kv3.9:0.1Kathāvatthu
kv3.9:0.2Mahāpaṇṇāsaka
kv3.9:0.3Tatiyavagga
kv3.9:0.4Yathākammūpagatañāṇakathā
kv3.9:1.1Yathākammūpagataṁ ñāṇaṁ dibbacakkhunti?
kv3.9:1.2Āmantā.
kv3.9:1.3Yathākammūpagatañca manasi karoti, dibbena cakkhunā rūpaṁ passatīti?
kv3.9:1.4Na hevaṁ vattabbe …pe….
kv3.9:2.1Yathākammūpagatañca manasi karoti, dibbena cakkhunā rūpaṁ passatīti?
kv3.9:2.2Āmantā.
kv3.9:2.3Dvinnaṁ phassānaṁ dvinnaṁ cittānaṁ samodhānaṁ hotīti?
kv3.9:2.4Na hevaṁ vattabbe …pe….
kv3.9:3.1Yathākammūpagataṁ ñāṇaṁ dibbacakkhunti?
kv3.9:3.2Āmantā.
kv3.9:3.3“Ime vata bhonto sattā”ti ca manasi karoti, “kāyaduccaritena samannāgatā”ti ca manasi karoti, “vacīduccaritena samannāgatā”ti ca manasi karoti, “manoduccaritena samannāgatā”ti ca manasi karoti, “ariyānaṁ upavādakā”ti ca manasi karoti, “micchādiṭṭhikā”ti ca manasi karoti, “micchādiṭṭhikammasamādānā”ti ca manasi karoti, “te kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapannā”ti ca manasi karoti, “ime vā pana bhonto sattā”ti ca manasi karoti, “kāyasucaritena samannāgatā”ti ca manasi karoti, “vacīsucaritena samannāgatā”ti ca manasi karoti, “manosucaritena samannāgatā”ti ca manasi karoti, “ariyānaṁ anupavādakā”ti ca manasi karoti, “sammādiṭṭhikā”ti ca manasi karoti, “sammādiṭṭhikammasamādānā”ti ca manasi karoti, “te kāyassa bhedā paraṁ maraṇā sugatiṁ saggaṁ lokaṁ upapannā”ti ca manasi karoti, dibbena cakkhunā rūpaṁ passatīti?
kv3.9:3.4Na hevaṁ vattabbe …pe….
kv3.9:4.1“Te kāyassa bhedā paraṁ maraṇā sugatiṁ saggaṁ lokaṁ upapannā”ti ca manasi karoti, dibbena cakkhunā rūpaṁ passatīti?
kv3.9:4.2Āmantā.
kv3.9:4.3Dvinnaṁ phassānaṁ dvinnaṁ cittānaṁ samodhānaṁ hotīti?
kv3.9:4.4Na hevaṁ vattabbe …pe….
kv3.9:5.1Yathākammūpagataṁ ñāṇaṁ dibbacakkhunti?
kv3.9:5.2Āmantā.
kv3.9:5.3Atthi koci adibbacakkhuko dibbacakkhuṁ appaṭiladdho anadhigato asacchikato yathākammūpagataṁ jānātīti?
kv3.9:5.4Āmantā.
kv3.9:5.5Hañci atthi koci adibbacakkhuko dibbacakkhuṁ appaṭiladdho anadhigato asacchikato yathākammūpagataṁ jānāti, no ca vata re vattabbe—
kv3.9:5.6“yathākammūpagataṁ ñāṇaṁ dibbacakkhun”ti.
kv3.9:6.1Yathākammūpagataṁ ñāṇaṁ dibbacakkhunti?
kv3.9:6.2Āmantā.
kv3.9:6.3Āyasmā sāriputto yathākammūpagataṁ ñāṇaṁ jānātīti?
kv3.9:6.4Āmantā.
kv3.9:6.5Hañci āyasmā sāriputto yathākammūpagataṁ ñāṇaṁ jānāti, no ca vata re vattabbe—
kv3.9:6.6“yathākammūpagataṁ ñāṇaṁ dibbacakkhun”ti.
kv3.9:7.1Yathākammūpagataṁ ñāṇaṁ dibbacakkhunti?
kv3.9:7.2Āmantā.
kv3.9:7.3Āyasmā sāriputto yathākammūpagataṁ ñāṇaṁ jānātīti?
kv3.9:7.4Āmantā.
kv3.9:7.5Atthāyasmato sāriputtassa dibbacakkhunti?
kv3.9:7.6Na hevaṁ vattabbe …pe….
kv3.9:8.1Atthāyasmato sāriputtassa dibbacakkhunti?
kv3.9:8.2Āmantā.
kv3.9:8.3Nanu āyasmā sāriputto etadavoca—
kv3.9:9.1“Neva pubbenivāsāya,
kv3.9:9.2napi dibbassa cakkhuno;
kv3.9:9.3Cetopariyāya iddhiyā,
kv3.9:9.4sotadhātuvisuddhiyā;
kv3.9:9.5Cutiyā upapattiyā,
kv3.9:9.6paṇidhi me na vijjatī”ti.
kv3.9:10.1Attheva suttantoti?
kv3.9:10.2Āmantā.
kv3.9:10.3Tena hi na vattabbaṁ—
kv3.9:10.4“yathākammūpagataṁ ñāṇaṁ dibbacakkhun”ti.
kv3.9:10.5Yathākammūpagatañāṇakathā niṭṭhitā.