kv3.12:0.1Kathāvatthu
kv3.12:0.2Mahāpaṇṇāsaka
kv3.12:0.3Tatiyavagga
kv3.12:0.4Nevasaññānāsaññāyatanakathā
kv3.12:1.1Nevasaññānāsaññāyatane na vattabbaṁ—
kv3.12:1.2“saññā atthī”ti?
kv3.12:1.3Āmantā.
kv3.12:1.4Asaññabhavo asaññagati asaññasattāvāso asaññasaṁsāro asaññayoni asaññattabhāvapaṭilābhoti?
kv3.12:1.5Na hevaṁ vattabbe …pe….
kv3.12:2.1Nanu saññābhavo saññāgati saññāsattāvāso saññāsaṁsāro saññāyoni saññattabhāvapaṭilābhoti?
kv3.12:2.2Āmantā.
kv3.12:2.3Hañci saññābhavo saññāgati …pe…
kv3.12:2.4saññattabhāvapaṭilābho, no ca vata re vattabbe—
kv3.12:2.5“nevasaññānāsaññāyatane na vattabbaṁ—
kv3.12:2.6‘saññā atthī’”ti.
kv3.12:3.1Nevasaññānāsaññāyatane na vattabbaṁ—
kv3.12:3.2“saññā atthī”ti?
kv3.12:3.3Āmantā.
kv3.12:3.4Ekavokārabhavo gati …pe…
kv3.12:3.5attabhāvapaṭilābhoti?
kv3.12:3.6Na hevaṁ vattabbe …pe….
kv3.12:4.1Nanu catuvokārabhavo gati …pe…
kv3.12:4.2attabhāvapaṭilābhoti?
kv3.12:4.3Āmantā.
kv3.12:4.4Hañci catuvokārabhavo gati …pe…
kv3.12:4.5attabhāvapaṭilābho, no ca vata re vattabbe—
kv3.12:4.6“nevasaññānāsaññāyatane na vattabbaṁ—
kv3.12:4.7‘saññā atthī’”ti.
kv3.12:5.1Asaññasattesu na vattabbaṁ—
kv3.12:5.2“saññā atthi”, so ca asaññabhavo asaññagati asaññasattāvāso asaññasaṁsāro asaññayoni asaññattabhāvapaṭilābhoti?
kv3.12:5.3Āmantā.
kv3.12:5.4Nevasaññānāsaññāyatane na vattabbaṁ—
kv3.12:5.5“saññā atthi”, so ca asaññabhavo asaññagati asaññasattāvāso asaññasaṁsāro asaññayoni asaññattabhāvapaṭilābhoti?
kv3.12:5.6Na hevaṁ vattabbe …pe….
kv3.12:6.1Asaññasattesu na vattabbaṁ—
kv3.12:6.2“saññā atthi”, so ca ekavokārabhavo gati …pe…
kv3.12:6.3attabhāvapaṭilābhoti?
kv3.12:6.4Āmantā.
kv3.12:6.5Nevasaññānāsaññāyatane na vattabbaṁ—
kv3.12:6.6“saññā atthi”, so ca ekavokārabhavo gati sattāvāso saṁsāro yoni attabhāvapaṭilābhoti?
kv3.12:6.7Na hevaṁ vattabbe …pe….
kv3.12:7.1Nevasaññānāsaññāyatane na vattabbaṁ—
kv3.12:7.2“saññā atthi”, so ca saññābhavo saññāgati …pe…
kv3.12:7.3saññattabhāvapaṭilābhoti?
kv3.12:7.4Āmantā.
kv3.12:7.5Asaññasattesu na vattabbaṁ—
kv3.12:7.6“saññā atthi”, so ca saññābhavo saññāgati …pe…
kv3.12:7.7saññattabhāvapaṭilābhoti?
kv3.12:7.8Na hevaṁ vattabbe …pe…
kv3.12:8.1Nevasaññānāsaññāyatane na vattabbaṁ—
kv3.12:8.2“saññā atthi”, so ca catuvokārabhavo gati …pe…
kv3.12:8.3attabhāvapaṭilābhoti?
kv3.12:8.4Āmantā.
kv3.12:8.5Asaññasattesu na vattabbaṁ—
kv3.12:8.6“saññā atthi”, so ca catuvokārabhavo gati …pe…
kv3.12:8.7attabhāvapaṭilābhoti?
kv3.12:8.8Na hevaṁ vattabbe …pe….
kv3.12:9.1Nevasaññānāsaññāyatane na vattabbaṁ—
kv3.12:9.2“saññā atthī”ti?
kv3.12:9.3Āmantā.
kv3.12:9.4Nanu nevasaññānāsaññāyatanaṁ catuvokārabhavoti?
kv3.12:9.5Āmantā.
kv3.12:9.6Hañci nevasaññānāsaññāyatanaṁ catuvokārabhavo, no ca vata re vattabbe—
kv3.12:9.7“nevasaññānāsaññāyatane na vattabbaṁ—
kv3.12:9.8‘saññā atthī’”ti.
kv3.12:10.1Nevasaññānāsaññāyatanaṁ catuvokārabhavo nevasaññānāsaññāyatane na vattabbaṁ—
kv3.12:10.2“saññā atthī”ti?
kv3.12:10.3Āmantā.
kv3.12:10.4Ākāsānañcāyatanaṁ catuvokārabhavo ākāsānañcāyatane na vattabbaṁ—
kv3.12:10.5“saññā atthī”ti?
kv3.12:10.6Na hevaṁ vattabbe …pe….
kv3.12:11.1Nevasaññānāsaññāyatanaṁ catuvokārabhavo, nevasaññānāsaññāyatane na vattabbaṁ—
kv3.12:11.2“saññā atthī”ti?
kv3.12:11.3Āmantā.
kv3.12:11.4Viññāṇañcāyatanaṁ …pe…
kv3.12:11.5ākiñcaññāyatanaṁ catuvokārabhavo, ākiñcaññāyatane na vattabbaṁ—
kv3.12:11.6“saññā atthī”ti?
kv3.12:11.7Na hevaṁ vattabbe …pe….
kv3.12:12.1Ākāsānañcāyatanaṁ catuvokārabhavo, atthi tattha saññāti?
kv3.12:12.2Āmantā.
kv3.12:12.3Nevasaññānāsaññāyatanaṁ catuvokārabhavo, atthi tattha saññāti?
kv3.12:12.4Na hevaṁ vattabbe …pe….
kv3.12:13.1Viññāṇañcāyatanaṁ …pe…
kv3.12:13.2ākiñcaññāyatanaṁ catuvokārabhavo, atthi tattha saññāti?
kv3.12:13.3Āmantā.
kv3.12:13.4Nevasaññānāsaññāyatanaṁ catuvokārabhavo, atthi tattha saññāti?
kv3.12:13.5Na hevaṁ vattabbe …pe….
kv3.12:14.1Nevasaññānāsaññāyatane na vattabbaṁ—
kv3.12:14.2“saññā atthī”ti vā “natthī”ti vāti?
kv3.12:14.3Āmantā.
kv3.12:14.4Nanu nevasaññānāsaññāyatanaṁ catuvokārabhavoti?
kv3.12:14.5Āmantā.
kv3.12:14.6Hañci nevasaññānāsaññāyatanaṁ catuvokārabhavo, no ca vata re vattabbe—
kv3.12:14.7“nevasaññānāsaññāyatane na vattabbaṁ—
kv3.12:14.8‘saññā atthī’ti vā ‘natthī’ti vā”ti.
kv3.12:15.1Nevasaññānāsaññāyatanaṁ catuvokārabhavo, nevasaññānāsaññāyatane na vattabbaṁ—
kv3.12:15.2“saññā atthī”ti vā “natthī”ti vāti?
kv3.12:15.3Āmantā.
kv3.12:15.4Ākāsānañcāyatanaṁ …pe…
kv3.12:15.5viññāṇañcāyatanaṁ …pe…
kv3.12:15.6ākiñcaññāyatanaṁ catuvokārabhavo, ākiñcaññāyatane na vattabbaṁ—
kv3.12:15.7“saññā atthī”ti vā “natthī”ti vāti?
kv3.12:15.8Na hevaṁ vattabbe …pe….
kv3.12:16.1Ākāsānañcāyatanaṁ catuvokārabhavo, atthi tattha saññāti?
kv3.12:16.2Āmantā.
kv3.12:16.3Nevasaññānāsaññāyatanaṁ catuvokārabhavo, atthi tattha saññāti?
kv3.12:16.4Na hevaṁ vattabbe …pe….
kv3.12:17.1Viññāṇañcāyatanaṁ …pe…
kv3.12:17.2ākiñcaññāyatanaṁ catuvokārabhavo, atthi tattha saññāti?
kv3.12:17.3Āmantā.
kv3.12:17.4Nevasaññānāsaññāyatanaṁ catuvokārabhavo, atthi tattha saññāti?
kv3.12:17.5Na hevaṁ vattabbe …pe….
kv3.12:18.1Nevasaññānāsaññāyatane na vattabbaṁ—
kv3.12:18.2“saññā atthī”ti vā “natthī”ti vāti?
kv3.12:18.3Āmantā.
kv3.12:18.4Nanu nevasaññānāsaññāyatananti?
kv3.12:18.5Āmantā.
kv3.12:18.6Hañci nevasaññānāsaññāyatanaṁ, tena vata re vattabbe—
kv3.12:18.7“nevasaññānāsaññāyatane na vattabbaṁ—
kv3.12:18.8‘saññā atthī’ti vā ‘natthī’ti vā”ti.
kv3.12:19.1Nevasaññānāsaññāyatananti katvā nevasaññānāsaññāyatane na vattabbaṁ—
kv3.12:19.2“saññā atthī”ti vā “natthī”ti vāti?
kv3.12:19.3Āmantā.
kv3.12:19.4Adukkhamasukhā vedanāti katvā adukkhamasukhāya vedanāya na vattabbaṁ—
kv3.12:19.5“vedanā”ti vā “avedanā”ti vāti?
kv3.12:19.6Na hevaṁ vattabbe …pe….
kv3.12:19.7Nevasaññānāsaññāyatanakathā niṭṭhitā.
kv3.12:19.8Tatiyo vaggo.
kv3.12:19.9Tassuddānaṁ
kv3.12:20.1Balaṁ sādhāraṇaṁ ariyaṁ,
kv3.12:20.2sarāgaṁ cittaṁ vimuccati;
kv3.12:20.3Vimuttaṁ vimuccamānaṁ,
kv3.12:20.4atthi cittaṁ vimuccamānaṁ.
kv3.12:21.1Aṭṭhamakassa puggalassa,
kv3.12:21.2Diṭṭhipariyuṭṭhānaṁ pahīnaṁ;
kv3.12:21.3Aṭṭhamakassa puggalassa,
kv3.12:21.4Natthi pañcindriyāni cakkhuṁ.
kv3.12:22.1Sotaṁ dhammupatthaddhaṁ,
kv3.12:22.2Yathākammūpagataṁ ñāṇaṁ;
kv3.12:22.3Devesu saṁvaro asañña-
kv3.12:22.4Sattesu saññā evameva bhavagganti.