ds2.2.2:0.1Dhammasaṅgaṇī
ds2.2.2:0.22 Niddesa
ds2.2.2:0.32.2 Rūpakaṇḍa
ds2.2.2:0.42.2.2. Mātikā
ds2.2.2:1.02.2.2.1. Ekaka
ds2.2.2:1.1Tattha katamaṁ sabbaṁ rūpaṁ?
ds2.2.2:1.2Cattāro ca mahābhūtā, catunnañca mahābhūtānaṁ upādāya rūpaṁ—
ds2.2.2:1.3idaṁ vuccati sabbaṁ rūpaṁ.
ds2.2.2:1.4Sabbaṁ rūpaṁ na hetu, ahetukaṁ, hetuvippayuttaṁ, sappaccayaṁ, saṅkhataṁ, rūpaṁ, lokiyaṁ, sāsavaṁ, saññojaniyaṁ, ganthaniyaṁ, oghaniyaṁ, yoganiyaṁ, nīvaraṇiyaṁ, parāmaṭṭhaṁ, upādāniyaṁ, saṅkilesikaṁ, abyākataṁ, anārammaṇaṁ, acetasikaṁ, cittavippayuttaṁ, nevavipākanavipākadhammadhammaṁ, asaṅkiliṭṭhasaṅkilesikaṁ, na savitakkasavicāraṁ, na avitakkavicāramattaṁ, avitakkaavicāraṁ, na pītisahagataṁ, na sukhasahagataṁ, na upekkhāsahagataṁ, neva dassanena na bhāvanāya pahātabbaṁ, neva dassanena na bhāvanāya pahātabbahetukaṁ, neva ācayagāmi na apacayagāmi, nevasekkhanāsekkhaṁ, parittaṁ, kāmāvacaraṁ, na rūpāvacaraṁ, na arūpāvacaraṁ, pariyāpannaṁ, no apariyāpannaṁ, aniyataṁ, aniyyānikaṁ, uppannaṁ, chahi viññāṇehi viññeyyaṁ, aniccaṁ, jarābhibhūtaṁ.
ds2.2.2:1.5Evaṁ ekavidhena rūpasaṅgaho.
ds2.2.2:1.6Ekakaṁ.
ds2.2.2:2.02.2.2.2. Duka
ds2.2.2:2.1Duvidhena rūpasaṅgaho—
ds2.2.2:3.1Atthi rūpaṁ upādā, atthi rūpaṁ no upādā.
ds2.2.2:4.1Atthi rūpaṁ upādinnaṁ, atthi rūpaṁ anupādinnaṁ.
ds2.2.2:5.1Atthi rūpaṁ upādinnupādāniyaṁ, atthi rūpaṁ anupādinnupādāniyaṁ.
ds2.2.2:6.1Atthi rūpaṁ sanidassanaṁ, atthi rūpaṁ anidassanaṁ.
ds2.2.2:7.1Atthi rūpaṁ sappaṭighaṁ, atthi rūpaṁ appaṭighaṁ.
ds2.2.2:8.1Atthi rūpaṁ indriyaṁ, atthi rūpaṁ na indriyaṁ.
ds2.2.2:9.1Atthi rūpaṁ mahābhūtaṁ, atthi rūpaṁ na mahābhūtaṁ.
ds2.2.2:10.1Atthi rūpaṁ viññatti, atthi rūpaṁ na viññatti.
ds2.2.2:11.1Atthi rūpaṁ cittasamuṭṭhānaṁ, atthi rūpaṁ na cittasamuṭṭhānaṁ.
ds2.2.2:12.1Atthi rūpaṁ cittasahabhu, atthi rūpaṁ na cittasahabhu.
ds2.2.2:13.1Atthi rūpaṁ cittānuparivatti, atthi rūpaṁ na cittānuparivatti.
ds2.2.2:14.1Atthi rūpaṁ ajjhattikaṁ, atthi rūpaṁ bāhiraṁ.
ds2.2.2:15.1Atthi rūpaṁ oḷārikaṁ, atthi rūpaṁ sukhumaṁ.
ds2.2.2:16.1Atthi rūpaṁ dūre, atthi rūpaṁ santike. [14]
ds2.2.2:16.2Pakiṇṇakadukaṁ.
ds2.2.2:17.1Atthi rūpaṁ cakkhusamphassassa vatthu, atthi rūpaṁ cakkhusamphassassa na vatthu.
ds2.2.2:17.2Atthi rūpaṁ cakkhusamphassajāya vedanāya …pe…
ds2.2.2:17.3saññāya …pe…
ds2.2.2:17.4cetanāya …pe…
ds2.2.2:17.5cakkhuviññāṇassa vatthu, atthi rūpaṁ cakkhuviññāṇassa na vatthu.
ds2.2.2:18.1Atthi rūpaṁ sotasamphassassa …pe…
ds2.2.2:18.2ghānasamphassassa …pe…
ds2.2.2:18.3jivhāsamphassassa …pe…
ds2.2.2:18.4kāyasamphassassa vatthu, atthi rūpaṁ kāyasamphassassa na vatthu.
ds2.2.2:18.5Atthi rūpaṁ kāyasamphassajāya vedanāya …pe…
ds2.2.2:18.6saññāya …pe…
ds2.2.2:18.7cetanāya …pe…
ds2.2.2:18.8kāyaviññāṇassa vatthu, atthi rūpaṁ kāyaviññāṇassa na vatthu. [25]
ds2.2.2:18.9Vatthudukaṁ.
ds2.2.2:19.1Atthi rūpaṁ cakkhusamphassassa ārammaṇaṁ, atthi rūpaṁ cakkhusamphassassa nārammaṇaṁ.
ds2.2.2:19.2Atthi rūpaṁ cakkhusamphassajāya vedanāya …pe…
ds2.2.2:19.3saññāya …pe…
ds2.2.2:19.4cetanāya …pe…
ds2.2.2:19.5cakkhuviññāṇassa ārammaṇaṁ, atthi rūpaṁ cakkhuviññāṇassa nārammaṇaṁ.
ds2.2.2:20.1Atthi rūpaṁ sotasamphassassa …pe…
ds2.2.2:20.2ghānasamphassassa …pe…
ds2.2.2:20.3jivhāsamphassassa …pe…
ds2.2.2:20.4kāyasamphassassa ārammaṇaṁ, atthi rūpaṁ kāyasamphassassa nārammaṇaṁ.
ds2.2.2:20.5Atthi rūpaṁ kāyasamphassajāya vedanāya …pe…
ds2.2.2:20.6saññāya …pe…
ds2.2.2:20.7cetanāya …pe…
ds2.2.2:20.8kāyaviññāṇassa ārammaṇaṁ, atthi rūpaṁ kāyaviññāṇassa nārammaṇaṁ. [25]
ds2.2.2:20.9Ārammaṇadukaṁ.
ds2.2.2:21.1Atthi rūpaṁ cakkhāyatanaṁ, atthi rūpaṁ na cakkhāyatanaṁ.
ds2.2.2:21.2Atthi rūpaṁ sotāyatanaṁ …pe…
ds2.2.2:21.3ghānāyatanaṁ …pe…
ds2.2.2:21.4jivhāyatanaṁ …pe…
ds2.2.2:21.5kāyāyatanaṁ, atthi rūpaṁ na kāyāyatanaṁ.
ds2.2.2:22.1Atthi rūpaṁ rūpāyatanaṁ, atthi rūpaṁ na rūpāyatanaṁ.
ds2.2.2:22.2Atthi rūpaṁ saddāyatanaṁ …pe…
ds2.2.2:22.3gandhāyatanaṁ …pe…
ds2.2.2:22.4rasāyatanaṁ …pe…
ds2.2.2:22.5phoṭṭhabbāyatanaṁ, atthi rūpaṁ na phoṭṭhabbāyatanaṁ. [10]
ds2.2.2:22.6Āyatanadukaṁ.
ds2.2.2:23.1Atthi rūpaṁ cakkhudhātu, atthi rūpaṁ na cakkhudhātu.
ds2.2.2:23.2Atthi rūpaṁ sotadhātu …pe…
ds2.2.2:23.3ghānadhātu …pe…
ds2.2.2:23.4jivhādhātu …pe…
ds2.2.2:23.5kāyadhātu, atthi rūpaṁ na kāyadhātu.
ds2.2.2:24.1Atthi rūpaṁ rūpadhātu, atthi rūpaṁ na rūpadhātu.
ds2.2.2:24.2Atthi rūpaṁ saddadhātu …pe…
ds2.2.2:24.3gandhadhātu …pe…
ds2.2.2:24.4rasadhātu …pe…
ds2.2.2:24.5phoṭṭhabbadhātu, atthi rūpaṁ na phoṭṭhabbadhātu. [10]
ds2.2.2:24.6Dhātudukaṁ.
ds2.2.2:25.1Atthi rūpaṁ cakkhundriyaṁ, atthi rūpaṁ na cakkhundriyaṁ.
ds2.2.2:25.2Atthi rūpaṁ sotindriyaṁ …pe…
ds2.2.2:25.3ghānindriyaṁ …pe…
ds2.2.2:25.4jivhindriyaṁ …pe…
ds2.2.2:25.5kāyindriyaṁ, atthi rūpaṁ na kāyindriyaṁ.
ds2.2.2:26.1Atthi rūpaṁ itthindriyaṁ, atthi rūpaṁ na itthindriyaṁ.
ds2.2.2:27.1Atthi rūpaṁ purisindriyaṁ, atthi rūpaṁ na purisindriyaṁ.
ds2.2.2:28.1Atthi rūpaṁ jīvitindriyaṁ, atthi rūpaṁ na jīvitindriyaṁ. [8]
ds2.2.2:28.2Indriyadukaṁ.
ds2.2.2:29.1Atthi rūpaṁ kāyaviññatti, atthi rūpaṁ na kāyaviññatti.
ds2.2.2:30.1Atthi rūpaṁ vacīviññatti, atthi rūpaṁ na vacīviññatti.
ds2.2.2:31.1Atthi rūpaṁ ākāsadhātu, atthi rūpaṁ na ākāsadhātu.
ds2.2.2:32.1Atthi rūpaṁ āpodhātu, atthi rūpaṁ na āpodhātu.
ds2.2.2:33.1Atthi rūpaṁ rūpassa lahutā, atthi rūpaṁ rūpassa na lahutā.
ds2.2.2:34.1Atthi rūpaṁ rūpassa mudutā, atthi rūpaṁ rūpassa na mudutā.
ds2.2.2:35.1Atthi rūpaṁ rūpassa kammaññatā, atthi rūpaṁ rūpassa na kammaññatā.
ds2.2.2:36.1Atthi rūpaṁ rūpassa upacayo, atthi rūpaṁ rūpassa na upacayo.
ds2.2.2:37.1Atthi rūpaṁ rūpassa santati, atthi rūpaṁ rūpassa na santati.
ds2.2.2:38.1Atthi rūpaṁ rūpassa jaratā, atthi rūpaṁ rūpassa na jaratā.
ds2.2.2:39.1Atthi rūpaṁ rūpassa aniccatā, atthi rūpaṁ rūpassa na aniccatā.
ds2.2.2:40.1Atthi rūpaṁ kabaḷīkāro āhāro, atthi rūpaṁ na kabaḷīkāro āhāro. [12]
ds2.2.2:40.2Evaṁ duvidhena rūpasaṅgaho.
ds2.2.2:40.3Sukhumarūpadukaṁ.
ds2.2.2:40.4Dukaṁ.
ds2.2.2:41.02.2.2.3. Tika
ds2.2.2:41.1Tividhena rūpasaṅgaho—
ds2.2.2:42.1Yaṁ taṁ rūpaṁ ajjhattikaṁ, taṁ upādā.
ds2.2.2:42.2Yaṁ taṁ rūpaṁ bāhiraṁ, taṁ atthi upādā, atthi no upādā.
ds2.2.2:43.1Yaṁ taṁ rūpaṁ ajjhattikaṁ, taṁ upādinnaṁ.
ds2.2.2:43.2Yaṁ taṁ rūpaṁ bāhiraṁ, taṁ atthi upādinnaṁ, atthi anupādinnaṁ.
ds2.2.2:44.1Yaṁ taṁ rūpaṁ ajjhattikaṁ, taṁ upādinnupādāniyaṁ.
ds2.2.2:44.2Yaṁ taṁ rūpaṁ bāhiraṁ, taṁ atthi upādinnupādāniyaṁ, atthi anupādinnupādāniyaṁ.
ds2.2.2:45.1Yaṁ taṁ rūpaṁ ajjhattikaṁ, taṁ anidassanaṁ.
ds2.2.2:45.2Yaṁ taṁ rūpaṁ bāhiraṁ, taṁ atthi sanidassanaṁ, atthi anidassanaṁ.
ds2.2.2:46.1Yaṁ taṁ rūpaṁ ajjhattikaṁ, taṁ sappaṭighaṁ.
ds2.2.2:46.2Yaṁ taṁ rūpaṁ bāhiraṁ, taṁ atthi sappaṭighaṁ, atthi appaṭighaṁ.
ds2.2.2:47.1Yaṁ taṁ rūpaṁ ajjhattikaṁ, taṁ indriyaṁ.
ds2.2.2:47.2Yaṁ taṁ rūpaṁ bāhiraṁ, taṁ atthi indriyaṁ, atthi na indriyaṁ.
ds2.2.2:48.1Yaṁ taṁ rūpaṁ ajjhattikaṁ, taṁ na mahābhūtaṁ.
ds2.2.2:48.2Yaṁ taṁ rūpaṁ bāhiraṁ, taṁ atthi mahābhūtaṁ, atthi na mahābhūtaṁ.
ds2.2.2:49.1Yaṁ taṁ rūpaṁ ajjhattikaṁ, taṁ na viññatti.
ds2.2.2:49.2Yaṁ taṁ rūpaṁ bāhiraṁ, taṁ atthi viññatti, atthi na viññatti.
ds2.2.2:50.1Yaṁ taṁ rūpaṁ ajjhattikaṁ, taṁ na cittasamuṭṭhānaṁ.
ds2.2.2:50.2Yaṁ taṁ rūpaṁ bāhiraṁ, taṁ atthi cittasamuṭṭhānaṁ, atthi na cittasamuṭṭhānaṁ.
ds2.2.2:51.1Yaṁ taṁ rūpaṁ ajjhattikaṁ, taṁ na cittasahabhu.
ds2.2.2:51.2Yaṁ taṁ rūpaṁ bāhiraṁ, taṁ atthi cittasahabhu, atthi na cittasahabhu.
ds2.2.2:52.1Yaṁ taṁ rūpaṁ ajjhattikaṁ, taṁ na cittānuparivatti.
ds2.2.2:52.2Yaṁ taṁ rūpaṁ bāhiraṁ, taṁ atthi cittānuparivatti, atthi na cittānuparivatti.
ds2.2.2:53.1Yaṁ taṁ rūpaṁ ajjhattikaṁ, taṁ oḷārikaṁ.
ds2.2.2:53.2Yaṁ taṁ rūpaṁ bāhiraṁ, taṁ atthi oḷārikaṁ, atthi sukhumaṁ.
ds2.2.2:54.1Yaṁ taṁ rūpaṁ ajjhattikaṁ, taṁ santike.
ds2.2.2:54.2Yaṁ taṁ rūpaṁ bāhiraṁ, taṁ atthi dūre, atthi santike. [13]
ds2.2.2:54.3Pakiṇṇakatikaṁ.
ds2.2.2:55.1Yaṁ taṁ rūpaṁ bāhiraṁ, taṁ cakkhusamphassassa na vatthu.
ds2.2.2:55.2Yaṁ taṁ rūpaṁ ajjhattikaṁ, taṁ atthi cakkhusamphassassa vatthu, atthi cakkhusamphassassa na vatthu.
ds2.2.2:56.1Yaṁ taṁ rūpaṁ bāhiraṁ, taṁ cakkhusamphassajāya vedanāya …pe…
ds2.2.2:56.2saññāya …pe…
ds2.2.2:56.3cetanāya …pe…
ds2.2.2:56.4cakkhuviññāṇassa na vatthu.
ds2.2.2:56.5Yaṁ taṁ rūpaṁ ajjhattikaṁ, taṁ atthi cakkhuviññāṇassa vatthu, atthi cakkhuviññāṇassa na vatthu.
ds2.2.2:57.1Yaṁ taṁ rūpaṁ bāhiraṁ, taṁ sotasamphassassa …pe…
ds2.2.2:57.2ghānasamphassassa …pe…
ds2.2.2:57.3jivhāsamphassassa …pe…
ds2.2.2:57.4kāyasamphassassa na vatthu.
ds2.2.2:57.5Yaṁ taṁ rūpaṁ ajjhattikaṁ, taṁ atthi kāyasamphassassa vatthu, atthi kāyasamphassassa na vatthu.
ds2.2.2:57.6Yaṁ taṁ rūpaṁ bāhiraṁ, taṁ kāyasamphassajāya vedanāya …pe…
ds2.2.2:57.7saññāya …pe…
ds2.2.2:57.8cetanāya …pe…
ds2.2.2:57.9kāyaviññāṇassa na vatthu.
ds2.2.2:57.10Yaṁ taṁ rūpaṁ ajjhattikaṁ, taṁ atthi kāyaviññāṇassa vatthu, atthi kāyaviññāṇassa na vatthu. [25]
ds2.2.2:57.11Vatthutikaṁ.
ds2.2.2:58.1Yaṁ taṁ rūpaṁ ajjhattikaṁ, taṁ cakkhusamphassassa nārammaṇaṁ.
ds2.2.2:58.2Yaṁ taṁ rūpaṁ bāhiraṁ, taṁ atthi cakkhusamphassassa ārammaṇaṁ, atthi cakkhusamphassassa nārammaṇaṁ.
ds2.2.2:58.3Yaṁ taṁ rūpaṁ ajjhattikaṁ, taṁ cakkhusamphassajāya vedanāya …pe…
ds2.2.2:58.4saññāya …pe…
ds2.2.2:58.5cetanāya …pe…
ds2.2.2:58.6cakkhuviññāṇassa nārammaṇaṁ.
ds2.2.2:58.7Yaṁ taṁ rūpaṁ bāhiraṁ, taṁ atthi cakkhuviññāṇassa ārammaṇaṁ, atthi cakkhuviññāṇassa nārammaṇaṁ.
ds2.2.2:59.1Yaṁ taṁ rūpaṁ ajjhattikaṁ, taṁ sotasamphassassa …pe…
ds2.2.2:59.2ghānasamphassassa …pe…
ds2.2.2:59.3jivhāsamphassassa …pe…
ds2.2.2:59.4kāyasamphassassa nārammaṇaṁ.
ds2.2.2:59.5Yaṁ taṁ rūpaṁ bāhiraṁ, taṁ atthi kāyasamphassassa ārammaṇaṁ, atthi kāyasamphassassa nārammaṇaṁ.
ds2.2.2:59.6Yaṁ taṁ rūpaṁ ajjhattikaṁ, taṁ kāyasamphassajāya vedanāya …pe…
ds2.2.2:59.7saññāya …pe…
ds2.2.2:59.8cetanāya …pe…
ds2.2.2:59.9kāyaviññāṇassa nārammaṇaṁ.
ds2.2.2:59.10Yaṁ taṁ rūpaṁ bāhiraṁ, taṁ atthi kāyaviññāṇassa ārammaṇaṁ, atthi kāyaviññāṇassa nārammaṇaṁ. [25]
ds2.2.2:59.11Ārammaṇatikaṁ.
ds2.2.2:60.1Yaṁ taṁ rūpaṁ bāhiraṁ, taṁ na cakkhāyatanaṁ.
ds2.2.2:60.2Yaṁ taṁ rūpaṁ ajjhattikaṁ, taṁ atthi cakkhāyatanaṁ, atthi na cakkhāyatanaṁ.
ds2.2.2:60.3Yaṁ taṁ rūpaṁ bāhiraṁ, taṁ na sotāyatanaṁ …pe…
ds2.2.2:60.4na ghānāyatanaṁ …pe…
ds2.2.2:60.5na jivhāyatanaṁ …pe…
ds2.2.2:60.6na kāyāyatanaṁ.
ds2.2.2:60.7Yaṁ taṁ rūpaṁ ajjhattikaṁ, taṁ atthi kāyāyatanaṁ, atthi na kāyāyatanaṁ.
ds2.2.2:61.1Yaṁ taṁ rūpaṁ ajjhattikaṁ, taṁ na rūpāyatanaṁ.
ds2.2.2:61.2Yaṁ taṁ rūpaṁ bāhiraṁ, taṁ atthi rūpāyatanaṁ, atthi na rūpāyatanaṁ.
ds2.2.2:61.3Yaṁ taṁ rūpaṁ ajjhattikaṁ, taṁ na saddāyatanaṁ …pe…
ds2.2.2:61.4na gandhāyatanaṁ …pe…
ds2.2.2:61.5na rasāyatanaṁ …pe…
ds2.2.2:61.6na phoṭṭhabbāyatanaṁ.
ds2.2.2:61.7Yaṁ taṁ rūpaṁ bāhiraṁ, taṁ atthi phoṭṭhabbāyatanaṁ, atthi na phoṭṭhabbāyatanaṁ. [10]
ds2.2.2:61.8Āyatanatikaṁ.
ds2.2.2:62.1Yaṁ taṁ rūpaṁ bāhiraṁ, taṁ na cakkhudhātu.
ds2.2.2:62.2Yaṁ taṁ rūpaṁ ajjhattikaṁ, taṁ atthi cakkhudhātu, atthi na cakkhudhātu.
ds2.2.2:62.3Yaṁ taṁ rūpaṁ bāhiraṁ, taṁ na sotadhātu …pe…
ds2.2.2:62.4na ghānadhātu …pe…
ds2.2.2:62.5na jivhādhātu …pe…
ds2.2.2:62.6na kāyadhātu.
ds2.2.2:62.7Yaṁ taṁ rūpaṁ ajjhattikaṁ, taṁ atthi kāyadhātu, atthi na kāyadhātu.
ds2.2.2:63.1Yaṁ taṁ rūpaṁ ajjhattikaṁ, taṁ na rūpadhātu.
ds2.2.2:63.2Yaṁ taṁ rūpaṁ bāhiraṁ, taṁ atthi rūpadhātu, atthi na rūpadhātu.
ds2.2.2:63.3Yaṁ taṁ rūpaṁ ajjhattikaṁ, taṁ na saddadhātu …pe…
ds2.2.2:63.4na gandhadhātu …pe…
ds2.2.2:63.5na rasadhātu …pe…
ds2.2.2:63.6na phoṭṭhabbadhātu.
ds2.2.2:63.7Yaṁ taṁ rūpaṁ bāhiraṁ, taṁ atthi phoṭṭhabbadhātu, atthi na phoṭṭhabbadhātu. [10]
ds2.2.2:63.8Dhātutikaṁ.
ds2.2.2:64.1Yaṁ taṁ rūpaṁ bāhiraṁ, taṁ na cakkhundriyaṁ.
ds2.2.2:64.2Yaṁ taṁ rūpaṁ ajjhattikaṁ, taṁ atthi cakkhundriyaṁ, atthi na cakkhundriyaṁ.
ds2.2.2:64.3Yaṁ taṁ rūpaṁ bāhiraṁ, taṁ na sotindriyaṁ …pe…
ds2.2.2:64.4na ghānindriyaṁ …pe…
ds2.2.2:64.5na jivhindriyaṁ …pe…
ds2.2.2:64.6na kāyindriyaṁ.
ds2.2.2:64.7Yaṁ taṁ rūpaṁ ajjhattikaṁ, taṁ atthi kāyindriyaṁ, atthi na kāyindriyaṁ.
ds2.2.2:65.1Yaṁ taṁ rūpaṁ ajjhattikaṁ, taṁ na itthindriyaṁ.
ds2.2.2:65.2Yaṁ taṁ rūpaṁ bāhiraṁ, taṁ atthi itthindriyaṁ, atthi na itthindriyaṁ.
ds2.2.2:66.1Yaṁ taṁ rūpaṁ ajjhattikaṁ, taṁ na purisindriyaṁ.
ds2.2.2:66.2Yaṁ taṁ rūpaṁ bāhiraṁ, taṁ atthi purisindriyaṁ, atthi na purisindriyaṁ.
ds2.2.2:67.1Yaṁ taṁ rūpaṁ ajjhattikaṁ, taṁ na jīvitindriyaṁ.
ds2.2.2:67.2Yaṁ taṁ rūpaṁ bāhiraṁ, taṁ atthi jīvitindriyaṁ, atthi na jīvitindriyaṁ. [8]
ds2.2.2:67.3Indriyatikaṁ.
ds2.2.2:68.1Yaṁ taṁ rūpaṁ ajjhattikaṁ, taṁ na kāyaviññatti.
ds2.2.2:68.2Yaṁ taṁ rūpaṁ bāhiraṁ, taṁ atthi kāyaviññatti, atthi na kāyaviññatti.
ds2.2.2:69.1Yaṁ taṁ rūpaṁ ajjhattikaṁ, taṁ na vacīviññatti.
ds2.2.2:69.2Yaṁ taṁ rūpaṁ bāhiraṁ, taṁ atthi vacīviññatti, atthi na vacīviññatti.
ds2.2.2:70.1Yaṁ taṁ rūpaṁ ajjhattikaṁ, taṁ na ākāsadhātu.
ds2.2.2:70.2Yaṁ taṁ rūpaṁ bāhiraṁ, taṁ atthi ākāsadhātu, atthi na ākāsadhātu.
ds2.2.2:71.1Yaṁ taṁ rūpaṁ ajjhattikaṁ, taṁ na āpodhātu.
ds2.2.2:71.2Yaṁ taṁ rūpaṁ bāhiraṁ, taṁ atthi āpodhātu, atthi na āpodhātu.
ds2.2.2:72.1Yaṁ taṁ rūpaṁ ajjhattikaṁ, taṁ rūpassa na lahutā.
ds2.2.2:72.2Yaṁ taṁ rūpaṁ bāhiraṁ, taṁ atthi rūpassa lahutā, atthi rūpassa na lahutā.
ds2.2.2:73.1Yaṁ taṁ rūpaṁ ajjhattikaṁ, taṁ rūpassa na mudutā.
ds2.2.2:73.2Yaṁ taṁ rūpaṁ bāhiraṁ, taṁ atthi rūpassa mudutā, atthi rūpassa na mudutā.
ds2.2.2:74.1Yaṁ taṁ rūpaṁ ajjhattikaṁ, taṁ rūpassa na kammaññatā.
ds2.2.2:74.2Yaṁ taṁ rūpaṁ bāhiraṁ, taṁ atthi rūpassa kammaññatā, atthi rūpassa na kammaññatā.
ds2.2.2:75.1Yaṁ taṁ rūpaṁ ajjhattikaṁ, taṁ rūpassa na upacayo.
ds2.2.2:75.2Yaṁ taṁ rūpaṁ bāhiraṁ, taṁ atthi rūpassa upacayo, atthi rūpassa na upacayo.
ds2.2.2:76.1Yaṁ taṁ rūpaṁ ajjhattikaṁ, taṁ rūpassa na santati.
ds2.2.2:76.2Yaṁ taṁ rūpaṁ bāhiraṁ, taṁ atthi rūpassa santati, atthi rūpassa na santati.
ds2.2.2:77.1Yaṁ taṁ rūpaṁ ajjhattikaṁ, taṁ rūpassa na jaratā.
ds2.2.2:77.2Yaṁ taṁ rūpaṁ bāhiraṁ, taṁ atthi rūpassa jaratā, atthi rūpassa na jaratā.
ds2.2.2:78.1Yaṁ taṁ rūpaṁ ajjhattikaṁ, taṁ rūpassa na aniccatā.
ds2.2.2:78.2Yaṁ taṁ rūpaṁ bāhiraṁ, taṁ atthi rūpassa aniccatā, atthi rūpassa na aniccatā.
ds2.2.2:79.1Yaṁ taṁ rūpaṁ ajjhattikaṁ, taṁ na kabaḷīkāro āhāro.
ds2.2.2:79.2Yaṁ taṁ rūpaṁ bāhiraṁ, taṁ atthi kabaḷīkāro āhāro, atthi na kabaḷīkāro āhāro. [12]
ds2.2.2:79.3Evaṁ tividhena rūpasaṅgaho.
ds2.2.2:79.4Sukhumarūpatikaṁ.
ds2.2.2:79.5Tikaṁ.
ds2.2.2:80.02.2.2.4. Catukka
ds2.2.2:80.1Catubbidhena rūpasaṅgaho—
ds2.2.2:81.1Yaṁ taṁ rūpaṁ upādā, taṁ atthi upādinnaṁ, atthi anupādinnaṁ.
ds2.2.2:81.2Yaṁ taṁ rūpaṁ no upādā, taṁ atthi upādinnaṁ, atthi anupādinnaṁ.
ds2.2.2:82.1Yaṁ taṁ rūpaṁ upādā, taṁ atthi upādinnupādāniyaṁ, atthi anupādinnupādāniyaṁ.
ds2.2.2:82.2Yaṁ taṁ rūpaṁ no upādā, taṁ atthi upādinnupādāniyaṁ, atthi anupādinnupādāniyaṁ.
ds2.2.2:83.1Yaṁ taṁ rūpaṁ upādā, taṁ atthi sappaṭighaṁ, atthi appaṭighaṁ.
ds2.2.2:83.2Yaṁ taṁ rūpaṁ no upādā, taṁ atthi sappaṭighaṁ, atthi appaṭighaṁ.
ds2.2.2:84.1Yaṁ taṁ rūpaṁ upādā, taṁ atthi oḷārikaṁ, atthi sukhumaṁ.
ds2.2.2:84.2Yaṁ taṁ rūpaṁ no upādā, taṁ atthi oḷārikaṁ, atthi sukhumaṁ.
ds2.2.2:85.1Yaṁ taṁ rūpaṁ upādā, taṁ atthi dūre, atthi santike.
ds2.2.2:85.2Yaṁ taṁ rūpaṁ no upādā, taṁ atthi dūre, atthi santike.
ds2.2.2:86.1Yaṁ taṁ rūpaṁ upādinnaṁ, taṁ atthi sanidassanaṁ, atthi anidassanaṁ.
ds2.2.2:86.2Yaṁ taṁ rūpaṁ anupādinnaṁ, taṁ atthi sanidassanaṁ, atthi anidassanaṁ.
ds2.2.2:87.1Yaṁ taṁ rūpaṁ upādinnaṁ, taṁ atthi sappaṭighaṁ atthi appaṭighaṁ.
ds2.2.2:87.2Yaṁ taṁ rūpaṁ anupādinnaṁ, taṁ atthi sappaṭighaṁ, atthi appaṭighaṁ.
ds2.2.2:88.1Yaṁ taṁ rūpaṁ upādinnaṁ, taṁ atthi mahābhūtaṁ, atthi na mahābhūtaṁ.
ds2.2.2:88.2Yaṁ taṁ rūpaṁ anupādinnaṁ, taṁ atthi mahābhūtaṁ, atthi na mahābhūtaṁ.
ds2.2.2:89.1Yaṁ taṁ rūpaṁ upādinnaṁ, taṁ atthi oḷārikaṁ, atthi sukhumaṁ.
ds2.2.2:89.2Yaṁ taṁ rūpaṁ anupādinnaṁ, taṁ atthi oḷārikaṁ, atthi sukhumaṁ.
ds2.2.2:90.1Yaṁ taṁ rūpaṁ upādinnaṁ, taṁ atthi dūre, atthi santike.
ds2.2.2:90.2Yaṁ taṁ rūpaṁ anupādinnaṁ, taṁ atthi dūre, atthi santike.
ds2.2.2:91.1Yaṁ taṁ rūpaṁ upādinnupādāniyaṁ, taṁ atthi sanidassanaṁ, atthi anidassanaṁ.
ds2.2.2:91.2Yaṁ taṁ rūpaṁ anupādinnupādāniyaṁ, taṁ atthi sanidassanaṁ, atthi anidassanaṁ.
ds2.2.2:92.1Yaṁ taṁ rūpaṁ upādinnupādāniyaṁ, taṁ atthi sappaṭighaṁ, atthi appaṭighaṁ.
ds2.2.2:92.2Yaṁ taṁ rūpaṁ anupādinnupādāniyaṁ, taṁ atthi sappaṭighaṁ, atthi appaṭighaṁ.
ds2.2.2:93.1Yaṁ taṁ rūpaṁ upādinnupādāniyaṁ, taṁ atthi mahābhūtaṁ, atthi na mahābhūtaṁ.
ds2.2.2:93.2Yaṁ taṁ rūpaṁ anupādinnupādāniyaṁ, taṁ atthi mahābhūtaṁ, atthi na mahābhūtaṁ.
ds2.2.2:94.1Yaṁ taṁ rūpaṁ upādinnupādāniyaṁ, taṁ atthi oḷārikaṁ, atthi sukhumaṁ.
ds2.2.2:94.2Yaṁ taṁ rūpaṁ anupādinnupādāniyaṁ, taṁ atthi oḷārikaṁ, atthi sukhumaṁ.
ds2.2.2:95.1Yaṁ taṁ rūpaṁ upādinnupādāniyaṁ, taṁ atthi dūre, atthi santike.
ds2.2.2:95.2Yaṁ taṁ rūpaṁ anupādinnupādāniyaṁ, taṁ atthi dūre, atthi santike.
ds2.2.2:96.1Yaṁ taṁ rūpaṁ sappaṭighaṁ, taṁ atthi indriyaṁ, atthi na indriyaṁ.
ds2.2.2:96.2Yaṁ taṁ rūpaṁ appaṭighaṁ, taṁ atthi indriyaṁ, atthi na indriyaṁ.
ds2.2.2:97.1Yaṁ taṁ rūpaṁ sappaṭighaṁ, taṁ atthi mahābhūtaṁ, atthi na mahābhūtaṁ.
ds2.2.2:97.2Yaṁ taṁ rūpaṁ appaṭighaṁ, taṁ atthi mahābhūtaṁ, atthi na mahābhūtaṁ.
ds2.2.2:98.1Yaṁ taṁ rūpaṁ indriyaṁ, taṁ atthi oḷārikaṁ, atthi sukhumaṁ.
ds2.2.2:98.2Yaṁ taṁ rūpaṁ na indriyaṁ, taṁ atthi oḷārikaṁ, atthi sukhumaṁ.
ds2.2.2:99.1Yaṁ taṁ rūpaṁ indriyaṁ, taṁ atthi dūre, atthi santike.
ds2.2.2:99.2Yaṁ taṁ rūpaṁ na indriyaṁ, taṁ atthi dūre, atthi santike.
ds2.2.2:100.1Yaṁ taṁ rūpaṁ mahābhūtaṁ, taṁ atthi oḷārikaṁ, atthi sukhumaṁ.
ds2.2.2:100.2Yaṁ taṁ rūpaṁ na mahābhūtaṁ, taṁ atthi oḷārikaṁ, atthi sukhumaṁ.
ds2.2.2:101.1Yaṁ taṁ rūpaṁ mahābhūtaṁ, taṁ atthi dūre, atthi santike.
ds2.2.2:101.2Yaṁ taṁ rūpaṁ na mahābhūtaṁ, taṁ atthi dūre, atthi santike. [22]
ds2.2.2:101.3Diṭṭhaṁ sutaṁ mutaṁ viññātaṁ rūpaṁ.
ds2.2.2:101.4Evaṁ catubbidhena rūpasaṅgaho.
ds2.2.2:101.5Catukkaṁ.
ds2.2.2:102.02.2.2.5. Pañcaka
ds2.2.2:102.1Pañcavidhena rūpasaṅgaho—
ds2.2.2:103.1Pathavīdhātu, āpodhātu, tejodhātu, vāyodhātu, yañca rūpaṁ upādā.
ds2.2.2:103.2Evaṁ pañcavidhena rūpasaṅgaho.
ds2.2.2:103.3Pañcakaṁ.
ds2.2.2:104.02.2.2.6. Chakka
ds2.2.2:104.1Chabbidhena rūpasaṅgaho—
ds2.2.2:105.1Cakkhuviññeyyaṁ rūpaṁ, sotaviññeyyaṁ rūpaṁ, ghānaviññeyyaṁ rūpaṁ, jivhāviññeyyaṁ rūpaṁ, kāyaviññeyyaṁ rūpaṁ, manoviññeyyaṁ rūpaṁ.
ds2.2.2:105.2Evaṁ chabbidhena rūpasaṅgaho.
ds2.2.2:105.3Chakkaṁ.
ds2.2.2:106.02.2.2.7. Sattaka
ds2.2.2:106.1Sattavidhena rūpasaṅgaho—
ds2.2.2:107.1Cakkhuviññeyyaṁ rūpaṁ, sotaviññeyyaṁ rūpaṁ, ghānaviññeyyaṁ rūpaṁ, jivhāviññeyyaṁ rūpaṁ, kāyaviññeyyaṁ rūpaṁ, manodhātuviññeyyaṁ rūpaṁ, manoviññāṇadhātuviññeyyaṁ rūpaṁ.
ds2.2.2:107.2Evaṁ sattavidhena rūpasaṅgaho.
ds2.2.2:107.3Sattakaṁ.
ds2.2.2:108.02.2.2.8. Aṭṭhaka
ds2.2.2:108.1Aṭṭhavidhena rūpasaṅgaho—
ds2.2.2:109.1Cakkhuviññeyyaṁ rūpaṁ, sotaviññeyyaṁ rūpaṁ, ghānaviññeyyaṁ rūpaṁ, jivhāviññeyyaṁ rūpaṁ, kāyaviññeyyaṁ rūpaṁ, atthi sukhasamphassaṁ, atthi dukkhasamphassaṁ, manodhātuviññeyyaṁ rūpaṁ, manoviññāṇadhātuviññeyyaṁ rūpaṁ.
ds2.2.2:109.2Evaṁ aṭṭhavidhena rūpasaṅgaho.
ds2.2.2:109.3Aṭṭhakaṁ.
ds2.2.2:110.02.2.2.9. Navaka
ds2.2.2:110.1Navavidhena rūpasaṅgaho—
ds2.2.2:111.1Cakkhundriyaṁ, sotindriyaṁ, ghānindriyaṁ, jivhindriyaṁ, kāyindriyaṁ, itthindriyaṁ, purisindriyaṁ, jīvitindriyaṁ, yañca rūpaṁ na indriyaṁ.
ds2.2.2:111.2Evaṁ navavidhena rūpasaṅgaho.
ds2.2.2:111.3Navakaṁ.
ds2.2.2:112.02.2.2.10. Dasaka
ds2.2.2:112.1Dasavidhena rūpasaṅgaho—
ds2.2.2:113.1Cakkhundriyaṁ, sotindriyaṁ, ghānindriyaṁ, jivhindriyaṁ kāyindriyaṁ, itthindriyaṁ, purisindriyaṁ, jīvitindriyaṁ, na indriyaṁ rūpaṁ atthi sappaṭighaṁ, atthi appaṭighaṁ.
ds2.2.2:113.2Evaṁ dasavidhena rūpasaṅgaho.
ds2.2.2:113.3Dasakaṁ.
ds2.2.2:114.02.2.2.11. Ekādasaka
ds2.2.2:114.1Ekādasavidhena rūpasaṅgaho—
ds2.2.2:115.1Cakkhāyatanaṁ, sotāyatanaṁ, ghānāyatanaṁ, jivhāyatanaṁ, kāyāyatanaṁ, rūpāyatanaṁ, saddāyatanaṁ, gandhāyatanaṁ, rasāyatanaṁ, phoṭṭhabbāyatanaṁ, yañca rūpaṁ anidassanaappaṭighaṁ dhammāyatanapariyāpannaṁ.
ds2.2.2:115.2Evaṁ ekādasavidhena rūpasaṅgaho.
ds2.2.2:115.3Ekādasakaṁ.
ds2.2.2:115.4Mātikā.