kv4.3:0.1Kathāvatthu
kv4.3:0.2Mahāpaṇṇāsaka
kv4.3:0.3Catutthavagga
kv4.3:0.4Anāsavakathā
kv4.3:1.1Arahato sabbe dhammā anāsavāti?
kv4.3:1.2Āmantā.
kv4.3:1.3Maggo phalaṁ nibbānaṁ, sotāpattimaggo sotāpattiphalaṁ, sakadāgāmimaggo sakadāgāmiphalaṁ, anāgāmimaggo anāgāmiphalaṁ, arahattamaggo arahattaphalaṁ, satipaṭṭhānaṁ sammappadhānaṁ iddhipādo indriyaṁ balaṁ bojjhaṅgoti?
kv4.3:1.4Na hevaṁ vattabbe …pe….
kv4.3:2.1Arahato sabbe dhammā anāsavāti?
kv4.3:2.2Āmantā.
kv4.3:2.3Arahato cakkhuṁ anāsavanti?
kv4.3:2.4Na hevaṁ vattabbe …pe….
kv4.3:2.5Arahato cakkhuṁ anāsavanti?
kv4.3:2.6Āmantā.
kv4.3:2.7Maggo phalaṁ nibbānaṁ, sotāpattimaggo sotāpattiphalaṁ …pe… bojjhaṅgoti?
kv4.3:2.8Na hevaṁ vattabbe …pe….
kv4.3:3.1Arahato sotaṁ …pe…
kv4.3:3.2arahato ghānaṁ …
kv4.3:3.3arahato jivhā …
kv4.3:3.4arahato kāyo anāsavoti?
kv4.3:3.5Na hevaṁ vattabbe …pe…
kv4.3:3.6arahato kāyo anāsavoti?
kv4.3:3.7Āmantā.
kv4.3:3.8Maggo phalaṁ nibbānaṁ, sotāpattimaggo sotāpattiphalaṁ …pe… bojjhaṅgoti?
kv4.3:3.9Na hevaṁ vattabbe …pe….
kv4.3:4.1Arahato kāyo anāsavoti?
kv4.3:4.2Āmantā.
kv4.3:4.3Arahato kāyo paggahaniggahupago chedanabhedanupago kākehi gijjhehi kulalehi sādhāraṇoti?
kv4.3:4.4Āmantā.
kv4.3:4.5Anāsavo dhammo paggahaniggahupago chedanabhedanupago kākehi gijjhehi kulalehi sādhāraṇoti?
kv4.3:4.6Na hevaṁ vattabbe …pe….
kv4.3:5.1Arahato kāye visaṁ kameyya, satthaṁ kameyya, aggi kameyyāti?
kv4.3:5.2Āmantā.
kv4.3:5.3Anāsave dhamme visaṁ kameyya, satthaṁ kameyya, aggi kameyyāti?
kv4.3:5.4Na hevaṁ vattabbe …pe….
kv4.3:6.1Labbhā arahato kāyo addubandhanena bandhituṁ, rajjubandhanena bandhituṁ, saṅkhalikabandhanena bandhituṁ, gāmabandhanena bandhituṁ, nigamabandhanena bandhituṁ, nagarabandhanena bandhituṁ, janapadabandhanena bandhituṁ, kaṇṭhapañcamehi bandhanehi bandhitunti?
kv4.3:6.2Āmantā.
kv4.3:6.3Labbhā anāsavo dhammo addubandhanena bandhituṁ, rajjubandhanena bandhituṁ, saṅkhalikabandhanena bandhituṁ, gāmanigamanagarajanapadabandhanena bandhituṁ, kaṇṭhapañcamehi bandhanehi bandhitunti?
kv4.3:6.4Na hevaṁ vattabbe …pe….
kv4.3:7.1Yadi arahā puthujjanassa cīvaraṁ deti, anāsavaṁ hutvā sāsavaṁ hotīti?
kv4.3:7.2Na hevaṁ vattabbe …pe…
kv4.3:7.3anāsavaṁ hutvā sāsavaṁ hotīti?
kv4.3:7.4Āmantā.
kv4.3:7.5Taññeva anāsavaṁ taṁ sāsavanti?
kv4.3:7.6Na hevaṁ vattabbe …pe…
kv4.3:7.7taññeva anāsavaṁ taṁ sāsavanti?
kv4.3:7.8Āmantā.
kv4.3:7.9Maggo anāsavo hutvā sāsavo hotīti?
kv4.3:7.10Na hevaṁ vattabbe …pe…
kv4.3:7.11phalaṁ …
kv4.3:7.12satipaṭṭhānaṁ …
kv4.3:7.13sammappadhānaṁ …
kv4.3:7.14iddhipādo …
kv4.3:7.15indriyaṁ …
kv4.3:7.16balaṁ …
kv4.3:7.17bojjhaṅgo anāsavo hutvā sāsavo hotīti?
kv4.3:7.18Na hevaṁ vattabbe …pe….
kv4.3:8.1Yadi arahā puthujjanassa piṇḍapātaṁ deti, senāsanaṁ deti, gilānapaccayabhesajjaparikkhāraṁ deti, anāsavo hutvā sāsavo hotīti?
kv4.3:8.2Na hevaṁ vattabbe …pe…
kv4.3:8.3anāsavo hutvā sāsavo hotīti?
kv4.3:8.4Āmantā.
kv4.3:8.5Taññeva anāsavaṁ taṁ sāsavanti?
kv4.3:8.6Na hevaṁ vattabbe …pe…
kv4.3:8.7taññeva anāsavaṁ taṁ sāsavanti?
kv4.3:8.8Āmantā.
kv4.3:8.9Maggo anāsavo hutvā sāsavo hotīti?
kv4.3:8.10Na hevaṁ vattabbe …pe…
kv4.3:8.11phalaṁ …
kv4.3:8.12satipaṭṭhānaṁ …
kv4.3:8.13sammappadhānaṁ …
kv4.3:8.14iddhipādo …
kv4.3:8.15indriyaṁ …
kv4.3:8.16balaṁ …
kv4.3:8.17bojjhaṅgo anāsavo hutvā sāsavo hotīti?
kv4.3:8.18Na hevaṁ vattabbe …pe….
kv4.3:9.1Yadi puthujjano arahato cīvaraṁ deti, sāsavaṁ hutvā anāsavaṁ hotīti?
kv4.3:9.2Na hevaṁ vattabbe …pe…
kv4.3:9.3sāsavaṁ hutvā anāsavaṁ hotīti?
kv4.3:9.4Āmantā.
kv4.3:9.5Taññeva sāsavaṁ taṁ anāsavanti?
kv4.3:9.6Na hevaṁ vattabbe …pe…
kv4.3:9.7taññeva sāsavaṁ taṁ anāsavanti?
kv4.3:9.8Āmantā.
kv4.3:9.9Rāgo sāsavo hutvā anāsavo hotīti?
kv4.3:9.10Na hevaṁ vattabbe …pe…
kv4.3:9.11doso …pe…
kv4.3:9.12moho …pe…
kv4.3:9.13anottappaṁ sāsavaṁ hutvā anāsavaṁ hotīti?
kv4.3:9.14Na hevaṁ vattabbe …pe…
kv4.3:10.1Yadi puthujjano arahato piṇḍapātaṁ deti, senāsanaṁ deti, gilānapaccayabhesajjaparikkhāraṁ deti, sāsavo hutvā anāsavo hotīti?
kv4.3:10.2Na hevaṁ vattabbe …pe…
kv4.3:10.3sāsavo hutvā anāsavo hotīti?
kv4.3:10.4Āmantā.
kv4.3:10.5Taññeva sāsavaṁ taṁ anāsavanti?
kv4.3:10.6Na hevaṁ vattabbe …pe…
kv4.3:10.7taññeva sāsavaṁ taṁ anāsavanti?
kv4.3:10.8Āmantā.
kv4.3:10.9Rāgo sāsavo hutvā anāsavo hotīti?
kv4.3:10.10Na hevaṁ vattabbe …pe…
kv4.3:10.11doso …pe…
kv4.3:10.12moho …pe…
kv4.3:10.13anottappaṁ sāsavaṁ hutvā anāsavaṁ hotīti?
kv4.3:10.14Na hevaṁ vattabbe …pe….
kv4.3:11.1Na vattabbaṁ—
kv4.3:11.2“arahato sabbe dhammā anāsavā”ti?
kv4.3:11.3Āmantā.
kv4.3:11.4Nanu arahā anāsavoti?
kv4.3:11.5Āmantā.
kv4.3:11.6Hañci arahā anāsavo, tena vata re vattabbe—
kv4.3:11.7“arahato sabbe dhammā anāsavā”ti.
kv4.3:11.8Anāsavakathā niṭṭhitā.