kv4.6:0.1Kathāvatthu
kv4.6:0.2Mahāpaṇṇāsaka
kv4.6:0.3Catutthavagga
kv4.6:0.4Bodhiyābuddhotikathā
kv4.6:1.1Bodhiyā buddhoti?
kv4.6:1.2Āmantā.
kv4.6:1.3Bodhiyā niruddhāya vigatāya paṭipassaddhāya abuddho hotīti?
kv4.6:1.4Na hevaṁ vattabbe …pe….
kv4.6:2.1Bodhiyā buddhoti?
kv4.6:2.2Āmantā.
kv4.6:2.3Atītāya bodhiyā buddhoti?
kv4.6:2.4Na hevaṁ vattabbe …pe…
kv4.6:2.5atītāya bodhiyā buddhoti?
kv4.6:2.6Āmantā.
kv4.6:2.7Tāya bodhiyā bodhikaraṇīyaṁ karotīti?
kv4.6:2.8Na hevaṁ vattabbe …pe….
kv4.6:3.1Tāya bodhiyā bodhikaraṇīyaṁ karotīti?
kv4.6:3.2Āmantā.
kv4.6:3.3Tāya bodhiyā dukkhaṁ parijānāti, samudayaṁ pajahati, nirodhaṁ sacchikaroti, maggaṁ bhāvetīti?
kv4.6:3.4Na hevaṁ vattabbe …pe….
kv4.6:4.1Bodhiyā buddhoti?
kv4.6:4.2Āmantā.
kv4.6:4.3Anāgatāya bodhiyā buddhoti?
kv4.6:4.4Na hevaṁ vattabbe …pe….
kv4.6:5.1Anāgatāya bodhiyā buddhoti?
kv4.6:5.2Āmantā.
kv4.6:5.3Tāya bodhiyā bodhikaraṇīyaṁ karotīti?
kv4.6:5.4Na hevaṁ vattabbe …pe….
kv4.6:6.1Tāya bodhiyā bodhikaraṇīyaṁ karotīti?
kv4.6:6.2Āmantā.
kv4.6:6.3Tāya bodhiyā dukkhaṁ parijānāti …pe… maggaṁ bhāvetīti?
kv4.6:6.4Na hevaṁ vattabbe …pe….
kv4.6:7.1Paccuppannāya bodhiyā buddho, tāya bodhiyā bodhikaraṇīyaṁ karotīti?
kv4.6:7.2Āmantā.
kv4.6:7.3Atītāya bodhiyā buddho, tāya bodhiyā bodhikaraṇīyaṁ karotīti?
kv4.6:7.4Na hevaṁ vattabbe …pe….
kv4.6:8.1Paccuppannāya bodhiyā buddho, tāya bodhiyā dukkhaṁ parijānāti, samudayaṁ pajahati, nirodhaṁ sacchikaroti, maggaṁ bhāvetīti?
kv4.6:8.2Āmantā.
kv4.6:8.3Atītāya bodhiyā buddho, tāya bodhiyā dukkhaṁ parijānāti …pe… maggaṁ bhāvetīti?
kv4.6:8.4Na hevaṁ vattabbe …pe….
kv4.6:9.1Paccuppannāya bodhiyā buddho, tāya bodhiyā bodhikaraṇīyaṁ karotīti?
kv4.6:9.2Āmantā.
kv4.6:9.3Anāgatāya bodhiyā buddho, tāya bodhiyā bodhikaraṇīyaṁ karotīti?
kv4.6:9.4Na hevaṁ vattabbe …pe….
kv4.6:10.1Paccuppannāya bodhiyā buddho, tāya bodhiyā dukkhaṁ parijānāti …pe… maggaṁ bhāvetīti?
kv4.6:10.2Āmantā.
kv4.6:10.3Anāgatāya bodhiyā buddho, tāya bodhiyā dukkhaṁ parijānāti …pe… maggaṁ bhāvetīti?
kv4.6:10.4Na hevaṁ vattabbe …pe….
kv4.6:11.1Atītāya bodhiyā buddho, na ca tāya bodhiyā bodhikaraṇīyaṁ karotīti?
kv4.6:11.2Āmantā.
kv4.6:11.3Paccuppannāya bodhiyā buddho, na ca tāya bodhiyā bodhikaraṇīyaṁ karotīti?
kv4.6:11.4Na hevaṁ vattabbe …pe….
kv4.6:12.1Atītāya bodhiyā buddho, na ca tāya bodhiyā dukkhaṁ parijānāti …pe… maggaṁ bhāvetīti?
kv4.6:12.2Āmantā.
kv4.6:12.3Paccuppannāya bodhiyā buddho, na ca tāya bodhiyā dukkhaṁ parijānāti …pe… maggaṁ bhāvetīti?
kv4.6:12.4Na hevaṁ vattabbe …pe….
kv4.6:13.1Anāgatāya bodhiyā buddho, na ca tāya bodhiyā bodhikaraṇīyaṁ karotīti?
kv4.6:13.2Āmantā.
kv4.6:13.3Paccuppannāya bodhiyā buddho, na ca tāya bodhiyā bodhikaraṇīyaṁ karotīti?
kv4.6:13.4Na hevaṁ vattabbe …pe….
kv4.6:14.1Anāgatāya bodhiyā buddho, na ca tāya bodhiyā dukkhaṁ parijānāti …pe… maggaṁ bhāvetīti?
kv4.6:14.2Āmantā.
kv4.6:14.3Paccuppannāya bodhiyā buddho, na ca tāya bodhiyā dukkhaṁ parijānāti …pe… maggaṁ bhāvetīti?
kv4.6:14.4Na hevaṁ vattabbe …pe….
kv4.6:15.1Atītāya bodhiyā buddho, anāgatāya bodhiyā buddho, paccuppannāya bodhiyā buddhoti?
kv4.6:15.2Āmantā.
kv4.6:15.3Tīhi bodhīhi buddhoti?
kv4.6:15.4Na hevaṁ vattabbe …pe….
kv4.6:16.1Tīhi bodhīhi buddhoti?
kv4.6:16.2Āmantā.
kv4.6:16.3Satataṁ samitaṁ abbokiṇṇaṁ tīhi bodhīhi samannāgato samohito, tisso bodhiyo paccupaṭṭhitāti?
kv4.6:16.4Na hevaṁ vattabbe …pe….
kv4.6:17.1Na vattabbaṁ—
kv4.6:17.2“bodhiyā buddho”ti?
kv4.6:17.3Āmantā.
kv4.6:17.4Nanu bodhipaṭilābhā buddhoti?
kv4.6:17.5Āmantā.
kv4.6:17.6Hañci bodhipaṭilābhā buddho, tena vata re vattabbe—
kv4.6:17.7“bodhiyā buddho”ti.
kv4.6:18.1Bodhipaṭilābhā buddhoti, bodhiyā buddhoti?
kv4.6:18.2Āmantā.
kv4.6:18.3Bodhipaṭilābhā bodhīti?
kv4.6:18.4Na hevaṁ vattabbe …pe….
kv4.6:18.5Bodhiyā buddhotikathā niṭṭhitā.