kv2.7:0.1Kathāvatthu
kv2.7:0.2Mahāpaṇṇāsaka
kv2.7:0.3Dutiyavagga
kv2.7:0.4Cittaṭṭhitikathā
kv2.7:1.1Ekaṁ cittaṁ divasaṁ tiṭṭhatīti?
kv2.7:1.2Āmantā.
kv2.7:1.3Upaḍḍhadivaso uppādakkhaṇo, upaḍḍhadivaso vayakkhaṇoti?
kv2.7:1.4Na hevaṁ vattabbe.
kv2.7:2.1Ekaṁ cittaṁ dve divase tiṭṭhatīti?
kv2.7:2.2Āmantā.
kv2.7:2.3Divaso uppādakkhaṇo, divaso vayakkhaṇoti?
kv2.7:2.4Na hevaṁ vattabbe.
kv2.7:3.1Ekaṁ cittaṁ cattāro divase tiṭṭhati …
kv2.7:3.2aṭṭha divase tiṭṭhati …
kv2.7:3.3dasa divase tiṭṭhati …
kv2.7:3.4vīsati divase tiṭṭhati …
kv2.7:3.5māsaṁ tiṭṭhati …
kv2.7:3.6dve māse tiṭṭhati …
kv2.7:3.7cattāro māse tiṭṭhati …
kv2.7:3.8aṭṭha māse tiṭṭhati …
kv2.7:3.9dasa māse tiṭṭhati …
kv2.7:3.10saṁvaccharaṁ tiṭṭhati …
kv2.7:3.11dve vassāni tiṭṭhati …
kv2.7:3.12cattāri vassāni tiṭṭhati …
kv2.7:3.13aṭṭha vassāni tiṭṭhati …
kv2.7:3.14dasa vassāni tiṭṭhati …
kv2.7:3.15vīsati vassāni tiṭṭhati …
kv2.7:3.16tiṁsa vassāni tiṭṭhati …
kv2.7:3.17cattārīsa vassāni tiṭṭhati …
kv2.7:3.18paññāsa vassāni tiṭṭhati …
kv2.7:3.19vassasataṁ tiṭṭhati …
kv2.7:3.20dve vassasatāni tiṭṭhati …
kv2.7:3.21cattāri vassasatāni tiṭṭhati …
kv2.7:3.22pañca vassasatāni tiṭṭhati …
kv2.7:3.23vassasahassaṁ tiṭṭhati …
kv2.7:3.24dve vassasahassāni tiṭṭhati …
kv2.7:3.25cattāri vassasahassāni tiṭṭhati …
kv2.7:3.26aṭṭha vassasahassāni tiṭṭhati …
kv2.7:3.27soḷasa vassasahassāni tiṭṭhati …
kv2.7:3.28kappaṁ tiṭṭhati …
kv2.7:3.29dve kappe tiṭṭhati …
kv2.7:3.30cattāro kappe tiṭṭhati …
kv2.7:3.31aṭṭha kappe tiṭṭhati …
kv2.7:3.32soḷasa kappe tiṭṭhati …
kv2.7:3.33bāttiṁsa kappe tiṭṭhati …
kv2.7:3.34catusaṭṭhi kappe tiṭṭhati …
kv2.7:3.35pañca kappasatāni tiṭṭhati …
kv2.7:3.36kappasahassāni tiṭṭhati …
kv2.7:3.37dve kappasahassāni tiṭṭhati …
kv2.7:3.38cattāri kappasahassāni tiṭṭhati …
kv2.7:3.39aṭṭha kappasahassāni tiṭṭhati …
kv2.7:3.40soḷasa kappasahassāni tiṭṭhati …
kv2.7:3.41vīsati kappasahassāni tiṭṭhati …
kv2.7:3.42cattārīsa kappasahassāni tiṭṭhati …
kv2.7:3.43saṭṭhi kappasahassāni tiṭṭhati …
kv2.7:3.44caturāsīti kappasahassāni tiṭṭhatīti?
kv2.7:3.45Āmantā.
kv2.7:3.46Dvecattārīsa kappasahassāni uppādakkhaṇo, dvecattārīsa kappasahassāni vayakkhaṇoti?
kv2.7:3.47Na hevaṁ vattabbe.
kv2.7:4.1Ekaṁ cittaṁ divasaṁ tiṭṭhatīti?
kv2.7:4.2Āmantā.
kv2.7:4.3Atthaññe dhammā ekāhaṁ bahumpi uppajjitvā nirujjhantīti?
kv2.7:4.4Āmantā.
kv2.7:4.5Te dhammā cittena lahuparivattāti?
kv2.7:4.6Na hevaṁ vattabbe.
kv2.7:5.1Te dhammā cittena lahuparivattāti?
kv2.7:5.2Āmantā.
kv2.7:5.3Nanu vuttaṁ bhagavatā—
kv2.7:5.4“nāhaṁ, bhikkhave, aññaṁ ekadhammampi samanupassāmi evaṁ lahuparivattaṁ yathayidaṁ cittaṁ.
kv2.7:5.5Yāvañcidaṁ, bhikkhave, upamāpi na sukarā yāva lahuparivattaṁ cittan”ti.
kv2.7:5.6Attheva suttantoti?
kv2.7:5.7Āmantā.
kv2.7:5.8Tena hi na vattabbaṁ—
kv2.7:5.9“te dhammā cittena lahuparivattā”ti.
kv2.7:6.1Te dhammā cittena lahuparivattāti?
kv2.7:6.2Āmantā.
kv2.7:6.3Nanu vuttaṁ bhagavatā—
kv2.7:6.4“seyyathāpi, bhikkhave, makkaṭo araññe pavane caramāno sākhaṁ gaṇhati, taṁ muñcitvā aññaṁ gaṇhati, taṁ muñcitvā aññaṁ gaṇhati;
kv2.7:6.5evameva kho, bhikkhave, yamidaṁ vuccati cittaṁ itipi mano itipi viññāṇaṁ itipi taṁ rattiyā ca divasassa ca aññadeva uppajjati aññaṁ nirujjhatī”ti.
kv2.7:6.6Attheva suttantoti?
kv2.7:6.7Āmantā.
kv2.7:6.8Tena hi na vattabbaṁ—
kv2.7:6.9“te dhammā cittena lahuparivattā”ti.
kv2.7:7.1Ekaṁ cittaṁ divasaṁ tiṭṭhatīti?
kv2.7:7.2Āmantā.
kv2.7:7.3Cakkhuviññāṇaṁ divasaṁ tiṭṭhatīti?
kv2.7:7.4Na hevaṁ vattabbe.
kv2.7:7.5Sotaviññāṇaṁ …pe…
kv2.7:7.6ghānaviññāṇaṁ …
kv2.7:7.7jivhāviññāṇaṁ …
kv2.7:7.8kāyaviññāṇaṁ …
kv2.7:7.9akusalaṁ cittaṁ …
kv2.7:7.10rāgasahagataṁ …
kv2.7:7.11dosasahagataṁ …
kv2.7:7.12mohasahagataṁ …
kv2.7:7.13mānasahagataṁ …
kv2.7:7.14diṭṭhisahagataṁ …
kv2.7:7.15vicikicchāsahagataṁ …
kv2.7:7.16thinasahagataṁ …
kv2.7:7.17uddhaccasahagataṁ …
kv2.7:7.18ahirikasahagataṁ …
kv2.7:7.19anottappasahagataṁ cittaṁ divasaṁ tiṭṭhatīti?
kv2.7:7.20Na hevaṁ vattabbe …pe….
kv2.7:8.1Ekaṁ cittaṁ divasaṁ tiṭṭhatīti?
kv2.7:8.2Āmantā.
kv2.7:8.3Yeneva cittena cakkhunā rūpaṁ passati, teneva cittena sotena saddaṁ suṇāti …pe…
kv2.7:8.4ghānena gandhaṁ ghāyati …
kv2.7:8.5jivhāya rasaṁ sāyati …
kv2.7:8.6kāyena phoṭṭhabbaṁ phusati …
kv2.7:8.7manasā dhammaṁ vijānāti …pe…
kv2.7:8.8yeneva cittena manasā dhammaṁ vijānāti, teneva cittena cakkhunā rūpaṁ passati …pe…
kv2.7:8.9sotena saddaṁ suṇāti …
kv2.7:8.10ghānena gandhaṁ ghāyati …
kv2.7:8.11jivhāya rasaṁ sāyati …pe…
kv2.7:8.12kāyena phoṭṭhabbaṁ phusatīti?
kv2.7:8.13Na hevaṁ vattabbe …pe….
kv2.7:9.1Ekaṁ cittaṁ divasaṁ tiṭṭhatīti?
kv2.7:9.2Āmantā.
kv2.7:9.3Yeneva cittena abhikkamati, teneva cittena paṭikkamati;
kv2.7:9.4yeneva cittena paṭikkamati, teneva cittena abhikkamati;
kv2.7:9.5yeneva cittena āloketi, teneva cittena viloketi;
kv2.7:9.6yeneva cittena viloketi, teneva cittena āloketi;
kv2.7:9.7yeneva cittena samiñjeti, teneva cittena pasāreti;
kv2.7:9.8yeneva cittena pasāreti, teneva cittena samiñjetīti?
kv2.7:9.9Na hevaṁ vattabbe …pe….
kv2.7:10.1Ākāsānañcāyatanūpagānaṁ devānaṁ ekaṁ cittaṁ yāvatāyukaṁ tiṭṭhatīti?
kv2.7:10.2Āmantā.
kv2.7:10.3Manussānaṁ ekaṁ cittaṁ yāvatāyukaṁ tiṭṭhatīti?
kv2.7:10.4Na hevaṁ vattabbe.
kv2.7:11.1Ākāsānañcāyatanūpagānaṁ devānaṁ ekaṁ cittaṁ yāvatāyukaṁ tiṭṭhatīti?
kv2.7:11.2Āmantā.
kv2.7:11.3Cātumahārājikānaṁ devānaṁ …pe…
kv2.7:11.4tāvatiṁsānaṁ devānaṁ …
kv2.7:11.5yāmānaṁ devānaṁ …
kv2.7:11.6tusitānaṁ devānaṁ …
kv2.7:11.7nimmānaratīnaṁ devānaṁ …
kv2.7:11.8paranimmitavasavattīnaṁ devānaṁ …
kv2.7:11.9brahmapārisajjānaṁ devānaṁ …
kv2.7:11.10brahmapurohitānaṁ devānaṁ …
kv2.7:11.11mahābrahmānaṁ devānaṁ …
kv2.7:11.12parittābhānaṁ devānaṁ …
kv2.7:11.13appamāṇābhānaṁ devānaṁ …
kv2.7:11.14ābhassarānaṁ devānaṁ …
kv2.7:11.15parittasubhānaṁ devānaṁ …
kv2.7:11.16appamāṇasubhānaṁ devānaṁ …
kv2.7:11.17subhakiṇhānaṁ devānaṁ …
kv2.7:11.18vehapphalānaṁ devānaṁ …
kv2.7:11.19avihānaṁ devānaṁ …
kv2.7:11.20atappānaṁ devānaṁ …
kv2.7:11.21sudassānaṁ devānaṁ …
kv2.7:11.22sudassīnaṁ devānaṁ …
kv2.7:11.23akaniṭṭhānaṁ devānaṁ ekaṁ cittaṁ yāvatāyukaṁ tiṭṭhatīti?
kv2.7:11.24Na hevaṁ vattabbe.
kv2.7:12.1Ākāsānañcāyatanūpagānaṁ devānaṁ vīsati kappasahassāni āyuppamāṇaṁ, ākāsānañcāyatanūpagānaṁ devānaṁ ekaṁ cittaṁ vīsati kappasahassāni tiṭṭhatīti?
kv2.7:12.2Āmantā.
kv2.7:12.3Manussānaṁ vassasataṁ āyuppamāṇaṁ, manussānaṁ ekaṁ cittaṁ vassasataṁ tiṭṭhatīti?
kv2.7:12.4Na hevaṁ vattabbe.
kv2.7:13.1Ākāsānañcāyatanūpagānaṁ devānaṁ vīsati kappasahassāni āyuppamāṇaṁ, ākāsānañcāyatanūpagānaṁ devānaṁ ekaṁ cittaṁ vīsati kappasahassāni tiṭṭhatīti?
kv2.7:13.2Āmantā.
kv2.7:13.3Cātumahārājikānaṁ devānaṁ pañca vassasatāni āyuppamāṇaṁ, cātumahārājikānaṁ devānaṁ ekaṁ cittaṁ pañca vassasatāni tiṭṭhati …
kv2.7:13.4vassasahassaṁ tiṭṭhati …
kv2.7:13.5dve vassasahassāni tiṭṭhati …
kv2.7:13.6cattāri vassasahassāni tiṭṭhati …
kv2.7:13.7aṭṭha vassasahassāni tiṭṭhati …
kv2.7:13.8soḷasa vassasahassāni tiṭṭhati …
kv2.7:13.9kappassa tatiyabhāgaṁ tiṭṭhati …
kv2.7:13.10upaḍḍhakappaṁ tiṭṭhati …
kv2.7:13.11ekaṁ kappaṁ tiṭṭhati …
kv2.7:13.12dve kappe tiṭṭhati …
kv2.7:13.13cattāro kappe tiṭṭhati …
kv2.7:13.14aṭṭha kappe tiṭṭhati …
kv2.7:13.15soḷasa kappe tiṭṭhati …
kv2.7:13.16bāttiṁsa kappe tiṭṭhati …
kv2.7:13.17catusaṭṭhi kappe tiṭṭhati …
kv2.7:13.18pañca kappasatāni tiṭṭhati …
kv2.7:13.19kappasahassaṁ tiṭṭhati …
kv2.7:13.20dve kappasahassāni tiṭṭhati …
kv2.7:13.21cattāri kappasahassāni tiṭṭhati …
kv2.7:13.22aṭṭha kappasahassāni tiṭṭhati …
kv2.7:13.23akaniṭṭhānaṁ devānaṁ soḷasa kappasahassāni āyuppamāṇaṁ, akaniṭṭhānaṁ devānaṁ ekaṁ cittaṁ soḷasa kappasahassāni tiṭṭhatīti?
kv2.7:13.24Na hevaṁ vattabbe.
kv2.7:14.1Ākāsānañcāyatanūpagānaṁ devānaṁ cittaṁ muhuttaṁ muhuttaṁ uppajjati muhuttaṁ muhuttaṁ nirujjhatīti?
kv2.7:14.2Āmantā.
kv2.7:14.3Ākāsānañcāyatanūpagā devā muhuttaṁ muhuttaṁ cavanti muhuttaṁ muhuttaṁ uppajjantīti?
kv2.7:14.4Na hevaṁ vattabbe.
kv2.7:15.1Ākāsānañcāyatanūpagānaṁ devānaṁ ekaṁ cittaṁ yāvatāyukaṁ tiṭṭhatīti?
kv2.7:15.2Āmantā.
kv2.7:15.3Ākāsānañcāyatanūpagā devā yeneva cittena uppajjanti, teneva cittena cavantīti?
kv2.7:15.4Na hevaṁ vattabbe …pe….
kv2.7:15.5Cittaṭṭhitikathā niṭṭhitā.