kv1.8:0.1Kathāvatthu
kv1.8:0.2Mahāpaṇṇāsaka
kv1.8:0.3Paṭhamavagga
kv1.8:0.4Ekaccaṁatthītikathā
kv1.8:1.0Atītādiekaccakathā
kv1.8:1.1Atītaṁ atthīti?
kv1.8:1.2Ekaccaṁ atthi, ekaccaṁ natthīti.
kv1.8:1.3Ekaccaṁ niruddhaṁ, ekaccaṁ na niruddhaṁ;
kv1.8:1.4ekaccaṁ vigataṁ, ekaccaṁ avigataṁ;
kv1.8:1.5ekaccaṁ atthaṅgataṁ, ekaccaṁ na atthaṅgataṁ;
kv1.8:1.6ekaccaṁ abbhatthaṅgataṁ, ekaccaṁ na abbhatthaṅgatanti?
kv1.8:1.7Na hevaṁ vattabbe …pe….
kv1.8:2.1Atītaṁ ekaccaṁ atthi, ekaccaṁ natthīti?
kv1.8:2.2Āmantā.
kv1.8:2.3Atītā avipakkavipākā dhammā ekacce atthi, ekacce natthīti?
kv1.8:2.4Na hevaṁ vattabbe …pe…
kv1.8:2.5atītaṁ ekaccaṁ atthi, ekaccaṁ natthīti?
kv1.8:2.6Āmantā.
kv1.8:2.7Atītā vipakkavipākā dhammā ekacce atthi, ekacce natthīti?
kv1.8:2.8Na hevaṁ vattabbe …pe…
kv1.8:2.9atītaṁ ekaccaṁ atthi, ekaccaṁ natthīti?
kv1.8:2.10Āmantā.
kv1.8:2.11Atītā avipākā dhammā ekacce atthi ekacce natthīti?
kv1.8:2.12Na hevaṁ vattabbe …pe….
kv1.8:3.1Atītaṁ ekaccaṁ atthi ekaccaṁ natthīti?
kv1.8:3.2Āmantā.
kv1.8:3.3Kiṁ atthi kiṁ natthīti?
kv1.8:3.4Atītā avipakkavipākā dhammā—
kv1.8:3.5te atthi;
kv1.8:3.6atītā vipakkavipākā dhammā—
kv1.8:3.7te natthīti.
kv1.8:3.8Atītā avipakkavipākā dhammā—
kv1.8:3.9te atthīti?
kv1.8:3.10Āmantā.
kv1.8:3.11Atītā vipakkavipākā dhammā—
kv1.8:3.12te atthīti?
kv1.8:3.13Na hevaṁ vattabbe …pe…
kv1.8:3.14atītā avipakkavipākā dhammā—
kv1.8:3.15te atthīti?
kv1.8:3.16Āmantā.
kv1.8:3.17Atītā avipākā dhammā—
kv1.8:3.18te atthīti?
kv1.8:3.19Na hevaṁ vattabbe …pe….
kv1.8:4.1Atītā vipakkavipākā dhammā—
kv1.8:4.2te natthīti?
kv1.8:4.3Āmantā.
kv1.8:4.4Atītā avipakkavipākā dhammā—
kv1.8:4.5te natthīti?
kv1.8:4.6Na hevaṁ vattabbe …pe….
kv1.8:5.1Atītā avipākā dhammā—
kv1.8:5.2te natthīti?
kv1.8:5.3Āmantā.
kv1.8:5.4Atītā avipakkavipākā dhammā—
kv1.8:5.5te natthīti?
kv1.8:5.6Na hevaṁ vattabbe …pe….
kv1.8:6.1Atītā avipakkavipākā dhammā—
kv1.8:6.2te atthīti?
kv1.8:6.3Āmantā.
kv1.8:6.4Nanu atītā avipakkavipākā dhammā niruddhāti?
kv1.8:6.5Āmantā.
kv1.8:6.6Hañci atītā avipakkavipākā dhammā niruddhā, no ca vata re vattabbe—
kv1.8:6.7“atītā avipakkavipākā dhammā—
kv1.8:6.8te atthī”ti.
kv1.8:7.1Atītā avipakkavipākā dhammā niruddhā—
kv1.8:7.2te atthīti?
kv1.8:7.3Āmantā.
kv1.8:7.4Atītā vipakkavipākā dhammā niruddhā—
kv1.8:7.5te atthīti?
kv1.8:7.6Na hevaṁ vattabbe …pe…
kv1.8:7.7atītā avipakkavipākā dhammā niruddhā—
kv1.8:7.8te atthīti?
kv1.8:7.9Āmantā.
kv1.8:7.10Atītā avipākā dhammā niruddhā—
kv1.8:7.11te atthīti?
kv1.8:7.12Na hevaṁ vattabbe …pe….
kv1.8:8.1Atītā vipakkavipākā dhammā niruddhā—
kv1.8:8.2te natthīti?
kv1.8:8.3Āmantā.
kv1.8:8.4Atītā avipakkavipākā dhammā niruddhā—
kv1.8:8.5te natthīti?
kv1.8:8.6Na hevaṁ vattabbe …pe….
kv1.8:9.1Atītā avipākā dhammā niruddhā—
kv1.8:9.2te natthīti?
kv1.8:9.3Āmantā.
kv1.8:9.4Atītā avipakkavipākā dhammā niruddhā—
kv1.8:9.5te natthīti?
kv1.8:9.6Na hevaṁ vattabbe …pe….
kv1.8:10.1Atītā avipakkavipākā dhammā niruddhā—
kv1.8:10.2te atthīti?
kv1.8:10.3Āmantā.
kv1.8:10.4Atītā vipakkavipākā dhammā niruddhā—
kv1.8:10.5te natthīti?
kv1.8:10.6Āmantā.
kv1.8:10.7Atītā ekadesaṁ vipakkavipākā dhammā ekadesaṁ avipakkavipākā dhammā niruddhā—
kv1.8:10.8te ekacce atthi ekacce natthīti?
kv1.8:10.9Na hevaṁ vattabbe …pe….
kv1.8:11.1Na vattabbaṁ—
kv1.8:11.2“atītā avipakkavipākā dhammā—
kv1.8:11.3te atthī”ti?
kv1.8:11.4Āmantā.
kv1.8:11.5Nanu atītā avipakkavipākā dhammā vipaccissantīti?
kv1.8:11.6Āmantā.
kv1.8:11.7Hañci atītā avipakkavipākā dhammā vipaccissanti, tena vata re vattabbe—
kv1.8:11.8“atītā avipakkavipākā dhammā—
kv1.8:11.9te atthī”ti.
kv1.8:12.1Atītā avipakkavipākā dhammā vipaccissantīti katvā te atthīti?
kv1.8:12.2Āmantā.
kv1.8:12.3Vipaccissantīti katvā paccuppannāti?
kv1.8:12.4Na hevaṁ vattabbe …pe…
kv1.8:12.5vipaccissantīti katvā paccuppannāti?
kv1.8:12.6Āmantā.
kv1.8:12.7Paccuppannā dhammā nirujjhissantīti katvā te natthīti?
kv1.8:12.8Na hevaṁ vattabbe …pe….
kv1.8:13.0Anāgatādiekaccakathā
kv1.8:13.1Anāgataṁ atthīti?
kv1.8:13.2Ekaccaṁ atthi, ekaccaṁ natthīti.
kv1.8:13.3Ekaccaṁ jātaṁ, ekaccaṁ ajātaṁ;
kv1.8:13.4ekaccaṁ sañjātaṁ, ekaccaṁ asañjātaṁ;
kv1.8:13.5ekaccaṁ nibbattaṁ, ekaccaṁ anibbattaṁ;
kv1.8:13.6ekaccaṁ pātubhūtaṁ, ekaccaṁ apātubhūtanti?
kv1.8:13.7Na hevaṁ vattabbe …pe….
kv1.8:14.1Anāgataṁ ekaccaṁ atthi, ekaccaṁ natthīti?
kv1.8:14.2Āmantā.
kv1.8:14.3Anāgatā uppādino dhammā ekacce atthi, ekacce natthīti?
kv1.8:14.4Na hevaṁ vattabbe …pe…
kv1.8:14.5anāgataṁ ekaccaṁ atthi, ekaccaṁ natthīti?
kv1.8:14.6Āmantā.
kv1.8:14.7Anāgatā anuppādino dhammā ekacce atthi, ekacce natthīti?
kv1.8:14.8Na hevaṁ vattabbe …pe….
kv1.8:15.1Anāgataṁ ekaccaṁ atthi, ekaccaṁ natthīti?
kv1.8:15.2Āmantā.
kv1.8:15.3Kiṁ atthi, kiṁ natthīti?
kv1.8:15.4Anāgatā uppādino dhammā—
kv1.8:15.5te atthi;
kv1.8:15.6anāgatā anuppādino dhammā—
kv1.8:15.7te natthīti.
kv1.8:15.8Anāgatā uppādino dhammā—
kv1.8:15.9te atthīti?
kv1.8:15.10Āmantā.
kv1.8:15.11Anāgatā anuppādino dhammā—
kv1.8:15.12te atthīti?
kv1.8:15.13Na hevaṁ vattabbe …pe…
kv1.8:15.14anāgatā anuppādino dhammā—
kv1.8:15.15te natthīti?
kv1.8:15.16Āmantā.
kv1.8:15.17Anāgatā uppādino dhammā—
kv1.8:15.18te natthīti?
kv1.8:15.19Na hevaṁ vattabbe …pe….
kv1.8:16.1Anāgatā uppādino dhammā—
kv1.8:16.2te atthīti?
kv1.8:16.3Āmantā.
kv1.8:16.4Nanu anāgatā uppādino dhammā ajātāti?
kv1.8:16.5Āmantā.
kv1.8:16.6Hañci anāgatā uppādino dhammā ajātā, no ca vata re vattabbe—
kv1.8:16.7“anāgatā uppādino dhammā—
kv1.8:16.8te atthī”ti.
kv1.8:17.1Anāgatā uppādino dhammā ajātā—
kv1.8:17.2te atthīti?
kv1.8:17.3Āmantā.
kv1.8:17.4Anāgatā anuppādino dhammā ajātā—
kv1.8:17.5te atthīti?
kv1.8:17.6Na hevaṁ vattabbe …pe…
kv1.8:17.7anāgatā anuppādino dhammā ajātā—
kv1.8:17.8te natthīti?
kv1.8:17.9Āmantā.
kv1.8:17.10Anāgatā uppādino dhammā ajātā—
kv1.8:17.11te natthīti?
kv1.8:17.12Na hevaṁ vattabbe …pe….
kv1.8:18.1Na vattabbaṁ—
kv1.8:18.2“anāgatā uppādino dhammā—
kv1.8:18.3te atthī”ti?
kv1.8:18.4Āmantā.
kv1.8:18.5Nanu anāgatā uppādino dhammā uppajjissantīti?
kv1.8:18.6Āmantā.
kv1.8:18.7Hañci anāgatā uppādino dhammā uppajjissanti, tena vata re vattabbe—
kv1.8:18.8“anāgatā uppādino dhammā—
kv1.8:18.9te atthī”ti.
kv1.8:19.1Anāgatā uppādino dhammā uppajjissantīti katvā te atthīti?
kv1.8:19.2Āmantā.
kv1.8:19.3Uppajjissantīti katvā paccuppannāti?
kv1.8:19.4Na hevaṁ vattabbe …pe…
kv1.8:19.5uppajjissantīti katvā paccuppannāti?
kv1.8:19.6Āmantā.
kv1.8:19.7Paccuppannā dhammā nirujjhissantīti katvā te natthīti?
kv1.8:19.8Na hevaṁ vattabbe …pe….
kv1.8:19.9Ekaccaṁ atthītikathā niṭṭhitā.