kv3.3:0.1Kathāvatthu
kv3.3:0.2Mahāpaṇṇāsaka
kv3.3:0.3Tatiyavagga
kv3.3:0.4Vimuttikathā
kv3.3:1.1Sarāgaṁ cittaṁ vimuccatīti?
kv3.3:1.2Āmantā.
kv3.3:1.3Rāgasahagataṁ rāgasahajātaṁ rāgasaṁsaṭṭhaṁ rāgasampayuttaṁ rāgasahabhu rāgānuparivatti akusalaṁ lokiyaṁ sāsavaṁ saṁyojaniyaṁ ganthaniyaṁ oghaniyaṁ yoganiyaṁ nīvaraṇiyaṁ parāmaṭṭhaṁ upādāniyaṁ saṅkilesiyaṁ cittaṁ vimuccatīti?
kv3.3:1.4Na hevaṁ vattabbe …pe….
kv3.3:2.1Saphassaṁ cittaṁ vimuccati, phasso ca cittañca ubho vimuccantīti?
kv3.3:2.2Āmantā.
kv3.3:2.3Sarāgaṁ cittaṁ vimuccati, rāgo ca cittañca ubho vimuccantīti?
kv3.3:2.4Na hevaṁ vattabbe …pe….
kv3.3:3.1Savedanaṁ …pe…
kv3.3:3.2sasaññaṁ …pe…
kv3.3:3.3sacetanaṁ …pe…
kv3.3:3.4sapaññaṁ cittaṁ vimuccati, paññā ca cittañca ubho vimuccantīti?
kv3.3:3.5Āmantā.
kv3.3:3.6Sarāgaṁ cittaṁ vimuccati, rāgo ca cittañca ubho vimuccantīti?
kv3.3:3.7Na hevaṁ vattabbe …pe….
kv3.3:4.1Saphassaṁ sarāgaṁ cittaṁ vimuccati, phasso ca cittañca ubho vimuccantīti?
kv3.3:4.2Āmantā.
kv3.3:4.3Rāgo ca cittañca ubho vimuccantīti?
kv3.3:4.4Na hevaṁ vattabbe …pe….
kv3.3:5.1Savedanaṁ sarāgaṁ …pe…
kv3.3:5.2sasaññaṁ sarāgaṁ …pe…
kv3.3:5.3sacetanaṁ sarāgaṁ …pe…
kv3.3:5.4sapaññaṁ sarāgaṁ cittaṁ vimuccati, paññā ca cittañca ubho vimuccantīti?
kv3.3:5.5Āmantā.
kv3.3:5.6Rāgo ca cittañca ubho vimuccantīti?
kv3.3:5.7Na hevaṁ vattabbe …pe….
kv3.3:6.1Sadosaṁ cittaṁ vimuccatīti?
kv3.3:6.2Āmantā.
kv3.3:6.3Dosasahagataṁ dosasahajātaṁ dosasaṁsaṭṭhaṁ dosasampayuttaṁ dosasahabhu dosānuparivatti akusalaṁ lokiyaṁ sāsavaṁ …pe… saṅkilesiyaṁ cittaṁ vimuccatīti?
kv3.3:6.4Na hevaṁ vattabbe …pe….
kv3.3:7.1Saphassaṁ cittaṁ vimuccati, phasso ca cittañca ubho vimuccantīti?
kv3.3:7.2Āmantā.
kv3.3:7.3Sadosaṁ cittaṁ vimuccati, doso ca cittañca ubho vimuccantīti?
kv3.3:7.4Na hevaṁ vattabbe …pe….
kv3.3:8.1Savedanaṁ …pe…
kv3.3:8.2sasaññaṁ …pe…
kv3.3:8.3sacetanaṁ …pe…
kv3.3:8.4sapaññaṁ cittaṁ vimuccati, paññā ca cittañca ubho vimuccantīti?
kv3.3:8.5Āmantā.
kv3.3:8.6Sadosaṁ cittaṁ vimuccati, doso ca cittañca ubho vimuccantīti?
kv3.3:8.7Na hevaṁ vattabbe …pe….
kv3.3:9.1Saphassaṁ sadosaṁ cittaṁ vimuccati, phasso ca cittañca ubho vimuccantīti?
kv3.3:9.2Āmantā.
kv3.3:9.3Sadosaṁ cittaṁ vimuccati, doso ca cittañca ubho vimuccantīti?
kv3.3:9.4Na hevaṁ vattabbe …pe….
kv3.3:10.1Savedanaṁ sadosaṁ …
kv3.3:10.2sasaññaṁ sadosaṁ …
kv3.3:10.3sacetanaṁ sadosaṁ …
kv3.3:10.4sapaññaṁ sadosaṁ cittaṁ vimuccati, paññā ca cittañca ubho vimuccantīti?
kv3.3:10.5Āmantā.
kv3.3:10.6Doso ca cittañca ubho vimuccantīti?
kv3.3:10.7Na hevaṁ vattabbe …pe….
kv3.3:11.1Samohaṁ cittaṁ vimuccatīti?
kv3.3:11.2Āmantā.
kv3.3:11.3Mohasahagataṁ mohasahajātaṁ mohasaṁsaṭṭhaṁ mohasampayuttaṁ mohasahabhu mohānuparivatti akusalaṁ lokiyaṁ sāsavaṁ …pe… saṅkilesiyaṁ cittaṁ vimuccatīti?
kv3.3:11.4Na hevaṁ vattabbe …pe….
kv3.3:12.1Saphassaṁ cittaṁ vimuccati, phasso ca cittañca ubho vimuccantīti?
kv3.3:12.2Āmantā.
kv3.3:12.3Samohaṁ cittaṁ vimuccati, moho ca cittañca ubho vimuccantīti?
kv3.3:12.4Na hevaṁ vattabbe …pe….
kv3.3:13.1Savedanaṁ …
kv3.3:13.2sasaññaṁ …
kv3.3:13.3sacetanaṁ …
kv3.3:13.4sapaññaṁ cittaṁ vimuccati, paññā ca cittañca ubho vimuccantīti?
kv3.3:13.5Āmantā.
kv3.3:13.6Samohaṁ cittaṁ vimuccati, moho ca cittañca ubho vimuccantīti?
kv3.3:13.7Na hevaṁ vattabbe …pe….
kv3.3:14.1Saphassaṁ samohaṁ cittaṁ vimuccati, phasso ca cittañca ubho vimuccantīti?
kv3.3:14.2Āmantā.
kv3.3:14.3Moho ca cittañca ubho vimuccantīti?
kv3.3:14.4Na hevaṁ vattabbe …pe….
kv3.3:15.1Savedanaṁ samohaṁ …
kv3.3:15.2sasaññaṁ samohaṁ …
kv3.3:15.3sacetanaṁ samohaṁ …pe…
kv3.3:15.4sapaññaṁ samohaṁ cittaṁ vimuccati, paññā ca cittañca ubho vimuccantīti?
kv3.3:15.5Āmantā.
kv3.3:15.6Moho ca cittañca ubho vimuccantīti?
kv3.3:15.7Na hevaṁ vattabbe …pe….
kv3.3:16.1Sarāgaṁ sadosaṁ samohaṁ cittaṁ vimuccatīti?
kv3.3:16.2Āmantā.
kv3.3:16.3Vītarāgaṁ vītadosaṁ vītamohaṁ nikkilesaṁ cittaṁ vimuccatīti?
kv3.3:16.4Na hevaṁ vattabbe …pe…
kv3.3:16.5tena hi na vattabbaṁ—
kv3.3:16.6“sarāgaṁ sadosaṁ samohaṁ cittaṁ vimuccatī”ti.
kv3.3:16.7Vimuttikathā niṭṭhitā.