kv1.9:0.1Kathāvatthu
kv1.9:0.2Mahāpaṇṇāsaka
kv1.9:0.3Paṭhamavagga
kv1.9:0.4Satipaṭṭhānakathā
kv1.9:1.1Sabbe dhammā satipaṭṭhānāti?
kv1.9:1.2Āmantā.
kv1.9:1.3Sabbe dhammā sati satindriyaṁ satibalaṁ sammāsati satisambojjhaṅgo ekāyanamaggo khayagāmī bodhagāmī apacayagāmī anāsavā asaṁyojaniyā aganthaniyā anoghaniyā ayoganiyā anīvaraṇiyā aparāmaṭṭhā anupādāniyā asaṅkilesikā, sabbe dhammā buddhānussati dhammānussati saṅghānussati sīlānussati cāgānussati devatānussati ānāpānassati maraṇānussati kāyagatāsati upasamānussatīti?
kv1.9:1.4Na hevaṁ vattabbe …pe….
kv1.9:2.1Sabbe dhammā satipaṭṭhānāti?
kv1.9:2.2Āmantā.
kv1.9:2.3Cakkhāyatanaṁ satipaṭṭhānanti?
kv1.9:2.4Na hevaṁ vattabbe …pe…
kv1.9:2.5cakkhāyatanaṁ satipaṭṭhānanti?
kv1.9:2.6Āmantā.
kv1.9:2.7Cakkhāyatanaṁ sati satindriyaṁ satibalaṁ sammāsati satisambojjhaṅgo ekāyanamaggo khayagāmī bodhagāmī apacayagāmī anāsavaṁ asaṁyojaniyaṁ …pe… asaṅkilesikaṁ, cakkhāyatanaṁ buddhānussati dhammānussati saṅghānussati sīlānussati cāgānussati devatānussati ānāpānassati maraṇānussati kāyagatāsati upasamānussatīti?
kv1.9:2.8Na hevaṁ vattabbe …pe…
kv1.9:2.9sotāyatanaṁ …
kv1.9:2.10ghānāyatanaṁ …
kv1.9:2.11jivhāyatanaṁ …
kv1.9:2.12kāyāyatanaṁ …
kv1.9:2.13rūpāyatanaṁ …
kv1.9:2.14saddāyatanaṁ …
kv1.9:2.15gandhāyatanaṁ …
kv1.9:2.16rasāyatanaṁ …
kv1.9:2.17phoṭṭhabbāyatanaṁ …
kv1.9:2.18rāgo …
kv1.9:2.19doso …
kv1.9:2.20moho …
kv1.9:2.21māno …
kv1.9:2.22diṭṭhi …
kv1.9:2.23vicikicchā …
kv1.9:2.24thinaṁ …
kv1.9:2.25uddhaccaṁ …
kv1.9:2.26ahirikaṁ …
kv1.9:2.27anottappaṁ satipaṭṭhānanti?
kv1.9:2.28Na hevaṁ vattabbe …pe…
kv1.9:2.29anottappaṁ satipaṭṭhānanti?
kv1.9:2.30Āmantā.
kv1.9:2.31Anottappaṁ sati satindriyaṁ satibalaṁ sammāsati …pe… kāyagatāsati upasamānussatīti?
kv1.9:2.32Na hevaṁ vattabbe …pe….
kv1.9:3.1Sati satipaṭṭhānā, sā ca satīti?
kv1.9:3.2Āmantā.
kv1.9:3.3Cakkhāyatanaṁ satipaṭṭhānaṁ, tañca satīti?
kv1.9:3.4Na hevaṁ vattabbe …pe…
kv1.9:3.5sati satipaṭṭhānā, sā ca satīti?
kv1.9:3.6Āmantā.
kv1.9:3.7Sotāyatanaṁ …pe…
kv1.9:3.8kāyāyatanaṁ … rūpāyatanaṁ …pe…
kv1.9:3.9phoṭṭhabbāyatanaṁ … rāgo … doso … moho …pe…
kv1.9:3.10anottappaṁ satipaṭṭhānaṁ, tañca satīti?
kv1.9:3.11Na hevaṁ vattabbe …pe….
kv1.9:4.1Cakkhāyatanaṁ satipaṭṭhānaṁ, tañca na satīti?
kv1.9:4.2Āmantā.
kv1.9:4.3Sati satipaṭṭhānā, sā ca na satīti?
kv1.9:4.4Na hevaṁ vattabbe …pe…
kv1.9:4.5sotāyatanaṁ …pe…
kv1.9:4.6kāyāyatanaṁ …
kv1.9:4.7rūpāyatanaṁ …pe…
kv1.9:4.8phoṭṭhabbāyatanaṁ …
kv1.9:4.9rāgo …
kv1.9:4.10doso …
kv1.9:4.11moho …pe…
kv1.9:4.12anottappaṁ satipaṭṭhānaṁ, tañca na satīti?
kv1.9:4.13Āmantā.
kv1.9:4.14Sati satipaṭṭhānā, sā ca na satīti?
kv1.9:4.15Na hevaṁ vattabbe …pe….
kv1.9:5.1Na vattabbaṁ—
kv1.9:5.2“sabbe dhammā satipaṭṭhānā”ti?
kv1.9:5.3Āmantā.
kv1.9:5.4Nanu sabbe dhamme ārabbha sati santiṭṭhatīti?
kv1.9:5.5Āmantā.
kv1.9:5.6Hañci sabbe dhamme ārabbha sati santiṭṭhatīti, tena vata re vattabbe—
kv1.9:5.7“sabbe dhammā satipaṭṭhānā”ti.
kv1.9:6.1Sabbaṁ dhammaṁ ārabbha sati santiṭṭhatīti sabbe dhammā satipaṭṭhānāti?
kv1.9:6.2Āmantā.
kv1.9:6.3Sabbaṁ dhammaṁ ārabbha phasso santiṭṭhatīti sabbe dhammā phassapaṭṭhānāti?
kv1.9:6.4Na hevaṁ vattabbe …pe….
kv1.9:7.1Sabbaṁ dhammaṁ ārabbha sati santiṭṭhatīti sabbe dhammā satipaṭṭhānāti?
kv1.9:7.2Āmantā.
kv1.9:7.3Sabbaṁ dhammaṁ ārabbha vedanā santiṭṭhati …
kv1.9:7.4saññā santiṭṭhati …
kv1.9:7.5cetanā santiṭṭhati …
kv1.9:7.6cittaṁ santiṭṭhatīti sabbe dhammā cittapaṭṭhānāti?
kv1.9:7.7Na hevaṁ vattabbe …pe….
kv1.9:8.1Sabbe dhammā satipaṭṭhānāti?
kv1.9:8.2Āmantā.
kv1.9:8.3Sabbe sattā upaṭṭhitasatino satiyā samannāgatā satiyā samohitā;
kv1.9:8.4sabbesaṁ sattānaṁ sati paccupaṭṭhitāti?
kv1.9:8.5Na hevaṁ vattabbe …pe….
kv1.9:9.1Sabbe dhammā satipaṭṭhānāti?
kv1.9:9.2Āmantā.
kv1.9:9.3Nanu vuttaṁ bhagavatā—
kv1.9:9.4“amataṁ te, bhikkhave, na paribhuñjanti ye kāyagatāsatiṁ na paribhuñjanti.
kv1.9:9.5Amataṁ te, bhikkhave, paribhuñjanti ye kāyagatāsatiṁ paribhuñjantī”ti.
kv1.9:9.6Attheva suttantoti?
kv1.9:9.7Āmantā.
kv1.9:9.8Sabbe sattā kāyagatāsatiṁ paribhuñjanti paṭilabhanti āsevanti bhāventi bahulīkarontīti?
kv1.9:9.9Na hevaṁ vattabbe …pe….
kv1.9:10.1Sabbe dhammā satipaṭṭhānāti?
kv1.9:10.2Āmantā.
kv1.9:10.3Nanu vuttaṁ bhagavatā—
kv1.9:10.4“ekāyano ayaṁ, bhikkhave, maggo sattānaṁ visuddhiyā sokaparidevānaṁ samatikkamāya dukkhadomanassānaṁ atthaṅgamāya ñāyassa adhigamāya nibbānassa sacchikiriyāya yadidaṁ cattāro satipaṭṭhānā”ti.
kv1.9:10.5Attheva suttantoti?
kv1.9:10.6Āmantā?
kv1.9:10.7Sabbe dhammā ekāyanamaggoti?
kv1.9:10.8Na hevaṁ vattabbe …pe….
kv1.9:11.1Sabbe dhammā satipaṭṭhānāti?
kv1.9:11.2Āmantā.
kv1.9:11.3Nanu vuttaṁ bhagavatā—
kv1.9:11.4“rañño, bhikkhave, cakkavattissa pātubhāvā sattannaṁ ratanānaṁ pātubhāvo hoti.
kv1.9:11.5Katamesaṁ sattannaṁ?
kv1.9:11.6Cakkaratanassa pātubhāvo hoti, hatthiratanassa pātubhāvo hoti, assaratanassa …
kv1.9:11.7maṇiratanassa …
kv1.9:11.8itthiratanassa …
kv1.9:11.9gahapatiratanassa …
kv1.9:11.10pariṇāyakaratanassa pātubhāvo hoti.
kv1.9:11.11Rañño, bhikkhave, cakkavattissa pātubhāvā imesaṁ sattannaṁ ratanānaṁ pātubhāvo hoti.
kv1.9:12.1Tathāgatassa, bhikkhave, pātubhāvā arahato sammāsambuddhassa sattannaṁ bojjhaṅgaratanānaṁ pātubhāvo hoti.
kv1.9:12.2Katamesaṁ sattannaṁ?
kv1.9:12.3Satisambojjhaṅgaratanassa pātubhāvo hoti, dhammavicayasambojjhaṅgaratanassa pātubhāvo hoti, vīriyasambojjhaṅgaratanassa pātubhāvo hoti, pītisambojjhaṅgaratanassa pātubhāvo hoti, passaddhisambojjhaṅgaratanassa pātubhāvo hoti, samādhisambojjhaṅgaratanassa pātubhāvo hoti, upekkhāsambojjhaṅgaratanassa pātubhāvo hoti.
kv1.9:12.4Tathāgatassa, bhikkhave, pātubhāvā arahato sammāsambuddhassa imesaṁ sattannaṁ bojjhaṅgaratanānaṁ pātubhāvo hotī”ti.
kv1.9:12.5Attheva suttantoti?
kv1.9:12.6Āmantā.
kv1.9:12.7Tathāgatassa pātubhāvā arahato sammāsambuddhassa sabbe dhammā satisambojjhaṅgaratanāva hontīti?
kv1.9:12.8Na hevaṁ vattabbe …pe…
kv1.9:12.9sabbe dhammā satipaṭṭhānāti?
kv1.9:12.10Āmantā.
kv1.9:12.11Sabbe dhammā sammappadhānā …
kv1.9:12.12iddhipādā …
kv1.9:12.13indriyā …
kv1.9:12.14balā …
kv1.9:12.15bojjhaṅgāti?
kv1.9:12.16Na hevaṁ vattabbe …pe….
kv1.9:12.17Satipaṭṭhānakathā niṭṭhitā.