kv3.7:0.1Kathāvatthu
kv3.7:0.2Mahāpaṇṇāsaka
kv3.7:0.3Tatiyavagga
kv3.7:0.4Dibbacakkhukathā
kv3.7:1.1Maṁsacakkhuṁ dhammupatthaddhaṁ dibbacakkhuṁ hotīti?
kv3.7:1.2Āmantā.
kv3.7:1.3Maṁsacakkhuṁ dibbacakkhuṁ, dibbacakkhuṁ maṁsacakkhunti?
kv3.7:1.4Na hevaṁ vattabbe …pe….
kv3.7:2.1Maṁsacakkhuṁ dhammupatthaddhaṁ dibbacakkhuṁ hotīti?
kv3.7:2.2Āmantā.
kv3.7:2.3Yādisaṁ maṁsacakkhuṁ tādisaṁ dibbacakkhuṁ, yādisaṁ dibbacakkhuṁ tādisaṁ maṁsacakkhunti?
kv3.7:2.4Na hevaṁ vattabbe …pe….
kv3.7:3.1Maṁsacakkhuṁ dhammupatthaddhaṁ dibbacakkhuṁ hotīti?
kv3.7:3.2Āmantā.
kv3.7:3.3Taññeva maṁsacakkhuṁ taṁ dibbacakkhuṁ, taṁ dibbacakkhuṁ taṁ maṁsacakkhunti?
kv3.7:3.4Na hevaṁ vattabbe …pe….
kv3.7:4.1Maṁsacakkhuṁ dhammupatthaddhaṁ dibbacakkhuṁ hotīti?
kv3.7:4.2Āmantā.
kv3.7:4.3Yādiso maṁsacakkhussa visayo ānubhāvo gocaro tādiso dibbassa cakkhussa visayo ānubhāvo gocaroti?
kv3.7:4.4Na hevaṁ vattabbe …pe….
kv3.7:5.1Maṁsacakkhuṁ dhammupatthaddhaṁ dibbacakkhuṁ hotīti?
kv3.7:5.2Āmantā.
kv3.7:5.3Upādinnaṁ hutvā anupādinnaṁ hotīti?
kv3.7:5.4Na hevaṁ vattabbe …pe….
kv3.7:6.1Upādinnaṁ hutvā anupādinnaṁ hotīti?
kv3.7:6.2Āmantā.
kv3.7:6.3Kāmāvacaraṁ hutvā rūpāvacaraṁ hotīti?
kv3.7:6.4Na hevaṁ vattabbe …pe….
kv3.7:7.1Kāmāvacaraṁ hutvā rūpāvacaraṁ hotīti?
kv3.7:7.2Āmantā.
kv3.7:7.3Rūpāvacaraṁ hutvā arūpāvacaraṁ hotīti?
kv3.7:7.4Na hevaṁ vattabbe …pe….
kv3.7:8.1Rūpāvacaraṁ hutvā arūpāvacaraṁ hotīti?
kv3.7:8.2Āmantā.
kv3.7:8.3Pariyāpannaṁ hutvā apariyāpannaṁ hotīti?
kv3.7:8.4Na hevaṁ vattabbe …pe….
kv3.7:9.1Maṁsacakkhuṁ dhammupatthaddhaṁ dibbacakkhuṁ hotīti?
kv3.7:9.2Āmantā.
kv3.7:9.3Dibbacakkhuṁ dhammupatthaddhaṁ maṁsacakkhuṁ hotīti?
kv3.7:9.4Na hevaṁ vattabbe …pe….
kv3.7:10.1Maṁsacakkhuṁ dhammupatthaddhaṁ dibbacakkhuṁ hotīti?
kv3.7:10.2Āmantā.
kv3.7:10.3Dibbacakkhuṁ dhammupatthaddhaṁ paññācakkhuṁ hotīti?
kv3.7:10.4Na hevaṁ vattabbe …pe….
kv3.7:11.1Maṁsacakkhuṁ dhammupatthaddhaṁ dibbacakkhuṁ hotīti?
kv3.7:11.2Āmantā.
kv3.7:11.3Dibbacakkhuṁ dhammupatthaddhaṁ maṁsacakkhuṁ hotīti?
kv3.7:11.4Na hevaṁ vattabbe …pe….
kv3.7:12.1Maṁsacakkhuṁ dhammupatthaddhaṁ dibbacakkhuṁ hotīti?
kv3.7:12.2Āmantā.
kv3.7:12.3Dveva cakkhūnīti?
kv3.7:12.4Na hevaṁ vattabbe …pe…
kv3.7:12.5dveva cakkhūnīti?
kv3.7:12.6Āmantā.
kv3.7:12.7Nanu tīṇi cakkhūni vuttāni bhagavatā—
kv3.7:12.8maṁsacakkhuṁ, dibbacakkhuṁ, paññācakkhunti?
kv3.7:12.9Āmantā.
kv3.7:12.10Hañci tīṇi cakkhūni vuttāni bhagavatā—
kv3.7:12.11maṁsacakkhuṁ, dibbacakkhuṁ, paññācakkhuṁ, no ca vata re vattabbe—
kv3.7:12.12“dveva cakkhūnī”ti.
kv3.7:13.1Dveva cakkhūnīti?
kv3.7:13.2Āmantā.
kv3.7:13.3Nanu vuttaṁ bhagavatā—
kv3.7:13.4“tīṇimāni, bhikkhave, cakkhūni.
kv3.7:13.5Katamāni tīṇi?
kv3.7:13.6Maṁsacakkhuṁ, dibbacakkhuṁ, paññācakkhunti—
kv3.7:13.7imāni kho, bhikkhave, tīṇi cakkhūnī”ti.
kv3.7:14.1“Maṁsacakkhuṁ dibbacakkhuṁ,
kv3.7:14.2Paññācakkhuṁ anuttaraṁ;
kv3.7:14.3Etāni tīṇi cakkhūni,
kv3.7:14.4Akkhāsi purisuttamo.
kv3.7:15.1Maṁsacakkhussa uppādo,
kv3.7:15.2maggo dibbassa cakkhuno;
kv3.7:15.3Yadā ca ñāṇaṁ udapādi,
kv3.7:15.4paññācakkhuṁ anuttaraṁ;
kv3.7:15.5Tassa cakkhussa paṭilābhā,
kv3.7:15.6sabbadukkhā pamuccatī”ti.
kv3.7:16.1Attheva suttantoti?
kv3.7:16.2Āmantā.
kv3.7:16.3Tena hi na vattabbaṁ—
kv3.7:16.4“dveva cakkhūnī”ti.
kv3.7:16.5Dibbacakkhukathā niṭṭhitā.