ds2.1.10:0.1Dhammasaṅgaṇī
ds2.1.10:0.22 Niddesa
ds2.1.10:0.32.1 Cittuppādakaṇḍa
ds2.1.10:0.42.1.10. Ahetukakiriyāabyākata
ds2.1.10:1.02.1.10.1. Kiriyāmanodhātu
ds2.1.10:1.1Katame dhammā abyākatā?
ds2.1.10:1.2Yasmiṁ samaye manodhātu uppannā hoti kiriyā neva kusalā nākusalā na ca kammavipākā upekkhāsahagatā rūpārammaṇā vā …pe…
ds2.1.10:1.3phoṭṭhabbārammaṇā vā yaṁ yaṁ vā panārabbha, tasmiṁ samaye phasso hoti, vedanā hoti, saññā hoti, cetanā hoti, cittaṁ hoti, vitakko hoti, vicāro hoti, upekkhā hoti, cittassekaggatā hoti, manindriyaṁ hoti, upekkhindriyaṁ hoti, jīvitindriyaṁ hoti;
ds2.1.10:1.4ye vā pana tasmiṁ samaye aññepi atthi paṭiccasamuppannā arūpino dhammā—
ds2.1.10:1.5ime dhammā abyākatā …pe….
ds2.1.10:2.1Tasmiṁ kho pana samaye cattāro khandhā honti, dvāyatanāni honti, dve dhātuyo honti, tayo āhārā honti, tīṇindriyāni honti, eko phasso hoti …pe… ekā manodhātu hoti, ekaṁ dhammāyatanaṁ hoti, ekā dhammadhātu hoti;
ds2.1.10:2.2ye vā pana tasmiṁ samaye aññepi atthi paṭiccasamuppannā arūpino dhammā—
ds2.1.10:2.3ime dhammā abyākatā …pe….
ds2.1.10:3.1Katamo tasmiṁ samaye saṅkhārakkhandho hoti?
ds2.1.10:3.2Phasso cetanā vitakko vicāro cittassekaggatā jīvitindriyaṁ;
ds2.1.10:3.3ye vā pana tasmiṁ samaye aññepi atthi paṭiccasamuppannā arūpino dhammā ṭhapetvā vedanākkhandhaṁ ṭhapetvā saññākkhandhaṁ ṭhapetvā viññāṇakkhandhaṁ—
ds2.1.10:3.4ayaṁ tasmiṁ samaye saṅkhārakkhandho hoti …pe…
ds2.1.10:3.5ime dhammā abyākatā.
ds2.1.10:3.6Kiriyā manodhātu.
ds2.1.10:4.02.1.10.2. Kiriyāmanoviññāṇadhātusomanassasahagata
ds2.1.10:4.1Katame dhammā abyākatā?
ds2.1.10:4.2Yasmiṁ samaye manoviññāṇadhātu uppannā hoti kiriyā neva kusalā nākusalā na ca kammavipākā somanassasahagatā rūpārammaṇā vā …pe…
ds2.1.10:4.3dhammārammaṇā vā yaṁ yaṁ vā panārabbha, tasmiṁ samaye phasso hoti, vedanā hoti, saññā hoti, cetanā hoti, cittaṁ hoti, vitakko hoti, vicāro hoti, pīti hoti, sukhaṁ hoti, cittassekaggatā hoti, vīriyindriyaṁ hoti, samādhindriyaṁ hoti, manindriyaṁ hoti, somanassindriyaṁ hoti, jīvitindriyaṁ hoti;
ds2.1.10:4.4ye vā pana tasmiṁ samaye aññepi atthi paṭiccasamuppannā arūpino dhammā—
ds2.1.10:4.5ime dhammā abyākatā.
ds2.1.10:5.1Katamo tasmiṁ samaye phasso hoti?
ds2.1.10:5.2Yo tasmiṁ samaye phasso phusanā samphusanā samphusitattaṁ—
ds2.1.10:5.3ayaṁ tasmiṁ samaye phasso hoti …pe….
ds2.1.10:6.1Katamā tasmiṁ samaye cittassekaggatā hoti?
ds2.1.10:6.2Yā tasmiṁ samaye cittassa ṭhiti saṇṭhiti avaṭṭhiti avisāhāro avikkhepo avisāhaṭamānasatā samatho samādhindriyaṁ samādhibalaṁ—
ds2.1.10:6.3ayaṁ tasmiṁ samaye cittassekaggatā hoti.
ds2.1.10:7.1Katamaṁ tasmiṁ samaye vīriyindriyaṁ hoti?
ds2.1.10:7.2Yo tasmiṁ samaye cetasiko vīriyārambho nikkamo parakkamo uyyāmo vāyāmo ussāho ussoḷhī thāmo dhiti asithilaparakkamatā anikkhittachandatā anikkhittadhuratā dhurasampaggāho vīriyaṁ vīriyindriyaṁ vīriyabalaṁ—
ds2.1.10:7.3idaṁ tasmiṁ samaye vīriyindriyaṁ hoti.
ds2.1.10:8.1Katamaṁ tasmiṁ samaye samādhindriyaṁ hoti?
ds2.1.10:8.2Yā tasmiṁ samaye cittassa ṭhiti saṇṭhiti avaṭṭhiti avisāhāro avikkhepo avisāhaṭamānasatā samatho samādhindriyaṁ samādhibalaṁ—
ds2.1.10:8.3idaṁ tasmiṁ samaye samādhindriyaṁ hoti …pe…
ds2.1.10:8.4ye vā pana tasmiṁ samaye aññepi atthi paṭiccasamuppannā arūpino dhammā—
ds2.1.10:8.5ime dhammā abyākatā.
ds2.1.10:9.1Tasmiṁ kho pana samaye cattāro khandhā honti, dvāyatanāni honti, dve dhātuyo honti, tayo āhārā honti, pañcindriyāni honti, eko phasso hoti …pe… ekā manoviññāṇadhātu hoti, ekaṁ dhammāyatanaṁ hoti, ekā dhammadhātu hoti;
ds2.1.10:9.2ye vā pana tasmiṁ samaye aññepi atthi paṭiccasamuppannā arūpino dhammā—
ds2.1.10:9.3ime dhammā abyākatā …pe….
ds2.1.10:10.1Katamo tasmiṁ samaye saṅkhārakkhandho hoti?
ds2.1.10:10.2Phasso cetanā vitakko vicāro pīti cittassekaggatā vīriyindriyaṁ samādhindriyaṁ jīvitindriyaṁ;
ds2.1.10:10.3ye vā pana tasmiṁ samaye aññepi atthi paṭiccasamuppannā arūpino dhammā ṭhapetvā vedanākkhandhaṁ ṭhapetvā saññākkhandhaṁ ṭhapetvā viññāṇakkhandhaṁ—
ds2.1.10:10.4ayaṁ tasmiṁ samaye saṅkhārakkhandho hoti …pe…
ds2.1.10:10.5ime dhammā abyākatā.
ds2.1.10:10.6Kiriyā manoviññāṇadhātu somanassasahagatā.
ds2.1.10:11.02.1.10.3. Kiriyāmanoviññāṇadhātuupekkhāsahagata
ds2.1.10:11.1Katame dhammā abyākatā?
ds2.1.10:11.2Yasmiṁ samaye manoviññāṇadhātu uppannā hoti kiriyā neva kusalā nākusalā na ca kammavipākā upekkhāsahagatā rūpārammaṇā vā …pe…
ds2.1.10:11.3dhammārammaṇā vā yaṁ yaṁ vā panārabbha, tasmiṁ samaye phasso hoti, vedanā hoti, saññā hoti, cetanā hoti, cittaṁ hoti, vitakko hoti, vicāro hoti, upekkhā hoti, cittassekaggatā hoti, vīriyindriyaṁ hoti, samādhindriyaṁ hoti manindriyaṁ hoti, upekkhindriyaṁ hoti, jīvitindriyaṁ hoti;
ds2.1.10:11.4ye vā pana tasmiṁ samaye aññepi atthi paṭiccasamuppannā arūpino dhammā—
ds2.1.10:11.5ime dhammā abyākatā …pe….
ds2.1.10:12.1Tasmiṁ kho pana samaye cattāro khandhā honti, dvāyatanāni honti, dve dhātuyo honti, tayo āhārā honti, pañcindriyāni honti, eko phasso hoti …pe… ekā manoviññāṇadhātu hoti, ekaṁ dhammāyatanaṁ hoti, ekā dhammadhātu hoti;
ds2.1.10:12.2ye vā pana tasmiṁ samaye aññepi atthi paṭiccasamuppannā arūpino dhammā—
ds2.1.10:12.3ime dhammā abyākatā …pe….
ds2.1.10:13.1Katamo tasmiṁ samaye saṅkhārakkhandho hoti?
ds2.1.10:13.2Phasso cetanā vitakko vicāro cittassekaggatā vīriyindriyaṁ samādhindriyaṁ jīvitindriyaṁ;
ds2.1.10:13.3ye vā pana tasmiṁ samaye aññepi atthi paṭiccasamuppannā arūpino dhammā ṭhapetvā vedanākkhandhaṁ ṭhapetvā saññākkhandhaṁ ṭhapetvā viññāṇakkhandhaṁ—
ds2.1.10:13.4ayaṁ tasmiṁ samaye saṅkhārakkhandho hoti …pe…
ds2.1.10:13.5ime dhammā abyākatā.
ds2.1.10:13.6Kiriyā manoviññāṇadhātu upekkhāsahagatā.
ds2.1.10:13.7Ahetukā kiriyā abyākatā.
ds2.1.10:14.02.1.10.4. Sahetukakāmāvacarakiriyā
ds2.1.10:14.1Katame dhammā abyākatā?
ds2.1.10:14.2Yasmiṁ samaye manoviññāṇadhātu uppannā hoti kiriyā neva kusalā nākusalā na ca kammavipākā somanassasahagatā ñāṇasampayuttā …pe…
ds2.1.10:14.3somanassasahagatā ñāṇasampayuttā sasaṅkhārena …pe…
ds2.1.10:14.4somanassasahagatā ñāṇavippayuttā …pe…
ds2.1.10:14.5somanassasahagatā ñāṇavippayuttā sasaṅkhārena …pe…
ds2.1.10:14.6upekkhāsahagatā ñāṇasampayuttā …pe…
ds2.1.10:14.7upekkhāsahagatā ñāṇasampayuttā sasaṅkhārena …pe…
ds2.1.10:14.8upekkhāsahagatā ñāṇavippayuttā …pe…
ds2.1.10:14.9upekkhāsahagatā ñāṇavippayuttā sasaṅkhārena rūpārammaṇā vā …pe…
ds2.1.10:14.10dhammārammaṇā vā yaṁ yaṁ vā panārabbha, tasmiṁ samaye phasso hoti …pe… avikkhepo hoti …pe…
ds2.1.10:14.11ime dhammā abyākatā …pe…
ds2.1.10:14.12alobho abyākatamūlaṁ …pe…
ds2.1.10:14.13adoso abyākatamūlaṁ …pe…
ds2.1.10:14.14ime dhammā abyākatā.
ds2.1.10:14.15Sahetukā kāmāvacarakiriyā.
ds2.1.10:15.02.1.10.5. Rūpāvacarakiriyā
ds2.1.10:15.1Katame dhammā abyākatā?
ds2.1.10:15.2Yasmiṁ samaye rūpāvacaraṁ jhānaṁ bhāveti kiriyaṁ neva kusalaṁ nākusalaṁ na ca kammavipākaṁ diṭṭhadhammasukhavihāraṁ vivicceva kāmehi …pe… paṭhamaṁ jhānaṁ upasampajja viharati pathavīkasiṇaṁ, tasmiṁ samaye phasso hoti …pe… avikkhepo hoti …pe…
ds2.1.10:15.3ime dhammā abyākatā.
ds2.1.10:16.1Katame dhammā abyākatā?
ds2.1.10:16.2Yasmiṁ samaye rūpāvacaraṁ jhānaṁ bhāveti kiriyaṁ neva kusalaṁ nākusalaṁ na ca kammavipākaṁ diṭṭhadhammasukhavihāraṁ vitakkavicārānaṁ vūpasamā …pe… dutiyaṁ jhānaṁ …pe…
ds2.1.10:16.3tatiyaṁ jhānaṁ …pe…
ds2.1.10:16.4catutthaṁ jhānaṁ …pe…
ds2.1.10:16.5paṭhamaṁ jhānaṁ …pe…
ds2.1.10:16.6pañcamaṁ jhānaṁ upasampajja viharati pathavīkasiṇaṁ, tasmiṁ samaye phasso hoti …pe… avikkhepo hoti …pe…
ds2.1.10:16.7ime dhammā abyākatā.
ds2.1.10:16.8Rūpāvacarakiriyā.
ds2.1.10:17.02.1.10.6. Arūpāvacarakiriyā
ds2.1.10:17.1Katame dhammā abyākatā?
ds2.1.10:17.2Yasmiṁ samaye arūpāvacaraṁ jhānaṁ bhāveti kiriyaṁ neva kusalaṁ nākusalaṁ na ca kammavipākaṁ diṭṭhadhammasukhavihāraṁ sabbaso rūpasaññānaṁ samatikkamā paṭighasaññānaṁ atthaṅgamā nānattasaññānaṁ amanasikārā ākāsānañcāyatanasaññāsahagataṁ sukhassa ca pahānā …pe… catutthaṁ jhānaṁ upasampajja viharati tasmiṁ samaye phasso hoti …pe… avikkhepo hoti …pe…
ds2.1.10:17.3ime dhammā abyākatā.
ds2.1.10:18.1Katame dhammā abyākatā?
ds2.1.10:18.2Yasmiṁ samaye arūpāvacaraṁ jhānaṁ bhāveti kiriyaṁ neva kusalaṁ nākusalaṁ na ca kammavipākaṁ diṭṭhadhammasukhavihāraṁ sabbaso ākāsānañcāyatanaṁ samatikkamma viññāṇañcāyatanasaññāsahagataṁ sukhassa ca pahānā …pe… catutthaṁ jhānaṁ upasampajja viharati, tasmiṁ samaye phasso hoti …pe… avikkhepo hoti …pe…
ds2.1.10:18.3ime dhammā abyākatā.
ds2.1.10:19.1Katame dhammā abyākatā?
ds2.1.10:19.2Yasmiṁ samaye arūpāvacaraṁ jhānaṁ bhāveti kiriyaṁ neva kusalaṁ nākusalaṁ na ca kammavipākaṁ diṭṭhadhammasukhavihāraṁ sabbaso viññāṇañcāyatanaṁ samatikkamma ākiñcaññāyatanasaññāsahagataṁ sukhassa ca pahānā …pe… catutthaṁ jhānaṁ upasampajja viharati, tasmiṁ samaye phasso hoti …pe… avikkhepo hoti …pe…
ds2.1.10:19.3ime dhammā abyākatā.
ds2.1.10:20.1Katame dhammā abyākatā?
ds2.1.10:20.2Yasmiṁ samaye arūpāvacaraṁ jhānaṁ bhāveti kiriyaṁ neva kusalaṁ nākusalaṁ na ca kammavipākaṁ diṭṭhadhammasukhavihāraṁ sabbaso ākiñcaññāyatanaṁ samatikkamma nevasaññānāsaññāyatanasaññāsahagataṁ sukhassa ca pahānā …pe… catutthaṁ jhānaṁ upasampajja viharati, tasmiṁ samaye phasso hoti …pe… avikkhepo hoti …pe…
ds2.1.10:20.3ime dhammā abyākatā …pe…
ds2.1.10:20.4alobho abyākatamūlaṁ …pe…
ds2.1.10:20.5adoso abyākatamūlaṁ …pe…
ds2.1.10:20.6amoho abyākatamūlaṁ …pe…
ds2.1.10:20.7ime dhammā abyākatā.
ds2.1.10:20.8Arūpāvacarakiriyā.
ds2.1.10:20.9Kiriyā abyākatā.
ds2.1.10:20.10Cittuppādakaṇḍaṁ niṭṭhitaṁ.