kv3.6:0.1Kathāvatthu
kv3.6:0.2Mahāpaṇṇāsaka
kv3.6:0.3Tatiyavagga
kv3.6:0.4Aṭṭhamakassaindriyakathā
kv3.6:1.1Aṭṭhamakassa puggalassa natthi saddhindriyanti?
kv3.6:1.2Āmantā.
kv3.6:1.3Aṭṭhamakassa puggalassa natthi saddhāti?
kv3.6:1.4Na hevaṁ vattabbe.
kv3.6:1.5Aṭṭhamakassa puggalassa natthi vīriyindriyaṁ …pe…
kv3.6:1.6natthi satindriyaṁ …pe…
kv3.6:1.7natthi samādhindriyaṁ …pe…
kv3.6:1.8natthi paññindriyanti?
kv3.6:1.9Āmantā.
kv3.6:1.10Aṭṭhamakassa puggalassa natthi paññāti?
kv3.6:1.11Na hevaṁ vattabbe …pe….
kv3.6:2.1Aṭṭhamakassa puggalassa atthi saddhāti?
kv3.6:2.2Āmantā.
kv3.6:2.3Aṭṭhamakassa puggalassa atthi saddhindriyanti?
kv3.6:2.4Na hevaṁ vattabbe …pe…
kv3.6:2.5aṭṭhamakassa puggalassa atthi vīriyaṁ …pe…
kv3.6:2.6atthi sati …
kv3.6:2.7atthi samādhi …
kv3.6:2.8atthi paññāti?
kv3.6:2.9Āmantā.
kv3.6:2.10Aṭṭhamakassa puggalassa atthi paññindriyanti?
kv3.6:2.11Na hevaṁ vattabbe …pe….
kv3.6:3.1Aṭṭhamakassa puggalassa atthi mano, atthi manindriyanti?
kv3.6:3.2Āmantā.
kv3.6:3.3Aṭṭhamakassa puggalassa atthi saddhā, atthi saddhindriyanti?
kv3.6:3.4Na hevaṁ vattabbe …pe…
kv3.6:3.5aṭṭhamakassa puggalassa atthi mano, atthi manindriyanti?
kv3.6:3.6Āmantā.
kv3.6:3.7Aṭṭhamakassa puggalassa atthi paññā, atthi paññindriyanti?
kv3.6:3.8Na hevaṁ vattabbe …pe….
kv3.6:4.1Aṭṭhamakassa puggalassa atthi somanassaṁ, atthi somanassindriyaṁ, atthi jīvitaṁ, atthi jīvitindriyanti?
kv3.6:4.2Āmantā.
kv3.6:4.3Aṭṭhamakassa puggalassa atthi saddhā, atthi saddhindriyanti?
kv3.6:4.4Na hevaṁ vattabbe …pe…
kv3.6:4.5aṭṭhamakassa puggalassa atthi jīvitaṁ, atthi jīvitindriyanti?
kv3.6:4.6Āmantā.
kv3.6:4.7Aṭṭhamakassa puggalassa …pe…
kv3.6:4.8atthi paññā, atthi paññindriyanti?
kv3.6:4.9Na hevaṁ vattabbe …pe….
kv3.6:5.1Aṭṭhamakassa puggalassa atthi saddhā, natthi saddhindriyanti?
kv3.6:5.2Āmantā.
kv3.6:5.3Aṭṭhamakassa puggalassa atthi mano, natthi manindriyanti?
kv3.6:5.4Na hevaṁ vattabbe …pe….
kv3.6:6.1Aṭṭhamakassa puggalassa atthi saddhā, natthi saddhindriyanti?
kv3.6:6.2Āmantā.
kv3.6:6.3Aṭṭhamakassa puggalassa atthi somanassaṁ, natthi somanassindriyanti …pe… atthi jīvitaṁ, natthi jīvitindriyanti?
kv3.6:6.4Na hevaṁ vattabbe …pe…
kv3.6:6.5aṭṭhamakassa puggalassa atthi paññā, natthi paññindriyanti?
kv3.6:6.6Āmantā.
kv3.6:6.7Aṭṭhamakassa puggalassa atthi mano, natthi manindriyanti?
kv3.6:6.8Atthi somanassaṁ, natthi somanassindriyanti?
kv3.6:6.9Atthi jīvitaṁ, natthi jīvitindriyanti?
kv3.6:6.10Na hevaṁ vattabbe …pe….
kv3.6:7.1Aṭṭhamakassa puggalassa natthi saddhindriyanti?
kv3.6:7.2Āmantā.
kv3.6:7.3Aṭṭhamako puggalo assaddhoti?
kv3.6:7.4Na hevaṁ vattabbe …pe…
kv3.6:7.5aṭṭhamakassa puggalassa natthi vīriyindriyanti?
kv3.6:7.6Āmantā.
kv3.6:7.7Aṭṭhamako puggalo kusīto hīnavīriyoti?
kv3.6:7.8Na hevaṁ vattabbe …pe…
kv3.6:7.9aṭṭhamakassa puggalassa natthi satindriyanti?
kv3.6:7.10Āmantā.
kv3.6:7.11Aṭṭhamako puggalo muṭṭhassati asampajānoti?
kv3.6:7.12Na hevaṁ vattabbe …pe…
kv3.6:7.13aṭṭhamakassa puggalassa natthi samādhindriyanti?
kv3.6:7.14Āmantā.
kv3.6:7.15Aṭṭhamako puggalo asamāhito vibbhantacittoti?
kv3.6:7.16Na hevaṁ vattabbe …pe…
kv3.6:7.17aṭṭhamakassa puggalassa natthi paññindriyanti?
kv3.6:7.18Āmantā.
kv3.6:7.19Aṭṭhamako puggalo duppañño elamūgoti?
kv3.6:7.20Na hevaṁ vattabbe …pe….
kv3.6:8.1Aṭṭhamakassa puggalassa atthi saddhā, sā ca saddhā niyyānikāti?
kv3.6:8.2Āmantā.
kv3.6:8.3Hañci aṭṭhamakassa puggalassa atthi saddhā, sā ca saddhā niyyānikā, no ca vata re vattabbe—
kv3.6:8.4“aṭṭhamakassa puggalassa natthi saddhindriyan”ti.
kv3.6:8.5Aṭṭhamakassa puggalassa atthi vīriyaṁ, tañca vīriyaṁ niyyānikaṁ;
kv3.6:8.6atthi sati, sā ca sati niyyānikā;
kv3.6:8.7atthi samādhi, so ca samādhi niyyāniko;
kv3.6:8.8atthi paññā, sā ca paññā niyyānikāti?
kv3.6:8.9Āmantā.
kv3.6:8.10Hañci aṭṭhamakassa puggalassa atthi paññā, sā ca paññā niyyānikā, no ca vata re vattabbe—
kv3.6:8.11“aṭṭhamakassa puggalassa natthi paññindriyan”ti.
kv3.6:9.1Sakadāgāmiphalasacchikiriyāya paṭipannassa puggalassa atthi saddhā, atthi saddhindriyanti?
kv3.6:9.2Āmantā.
kv3.6:9.3Aṭṭhamakassa puggalassa atthi saddhā, atthi saddhindriyanti?
kv3.6:9.4Na hevaṁ vattabbe …pe…
kv3.6:9.5sakadāgāmiphalasacchikiriyāya paṭipannassa puggalassa atthi paññā, atthi paññindriyanti?
kv3.6:9.6Āmantā.
kv3.6:9.7Aṭṭhamakassa puggalassa atthi paññā, atthi paññindriyanti?
kv3.6:9.8Na hevaṁ vattabbe …pe….
kv3.6:10.1Anāgāmiphalasacchikiriyāya paṭipannassa puggalassa …
kv3.6:10.2arahattasacchikiriyāya paṭipannassa puggalassa atthi saddhā, atthi saddhindriyaṁ …pe…
kv3.6:10.3atthi paññā, atthi paññindriyanti?
kv3.6:10.4Āmantā.
kv3.6:10.5Aṭṭhamakassa puggalassa atthi paññā, atthi paññindriyanti?
kv3.6:10.6Na hevaṁ vattabbe …pe….
kv3.6:11.1Aṭṭhamakassa puggalassa atthi saddhā, natthi saddhindriyanti?
kv3.6:11.2Āmantā.
kv3.6:11.3Sakadāgāmiphalasacchikiriyāya paṭipannassa puggalassa atthi saddhā, natthi saddhindriyanti?
kv3.6:11.4Na hevaṁ vattabbe …pe…
kv3.6:11.5aṭṭhamakassa puggalassa atthi paññā, natthi paññindriyanti?
kv3.6:11.6Āmantā.
kv3.6:11.7Sakadāgāmiphalasacchikiriyāya paṭipannassa puggalassa atthi paññā, natthi paññindriyanti?
kv3.6:11.8Na hevaṁ vattabbe …pe….
kv3.6:12.1Aṭṭhamakassa puggalassa atthi saddhā, natthi saddhindriyanti …pe…
kv3.6:12.2atthi paññā, natthi paññindriyanti?
kv3.6:12.3Āmantā.
kv3.6:12.4Anāgāmiphalasacchikiriyāya paṭipannassa puggalassa …
kv3.6:12.5arahattasacchikiriyāya paṭipannassa puggalassa atthi paññā, natthi paññindriyanti?
kv3.6:12.6Na hevaṁ vattabbe …pe….
kv3.6:13.1Aṭṭhamakassa puggalassa natthi pañcindriyānīti?
kv3.6:13.2Āmantā.
kv3.6:13.3Nanu vuttaṁ bhagavatā—
kv3.6:13.4“pañcimāni, bhikkhave, indriyāni.
kv3.6:13.5Katamāni pañca?
kv3.6:13.6Saddhindriyaṁ, vīriyindriyaṁ, satindriyaṁ, samādhindriyaṁ, paññindriyaṁ—
kv3.6:13.7imāni kho, bhikkhave, pañcindriyāni.
kv3.6:13.8Imesaṁ kho, bhikkhave, pañcannaṁ indriyānaṁ samattā paripūrattā arahā hoti.
kv3.6:13.9Tato mudutarehi arahattasacchikiriyāya paṭipanno hoti, tato mudutarehi anāgāmī hoti, tato mudutarehi anāgāmiphalasacchikiriyāya paṭipanno hoti, tato mudutarehi sakadāgāmī hoti, tato mudutarehi sakadāgāmiphalasacchikiriyāya paṭipanno hoti, tato mudutarehi sotāpanno hoti, tato mudutarehi sotāpattiphalasacchikiriyāya paṭipanno hoti.
kv3.6:13.10Yassa kho, bhikkhave, imāni pañcindriyāni sabbena sabbaṁ sabbathā sabbaṁ natthi, tamahaṁ ‘bāhiro puthujjanapakkhe ṭhito’ti vadāmī”ti.
kv3.6:13.11Attheva suttantoti?
kv3.6:13.12Āmantā.
kv3.6:13.13Aṭṭhamako puggalo bāhiro puthujjanapakkhe ṭhitoti?
kv3.6:13.14Na hevaṁ vattabbe …pe…
kv3.6:13.15tena hi aṭṭhamakassa puggalassa atthi pañcindriyānīti.
kv3.6:13.16Aṭṭhamakassa indriyakathā niṭṭhitā.