukkhanti vācaṁ bhāsatīti?
kv2.5:13.4Na hevaṁ vattabbe …pe…
kv2.5:14.1Maggoti jānanto na ca maggoti vācaṁ bhāsatīti?
kv2.5:14.2Āmantā.
kv2.5:14.3Dukkhanti jānanto na ca dukkhanti vācaṁ bhāsatīti?
kv2.5:14.4Na hevaṁ vattabbe …pe…
kv2.5:15.1Samāpannassa atthi vacībhedoti?
kv2.5:15.2Āmantā.
kv2.5:15.3Ñāṇaṁ kiṅgocaranti?
kv2.5:15.4Ñāṇaṁ saccagocaranti.
kv2.5:15.5Sotaṁ saccagocaranti?
kv2.5:15.6Na hevaṁ vattabbe …pe…
kv2.5:16.1Samāpannassa atthi vacībhedoti?
kv2.5:16.2Āmantā.
kv2.5:16.3Sotaṁ kiṁ gocaranti.
kv2.5:16.4Sotaṁ saddagocaranti.
kv2.5:16.5Ñāṇaṁ saddagocaranti?
kv2.5:16.6Na hevaṁ vattabbe.
kv2.5:17.1Samāpannassa atthi vacībhedo ñāṇaṁ saccagocaraṁ, sotaṁ saddagocaranti?
kv2.5:17.2Āmantā.
kv2.5:17.3Hañci ñāṇaṁ saccagocaraṁ, sotaṁ saddagocaraṁ, no ca vata re vattabbe—
kv2.5:17.4“samāpannassa atthi vacībhedo”ti.
kv2.5:18.1Samāpannassa atthi vacībhedo ñāṇaṁ saccagocaraṁ, sotaṁ saddagocaranti?
kv2.5:18.2Āmantā.
kv2.5:18.3Dvinnaṁ phassānaṁ, dvinnaṁ vedanānaṁ, dvinnaṁ saññānaṁ, dvinnaṁ cetanānaṁ, dvinnaṁ cittānaṁ samodhānaṁ hotīti?
kv2.5:18.4Na hevaṁ vattabbe.
kv2.5:19.1Samāpannassa atthi vacībhedoti?
kv2.5:19.2Āmantā.
kv2.5:19.3Pathavīkasiṇaṁ samāpattiṁ samāpannassa atthi vacībhedoti?
kv2.5:19.4Na hevaṁ vattabbe.
kv2.5:20.1Samāpannassa atthi vacībhedoti?
kv2.5:20.2Āmantā.
kv2.5:20.3Āpokasiṇaṁ …pe…
kv2.5:20.4tejokasiṇaṁ …
kv2.5:20.5vāyokasiṇaṁ …
kv2.5:20.6nīlakasiṇaṁ …
kv2.5:20.7pītakasiṇaṁ …
kv2.5:20.8lohitakasiṇaṁ …
kv2.5:20.9odātakasiṇaṁ …
kv2.5:20.10ākāsānañcāyatanaṁ …
kv2.5:20.11viññāṇañcāyatanaṁ …
kv2.5:20.12ākiñcaññāyatanaṁ …pe…
kv2.5:20.13nevasaññānāsaññāyatanaṁ samāpannassa atthi vacībhedoti?
kv2.5:20.14Na hevaṁ vattabbe …pe….
kv2.5:21.1Pathavīkasiṇaṁ samāpattiṁ samāpannassa natthi vacībhedoti?
kv2.5:21.2Āmantā.
kv2.5:21.3Hañci pathavīkasiṇaṁ samāpattiṁ samāpannassa natthi vacībhedo, no ca vata re vattabbe “samāpannassa atthi vacībhedo”ti.
kv2.5:22.1Āpokasiṇaṁ …
kv2.5:22.2tejokasiṇaṁ …
kv2.5:22.3vāyokasiṇaṁ …
kv2.5:22.4nīlakasiṇaṁ …
kv2.5:22.5pītakasiṇaṁ …
kv2.5:22.6lohitakasiṇaṁ …
kv2.5:22.7odātakasiṇaṁ …
kv2.5:22.8ākāsānañcāyatanaṁ …
kv2.5:22.9viññāṇañcāyatanaṁ …
kv2.5:22.10ākiñcaññāyatanaṁ …
kv2.5:22.11nevasaññānāsaññāyatanaṁ samāpannassa natthi vacībhedoti?
kv2.5:22.12Āmantā.
kv2.5:22.13Hañci nevasaññānāsaññāyatanaṁ samāpannassa natthi vacībhedo, no ca vata re vattabbe—
kv2.5:22.14“samāpannassa atthi vacībhedo”ti.
kv2.5:23.1Samāpannassa atthi vacībhedoti?
kv2.5:23.2Āmantā.
kv2.5:23.3Lokiyasamāpattiṁ samāpannassa atthi vacībhedoti?
kv2.5:23.4Na hevaṁ vattabbe …pe….
kv2.5:24.1Samāpannassa atthi vacībhedoti?
kv2.5:24.2Āmantā.
kv2.5:24.3Lokiyaṁ paṭhamaṁ jhānaṁ samāpannassa atthi vacībhedoti?
kv2.5:24.4Na hevaṁ vattabbe …pe….
kv2.5:24.5Samāpannassa atthi vacībhedoti?
kv2.5:24.6Āmantā.
kv2.5:24.7Lokiyaṁ dutiyaṁ jhānaṁ …
kv2.5:24.8tatiyaṁ jhānaṁ …
kv2.5:24.9catutthaṁ jhānaṁ samāpannassa atthi vacībhedoti?
kv2.5:24.10Na hevaṁ vattabbe …pe….
kv2.5:25.1Lokiyaṁ samāpattiṁ samāpannassa natthi vacībhedoti?
kv2.5:25.2Āmantā.
kv2.5:25.3Hañci lokiyaṁ samāpattiṁ samāpannassa natthi vacībhedo, no ca vata re vattabbe—
kv2.5:25.4“samāpannassa atthi vacībhedo”ti.
kv2.5:26.1Lokiyaṁ paṭhamaṁ jhānaṁ samāpannassa natthi vacībhedoti?
kv2.5:26.2Āmantā.
kv2.5:26.3Hañci lokiyaṁ paṭhamaṁ jhānaṁ samāpannassa natthi vacībhedo, no ca vata re vattabbe—
kv2.5:26.4“samāpannassa atthi vacībhedo”ti.
kv2.5:27.1Lokiyaṁ dutiyaṁ jhānaṁ …
kv2.5:27.2tatiyaṁ jhānaṁ …
kv2.5:27.3catutthaṁ jhānaṁ samāpannassa natthi vacībhedoti?
kv2.5:27.4Āmantā.
kv2.5:27.5Hañci lokiyaṁ catutthaṁ jhānaṁ samāpannassa natthi vacībhedo, no ca vata re vattabbe “samāpannassa atthi vacībhedo”ti.
kv2.5:28.1Lokuttaraṁ paṭhamaṁ jhānaṁ samāpannassa atthi vacībhedoti?
kv2.5:28.2Āmantā.
kv2.5:28.3Lokiyaṁ paṭhamaṁ jhānaṁ samāpannassa atthi vacībhedoti?
kv2.5:28.4Na hevaṁ vattabbe …pe….
kv2.5:29.1Lokuttaraṁ paṭhamaṁ jhānaṁ samāpannassa atthi vacībhedoti?
kv2.5:29.2Āmantā.
kv2.5:29.3Lokiyaṁ dutiyaṁ jhānaṁ …
kv2.5:29.4tatiyaṁ jhānaṁ …
kv2.5:29.5catutthaṁ jhānaṁ samāpannassa atthi vacībhedoti?
kv2.5:29.6Na hevaṁ vattabbe …pe….
kv2.5:30.1Lokiyaṁ paṭhamaṁ jhānaṁ samāpannassa natthi vacībhedoti?
kv2.5:30.2Āmantā.
kv2.5:30.3Lokuttaraṁ paṭhamaṁ jhānaṁ samāpannassa natthi vacībhedoti?
kv2.5:30.4Na hevaṁ vattabbe …pe….
kv2.5:31.1Lokiyaṁ dutiyaṁ jhānaṁ …
kv2.5:31.2tatiyaṁ jhānaṁ …
kv2.5:31.3catutthaṁ jhānaṁ samāpannassa natthi vacībhedoti?
kv2.5:31.4Āmantā.
kv2.5:31.5Lokuttaraṁ paṭhamaṁ jhānaṁ samāpannassa natthi vacībhedoti?
kv2.5:31.6Na hevaṁ vattabbe …pe….
kv2.5:32.1Lokuttaraṁ paṭhamaṁ jhānaṁ samāpannassa atthi vacībhedoti?
kv2.5:32.2Āmantā.
kv2.5:32.3Lokuttaraṁ dutiyaṁ jhānaṁ samāpannassa atthi vacībhedoti?
kv2.5:32.4Na hevaṁ vattabbe …pe….
kv2.5:33.1Lokuttaraṁ paṭhamaṁ jhānaṁ samāpannassa atthi vacībhedoti?
kv2.5:33.2Āmantā.
kv2.5:33.3Lokuttaraṁ tatiyaṁ jhānaṁ …
kv2.5:33.4catutthaṁ jhānaṁ samāpannassa atthi vacībhedoti?
kv2.5:33.5Na hevaṁ vattabbe …pe….
kv2.5:34.1Lokuttaraṁ dutiyaṁ jhānaṁ samāpannassa natthi vacībhedoti?
kv2.5:34.2Āmantā.
kv2.5:34.3Lokuttaraṁ paṭhamaṁ jhānaṁ samāpannassa natthi vacībhedoti?
kv2.5:34.4Na hevaṁ vattabbe …pe….
kv2.5:35.1Lokuttaraṁ dutiyaṁ jhānaṁ …
kv2.5:35.2tatiyaṁ jhānaṁ …
kv2.5:35.3catutthaṁ jhānaṁ samāpannassa natthi vacībhedoti?
kv2.5:35.4Āmantā.
kv2.5:35.5Lokuttaraṁ paṭhamaṁ jhānaṁ samāpannassa natthi vacībhedoti?
kv2.5:35.6Na hevaṁ vattabbe …pe….
kv2.5:36.1Na vattabbaṁ—
kv2.5:36.2“samāpannassa atthi vacībhedo”ti?
kv2.5:36.3Āmantā.
kv2.5:36.4Nanu vitakkavicārā vacīsaṅkhārā vuttā bhagavatā—
kv2.5:36.5“paṭhamaṁ jhānaṁ samāpannassa atthi vitakkavicārā”ti?
kv2.5:36.6Āmantā.
kv2.5:36.7Hañci vitakkavicārā vacīsaṅkhārā vuttā bhagavatā—
kv2.5:36.8“paṭhamaṁ jhānaṁ samāpannassa atthi vitakkavicārā”, tena vata re vattabbe—
kv2.5:36.9“samāpannassa atthi vacībhedo”ti.
kv2.5:37.1Vitakkavicārā vacīsaṅkhārā vuttā bhagavatā—
kv2.5:37.2“paṭhamaṁ jhānaṁ samāpannassa atthi vitakkavicārā”ti, atthi tassa vacībhedoti?
kv2.5:37.3Āmantā.
kv2.5:37.4Pathavīkasiṇaṁ paṭhamaṁ jhānaṁ samāpannassa atthi vitakkavicārā, atthi tassa vacībhedoti?
kv2.5:37.5Na hevaṁ vattabbe …pe….
kv2.5:38.1Vitakkavicārā vacīsaṅkhārā vuttā bhagavatā—
kv2.5:38.2“paṭhamaṁ jhānaṁ samāpannassa atthi vitakkavicārā”ti, atthi tassa vacībhedoti?
kv2.5:38.3Āmantā.
kv2.5:38.4Āpokasiṇaṁ …
kv2.5:38.5tejokasiṇaṁ …
kv2.5:38.6vāyokasiṇaṁ …
kv2.5:38.7nīlakasiṇaṁ …
kv2.5:38.8pītakasiṇaṁ …
kv2.5:38.9lohitakasiṇaṁ …
kv2.5:38.10odātakasiṇaṁ paṭhamaṁ jhānaṁ samāpannassa atthi vitakkavicārā, atthi tassa vacībhedoti?
kv2.5:38.11Na hevaṁ vattabbe …pe….
kv2.5:39.1Na vattabbaṁ—
kv2.5:39.2“samāpannassa atthi vacībhedo”ti?
kv2.5:39.3Āmantā.
kv2.5:39.4Nanu vitakkasamuṭṭhānā vācā vuttā bhagavatā—
kv2.5:39.5“paṭhamaṁ jhānaṁ samāpannassa atthi vitakkavicārā”ti?
kv2.5:39.6Āmantā.
kv2.5:39.7Hañci vitakkasamuṭṭhānā vācā vuttā bhagavatā—
kv2.5:39.8“paṭhamaṁ jhānaṁ samāpannassa atthi vitakkavicārā”, tena vata re vattabbe—
kv2.5:39.9“samāpannassa atthi vacībhedo”ti.
kv2.5:40.1Vitakkasamuṭṭhānā vācā vuttā bhagavatā—
kv2.5:40.2“paṭhamaṁ jhānaṁ samāpannassa atthi vitakkavicārā”ti, atthi tassa vacībhedoti?
kv2.5:40.3Āmantā.
kv2.5:40.4Saññāsamuṭṭhānā vācā vuttā bhagavatā—
kv2.5:40.5“dutiyaṁ jhānaṁ samāpannassa atthi saññā, atthi tassa vitakkavicārā”ti?
kv2.5:40.6Na hevaṁ vattabbe …pe….
kv2.5:41.1Vitakkasamuṭṭhānā vācā vuttā bhagavatā—
kv2.5:41.2“paṭhamaṁ jhānaṁ samāpannassa atthi vitakkavicārā”ti, atthi tassa vacībhedoti?
kv2.5:41.3Āmantā.
kv2.5:41.4Saññāsamuṭṭhānā vācā vuttā bhagavatā—
kv2.5:41.5tatiyaṁ jhānaṁ …pe…
kv2.5:41.6catutthaṁ jhānaṁ …
kv2.5:41.7ākāsānañcāyatanaṁ …
kv2.5:41.8viññāṇañcāyatanaṁ …
kv2.5:41.9ākiñcaññāyatanaṁ samāpannassa atthi saññā, atthi tassa vitakkavicārāti?
kv2.5:41.10Na hevaṁ vattabbe …pe….
kv2.5:42.1Samāpannassa atthi vacībhedoti?
kv2.5:42.2Āmantā.
kv2.5:42.3Nanu “paṭhamaṁ jhānaṁ samāpannassa vācā niruddhā hotī”ti.
kv2.5:42.4Attheva suttantoti?
kv2.5:42.5Āmantā.
kv2.5:42.6Hañci “paṭhamaṁ jhānaṁ samāpannassa vācā niruddhā hotī”ti, attheva suttantoti, no ca vata re vattabbe—
kv2.5:42.7“samāpannassa atthi vacībhedo”ti.
kv2.5:43.1“Paṭhamaṁ jhānaṁ samāpannassa vācā niruddhā hotī”ti, attheva suttantoti, atthi tassa vacībhedoti?
kv2.5:43.2Āmantā.
kv2.5:43.3“Dutiyaṁ jhānaṁ samāpannassa vitakkavicārā niruddhā hontī”ti, attheva suttantoti, atthi tassa vitakkavicārāti?
kv2.5:43.4Na hevaṁ vattabbe …pe….
kv2.5:44.1“Paṭhamaṁ jhānaṁ samāpannassa vācā niruddhā hotī”ti, attheva suttantoti, atthi tassa vacībhedoti?
kv2.5:44.2Āmantā.
kv2.5:44.3“Tatiyaṁ jhānaṁ samāpannassa pīti niruddhā hoti, catutthaṁ jhānaṁ samāpannassa assāsapassāsā niruddhā honti, ākāsānañcāyatanaṁ samāpannassa rūpasaññā niruddhā hoti, viññāṇañcāyatanaṁ samāpannassa ākāsānañcāyatanasaññā niruddhā hoti, ākiñcaññāyatanaṁ samāpannassa viññāṇañcāyatanasaññā niruddhā hoti, nevasaññānāsaññāyatanaṁ samāpannassa ākiñcaññāyatanasaññā niruddhā hoti, saññāvedayitanirodhaṁ samāpannassa saññā ca vedanā ca niruddhā hontī”ti, attheva suttantoti, atthi tassa saññā ca vedanā cāti?
kv2.5:44.4Na hevaṁ vattabbe …pe….
kv2.5:45.1Na vattabbaṁ—
kv2.5:45.2“samāpannassa atthi vacībhedo”ti?
kv2.5:45.3Āmantā.
kv2.5:45.4Nanu—
kv2.5:45.5“paṭhamassa jhānassa saddo kaṇḍako vutto bhagavatā”ti?
kv2.5:45.6Āmantā.
kv2.5:45.7Hañci paṭhamassa jhānassa saddo kaṇḍako vutto bhagavatā, tena vata re vattabbe—
kv2.5:45.8“samāpannassa atthi vacībhedo”ti.
kv2.5:46.1Paṭhamassa jhānassa saddo kaṇḍako vutto bhagavatāti, samāpannassa atthi vacībhedoti?
kv2.5:46.2Āmantā.
kv2.5:46.3Dutiyassa jhānassa vitakkavicārā kaṇḍako vutto bhagavatā …
kv2.5:46.4tatiyassa jhānassa pīti kaṇḍako vutto bhagavatā …
kv2.5:46.5catutthassa jhānassa assāsapassāsā kaṇḍako vutto bhagavatā …
kv2.5:46.6ākāsānañcāyatanaṁ samāpannassa rūpasaññā kaṇḍako vutto bhagavatā …
kv2.5:46.7viññāṇañcāyatanaṁ samāpannassa ākāsānañcāyatanasaññā kaṇḍako vutto bhagavatā …
kv2.5:46.8ākiñcaññāyatanaṁ samāpannassa viññāṇañcāyatanasaññā kaṇḍako vutto bhagavatā …
kv2.5:46.9nevasaññānāsaññāyatanaṁ samāpannassa ākiñcaññāyatanasaññā kaṇḍako vutto bhagavatā …
kv2.5:46.10saññāvedayitanirodhaṁ samāpannassa saññā ca vedanā ca kaṇḍako vutto bhagavatā, atthi tassa saññā ca vedanā cāti?
kv2.5:46.11Na hevaṁ vattabbe …pe….
kv2.5:47.1Na vattabbaṁ—
kv2.5:47.2“samāpannassa atthi vacībhedo”ti?
kv2.5:47.3Āmantā.
kv2.5:47.4Nanu vuttaṁ bhagavatā—
kv2.5:47.5“sikhissa, ānanda, bhagavato arahato sammāsambuddhassa abhibhū nāma sāvako brahmaloke ṭhito dasasahassilokadhātuṁ sarena viññāpesi—
kv2.5:48.1‘Ārabbhatha nikkamatha,
kv2.5:48.2yuñjatha buddhasāsane;
kv2.5:48.3Dhunātha maccuno senaṁ,
kv2.5:48.4naḷāgāraṁva kuñjaro.
kv2.5:49.1Yo imasmiṁ dhammavinaye,
kv2.5:49.2appamatto vihassati;
kv2.5:49.3Pahāya jātisaṁsāraṁ,
kv2.5:49.4dukkhassantaṁ karissatī’”ti.
kv2.5:50.1Attheva suttantoti?
kv2.5:50.2Āmantā.
kv2.5:50.3Tena hi samāpannassa atthi vacībhedoti.
kv2.5:50.4Vacībhedakathā niṭṭhitā.