kv3.10:0.1Kathāvatthu
kv3.10:0.2Mahāpaṇṇāsaka
kv3.10:0.3Tatiyavagga
kv3.10:0.4Saṁvarakathā
kv3.10:1.1Atthi devesu saṁvaroti?
kv3.10:1.2Āmantā.
kv3.10:1.3Atthi devesu asaṁvaroti?
kv3.10:1.4Na hevaṁ vattabbe …pe….
kv3.10:2.1Natthi devesu asaṁvaroti?
kv3.10:2.2Āmantā.
kv3.10:2.3Natthi devesu saṁvaroti?
kv3.10:2.4Na hevaṁ vattabbe …pe….
kv3.10:3.1Nanu asaṁvarā saṁvaro sīlaṁ, atthi devesu saṁvaroti?
kv3.10:3.2Āmantā.
kv3.10:3.3Atthi devesu asaṁvaro, yamhā asaṁvarā saṁvaro sīlanti?
kv3.10:3.4Na hevaṁ vattabbe …pe….
kv3.10:4.1Ājānāhi niggahaṁ.
kv3.10:4.2Hañci asaṁvarā saṁvaro sīlaṁ, atthi devesu saṁvaro, tena vata re vattabbe—
kv3.10:4.3“atthi devesu asaṁvaro, yamhā asaṁvarā saṁvaro sīlan”ti.
kv3.10:4.4Yaṁ tattha vadesi—
kv3.10:4.5“vattabbe kho—
kv3.10:4.6‘asaṁvarā saṁvaro sīlaṁ, atthi devesu saṁvaro’, no ca vattabbe—
kv3.10:4.7‘atthi devesu asaṁvaro, yamhā asaṁvarā saṁvaro sīlan’”ti micchā.
kv3.10:5.1No ce pana vattabbe—
kv3.10:5.2“atthi devesu asaṁvaro, yamhā asaṁvarā saṁvaro sīlan”ti, no ca vata re vattabbe—
kv3.10:5.3“asaṁvarā saṁvaro sīlaṁ, atthi devesu saṁvaro”ti.
kv3.10:5.4Yaṁ tattha vadesi—
kv3.10:5.5“vattabbe kho ‘asaṁvarā saṁvaro sīlaṁ, atthi devesu saṁvaro’, no ca vattabbe—
kv3.10:5.6‘atthi devesu asaṁvaro, yamhā asaṁvarā saṁvaro sīlan’”ti micchā.
kv3.10:6.1Atthi manussesu saṁvaro, atthi tattha asaṁvaroti?
kv3.10:6.2Āmantā.
kv3.10:6.3Atthi devesu saṁvaro, atthi tattha asaṁvaroti?
kv3.10:6.4Na hevaṁ vattabbe …pe….
kv3.10:7.1Atthi devesu saṁvaro, natthi tattha asaṁvaroti?
kv3.10:7.2Āmantā.
kv3.10:7.3Atthi manussesu saṁvaro, natthi tattha asaṁvaroti?
kv3.10:7.4Na hevaṁ vattabbe …pe….
kv3.10:8.1Atthi devesu pāṇātipātā veramaṇīti?
kv3.10:8.2Āmantā.
kv3.10:8.3Atthi devesu pāṇātipātoti?
kv3.10:8.4Na hevaṁ vattabbe …pe….
kv3.10:9.1Atthi devesu surāmerayamajjapamādaṭṭhānā veramaṇīti?
kv3.10:9.2Āmantā.
kv3.10:9.3Atthi devesu surāmerayamajjapamādaṭṭhānanti?
kv3.10:9.4Na hevaṁ vattabbe …pe….
kv3.10:10.1Natthi devesu pāṇātipātoti?
kv3.10:10.2Āmantā.
kv3.10:10.3Natthi devesu pāṇātipātā veramaṇīti?
kv3.10:10.4Na hevaṁ vattabbe …pe….
kv3.10:11.1Natthi devesu surāmerayamajjapamādaṭṭhānanti?
kv3.10:11.2Āmantā.
kv3.10:11.3Natthi devesu surāmerayamajjapamādaṭṭhānā veramaṇīti?
kv3.10:11.4Na hevaṁ vattabbe …pe….
kv3.10:12.1Atthi manussesu pāṇātipātā veramaṇi, atthi tattha pāṇātipātoti?
kv3.10:12.2Āmantā.
kv3.10:12.3Atthi devesu pāṇātipātā veramaṇi, atthi tattha pāṇātipātoti?
kv3.10:12.4Na hevaṁ vattabbe …pe….
kv3.10:13.1Atthi manussesu surāmerayamajjapamādaṭṭhānā veramaṇi, atthi tattha surāmerayamajjapamādaṭṭhānanti?
kv3.10:13.2Āmantā.
kv3.10:13.3Atthi devesu surāmerayamajjapamādaṭṭhānā veramaṇi, atthi tattha surāmerayamajjapamādaṭṭhānanti?
kv3.10:13.4Na hevaṁ vattabbe …pe….
kv3.10:14.1Atthi devesu pāṇātipātā veramaṇi, natthi tattha pāṇātipātoti?
kv3.10:14.2Āmantā.
kv3.10:14.3Atthi manussesu pāṇātipātā veramaṇi, natthi tattha pāṇātipātoti?
kv3.10:14.4Na hevaṁ vattabbe …pe….
kv3.10:15.1Atthi devesu surāmerayamajjapamādaṭṭhānā veramaṇi, natthi tattha surāmerayamajjapamādaṭṭhānanti?
kv3.10:15.2Āmantā.
kv3.10:15.3Atthi manussesu surāmerayamajjapamādaṭṭhānā veramaṇi, natthi tattha surāmerayamajjapamādaṭṭhānanti?
kv3.10:15.4Na hevaṁ vattabbe …pe….
kv3.10:16.1Natthi devesu saṁvaroti?
kv3.10:16.2Āmantā.
kv3.10:16.3Sabbe devā pāṇātipātino adinnādāyino kāmesumicchācārino musāvādino surāmerayamajjapamādaṭṭhāyinoti?
kv3.10:16.4Na hevaṁ vattabbe …pe…
kv3.10:16.5tena hi atthi devesu saṁvaroti.
kv3.10:16.6Saṁvarakathā niṭṭhitā.