Dhammasaṅgaṇī

ds2.1.5:0.1Dhammasaṅgaṇī

ds2.1.5:0.22 Niddesa

ds2.1.5:0.32.1 Cittuppādakaṇḍa

ds2.1.5:0.42.1.5. Lokuttarakusala

ds2.1.5:1.02.1.5.1. Suddhikapaṭipadā

ds2.1.5:1.1Katame dhammā kusalā?

ds2.1.5:1.2Yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ, tasmiṁ samaye phasso hoti, vedanā hoti, saññā hoti, cetanā hoti, cittaṁ hoti, vitakko hoti, vicāro hoti, pīti hoti, sukhaṁ hoti, cittassekaggatā hoti, saddhindriyaṁ hoti, vīriyindriyaṁ hoti, satindriyaṁ hoti, samādhindriyaṁ hoti, paññindriyaṁ hoti, manindriyaṁ hoti, somanassindriyaṁ hoti, jīvitindriyaṁ hoti, anaññātaññassāmītindriyaṁ hoti, sammādiṭṭhi hoti, sammāsaṅkappo hoti, sammāvācā hoti, sammākammanto hoti, sammāājīvo hoti, sammāvāyāmo hoti, sammāsati hoti, sammāsamādhi hoti, saddhābalaṁ hoti, vīriyabalaṁ hoti, satibalaṁ hoti, samādhibalaṁ hoti, paññābalaṁ hoti, hiribalaṁ hoti, ottappabalaṁ hoti, alobho hoti, adoso hoti, amoho hoti, anabhijjhā hoti, abyāpādo hoti, sammādiṭṭhi hoti, hirī hoti, ottappaṁ hoti, kāyapassaddhi hoti, cittapassaddhi hoti, kāyalahutā hoti, cittalahutā hoti, kāyamudutā hoti, cittamudutā hoti, kāyakammaññatā hoti, cittakammaññatā hoti, kāyapāguññatā hoti, cittapāguññatā hoti, kāyujukatā hoti, cittujukatā hoti, sati hoti, sampajaññaṁ hoti, samatho hoti, vipassanā hoti, paggāho hoti, avikkhepo hoti;

ds2.1.5:1.3ye vā pana tasmiṁ samaye aññepi atthi paṭiccasamuppannā arūpino dhammā—

ds2.1.5:1.4ime dhammā kusalā.

ds2.1.5:2.1Katamo tasmiṁ samaye phasso hoti?

ds2.1.5:2.2Yo tasmiṁ samaye phasso phusanā samphusanā samphusitattaṁ—

ds2.1.5:2.3ayaṁ tasmiṁ samaye phasso hoti.

ds2.1.5:3.1Katamā tasmiṁ samaye vedanā hoti?

ds2.1.5:3.2Yaṁ tasmiṁ samaye tajjāmanoviññāṇadhātusamphassajaṁ cetasikaṁ sātaṁ cetasikaṁ sukhaṁ cetosamphassajaṁ sātaṁ sukhaṁ vedayitaṁ cetosamphassajā sātā sukhā vedanā—

ds2.1.5:3.3ayaṁ tasmiṁ samaye vedanā hoti.

ds2.1.5:4.1Katamā tasmiṁ samaye saññā hoti?

ds2.1.5:4.2Yā tasmiṁ samaye tajjāmanoviññāṇadhātusamphassajā saññā sañjānanā sañjānitattaṁ—

ds2.1.5:4.3ayaṁ tasmiṁ samaye saññā hoti.

ds2.1.5:5.1Katamā tasmiṁ samaye cetanā hoti?

ds2.1.5:5.2Yā tasmiṁ samaye tajjāmanoviññāṇadhātusamphassajā cetanā sañcetanā cetayitattaṁ—

ds2.1.5:5.3ayaṁ tasmiṁ samaye cetanā hoti.

ds2.1.5:6.1Katamaṁ tasmiṁ samaye cittaṁ hoti?

ds2.1.5:6.2Yaṁ tasmiṁ samaye cittaṁ mano mānasaṁ hadayaṁ paṇḍaraṁ mano manāyatanaṁ manindriyaṁ viññāṇaṁ viññāṇakkhandho tajjāmanoviññāṇadhātu—

ds2.1.5:6.3idaṁ tasmiṁ samaye cittaṁ hoti.

ds2.1.5:7.1Katamo tasmiṁ samaye vitakko hoti?

ds2.1.5:7.2Yo tasmiṁ samaye takko vitakko saṅkappo appanā byappanā cetaso abhiniropanā sammāsaṅkappo maggaṅgaṁ maggapariyāpannaṁ—

ds2.1.5:7.3ayaṁ tasmiṁ samaye vitakko hoti.

ds2.1.5:8.1Katamo tasmiṁ samaye vicāro hoti?

ds2.1.5:8.2Yo tasmiṁ samaye cāro vicāro anuvicāro upavicāro cittassa anusandhānatā anupekkhanatā—

ds2.1.5:8.3ayaṁ tasmiṁ samaye vicāro hoti.

ds2.1.5:9.1Katamā tasmiṁ samaye pīti hoti?

ds2.1.5:9.2Yā tasmiṁ samaye pīti pāmojjaṁ āmodanā pamodanā hāso pahāso vitti odagyaṁ attamanatā cittassa pītisambojjhaṅgo—

ds2.1.5:9.3ayaṁ tasmiṁ samaye pīti hoti.

ds2.1.5:10.1Katamaṁ tasmiṁ samaye sukhaṁ hoti?

ds2.1.5:10.2Yaṁ tasmiṁ samaye cetasikaṁ sātaṁ cetasikaṁ sukhaṁ cetosamphassajaṁ sātaṁ sukhaṁ vedayitaṁ cetosamphassajā sātā sukhā vedanā—

ds2.1.5:10.3idaṁ tasmiṁ samaye sukhaṁ hoti.

ds2.1.5:11.1Katamā tasmiṁ samaye cittassekaggatā hoti?

ds2.1.5:11.2Yā tasmiṁ samaye cittassa ṭhiti saṇṭhiti avaṭṭhiti avisāhāro avikkhepo avisāhaṭamānasatā samatho samādhindriyaṁ samādhibalaṁ sammāsamādhi samādhisambojjhaṅgo maggaṅgaṁ maggapariyāpannaṁ—

ds2.1.5:11.3ayaṁ tasmiṁ samaye cittassekaggatā hoti.

ds2.1.5:12.1Katamaṁ tasmiṁ samaye saddhindriyaṁ hoti?

ds2.1.5:12.2Yā tasmiṁ samaye saddhā saddahanā okappanā abhippasādo saddhā saddhindriyaṁ saddhābalaṁ—

ds2.1.5:12.3idaṁ tasmiṁ samaye saddhindriyaṁ hoti.

ds2.1.5:13.1Katamaṁ tasmiṁ samaye vīriyindriyaṁ hoti?

ds2.1.5:13.2Yo tasmiṁ samaye cetasiko vīriyārambho nikkamo parakkamo uyyāmo vāyāmo ussāho ussoḷhī thāmo dhiti asithilaparakkamatā anikkhittachandatā anikkhittadhuratā dhurasampaggāho vīriyaṁ vīriyindriyaṁ vīriyabalaṁ sammāvāyāmo vīriyasambojjhaṅgo maggaṅgaṁ maggapariyāpannaṁ—

ds2.1.5:13.3idaṁ tasmiṁ samaye vīriyindriyaṁ hoti.

ds2.1.5:14.1Katamaṁ tasmiṁ samaye satindriyaṁ hoti?

ds2.1.5:14.2Yā tasmiṁ samaye sati anussati paṭissati sati saraṇatā dhāraṇatā apilāpanatā asammussanatā sati satindriyaṁ satibalaṁ sammāsati satisambojjhaṅgo maggaṅgaṁ maggapariyāpannaṁ—

ds2.1.5:14.3idaṁ tasmiṁ samaye satindriyaṁ hoti.

ds2.1.5:15.1Katamaṁ tasmiṁ samaye samādhindriyaṁ hoti?

ds2.1.5:15.2Yā tasmiṁ samaye cittassa ṭhiti saṇṭhiti avaṭṭhiti avisāhāro avikkhepo avisāhaṭamānasatā samatho samādhindriyaṁ samādhibalaṁ sammāsamādhi samādhisambojjhaṅgo maggaṅgaṁ maggapariyāpannaṁ—

ds2.1.5:15.3idaṁ tasmiṁ samaye samādhindriyaṁ hoti.

ds2.1.5:16.1Katamaṁ tasmiṁ samaye paññindriyaṁ hoti?

ds2.1.5:16.2Yā tasmiṁ samaye paññā pajānanā vicayo pavicayo dhammavicayo sallakkhaṇā upalakkhaṇā paccupalakkhaṇā paṇḍiccaṁ kosallaṁ nepuññaṁ vebhabyā cintā upaparikkhā bhūrī medhā pariṇāyikā vipassanā sampajaññaṁ patodo paññā paññindriyaṁ paññābalaṁ paññāsatthaṁ paññāpāsādo paññāāloko paññāobhāso paññāpajjoto paññāratanaṁ amoho dhammavicayo sammādiṭṭhi dhammavicayasambojjhaṅgo maggaṅgaṁ maggapariyāpannaṁ—

ds2.1.5:16.3idaṁ tasmiṁ samaye paññindriyaṁ hoti.

ds2.1.5:17.1Katamaṁ tasmiṁ samaye manindriyaṁ hoti?

ds2.1.5:17.2Yaṁ tasmiṁ samaye cittaṁ mano mānasaṁ hadayaṁ paṇḍaraṁ mano manāyatanaṁ manindriyaṁ viññāṇaṁ viññāṇakkhandho tajjāmanoviññāṇadhātu—

ds2.1.5:17.3idaṁ tasmiṁ samaye manindriyaṁ hoti.

ds2.1.5:18.1Katamaṁ tasmiṁ samaye somanassindriyaṁ hoti?

ds2.1.5:18.2Yaṁ tasmiṁ samaye cetasikaṁ sātaṁ cetasikaṁ sukhaṁ cetosamphassajaṁ sātaṁ sukhaṁ vedayitaṁ cetosamphassajā sātā sukhā vedanā—

ds2.1.5:18.3idaṁ tasmiṁ samaye somanassindriyaṁ hoti.

ds2.1.5:19.1Katamaṁ tasmiṁ samaye jīvitindriyaṁ hoti?

ds2.1.5:19.2Yo tesaṁ arūpīnaṁ dhammānaṁ āyu ṭhiti yapanā yāpanā iriyanā vattanā pālanā jīvitaṁ jīvitindriyaṁ—

ds2.1.5:19.3idaṁ tasmiṁ samaye jīvitindriyaṁ hoti.

ds2.1.5:20.1Katamaṁ tasmiṁ samaye anaññātaññassāmītindriyaṁ hoti?

ds2.1.5:20.2Yā tesaṁ dhammānaṁ anaññātānaṁ adiṭṭhānaṁ appattānaṁ aviditānaṁ asacchikatānaṁ sacchikiriyāya paññā pajānanā vicayo pavicayo dhammavicayo sallakkhaṇā upalakkhaṇā paccupalakkhaṇā paṇḍiccaṁ kosallaṁ nepuññaṁ vebhabyā cintā upaparikkhā bhūrī medhā pariṇāyikā vipassanā sampajaññaṁ patodo paññā paññindriyaṁ paññābalaṁ paññāsatthaṁ paññāpāsādo paññāāloko paññāobhāso paññāpajjoto paññāratanaṁ amoho dhammavicayo sammādiṭṭhi dhammavicayasambojjhaṅgo maggaṅgaṁ maggapariyāpannaṁ—

ds2.1.5:20.3idaṁ tasmiṁ samaye anaññātaññassāmītindriyaṁ hoti.

ds2.1.5:21.1Katamā tasmiṁ samaye sammādiṭṭhi hoti?

ds2.1.5:21.2Yā tasmiṁ samaye paññā pajānanā vicayo pavicayo dhammavicayo sallakkhaṇā upalakkhaṇā paccupalakkhaṇā paṇḍiccaṁ kosallaṁ nepuññaṁ vebhabyā cintā upaparikkhā bhūrī medhā pariṇāyikā vipassanā sampajaññaṁ patodo paññā paññindriyaṁ paññābalaṁ paññāsatthaṁ paññāpāsādo paññāāloko paññāobhāso paññāpajjoto paññāratanaṁ amoho dhammavicayo sammādiṭṭhi dhammavicayasambojjhaṅgo maggaṅgaṁ maggapariyāpannaṁ—

ds2.1.5:21.3ayaṁ tasmiṁ samaye sammādiṭṭhi hoti.

ds2.1.5:22.1Katamo tasmiṁ samaye sammāsaṅkappo hoti?

ds2.1.5:22.2Yo tasmiṁ samaye takko vitakko saṅkappo appanā byappanā cetaso abhiniropanā sammāsaṅkappo maggaṅgaṁ maggapariyāpannaṁ—

ds2.1.5:22.3ayaṁ tasmiṁ samaye sammāsaṅkappo hoti.

ds2.1.5:23.1Katamā tasmiṁ samaye sammāvācā hoti?

ds2.1.5:23.2Yā tasmiṁ samaye catūhi vacīduccaritehi ārati virati paṭivirati veramaṇī akiriyā akaraṇaṁ anajjhāpatti velāanatikkamo setughāto sammāvācā maggaṅgaṁ maggapariyāpannaṁ—

ds2.1.5:23.3ayaṁ tasmiṁ samaye sammāvācā hoti.

ds2.1.5:24.1Katamo tasmiṁ samaye sammākammanto hoti?

ds2.1.5:24.2Yā tasmiṁ samaye tīhi kāyaduccaritehi ārati virati paṭivirati veramaṇī akiriyā akaraṇaṁ anajjhāpatti velāanatikkamo setughāto sammākammanto maggaṅgaṁ maggapariyāpannaṁ—

ds2.1.5:24.3ayaṁ tasmiṁ samaye sammākammanto hoti.

ds2.1.5:25.1Katamo tasmiṁ samaye sammāājīvo hoti?

ds2.1.5:25.2Yā tasmiṁ samaye micchāājīvā ārati virati paṭivirati veramaṇī akiriyā akaraṇaṁ anajjhāpatti velāanatikkamo setughāto sammāājīvo maggaṅgaṁ maggapariyāpannaṁ—

ds2.1.5:25.3ayaṁ tasmiṁ samaye sammāājīvo hoti.

ds2.1.5:26.1Katamo tasmiṁ samaye sammāvāyāmo hoti?

ds2.1.5:26.2Yo tasmiṁ samaye cetasiko vīriyārambho nikkamo parakkamo uyyāmo vāyāmo ussāho ussoḷhī thāmo dhiti asithilaparakkamatā anikkhittachandatā anikkhittadhuratā dhurasampaggāho vīriyaṁ vīriyindriyaṁ vīriyabalaṁ sammāvāyāmo vīriyasambojjhaṅgo maggaṅgaṁ maggapariyāpannaṁ—

ds2.1.5:26.3ayaṁ tasmiṁ samaye sammāvāyāmo hoti.

ds2.1.5:27.1Katamā tasmiṁ samaye sammāsati hoti?

ds2.1.5:27.2Yā tasmiṁ samaye sati anussati paṭissati sati saraṇatā dhāraṇatā apilāpanatā asammussanatā sati satindriyaṁ satibalaṁ sammāsati satisambojjhaṅgo maggaṅgaṁ maggapariyāpannaṁ—

ds2.1.5:27.3ayaṁ tasmiṁ samaye sammāsati hoti.

ds2.1.5:28.1Katamo tasmiṁ samaye sammāsamādhi hoti?

ds2.1.5:28.2Yā tasmiṁ samaye cittassa ṭhiti saṇṭhiti avaṭṭhiti avisāhāro avikkhepo avisāhaṭamānasatā samatho samādhindriyaṁ samādhibalaṁ sammāsamādhi samādhisambojjhaṅgo maggaṅgaṁ maggapariyāpannaṁ—

ds2.1.5:28.3ayaṁ tasmiṁ samaye sammāsamādhi hoti.

ds2.1.5:29.1Katamaṁ tasmiṁ samaye saddhābalaṁ hoti?

ds2.1.5:29.2Yā tasmiṁ samaye saddhā saddahanā okappanā abhippasādo saddhā saddhindriyaṁ saddhābalaṁ—

ds2.1.5:29.3idaṁ tasmiṁ samaye saddhābalaṁ hoti.

ds2.1.5:30.1Katamaṁ tasmiṁ samaye vīriyabalaṁ hoti?

ds2.1.5:30.2Yo tasmiṁ samaye cetasiko vīriyārambho nikkamo parakkamo uyyāmo vāyāmo ussāho ussoḷhī thāmo dhiti asithilaparakkamatā anikkhittachandatā anikkhittadhuratā dhurasampaggāho vīriyaṁ vīriyindriyaṁ vīriyabalaṁ sammāvāyāmo vīriyasambojjhaṅgo maggaṅgaṁ maggapariyāpannaṁ—

ds2.1.5:30.3idaṁ tasmiṁ samaye vīriyabalaṁ hoti.

ds2.1.5:31.1Katamaṁ tasmiṁ samaye satibalaṁ hoti?

ds2.1.5:31.2Yā tasmiṁ samaye sati anussati paṭissati sati saraṇatā dhāraṇatā apilāpanatā asammussanatā sati satindriyaṁ satibalaṁ sammāsati satisambojjhaṅgo maggaṅgaṁ maggapariyāpannaṁ—

ds2.1.5:31.3idaṁ tasmiṁ samaye satibalaṁ hoti.

ds2.1.5:32.1Katamaṁ tasmiṁ samaye samādhibalaṁ hoti?

ds2.1.5:32.2Yā tasmiṁ samaye cittassa ṭhiti saṇṭhiti avaṭṭhiti avisāhāro avikkhepo avisāhaṭamānasatā samatho samādhindriyaṁ samādhibalaṁ sammāsamādhi samādhisambojjhaṅgo maggaṅgaṁ maggapariyāpannaṁ—

ds2.1.5:32.3idaṁ tasmiṁ samaye samādhibalaṁ hoti.

ds2.1.5:33.1Katamaṁ tasmiṁ samaye paññābalaṁ hoti?

ds2.1.5:33.2Yā tasmiṁ samaye paññā pajānanā vicayo pavicayo dhammavicayo sallakkhaṇā upalakkhaṇā paccupalakkhaṇā paṇḍiccaṁ kosallaṁ nepuññaṁ vebhabyā cintā upaparikkhā bhūrī medhā pariṇāyikā vipassanā sampajaññaṁ patodo paññā paññindriyaṁ paññābalaṁ paññāsatthaṁ paññāpāsādo paññāāloko paññāobhāso paññāpajjoto paññāratanaṁ amoho dhammavicayo sammādiṭṭhi dhammavicayasambojjhaṅgo maggaṅgaṁ maggapariyāpannaṁ—

ds2.1.5:33.3idaṁ tasmiṁ samaye paññābalaṁ hoti.

ds2.1.5:34.1Katamaṁ tasmiṁ samaye hiribalaṁ hoti?

ds2.1.5:34.2Yaṁ tasmiṁ samaye hirīyati hiriyitabbena hirīyati pāpakānaṁ akusalānaṁ dhammānaṁ samāpattiyā—

ds2.1.5:34.3idaṁ tasmiṁ samaye hiribalaṁ hoti.

ds2.1.5:35.1Katamaṁ tasmiṁ samaye ottappabalaṁ hoti?

ds2.1.5:35.2Yaṁ tasmiṁ samaye ottappati ottappitabbena ottappati pāpakānaṁ akusalānaṁ dhammānaṁ samāpattiyā—

ds2.1.5:35.3idaṁ tasmiṁ samaye ottappabalaṁ hoti.

ds2.1.5:36.1Katamo tasmiṁ samaye alobho hoti?

ds2.1.5:36.2Yo tasmiṁ samaye alobho alubbhanā alubbhitattaṁ asārāgo asārajjanā asārajjitattaṁ anabhijjhā alobho kusalamūlaṁ—

ds2.1.5:36.3ayaṁ tasmiṁ samaye alobho hoti.

ds2.1.5:37.1Katamo tasmiṁ samaye adoso hoti?

ds2.1.5:37.2Yo tasmiṁ samaye adoso adussanā adussitattaṁ abyāpādo abyāpajjo adoso kusalamūlaṁ—

ds2.1.5:37.3ayaṁ tasmiṁ samaye adoso hoti.

ds2.1.5:38.1Katamo tasmiṁ samaye amoho hoti?

ds2.1.5:38.2Yā tasmiṁ samaye paññā pajānanā vicayo pavicayo dhammavicayo sallakkhaṇā upalakkhaṇā paccupalakkhaṇā paṇḍiccaṁ kosallaṁ nepuññaṁ vebhabyā cintā upaparikkhā bhūrī medhā pariṇāyikā vipassanā sampajaññaṁ patodo paññā paññindriyaṁ paññābalaṁ paññāsatthaṁ paññāpāsādo paññāāloko paññāobhāso paññāpajjoto paññāratanaṁ amoho dhammavicayo sammādiṭṭhi dhammavicayasambojjhaṅgo maggaṅgaṁ maggapariyāpannaṁ—

ds2.1.5:38.3ayaṁ tasmiṁ samaye amoho hoti.

ds2.1.5:39.1Katamā tasmiṁ samaye anabhijjhā hoti?

ds2.1.5:39.2Yo tasmiṁ samaye alobho alubbhanā alubbhitattaṁ asārāgo asārajjanā asārajjitattaṁ anabhijjhā alobho kusalamūlaṁ—

ds2.1.5:39.3ayaṁ tasmiṁ samaye anabhijjhā hoti.

ds2.1.5:40.1Katamo tasmiṁ samaye abyāpādo hoti?

ds2.1.5:40.2Yo tasmiṁ samaye adoso adussanā adussitattaṁ abyāpādo abyāpajjo adoso kusalamūlaṁ—

ds2.1.5:40.3ayaṁ tasmiṁ samaye abyāpādo hoti.

ds2.1.5:41.1Katamā tasmiṁ samaye sammādiṭṭhi hoti?

ds2.1.5:41.2Yā tasmiṁ samaye paññā pajānanā vicayo pavicayo dhammavicayo sallakkhaṇā upalakkhaṇā paccupalakkhaṇā paṇḍiccaṁ kosallaṁ nepuññaṁ vebhabyā cintā upaparikkhā bhūrī medhā pariṇāyikā vipassanā sampajaññaṁ patodo paññā paññindriyaṁ paññābalaṁ paññāsatthaṁ paññāpāsādo paññāāloko paññāobhāso paññāpajjoto paññāratanaṁ amoho dhammavicayo sammādiṭṭhi dhammavicayasambojjhaṅgo maggaṅgaṁ maggapariyāpannaṁ—

ds2.1.5:41.3ayaṁ tasmiṁ samaye sammādiṭṭhi hoti.

ds2.1.5:42.1Katamā tasmiṁ samaye hirī hoti?

ds2.1.5:42.2Yaṁ tasmiṁ samaye hirīyati hiriyitabbena hirīyati pāpakānaṁ akusalānaṁ dhammānaṁ samāpattiyā—

ds2.1.5:42.3ayaṁ tasmiṁ samaye hirī hoti.

ds2.1.5:43.1Katamaṁ tasmiṁ samaye ottappaṁ hoti?

ds2.1.5:43.2Yaṁ tasmiṁ samaye ottappati ottappitabbena ottappati pāpakānaṁ akusalānaṁ dhammānaṁ samāpattiyā—

ds2.1.5:43.3idaṁ tasmiṁ samaye ottappaṁ hoti.

ds2.1.5:44.1Katamā tasmiṁ samaye kāyapassaddhi hoti?

ds2.1.5:44.2Yā tasmiṁ samaye vedanākkhandhassa saññākkhandhassa saṅkhārakkhandhassa passaddhi paṭipassaddhi passambhanā paṭipassambhanā paṭipassambhitattaṁ passaddhisambojjhaṅgo—

ds2.1.5:44.3ayaṁ tasmiṁ samaye kāyapassaddhi hoti.

ds2.1.5:45.1Katamā tasmiṁ samaye cittapassaddhi hoti?

ds2.1.5:45.2Yā tasmiṁ samaye viññāṇakkhandhassa passaddhi paṭipassaddhi passambhanā paṭipassambhanā paṭipassambhitattaṁ passaddhisambojjhaṅgo—

ds2.1.5:45.3ayaṁ tasmiṁ samaye cittapassaddhi hoti.

ds2.1.5:46.1Katamā tasmiṁ samaye kāyalahutā hoti?

ds2.1.5:46.2Yā tasmiṁ samaye vedanākkhandhassa saññākkhandhassa saṅkhārakkhandhassa lahutā lahupariṇāmatā adandhanatā avitthanatā—

ds2.1.5:46.3ayaṁ tasmiṁ samaye kāyalahutā hoti.

ds2.1.5:47.1Katamā tasmiṁ samaye cittalahutā hoti?

ds2.1.5:47.2Yā tasmiṁ samaye viññāṇakkhandhassa lahutā lahupariṇāmatā adandhanatā avitthanatā—

ds2.1.5:47.3ayaṁ tasmiṁ samaye cittalahutā hoti.

ds2.1.5:48.1Katamā tasmiṁ samaye kāyamudutā hoti?

ds2.1.5:48.2Yā tasmiṁ samaye vedanākkhandhassa saññākkhandhassa saṅkhārakkhandhassa mudutā maddavatā akakkhaḷatā akathinatā—

ds2.1.5:48.3ayaṁ tasmiṁ samaye kāyamudutā hoti.

ds2.1.5:49.1Katamā tasmiṁ samaye cittamudutā hoti?

ds2.1.5:49.2Yā tasmiṁ samaye viññāṇakkhandhassa mudutā maddavatā akakkhaḷatā akathinatā—

ds2.1.5:49.3ayaṁ tasmiṁ samaye cittamudutā hoti.

ds2.1.5:50.1Katamā tasmiṁ samaye kāyakammaññatā hoti?

ds2.1.5:50.2Yā tasmiṁ samaye vedanākkhandhassa saññākkhandhassa saṅkhārakkhandhassa kammaññatā kammaññattaṁ kammaññabhāvo—

ds2.1.5:50.3ayaṁ tasmiṁ samaye kāyakammaññatā hoti.

ds2.1.5:51.1Katamā tasmiṁ samaye cittakammaññatā hoti?

ds2.1.5:51.2Yā tasmiṁ samaye viññāṇakkhandhassa kammaññatā kammaññattaṁ kammaññabhāvo—

ds2.1.5:51.3ayaṁ tasmiṁ samaye cittakammaññatā hoti.

ds2.1.5:52.1Katamā tasmiṁ samaye kāyapāguññatā hoti?

ds2.1.5:52.2Yā tasmiṁ samaye vedanākkhandhassa saññākkhandhassa saṅkhārakkhandhassa paguṇatā paguṇattaṁ paguṇabhāvo—

ds2.1.5:52.3ayaṁ tasmiṁ samaye kāyapāguññatā hoti.

ds2.1.5:53.1Katamā tasmiṁ samaye cittapāguññatā hoti?

ds2.1.5:53.2Yā tasmiṁ samaye viññāṇakkhandhassa paguṇatā paguṇattaṁ paguṇabhāvo—

ds2.1.5:53.3ayaṁ tasmiṁ samaye cittapāguññatā hoti.

ds2.1.5:54.1Katamā tasmiṁ samaye kāyujukatā hoti?

ds2.1.5:54.2Yā tasmiṁ samaye vedanākkhandhassa saññākkhandhassa saṅkhārakkhandhassa ujutā ujukatā ajimhatā avaṅkatā akuṭilatā—

ds2.1.5:54.3ayaṁ tasmiṁ samaye kāyujukatā hoti.

ds2.1.5:55.1Katamā tasmiṁ samaye cittujukatā hoti?

ds2.1.5:55.2Yā tasmiṁ samaye viññāṇakkhandhassa ujutā ujukatā ajimhatā avaṅkatā akuṭilatā—

ds2.1.5:55.3ayaṁ tasmiṁ samaye cittujukatā hoti.

ds2.1.5:56.1Katamā tasmiṁ samaye sati hoti?

ds2.1.5:56.2Yā tasmiṁ samaye sati anussati paṭissati sati saraṇatā dhāraṇatā apilāpanatā asammussanatā sati satindriyaṁ satibalaṁ sammāsati satisambojjhaṅgo maggaṅgaṁ maggapariyāpannaṁ—

ds2.1.5:56.3ayaṁ tasmiṁ samaye sati hoti.

ds2.1.5:57.1Katamaṁ tasmiṁ samaye sampajaññaṁ hoti?

ds2.1.5:57.2Yā tasmiṁ samaye paññā pajānanā vicayo pavicayo dhammavicayo sallakkhaṇā upalakkhaṇā paccupalakkhaṇā paṇḍiccaṁ kosallaṁ nepuññaṁ vebhabyā cintā upaparikkhā bhūrī medhā pariṇāyikā vipassanā sampajaññaṁ patodo paññā paññindriyaṁ paññābalaṁ paññāsatthaṁ paññāpāsādo paññāāloko paññāobhāso paññāpajjoto paññāratanaṁ amoho dhammavicayo sammādiṭṭhi dhammavicayasambojjhaṅgo maggaṅgaṁ maggapariyāpannaṁ—

ds2.1.5:57.3idaṁ tasmiṁ samaye sampajaññaṁ hoti.

ds2.1.5:58.1Katamo tasmiṁ samaye samatho hoti?

ds2.1.5:58.2Yā tasmiṁ samaye cittassa ṭhiti saṇṭhiti avaṭṭhiti avisāhāro avikkhepo avisāhaṭamānasatā samatho samādhindriyaṁ samādhibalaṁ sammāsamādhi samādhisambojjhaṅgo maggaṅgaṁ maggapariyāpannaṁ—

ds2.1.5:58.3ayaṁ tasmiṁ samaye samatho hoti.

ds2.1.5:59.1Katamā tasmiṁ samaye vipassanā hoti?

ds2.1.5:59.2Yā tasmiṁ samaye paññā pajānanā vicayo pavicayo dhammavicayo sallakkhaṇā upalakkhaṇā paccupalakkhaṇā paṇḍiccaṁ kosallaṁ nepuññaṁ vebhabyā cintā upaparikkhā bhūrī medhā pariṇāyikā vipassanā sampajaññaṁ patodo paññā paññindriyaṁ paññābalaṁ paññāsatthaṁ paññāpāsādo paññāāloko paññāobhāso paññāpajjoto paññāratanaṁ amoho dhammavicayo sammādiṭṭhi dhammavicayasambojjhaṅgo maggaṅgaṁ maggapariyāpannaṁ—

ds2.1.5:59.3ayaṁ tasmiṁ samaye vipassanā hoti.

ds2.1.5:60.1Katamo tasmiṁ samaye paggāho hoti?

ds2.1.5:60.2Yo tasmiṁ samaye cetasiko vīriyārambho nikkamo parakkamo uyyāmo vāyāmo ussāho ussoḷhī thāmo dhiti asithilaparakkamatā anikkhittachandatā anikkhittadhuratā dhurasampaggāho vīriyaṁ vīriyindriyaṁ vīriyabalaṁ sammāvāyāmo vīriyasambojjhaṅgo maggaṅgaṁ maggapariyāpannaṁ—

ds2.1.5:60.3ayaṁ tasmiṁ samaye paggāho hoti.

ds2.1.5:61.1Katamo tasmiṁ samaye avikkhepo hoti?

ds2.1.5:61.2Yā tasmiṁ samaye cittassa ṭhiti saṇṭhiti avaṭṭhiti avisāhāro avikkhepo avisāhaṭamānasatā samatho samādhindriyaṁ samādhibalaṁ sammāsamādhi samādhisambojjhaṅgo maggaṅgaṁ maggapariyāpannaṁ—

ds2.1.5:61.3ayaṁ tasmiṁ samaye avikkhepo hoti;

ds2.1.5:61.4ye vā pana tasmiṁ samaye aññepi atthi paṭiccasamuppannā arūpino dhammā—

ds2.1.5:61.5ime dhammā kusalā.

ds2.1.5:62.1Tasmiṁ kho pana samaye cattāro khandhā honti, dvāyatanāni honti, dve dhātuyo honti, tayo āhārā honti, navindriyāni honti, pañcaṅgikaṁ jhānaṁ hoti, aṭṭhaṅgiko maggo hoti, satta balāni honti, tayo hetū honti, eko phasso hoti, ekā vedanā hoti, ekā saññā hoti, ekā cetanā hoti, ekaṁ cittaṁ hoti, eko vedanākkhandho hoti, eko saññākkhandho hoti, eko saṅkhārakkhandho hoti, eko viññāṇakkhandho hoti, ekaṁ manāyatanaṁ hoti, ekaṁ manindriyaṁ hoti, ekā manoviññāṇadhātu hoti, ekaṁ dhammāyatanaṁ hoti, ekā dhammadhātu hoti;

ds2.1.5:62.2ye vā pana tasmiṁ samaye aññepi atthi paṭiccasamuppannā arūpino dhammā—

ds2.1.5:62.3ime dhammā kusalā …pe….

ds2.1.5:63.1Katamo tasmiṁ samaye saṅkhārakkhandho hoti?

ds2.1.5:63.2Phasso cetanā vitakko vicāro pīti cittassekaggatā saddhindriyaṁ vīriyindriyaṁ satindriyaṁ samādhindriyaṁ paññindriyaṁ jīvitindriyaṁ anaññātaññassāmītindriyaṁ sammādiṭṭhi sammāsaṅkappo sammāvācā sammākammanto sammāājīvo sammāvāyāmo sammāsati sammāsamādhi saddhābalaṁ vīriyabalaṁ satibalaṁ samādhibalaṁ paññābalaṁ hiribalaṁ ottappabalaṁ alobho adoso amoho anabhijjhā abyāpādo sammādiṭṭhi hirī ottappaṁ kāyapassaddhi cittapassaddhi kāyalahutā cittalahutā kāyamudutā cittamudutā kāyakammaññatā cittakammaññatā kāyapāguññatā cittapāguññatā kāyujukatā cittujukatā sati sampajaññaṁ samatho vipassanā paggāho avikkhepo;

ds2.1.5:63.3ye vā pana tasmiṁ samaye aññepi atthi paṭiccasamuppannā arūpino dhammā ṭhapetvā vedanākkhandhaṁ ṭhapetvā saññākkhandhaṁ ṭhapetvā viññāṇakkhandhaṁ—

ds2.1.5:63.4ayaṁ tasmiṁ samaye saṅkhārakkhandho hoti …pe…

ds2.1.5:63.5ime dhammā kusalā.

ds2.1.5:64.1Katame dhammā kusalā?

ds2.1.5:64.2Yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ, tasmiṁ samaye phasso hoti …pe… avikkhepo hoti …pe…

ds2.1.5:64.3ime dhammā kusalā.

ds2.1.5:65.1Katame dhammā kusalā?

ds2.1.5:65.2Yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ khippābhiññaṁ, tasmiṁ samaye phasso hoti …pe… avikkhepo hoti …pe…

ds2.1.5:65.3ime dhammā kusalā.

ds2.1.5:66.1Katame dhammā kusalā?

ds2.1.5:66.2Yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi …pe… paṭhamaṁ jhānaṁ upasampajja viharati sukhapaṭipadaṁ dandhābhiññaṁ, tasmiṁ samaye phasso hoti …pe… avikkhepo hoti …pe…

ds2.1.5:66.3ime dhammā kusalā.

ds2.1.5:67.1Katame dhammā kusalā?

ds2.1.5:67.2Yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi …pe… paṭhamaṁ jhānaṁ upasampajja viharati sukhapaṭipadaṁ khippābhiññaṁ, tasmiṁ samaye phasso hoti …pe… avikkhepo hoti …pe…

ds2.1.5:67.3ime dhammā kusalā.

ds2.1.5:68.1Katame dhammā kusalā?

ds2.1.5:68.2Yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vitakkavicārānaṁ vūpasamā …pe… dutiyaṁ jhānaṁ …pe…

ds2.1.5:68.3tatiyaṁ jhānaṁ …pe…

ds2.1.5:68.4catutthaṁ jhānaṁ …pe…

ds2.1.5:68.5paṭhamaṁ jhānaṁ …pe…

ds2.1.5:68.6pañcamaṁ jhānaṁ upasampajja viharati dukkhapaṭipadaṁ dandhābhiññaṁ …pe…

ds2.1.5:68.7dukkhapaṭipadaṁ khippābhiññaṁ …pe…

ds2.1.5:68.8sukhapaṭipadaṁ dandhābhiññaṁ …pe…

ds2.1.5:68.9sukhapaṭipadaṁ khippābhiññaṁ, tasmiṁ samaye phasso hoti …pe… avikkhepo hoti …pe…

ds2.1.5:68.10ime dhammā kusalā.

ds2.1.5:68.11Suddhikapaṭipadā.

ds2.1.5:69.02.1.5.2. Suññata

ds2.1.5:69.1Katame dhammā kusalā?

ds2.1.5:69.2Yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi …pe… paṭhamaṁ jhānaṁ upasampajja viharati suññataṁ, tasmiṁ samaye phasso hoti …pe… avikkhepo hoti …pe…

ds2.1.5:69.3ime dhammā kusalā.

ds2.1.5:70.1Katame dhammā kusalā?

ds2.1.5:70.2Yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vitakkavicārānaṁ vūpasamā …pe… dutiyaṁ jhānaṁ …pe…

ds2.1.5:70.3tatiyaṁ jhānaṁ …pe…

ds2.1.5:70.4catutthaṁ jhānaṁ …pe…

ds2.1.5:70.5paṭhamaṁ jhānaṁ …pe…

ds2.1.5:70.6pañcamaṁ jhānaṁ upasampajja viharati suññataṁ, tasmiṁ samaye phasso hoti …pe… avikkhepo hoti …pe…

ds2.1.5:70.7ime dhammā kusalā.

ds2.1.5:70.8Suññataṁ.

ds2.1.5:71.02.1.5.3. Suññatamūlakapaṭipadā

ds2.1.5:71.1Katame dhammā kusalā?

ds2.1.5:71.2Yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ suññataṁ, tasmiṁ samaye phasso hoti …pe… avikkhepo hoti …pe…

ds2.1.5:71.3ime dhammā kusalā.

ds2.1.5:72.1Katame dhammā kusalā?

ds2.1.5:72.2Yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ khippābhiññaṁ suññataṁ, tasmiṁ samaye phasso hoti …pe… avikkhepo hoti …pe…

ds2.1.5:72.3ime dhammā kusalā.

ds2.1.5:73.1Katame dhammā kusalā?

ds2.1.5:73.2Yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi …pe… paṭhamaṁ jhānaṁ upasampajja viharati sukhapaṭipadaṁ dandhābhiññaṁ suññataṁ, tasmiṁ samaye phasso hoti …pe… avikkhepo hoti …pe…

ds2.1.5:73.3ime dhammā kusalā.

ds2.1.5:74.1Katame dhammā kusalā?

ds2.1.5:74.2Yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi …pe… paṭhamaṁ jhānaṁ upasampajja viharati sukhapaṭipadaṁ khippābhiññaṁ suññataṁ, tasmiṁ samaye phasso hoti …pe… avikkhepo hoti …pe…

ds2.1.5:74.3ime dhammā kusalā.

ds2.1.5:75.1Katame dhammā kusalā?

ds2.1.5:75.2Yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vitakkavicārānaṁ vūpasamā …pe… dutiyaṁ jhānaṁ …pe…

ds2.1.5:75.3tatiyaṁ jhānaṁ …pe…

ds2.1.5:75.4catutthaṁ jhānaṁ …pe…

ds2.1.5:75.5paṭhamaṁ jhānaṁ …pe…

ds2.1.5:75.6pañcamaṁ jhānaṁ upasampajja viharati dukkhapaṭipadaṁ dandhābhiññaṁ suññataṁ …pe…

ds2.1.5:75.7dukkhapaṭipadaṁ khippābhiññaṁ suññataṁ …pe…

ds2.1.5:75.8sukhapaṭipadaṁ dandhābhiññaṁ suññataṁ …pe…

ds2.1.5:75.9sukhapaṭipadaṁ khippābhiññaṁ suññataṁ, tasmiṁ samaye phasso hoti …pe… avikkhepo hoti …pe…

ds2.1.5:75.10ime dhammā kusalā.

ds2.1.5:75.11Suññatamūlakapaṭipadā.

ds2.1.5:76.02.1.5.4. Appaṇihita

ds2.1.5:76.1Katame dhammā kusalā?

ds2.1.5:76.2Yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi …pe… paṭhamaṁ jhānaṁ upasampajja viharati appaṇihitaṁ, tasmiṁ samaye phasso hoti …pe… avikkhepo hoti …pe…

ds2.1.5:76.3ime dhammā kusalā.

ds2.1.5:77.1Katame dhammā kusalā?

ds2.1.5:77.2Yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vitakkavicārānaṁ vūpasamā …pe… dutiyaṁ jhānaṁ …pe…

ds2.1.5:77.3tatiyaṁ jhānaṁ …pe…

ds2.1.5:77.4catutthaṁ jhānaṁ …pe…

ds2.1.5:77.5paṭhamaṁ jhānaṁ …pe…

ds2.1.5:77.6pañcamaṁ jhānaṁ upasampajja viharati appaṇihitaṁ, tasmiṁ samaye phasso hoti …pe… avikkhepo hoti …pe…

ds2.1.5:77.7ime dhammā kusalā.

ds2.1.5:77.8Appaṇihitaṁ.

ds2.1.5:78.02.1.5.5. Appaṇihitamūlakapaṭipadā

ds2.1.5:78.1Katame dhammā kusalā?

ds2.1.5:78.2Yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ appaṇihitaṁ, tasmiṁ samaye phasso hoti …pe… avikkhepo hoti …pe…

ds2.1.5:78.3ime dhammā kusalā.

ds2.1.5:79.1Katame dhammā kusalā?

ds2.1.5:79.2Yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ khippābhiññaṁ appaṇihitaṁ, tasmiṁ samaye phasso hoti …pe… avikkhepo hoti …pe…

ds2.1.5:79.3ime dhammā kusalā.

ds2.1.5:80.1Katame dhammā kusalā?

ds2.1.5:80.2Yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi …pe… paṭhamaṁ jhānaṁ upasampajja viharati sukhapaṭipadaṁ dandhābhiññaṁ appaṇihitaṁ, tasmiṁ samaye phasso hoti …pe… avikkhepo hoti …pe…

ds2.1.5:80.3ime dhammā kusalā.

ds2.1.5:81.1Katame dhammā kusalā?

ds2.1.5:81.2Yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi …pe… paṭhamaṁ jhānaṁ upasampajja viharati sukhapaṭipadaṁ khippābhiññaṁ appaṇihitaṁ, tasmiṁ samaye phasso hoti …pe… avikkhepo hoti …pe…

ds2.1.5:81.3ime dhammā kusalā.

ds2.1.5:82.1Katame dhammā kusalā?

ds2.1.5:82.2Yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vitakkavicārānaṁ vūpasamā …pe… dutiyaṁ jhānaṁ …pe…

ds2.1.5:82.3tatiyaṁ jhānaṁ …pe…

ds2.1.5:82.4catutthaṁ jhānaṁ …pe…

ds2.1.5:82.5paṭhamaṁ jhānaṁ …pe…

ds2.1.5:82.6pañcamaṁ jhānaṁ upasampajja viharati dukkhapaṭipadaṁ dandhābhiññaṁ appaṇihitaṁ …pe…

ds2.1.5:82.7dukkhapaṭipadaṁ khippābhiññaṁ appaṇihitaṁ …pe…

ds2.1.5:82.8sukhapaṭipadaṁ dandhābhiññaṁ appaṇihitaṁ …pe…

ds2.1.5:82.9sukhapaṭipadaṁ khippābhiññaṁ appaṇihitaṁ, tasmiṁ samaye phasso hoti …pe… avikkhepo hoti …pe…

ds2.1.5:82.10ime dhammā kusalā.

ds2.1.5:82.11Appaṇihitamūlakapaṭipadā.

ds2.1.5:83.02.1.5.6. Vīsati mahānaya

ds2.1.5:83.1Katame dhammā kusalā?

ds2.1.5:83.2Yasmiṁ samaye lokuttaraṁ maggaṁ bhāveti …pe…

ds2.1.5:83.3lokuttaraṁ satipaṭṭhānaṁ bhāveti …pe…

ds2.1.5:83.4lokuttaraṁ sammappadhānaṁ bhāveti …pe…

ds2.1.5:83.5lokuttaraṁ iddhipādaṁ bhāveti …pe…

ds2.1.5:83.6lokuttaraṁ indriyaṁ bhāveti …pe…

ds2.1.5:83.7lokuttaraṁ balaṁ bhāveti …pe…

ds2.1.5:83.8lokuttaraṁ bojjhaṅgaṁ bhāveti …pe…

ds2.1.5:83.9lokuttaraṁ saccaṁ bhāveti …pe…

ds2.1.5:83.10lokuttaraṁ samathaṁ bhāveti …pe…

ds2.1.5:83.11lokuttaraṁ dhammaṁ bhāveti …pe…

ds2.1.5:83.12lokuttaraṁ khandhaṁ bhāveti …pe…

ds2.1.5:83.13lokuttaraṁ āyatanaṁ bhāveti …pe…

ds2.1.5:83.14lokuttaraṁ dhātuṁ bhāveti …pe…

ds2.1.5:83.15lokuttaraṁ āhāraṁ bhāveti …pe…

ds2.1.5:83.16lokuttaraṁ phassaṁ bhāveti …pe…

ds2.1.5:83.17lokuttaraṁ vedanaṁ bhāveti …pe…

ds2.1.5:83.18lokuttaraṁ saññaṁ bhāveti …pe…

ds2.1.5:83.19lokuttaraṁ cetanaṁ bhāveti …pe…

ds2.1.5:83.20lokuttaraṁ cittaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ, tasmiṁ samaye phasso hoti …pe… avikkhepo hoti …pe…

ds2.1.5:83.21ime dhammā kusalā.

ds2.1.5:83.22Vīsati mahānayā.

ds2.1.5:84.02.1.5.7. Adhipati

ds2.1.5:84.1Katame dhammā kusalā?

ds2.1.5:84.2Yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ chandādhipateyyaṁ …pe…

ds2.1.5:84.3vīriyādhipateyyaṁ …pe…

ds2.1.5:84.4cittādhipateyyaṁ …pe…

ds2.1.5:84.5vīmaṁsādhipateyyaṁ, tasmiṁ samaye phasso hoti …pe… avikkhepo hoti …pe…

ds2.1.5:84.6ime dhammā kusalā.

ds2.1.5:85.1Katame dhammā kusalā?

ds2.1.5:85.2Yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vitakkavicārānaṁ vūpasamā …pe… dutiyaṁ jhānaṁ …pe…

ds2.1.5:85.3tatiyaṁ jhānaṁ …pe…

ds2.1.5:85.4catutthaṁ jhānaṁ …pe…

ds2.1.5:85.5paṭhamaṁ jhānaṁ …pe…

ds2.1.5:85.6pañcamaṁ jhānaṁ upasampajja viharati dukkhapaṭipadaṁ dandhābhiññaṁ chandādhipateyyaṁ …pe…

ds2.1.5:85.7vīriyādhipateyyaṁ …pe…

ds2.1.5:85.8cittādhipateyyaṁ …pe…

ds2.1.5:85.9vīmaṁsādhipateyyaṁ, tasmiṁ samaye phasso hoti …pe… avikkhepo hoti …pe…

ds2.1.5:85.10ime dhammā kusalā.

ds2.1.5:86.1Katame dhammā kusalā?

ds2.1.5:86.2Yasmiṁ samaye lokuttaraṁ maggaṁ bhāveti …pe…

ds2.1.5:86.3lokuttaraṁ satipaṭṭhānaṁ bhāveti …pe…

ds2.1.5:86.4lokuttaraṁ sammappadhānaṁ bhāveti …pe…

ds2.1.5:86.5lokuttaraṁ iddhipādaṁ bhāveti …pe…

ds2.1.5:86.6lokuttaraṁ indriyaṁ bhāveti …pe…

ds2.1.5:86.7lokuttaraṁ balaṁ bhāveti …pe…

ds2.1.5:86.8lokuttaraṁ bojjhaṅgaṁ bhāveti …pe…

ds2.1.5:86.9lokuttaraṁ saccaṁ bhāveti …pe…

ds2.1.5:86.10lokuttaraṁ samathaṁ bhāveti …pe…

ds2.1.5:86.11lokuttaraṁ dhammaṁ bhāveti …pe…

ds2.1.5:86.12lokuttaraṁ khandhaṁ bhāveti …pe…

ds2.1.5:86.13lokuttaraṁ āyatanaṁ bhāveti …pe…

ds2.1.5:86.14lokuttaraṁ dhātuṁ bhāveti …pe…

ds2.1.5:86.15lokuttaraṁ āhāraṁ bhāveti …pe…

ds2.1.5:86.16lokuttaraṁ phassaṁ bhāveti …pe…

ds2.1.5:86.17lokuttaraṁ vedanaṁ bhāveti …pe…

ds2.1.5:86.18lokuttaraṁ saññaṁ bhāveti …pe…

ds2.1.5:86.19lokuttaraṁ cetanaṁ bhāveti …pe…

ds2.1.5:86.20lokuttaraṁ cittaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ chandādhipateyyaṁ …pe…

ds2.1.5:86.21vīriyādhipateyyaṁ …pe…

ds2.1.5:86.22cittādhipateyyaṁ …pe…

ds2.1.5:86.23vīmaṁsādhipateyyaṁ, tasmiṁ samaye phasso hoti …pe… avikkhepo hoti …pe…

ds2.1.5:86.24ime dhammā kusalā.

ds2.1.5:86.25Adhipati.

ds2.1.5:86.26Paṭhamo maggo.

ds2.1.5:87.1Katame dhammā kusalā?

ds2.1.5:87.2Yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ kāmarāgabyāpādānaṁ tanubhāvāya dutiyāya bhūmiyā pattiyā vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ, tasmiṁ samaye phasso hoti …pe… aññindriyaṁ hoti …pe… avikkhepo hoti …pe…

ds2.1.5:87.3ime dhammā kusalā.

ds2.1.5:87.4Dutiyo maggo.

ds2.1.5:88.1Katame dhammā kusalā?

ds2.1.5:88.2Yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ kāmarāgabyāpādānaṁ anavasesappahānāya tatiyāya bhūmiyā pattiyā vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ, tasmiṁ samaye phasso hoti …pe… aññindriyaṁ hoti …pe… avikkhepo hoti …pe…

ds2.1.5:88.3ime dhammā kusalā.

ds2.1.5:88.4Tatiyo maggo.

ds2.1.5:89.1Katame dhammā kusalā?

ds2.1.5:89.2Yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ rūparāgaarūparāgamānauddhaccaavijjāya anavasesappahānāya catutthāya bhūmiyā pattiyā vivicceva kāmehi …pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ, tasmiṁ samaye phasso hoti …pe… aññindriyaṁ hoti …pe… avikkhepo hoti …pe…

ds2.1.5:89.3ime dhammā kusalā …pe….

ds2.1.5:90.1Katamaṁ tasmiṁ samaye aññindriyaṁ hoti?

ds2.1.5:90.2Yā tesaṁ dhammānaṁ ñātānaṁ diṭṭhānaṁ pattānaṁ viditānaṁ sacchikatānaṁ sacchikiriyāya paññā pajānanā vicayo pavicayo dhammavicayo sallakkhaṇā upalakkhaṇā paccupalakkhaṇā paṇḍiccaṁ kosallaṁ nepuññaṁ vebhabyā cintā upaparikkhā bhūrī medhā pariṇāyikā vipassanā sampajaññaṁ patodo paññā paññindriyaṁ paññābalaṁ paññāsatthaṁ paññāpāsādo paññāāloko paññāobhāso paññāpajjoto paññāratanaṁ amoho dhammavicayo sammādiṭṭhi dhammavicayasambojjhaṅgo maggaṅgaṁ maggapariyāpannaṁ, idaṁ tasmiṁ samaye aññindriyaṁ hoti …pe… avikkhepo hoti …pe…

ds2.1.5:90.3ye vā pana tasmiṁ samaye aññepi atthi paṭiccasamuppannā arūpino dhammā—

ds2.1.5:90.4ime dhammā kusalā.

ds2.1.5:90.5Catuttho maggo.

ds2.1.5:90.6Lokuttaraṁ cittaṁ.