ds2.1.6:0.1Dhammasaṅgaṇī
ds2.1.6:0.22 Niddesa
ds2.1.6:0.32.1 Cittuppādakaṇḍa
ds2.1.6:0.42.1.6. Dvādasa akusala
ds2.1.6:1.1Katame dhammā akusalā?
ds2.1.6:1.2Yasmiṁ samaye akusalaṁ cittaṁ uppannaṁ hoti somanassasahagataṁ diṭṭhigatasampayuttaṁ rūpārammaṇaṁ vā saddārammaṇaṁ vā gandhārammaṇaṁ vā rasārammaṇaṁ vā phoṭṭhabbārammaṇaṁ vā dhammārammaṇaṁ vā yaṁ yaṁ vā panārabbha, tasmiṁ samaye phasso hoti, vedanā hoti, saññā hoti, cetanā hoti, cittaṁ hoti, vitakko hoti, vicāro hoti, pīti hoti, sukhaṁ hoti, cittassekaggatā hoti, vīriyindriyaṁ hoti, samādhindriyaṁ hoti, manindriyaṁ hoti, somanassindriyaṁ hoti, jīvitindriyaṁ hoti, micchādiṭṭhi hoti, micchāsaṅkappo hoti, micchāvāyāmo hoti, micchāsamādhi hoti, vīriyabalaṁ hoti, samādhibalaṁ hoti, ahirikabalaṁ hoti, anottappabalaṁ hoti, lobho hoti, moho hoti, abhijjhā hoti, micchādiṭṭhi hoti, ahirikaṁ hoti, anottappaṁ hoti, samatho hoti, paggāho hoti, avikkhepo hoti;
ds2.1.6:1.3ye vā pana tasmiṁ samaye aññepi atthi paṭiccasamuppannā arūpino dhammā—
ds2.1.6:1.4ime dhammā akusalā.
ds2.1.6:2.1Katamo tasmiṁ samaye phasso hoti?
ds2.1.6:2.2Yo tasmiṁ samaye phasso phusanā samphusanā samphusitattaṁ—
ds2.1.6:2.3ayaṁ tasmiṁ samaye phasso hoti.
ds2.1.6:3.1Katamā tasmiṁ samaye vedanā hoti?
ds2.1.6:3.2Yaṁ tasmiṁ samaye tajjāmanoviññāṇadhātusamphassajaṁ cetasikaṁ sātaṁ cetasikaṁ sukhaṁ cetosamphassajaṁ sātaṁ sukhaṁ vedayitaṁ cetosamphassajā sātā sukhā vedanā—
ds2.1.6:3.3ayaṁ tasmiṁ samaye vedanā hoti.
ds2.1.6:4.1Katamā tasmiṁ samaye saññā hoti?
ds2.1.6:4.2Yā tasmiṁ samaye tajjāmanoviññāṇadhātusamphassajā saññā sañjānanā sañjānitattaṁ—
ds2.1.6:4.3ayaṁ tasmiṁ samaye saññā hoti.
ds2.1.6:5.1Katamā tasmiṁ samaye cetanā hoti?
ds2.1.6:5.2Yā tasmiṁ samaye tajjāmanoviññāṇadhātusamphassajā cetanā sañcetanā cetayitattaṁ—
ds2.1.6:5.3ayaṁ tasmiṁ samaye cetanā hoti.
ds2.1.6:6.1Katamaṁ tasmiṁ samaye cittaṁ hoti?
ds2.1.6:6.2Yaṁ tasmiṁ samaye cittaṁ mano mānasaṁ hadayaṁ paṇḍaraṁ mano manāyatanaṁ manindriyaṁ viññāṇaṁ viññāṇakkhandho tajjāmanoviññāṇadhātu—
ds2.1.6:6.3idaṁ tasmiṁ samaye cittaṁ hoti.
ds2.1.6:7.1Katamo tasmiṁ samaye vitakko hoti?
ds2.1.6:7.2Yo tasmiṁ samaye takko vitakko saṅkappo appanā byappanā cetaso abhiniropanā micchāsaṅkappo—
ds2.1.6:7.3ayaṁ tasmiṁ samaye vitakko hoti.
ds2.1.6:8.1Katamo tasmiṁ samaye vicāro hoti?
ds2.1.6:8.2Yo tasmiṁ samaye cāro vicāro anuvicāro upavicāro cittassa anusandhānatā anupekkhanatā—
ds2.1.6:8.3ayaṁ tasmiṁ samaye vicāro hoti.
ds2.1.6:9.1Katamā tasmiṁ samaye pīti hoti?
ds2.1.6:9.2Yā tasmiṁ samaye pīti pāmojjaṁ āmodanā pamodanā hāso pahāso vitti odagyaṁ attamanatā cittassa—
ds2.1.6:9.3ayaṁ tasmiṁ samaye pīti hoti.
ds2.1.6:10.1Katamaṁ tasmiṁ samaye sukhaṁ hoti?
ds2.1.6:10.2Yaṁ tasmiṁ samaye cetasikaṁ sātaṁ cetasikaṁ sukhaṁ cetosamphassajaṁ sātaṁ sukhaṁ vedayitaṁ cetosamphassajā sātā sukhā vedanā—
ds2.1.6:10.3idaṁ tasmiṁ samaye sukhaṁ hoti.
ds2.1.6:11.1Katamā tasmiṁ samaye cittassekaggatā hoti?
ds2.1.6:11.2Yā tasmiṁ samaye cittassa ṭhiti saṇṭhiti avaṭṭhiti avisāhāro avikkhepo avisāhaṭamānasatā samatho samādhindriyaṁ samādhibalaṁ micchāsamādhi—
ds2.1.6:11.3ayaṁ tasmiṁ samaye cittassekaggatā hoti.
ds2.1.6:12.1Katamaṁ tasmiṁ samaye vīriyindriyaṁ hoti?
ds2.1.6:12.2Yo tasmiṁ samaye cetasiko vīriyārambho nikkamo parakkamo uyyāmo vāyāmo ussāho ussoḷhī thāmo dhiti asithilaparakkamatā anikkhittachandatā anikkhittadhuratā dhurasampaggāho vīriyaṁ vīriyindriyaṁ vīriyabalaṁ micchāvāyāmo—
ds2.1.6:12.3idaṁ tasmiṁ samaye vīriyindriyaṁ hoti.
ds2.1.6:13.1Katamaṁ tasmiṁ samaye samādhindriyaṁ hoti?
ds2.1.6:13.2Yā tasmiṁ samaye cittassa ṭhiti saṇṭhiti avaṭṭhiti avisāhāro avikkhepo avisāhaṭamānasatā samatho samādhindriyaṁ samādhibalaṁ micchāsamādhi—
ds2.1.6:13.3idaṁ tasmiṁ samaye samādhindriyaṁ hoti.
ds2.1.6:14.1Katamaṁ tasmiṁ samaye manindriyaṁ hoti?
ds2.1.6:14.2Yaṁ tasmiṁ samaye cittaṁ mano mānasaṁ hadayaṁ paṇḍaraṁ mano manāyatanaṁ manindriyaṁ viññāṇaṁ viññāṇakkhandho tajjāmanoviññāṇadhātu—
ds2.1.6:14.3idaṁ tasmiṁ samaye manindriyaṁ hoti.
ds2.1.6:15.1Katamaṁ tasmiṁ samaye somanassindriyaṁ hoti?
ds2.1.6:15.2Yaṁ tasmiṁ samaye cetasikaṁ sātaṁ cetasikaṁ sukhaṁ cetosamphassajaṁ sātaṁ sukhaṁ vedayitaṁ cetosamphassajā sātā sukhā vedanā—
ds2.1.6:15.3idaṁ tasmiṁ samaye somanassindriyaṁ hoti.
ds2.1.6:16.1Katamaṁ tasmiṁ samaye jīvitindriyaṁ hoti?
ds2.1.6:16.2Yo tesaṁ arūpīnaṁ dhammānaṁ āyu ṭhiti yapanā yāpanā iriyanā vattanā pālanā jīvitaṁ jīvitindriyaṁ—
ds2.1.6:16.3idaṁ tasmiṁ samaye jīvitindriyaṁ hoti.
ds2.1.6:17.1Katamā tasmiṁ samaye micchādiṭṭhi hoti?
ds2.1.6:17.2Yā tasmiṁ samaye diṭṭhi diṭṭhigataṁ diṭṭhigahanaṁ diṭṭhikantāro diṭṭhivisūkāyikaṁ diṭṭhivipphanditaṁ diṭṭhisaññojanaṁ gāho patiṭṭhāho abhiniveso parāmāso kummaggo micchāpatho micchattaṁ titthāyatanaṁ vipariyāsaggāho—
ds2.1.6:17.3ayaṁ tasmiṁ samaye micchādiṭṭhi hoti.
ds2.1.6:18.1Katamo tasmiṁ samaye micchāsaṅkappo hoti?
ds2.1.6:18.2Yo tasmiṁ samaye takko vitakko saṅkappo appanā byappanā cetaso abhiniropanā micchāsaṅkappo—
ds2.1.6:18.3ayaṁ tasmiṁ samaye micchāsaṅkappo hoti.
ds2.1.6:19.1Katamo tasmiṁ samaye micchāvāyāmo hoti?
ds2.1.6:19.2Yo tasmiṁ samaye cetasiko vīriyārambho nikkamo parakkamo uyyāmo vāyāmo ussāho ussoḷhī thāmo dhiti asithilaparakkamatā anikkhittachandatā anikkhittadhuratā dhurasampaggāho vīriyaṁ vīriyindriyaṁ vīriyabalaṁ micchāvāyāmo—
ds2.1.6:19.3ayaṁ tasmiṁ samaye micchāvāyāmo hoti.
ds2.1.6:20.1Katamo tasmiṁ samaye micchāsamādhi hoti?
ds2.1.6:20.2Yā tasmiṁ samaye cittassa ṭhiti saṇṭhiti avaṭṭhiti avisāhāro avikkhepo avisāhaṭamānasatā samatho samādhindriyaṁ samādhibalaṁ micchāsamādhi—
ds2.1.6:20.3ayaṁ tasmiṁ samaye micchāsamādhi hoti.
ds2.1.6:21.1Katamaṁ tasmiṁ samaye vīriyabalaṁ hoti?
ds2.1.6:21.2Yo tasmiṁ samaye cetasiko vīriyārambho nikkamo parakkamo uyyāmo vāyāmo ussāho ussoḷhī thāmo dhiti asithilaparakkamatā anikkhittachandatā anikkhittadhuratā dhurasampaggāho vīriyaṁ vīriyindriyaṁ vīriyabalaṁ micchāvāyāmo—
ds2.1.6:21.3idaṁ tasmiṁ samaye vīriyabalaṁ hoti.
ds2.1.6:22.1Katamaṁ tasmiṁ samaye samādhibalaṁ hoti?
ds2.1.6:22.2Yā tasmiṁ samaye cittassa ṭhiti saṇṭhiti avaṭṭhiti avisāhāro avikkhepo avisāhaṭamānasatā samatho samādhindriyaṁ samādhibalaṁ micchāsamādhi—
ds2.1.6:22.3idaṁ tasmiṁ samaye samādhibalaṁ hoti.
ds2.1.6:23.1Katamaṁ tasmiṁ samaye ahirikabalaṁ hoti?
ds2.1.6:23.2Yaṁ tasmiṁ samaye na hirīyati hiriyitabbena na hirīyati pāpakānaṁ akusalānaṁ dhammānaṁ samāpattiyā—
ds2.1.6:23.3idaṁ tasmiṁ samaye ahirikabalaṁ hoti.
ds2.1.6:24.1Katamaṁ tasmiṁ samaye anottappabalaṁ hoti?
ds2.1.6:24.2Yaṁ tasmiṁ samaye na ottappati ottappitabbena na ottappati pāpakānaṁ akusalānaṁ dhammānaṁ samāpattiyā—
ds2.1.6:24.3idaṁ tasmiṁ samaye anottappabalaṁ hoti.
ds2.1.6:25.1Katamo tasmiṁ samaye lobho hoti?
ds2.1.6:25.2Yo tasmiṁ samaye lobho lubbhanā lubbhitattaṁ sārāgo sārajjanā sārajjitattaṁ abhijjhā lobho akusalamūlaṁ—
ds2.1.6:25.3ayaṁ tasmiṁ samaye lobho hoti.
ds2.1.6:26.1Katamo tasmiṁ samaye moho hoti?
ds2.1.6:26.2Yaṁ tasmiṁ samaye aññāṇaṁ adassanaṁ anabhisamayo ananubodho asambodho appaṭivedho asaṅgāhanā apariyogāhanā asamapekkhanā apaccavekkhanā apaccakkhakammaṁ dummejjhaṁ bālyaṁ asampajaññaṁ moho pamoho sammoho avijjā avijjogho avijjāyogo avijjānusayo avijjāpariyuṭṭhānaṁ avijjālaṅgī moho akusalamūlaṁ—
ds2.1.6:26.3ayaṁ tasmiṁ samaye moho hoti.
ds2.1.6:27.1Katamā tasmiṁ samaye abhijjhā hoti?
ds2.1.6:27.2Yo tasmiṁ samaye lobho lubbhanā lubbhitattaṁ sārāgo sārajjanā sārajjitattaṁ abhijjhā lobho akusalamūlaṁ—
ds2.1.6:27.3ayaṁ tasmiṁ samaye abhijjhā hoti.
ds2.1.6:28.1Katamā tasmiṁ samaye micchādiṭṭhi hoti?
ds2.1.6:28.2Yā tasmiṁ samaye diṭṭhi diṭṭhigataṁ diṭṭhigahanaṁ diṭṭhikantāro diṭṭhivisūkāyikaṁ diṭṭhivipphanditaṁ diṭṭhisaññojanaṁ gāho patiṭṭhāho abhiniveso parāmāso kummaggo micchāpatho micchattaṁ titthāyatanaṁ vipariyāsaggāho—
ds2.1.6:28.3ayaṁ tasmiṁ samaye micchādiṭṭhi hoti.
ds2.1.6:29.1Katamaṁ tasmiṁ samaye ahirikaṁ hoti?
ds2.1.6:29.2Yaṁ tasmiṁ samaye na hirīyati hiriyitabbena na hirīyati pāpakānaṁ akusalānaṁ dhammānaṁ samāpattiyā—
ds2.1.6:29.3idaṁ tasmiṁ samaye ahirikaṁ hoti.
ds2.1.6:30.1Katamaṁ tasmiṁ samaye anottappaṁ hoti?
ds2.1.6:30.2Yaṁ tasmiṁ samaye na ottappati ottappitabbena na ottappati pāpakānaṁ akusalānaṁ dhammānaṁ samāpattiyā—
ds2.1.6:30.3idaṁ tasmiṁ samaye anottappaṁ hoti.
ds2.1.6:31.1Katamo tasmiṁ samaye samatho hoti?
ds2.1.6:31.2Yā tasmiṁ samaye cittassa ṭhiti saṇṭhiti avaṭṭhiti avisāhāro avikkhepo avisāhaṭamānasatā samatho samādhindriyaṁ samādhibalaṁ micchāsamādhi—
ds2.1.6:31.3ayaṁ tasmiṁ samaye samatho hoti.
ds2.1.6:32.1Katamo tasmiṁ samaye paggāho hoti?
ds2.1.6:32.2Yo tasmiṁ samaye cetasiko vīriyārambho nikkamo parakkamo uyyāmo vāyāmo ussāho ussoḷhī thāmo dhiti asithilaparakkamatā anikkhittachandatā anikkhittadhuratā dhurasampaggāho vīriyaṁ vīriyindriyaṁ vīriyabalaṁ micchāvāyāmo—
ds2.1.6:32.3ayaṁ tasmiṁ samaye paggāho hoti.
ds2.1.6:33.1Katamo tasmiṁ samaye avikkhepo hoti?
ds2.1.6:33.2Yā tasmiṁ samaye cittassa ṭhiti saṇṭhiti avaṭṭhiti avisāhāro avikkhepo avisāhaṭamānasatā samatho samādhindriyaṁ samādhibalaṁ micchāsamādhi—
ds2.1.6:33.3ayaṁ tasmiṁ samaye avikkhepo hoti;
ds2.1.6:33.4ye vā pana tasmiṁ samaye aññepi atthi paṭiccasamuppannā arūpino dhammā—
ds2.1.6:33.5ime dhammā akusalā.
ds2.1.6:34.1Tasmiṁ kho pana samaye cattāro khandhā honti, dvāyatanāni honti, dve dhātuyo honti, tayo āhārā honti, pañcindriyāni honti, pañcaṅgikaṁ jhānaṁ hoti, caturaṅgiko maggo hoti, cattāri balāni honti, dve hetū honti, eko phasso hoti …pe… ekaṁ dhammāyatanaṁ hoti, ekā dhammadhātu hoti;
ds2.1.6:34.2ye vā pana tasmiṁ samaye aññepi atthi paṭiccasamuppannā arūpino dhammā—
ds2.1.6:34.3ime dhammā akusalā …pe….
ds2.1.6:35.1Katamo tasmiṁ samaye saṅkhārakkhandho hoti?
ds2.1.6:35.2Phasso cetanā vitakko vicāro pīti cittassekaggatā vīriyindriyaṁ samādhindriyaṁ jīvitindriyaṁ micchādiṭṭhi micchāsaṅkappo micchāvāyāmo micchāsamādhi vīriyabalaṁ samādhibalaṁ ahirikabalaṁ anottappabalaṁ lobho moho abhijjhā micchādiṭṭhi ahirikaṁ anottappaṁ samatho paggāho avikkhepo;
ds2.1.6:35.3ye vā pana tasmiṁ samaye aññepi atthi paṭiccasamuppannā arūpino dhammā ṭhapetvā vedanākkhandhaṁ ṭhapetvā saññākkhandhaṁ ṭhapetvā viññāṇakkhandhaṁ—
ds2.1.6:35.4ayaṁ tasmiṁ samaye saṅkhārakkhandho hoti …pe…
ds2.1.6:35.5ime dhammā akusalā.
ds2.1.6:36.1Katame dhammā akusalā?
ds2.1.6:36.2Yasmiṁ samaye akusalaṁ cittaṁ uppannaṁ hoti somanassasahagataṁ diṭṭhigatasampayuttaṁ sasaṅkhārena rūpārammaṇaṁ vā …pe…
ds2.1.6:36.3dhammārammaṇaṁ vā yaṁ yaṁ vā panārabbha, tasmiṁ samaye phasso hoti …pe… avikkhepo hoti …pe…
ds2.1.6:36.4ime dhammā akusalā.
ds2.1.6:37.1Katame dhammā akusalā?
ds2.1.6:37.2Yasmiṁ samaye akusalaṁ cittaṁ uppannaṁ hoti somanassasahagataṁ diṭṭhigatavippayuttaṁ rūpārammaṇaṁ vā saddārammaṇaṁ vā gandhārammaṇaṁ vā rasārammaṇaṁ vā phoṭṭhabbārammaṇaṁ vā dhammārammaṇaṁ vā yaṁ yaṁ vā panārabbha, tasmiṁ samaye phasso hoti, vedanā hoti, saññā hoti, cetanā hoti, cittaṁ hoti, vitakko hoti, vicāro hoti, pīti hoti, sukhaṁ hoti, cittassekaggatā hoti, vīriyindriyaṁ hoti, samādhindriyaṁ hoti, manindriyaṁ hoti, somanassindriyaṁ hoti, jīvitindriyaṁ hoti, micchāsaṅkappo hoti, micchāvāyāmo hoti, micchāsamādhi hoti, vīriyabalaṁ hoti, samādhibalaṁ hoti, ahirikabalaṁ hoti, anottappabalaṁ hoti, lobho hoti, moho hoti, abhijjhā hoti, ahirikaṁ hoti, anottappaṁ hoti, samatho hoti, paggāho hoti, avikkhepo hoti;
ds2.1.6:37.3ye vā pana tasmiṁ samaye aññepi atthi paṭiccasamuppannā arūpino dhammā—
ds2.1.6:37.4ime dhammā akusalā …pe….
ds2.1.6:38.1Tasmiṁ kho pana samaye cattāro khandhā honti, dvāyatanāni honti, dve dhātuyo honti, tayo āhārā honti, pañcindriyāni honti, pañcaṅgikaṁ jhānaṁ hoti, tivaṅgiko maggo hoti, cattāri balāni honti, dve hetū honti, eko phasso hoti …pe… ekaṁ dhammāyatanaṁ hoti, ekā dhammadhātu hoti;
ds2.1.6:38.2ye vā pana tasmiṁ samaye aññepi atthi paṭiccasamuppannā arūpino dhammā—
ds2.1.6:38.3ime dhammā akusalā …pe….
ds2.1.6:39.1Katamo tasmiṁ samaye saṅkhārakkhandho hoti?
ds2.1.6:39.2Phasso cetanā vitakko vicāro pīti cittassekaggatā vīriyindriyaṁ samādhindriyaṁ jīvitindriyaṁ micchāsaṅkappo micchāvāyāmo micchāsamādhi vīriyabalaṁ samādhibalaṁ ahirikabalaṁ anottappabalaṁ lobho moho abhijjhā ahirikaṁ anottappaṁ samatho paggāho avikkhepo;
ds2.1.6:39.3ye vā pana tasmiṁ samaye aññepi atthi paṭiccasamuppannā arūpino dhammā ṭhapetvā vedanākkhandhaṁ ṭhapetvā saññākkhandhaṁ ṭhapetvā viññāṇakkhandhaṁ—
ds2.1.6:39.4ayaṁ tasmiṁ samaye saṅkhārakkhandho hoti …pe…
ds2.1.6:39.5ime dhammā akusalā.
ds2.1.6:40.1Katame dhammā akusalā?
ds2.1.6:40.2Yasmiṁ samaye akusalaṁ cittaṁ uppannaṁ hoti somanassasahagataṁ diṭṭhigatavippayuttaṁ sasaṅkhārena rūpārammaṇaṁ vā …pe…
ds2.1.6:40.3dhammārammaṇaṁ vā yaṁ yaṁ vā panārabbha, tasmiṁ samaye phasso hoti …pe… avikkhepo hoti …pe…
ds2.1.6:40.4ime dhammā akusalā.
ds2.1.6:41.1Katame dhammā akusalā?
ds2.1.6:41.2Yasmiṁ samaye akusalaṁ cittaṁ uppannaṁ hoti upekkhāsahagataṁ diṭṭhigatasampayuttaṁ rūpārammaṇaṁ vā saddārammaṇaṁ vā gandhārammaṇaṁ vā rasārammaṇaṁ vā phoṭṭhabbārammaṇaṁ vā dhammārammaṇaṁ vā yaṁ yaṁ vā panārabbha, tasmiṁ samaye phasso hoti, vedanā hoti, saññā hoti, cetanā hoti, cittaṁ hoti, vitakko hoti, vicāro hoti, upekkhā hoti, cittassekaggatā hoti, vīriyindriyaṁ hoti, samādhindriyaṁ hoti, manindriyaṁ hoti, upekkhindriyaṁ hoti, jīvitindriyaṁ hoti, micchādiṭṭhi hoti, micchāsaṅkappo hoti, micchāvāyāmo hoti, micchāsamādhi hoti, vīriyabalaṁ hoti, samādhibalaṁ hoti, ahirikabalaṁ hoti, anottappabalaṁ hoti, lobho hoti, moho hoti, abhijjhā hoti, micchādiṭṭhi hoti, ahirikaṁ hoti, anottappaṁ hoti, samatho hoti, paggāho hoti, avikkhepo hoti;
ds2.1.6:41.3ye vā pana tasmiṁ samaye aññepi atthi paṭiccasamuppannā arūpino dhammā—
ds2.1.6:41.4ime dhammā akusalā.
ds2.1.6:42.1Katamo tasmiṁ samaye phasso hoti?
ds2.1.6:42.2Yo tasmiṁ samaye phasso phusanā samphusanā samphusitattaṁ—
ds2.1.6:42.3ayaṁ tasmiṁ samaye phasso hoti.
ds2.1.6:43.1Katamā tasmiṁ samaye vedanā hoti?
ds2.1.6:43.2Yaṁ tasmiṁ samaye tajjāmanoviññāṇadhātusamphassajaṁ cetasikaṁ neva sātaṁ nāsātaṁ cetosamphassajaṁ adukkhamasukhaṁ vedayitaṁ cetosamphassajā adukkhamasukhā vedanā—
ds2.1.6:43.3ayaṁ tasmiṁ samaye vedanā hoti …pe….
ds2.1.6:44.1Katamā tasmiṁ samaye upekkhā hoti?
ds2.1.6:44.2Yaṁ tasmiṁ samaye cetasikaṁ neva sātaṁ nāsātaṁ cetosamphassajaṁ adukkhamasukhaṁ vedayitaṁ cetosamphassajā adukkhamasukhā vedanā—
ds2.1.6:44.3ayaṁ tasmiṁ samaye upekkhā hoti …pe….
ds2.1.6:45.1Katamaṁ tasmiṁ samaye upekkhindriyaṁ hoti?
ds2.1.6:45.2Yaṁ tasmiṁ samaye cetasikaṁ neva sātaṁ nāsātaṁ cetosamphassajaṁ adukkhamasukhaṁ vedayitaṁ cetosamphassajā adukkhamasukhā vedanā—
ds2.1.6:45.3idaṁ tasmiṁ samaye upekkhindriyaṁ hoti …pe…
ds2.1.6:45.4ye vā pana tasmiṁ samaye aññepi atthi paṭiccasamuppannā arūpino dhammā—
ds2.1.6:45.5ime dhammā akusalā.
ds2.1.6:46.1Tasmiṁ kho pana samaye cattāro khandhā honti, dvāyatanāni honti, dve dhātuyo honti, tayo āhārā honti, pañcindriyāni honti, caturaṅgikaṁ jhānaṁ hoti, caturaṅgiko maggo hoti, cattāri balāni honti, dve hetū honti, eko phasso hoti …pe… ekaṁ dhammāyatanaṁ hoti, ekā dhammadhātu hoti;
ds2.1.6:46.2ye vā pana tasmiṁ samaye aññepi atthi paṭiccasamuppannā arūpino dhammā—
ds2.1.6:46.3ime dhammā akusalā …pe….
ds2.1.6:47.1Katamo tasmiṁ samaye saṅkhārakkhandho hoti?
ds2.1.6:47.2Phasso cetanā vitakko vicāro cittassekaggatā vīriyindriyaṁ samādhindriyaṁ jīvitindriyaṁ micchādiṭṭhi micchāsaṅkappo micchāvāyāmo micchāsamādhi vīriyabalaṁ samādhibalaṁ ahirikabalaṁ anottappabalaṁ lobho moho abhijjhā micchādiṭṭhi ahirikaṁ anottappaṁ samatho paggāho avikkhepo;
ds2.1.6:47.3ye vā pana tasmiṁ samaye aññepi atthi paṭiccasamuppannā arūpino dhammā ṭhapetvā vedanākkhandhaṁ ṭhapetvā saññākkhandhaṁ ṭhapetvā viññāṇakkhandhaṁ—
ds2.1.6:47.4ayaṁ tasmiṁ samaye saṅkhārakkhandho hoti …pe…
ds2.1.6:47.5ime dhammā akusalā.
ds2.1.6:48.1Katame dhammā akusalā?
ds2.1.6:48.2Yasmiṁ samaye akusalaṁ cittaṁ uppannaṁ hoti upekkhāsahagataṁ diṭṭhigatasampayuttaṁ sasaṅkhārena rūpārammaṇaṁ vā …pe…
ds2.1.6:48.3dhammārammaṇaṁ vā yaṁ yaṁ vā panārabbha, tasmiṁ samaye phasso hoti …pe… avikkhepo hoti …pe…
ds2.1.6:48.4ime dhammā akusalā.
ds2.1.6:49.1Katame dhammā akusalā?
ds2.1.6:49.2Yasmiṁ samaye akusalaṁ cittaṁ uppannaṁ hoti upekkhāsahagataṁ diṭṭhigatavippayuttaṁ rūpārammaṇaṁ vā saddārammaṇaṁ vā gandhārammaṇaṁ vā rasārammaṇaṁ vā phoṭṭhabbārammaṇaṁ vā dhammārammaṇaṁ vā yaṁ yaṁ vā panārabbha, tasmiṁ samaye phasso hoti, vedanā hoti, saññā hoti, cetanā hoti, cittaṁ hoti, vitakko hoti, vicāro hoti, upekkhā hoti, cittassekaggatā hoti, vīriyindriyaṁ hoti, samādhindriyaṁ hoti, manindriyaṁ hoti, upekkhindriyaṁ hoti, jīvitindriyaṁ hoti, micchāsaṅkappo hoti, micchāvāyāmo hoti, micchāsamādhi hoti, vīriyabalaṁ hoti, samādhibalaṁ hoti, ahirikabalaṁ hoti, anottappabalaṁ hoti, lobho hoti, moho hoti, abhijjhā hoti, ahirikaṁ hoti, anottappaṁ hoti, samatho hoti, paggāho hoti, avikkhepo hoti;
ds2.1.6:49.3ye vā pana tasmiṁ samaye aññepi atthi paṭiccasamuppannā arūpino dhammā—
ds2.1.6:49.4ime dhammā akusalā …pe….
ds2.1.6:50.1Tasmiṁ kho pana samaye cattāro khandhā honti, dvāyatanāni honti, dve dhātuyo honti, tayo āhārā honti, pañcindriyāni honti, caturaṅgikaṁ jhānaṁ hoti, tivaṅgiko maggo hoti, cattāri balāni honti, dve hetū honti, eko phasso hoti …pe… ekaṁ dhammāyatanaṁ hoti, ekā dhammadhātu hoti;
ds2.1.6:50.2ye vā pana tasmiṁ samaye aññepi atthi paṭiccasamuppannā arūpino dhammā—
ds2.1.6:50.3ime dhammā akusalā …pe….
ds2.1.6:51.1Katamo tasmiṁ samaye saṅkhārakkhandho hoti?
ds2.1.6:51.2Phasso cetanā vitakko vicāro cittassekaggatā vīriyindriyaṁ samādhindriyaṁ jīvitindriyaṁ micchāsaṅkappo micchāvāyāmo micchāsamādhi vīriyabalaṁ samādhibalaṁ ahirikabalaṁ anottappabalaṁ lobho moho abhijjhā ahirikaṁ anottappaṁ samatho paggāho avikkhepo;
ds2.1.6:51.3ye vā pana tasmiṁ samaye aññepi atthi paṭiccasamuppannā arūpino dhammā ṭhapetvā vedanākkhandhaṁ ṭhapetvā saññākkhandhaṁ ṭhapetvā viññāṇakkhandhaṁ—
ds2.1.6:51.4ayaṁ tasmiṁ samaye saṅkhārakkhandho hoti …pe…
ds2.1.6:51.5ime dhammā akusalā.
ds2.1.6:52.1Katame dhammā akusalā?
ds2.1.6:52.2Yasmiṁ samaye akusalaṁ cittaṁ uppannaṁ hoti upekkhāsahagataṁ diṭṭhigatavippayuttaṁ sasaṅkhārena rūpārammaṇaṁ vā …pe…
ds2.1.6:52.3dhammārammaṇaṁ vā yaṁ yaṁ vā panārabbha, tasmiṁ samaye phasso hoti …pe… avikkhepo hoti …pe…
ds2.1.6:52.4ime dhammā akusalā.
ds2.1.6:53.1Katame dhammā akusalā?
ds2.1.6:53.2Yasmiṁ samaye akusalaṁ cittaṁ uppannaṁ hoti domanassasahagataṁ paṭighasampayuttaṁ rūpārammaṇaṁ vā saddārammaṇaṁ vā gandhārammaṇaṁ vā rasārammaṇaṁ vā phoṭṭhabbārammaṇaṁ vā dhammārammaṇaṁ vā yaṁ yaṁ vā panārabbha, tasmiṁ samaye phasso hoti, vedanā hoti, saññā hoti, cetanā hoti, cittaṁ hoti, vitakko hoti, vicāro hoti, dukkhaṁ hoti, cittassekaggatā hoti, vīriyindriyaṁ hoti, samādhindriyaṁ hoti, manindriyaṁ hoti, domanassindriyaṁ hoti, jīvitindriyaṁ hoti, micchāsaṅkappo hoti, micchāvāyāmo hoti, micchāsamādhi hoti, vīriyabalaṁ hoti, samādhibalaṁ hoti, ahirikabalaṁ hoti, anottappabalaṁ hoti, doso hoti, moho hoti, byāpādo hoti, ahirikaṁ hoti, anottappaṁ hoti, samatho hoti, paggāho hoti, avikkhepo hoti;
ds2.1.6:53.3ye vā pana tasmiṁ samaye aññepi atthi paṭiccasamuppannā arūpino dhammā—
ds2.1.6:53.4ime dhammā akusalā.
ds2.1.6:54.1Katamo tasmiṁ samaye phasso hoti?
ds2.1.6:54.2Yo tasmiṁ samaye phasso phusanā samphusanā samphusitattaṁ—
ds2.1.6:54.3ayaṁ tasmiṁ samaye phasso hoti.
ds2.1.6:55.1Katamā tasmiṁ samaye vedanā hoti?
ds2.1.6:55.2Yaṁ tasmiṁ samaye tajjāmanoviññāṇadhātusamphassajaṁ cetasikaṁ asātaṁ cetasikaṁ dukkhaṁ cetosamphassajaṁ asātaṁ dukkhaṁ vedayitaṁ cetosamphassajā asātā dukkhā vedanā—
ds2.1.6:55.3ayaṁ tasmiṁ samaye vedanā hoti …pe….
ds2.1.6:56.1Katamaṁ tasmiṁ samaye dukkhaṁ hoti?
ds2.1.6:56.2Yaṁ tasmiṁ samaye cetasikaṁ asātaṁ cetasikaṁ dukkhaṁ cetosamphassajaṁ asātaṁ dukkhaṁ vedayitaṁ cetosamphassajā asātā dukkhā vedanā—
ds2.1.6:56.3idaṁ tasmiṁ samaye dukkhaṁ hoti …pe….
ds2.1.6:57.1Katamaṁ tasmiṁ samaye domanassindriyaṁ hoti?
ds2.1.6:57.2Yaṁ tasmiṁ samaye cetasikaṁ asātaṁ cetasikaṁ dukkhaṁ cetosamphassajaṁ asātaṁ dukkhaṁ vedayitaṁ cetosamphassajā asātā dukkhā vedanā—
ds2.1.6:57.3idaṁ tasmiṁ samaye domanassindriyaṁ hoti …pe….
ds2.1.6:58.1Katamo tasmiṁ samaye doso hoti?
ds2.1.6:58.2Yo tasmiṁ samaye doso dussanā dussitattaṁ byāpatti byāpajjanā byāpajjitattaṁ virodho paṭivirodho caṇḍikkaṁ asuropo anattamanatā cittassa—
ds2.1.6:58.3ayaṁ tasmiṁ samaye doso hoti …pe….
ds2.1.6:59.1Katamo tasmiṁ samaye byāpādo hoti?
ds2.1.6:59.2Yo tasmiṁ samaye doso dussanā dussitattaṁ byāpatti byāpajjanā byāpajjitattaṁ virodho paṭivirodho caṇḍikkaṁ asuropo anattamanatā cittassa—
ds2.1.6:59.3ayaṁ tasmiṁ samaye byāpādo hoti …pe…
ds2.1.6:59.4ye vā pana tasmiṁ samaye aññepi atthi paṭiccasamuppannā arūpino dhammā—
ds2.1.6:59.5ime dhammā akusalā.
ds2.1.6:60.1Tasmiṁ kho pana samaye cattāro khandhā honti, dvāyatanāni honti, dve dhātuyo honti, tayo āhārā honti, pañcindriyāni honti, caturaṅgikaṁ jhānaṁ hoti, tivaṅgiko maggo hoti, cattāri balāni honti, dve hetū honti, eko phasso hoti …pe… ekaṁ dhammāyatanaṁ hoti, ekā dhammadhātu hoti;
ds2.1.6:60.2ye vā pana tasmiṁ samaye aññepi atthi paṭiccasamuppannā arūpino dhammā—
ds2.1.6:60.3ime dhammā akusalā …pe….
ds2.1.6:61.1Katamo tasmiṁ samaye saṅkhārakkhandho hoti?
ds2.1.6:61.2Phasso cetanā vitakko vicāro cittassekaggatā vīriyindriyaṁ samādhindriyaṁ jīvitindriyaṁ micchāsaṅkappo micchāvāyāmo micchāsamādhi vīriyabalaṁ samādhibalaṁ ahirikabalaṁ anottappabalaṁ doso moho byāpādo ahirikaṁ anottappaṁ samatho paggāho avikkhepo;
ds2.1.6:61.3ye vā pana tasmiṁ samaye aññepi atthi paṭiccasamuppannā arūpino dhammā ṭhapetvā vedanākkhandhaṁ ṭhapetvā saññākkhandhaṁ ṭhapetvā viññāṇakkhandhaṁ—
ds2.1.6:61.4ayaṁ tasmiṁ samaye saṅkhārakkhandho hoti …pe…
ds2.1.6:61.5ime dhammā akusalā.
ds2.1.6:62.1Katame dhammā akusalā?
ds2.1.6:62.2Yasmiṁ samaye akusalaṁ cittaṁ uppannaṁ hoti domanassasahagataṁ paṭighasampayuttaṁ sasaṅkhārena rūpārammaṇaṁ vā …pe…
ds2.1.6:62.3dhammārammaṇaṁ vā yaṁ yaṁ vā panārabbha, tasmiṁ samaye phasso hoti …pe… avikkhepo hoti …pe…
ds2.1.6:62.4ime dhammā akusalā.
ds2.1.6:63.1Katame dhammā akusalā?
ds2.1.6:63.2Yasmiṁ samaye akusalaṁ cittaṁ uppannaṁ hoti upekkhāsahagataṁ vicikicchāsampayuttaṁ rūpārammaṇaṁ vā saddārammaṇaṁ vā gandhārammaṇaṁ vā rasārammaṇaṁ vā phoṭṭhabbārammaṇaṁ vā dhammārammaṇaṁ vā yaṁ yaṁ vā panārabbha, tasmiṁ samaye phasso hoti, vedanā hoti, saññā hoti, cetanā hoti, cittaṁ hoti, vitakko hoti, vicāro hoti, upekkhā hoti, cittassekaggatā hoti, vīriyindriyaṁ hoti, manindriyaṁ hoti, upekkhindriyaṁ hoti, jīvitindriyaṁ hoti, micchāsaṅkappo hoti, micchāvāyāmo hoti, vīriyabalaṁ hoti, ahirikabalaṁ hoti, anottappabalaṁ hoti, vicikicchā hoti, moho hoti, ahirikaṁ hoti, anottappaṁ hoti, paggāho hoti;
ds2.1.6:63.3ye vā pana tasmiṁ samaye aññepi atthi paṭiccasamuppannā arūpino dhammā—
ds2.1.6:63.4ime dhammā akusalā.
ds2.1.6:64.1Katamo tasmiṁ samaye phasso hoti?
ds2.1.6:64.2Yo tasmiṁ samaye phasso phusanā samphusanā samphusitattaṁ—
ds2.1.6:64.3ayaṁ tasmiṁ samaye phasso hoti …pe….
ds2.1.6:65.1Katamā tasmiṁ samaye cittassekaggatā hoti?
ds2.1.6:65.2Yā tasmiṁ samaye cittassa ṭhiti—
ds2.1.6:65.3ayaṁ tasmiṁ samaye cittassekaggatā hoti …pe….
ds2.1.6:66.1Katamā tasmiṁ samaye vicikicchā hoti?
ds2.1.6:66.2Yā tasmiṁ samaye kaṅkhā kaṅkhāyanā kaṅkhāyitattaṁ vimati vicikicchā dveḷhakaṁ dvedhāpatho saṁsayo anekaṁsaggāho āsappanā parisappanā apariyogāhanā thambhitattaṁ cittassa manovilekho—
ds2.1.6:66.3ayaṁ tasmiṁ samaye vicikicchā hoti …pe…
ds2.1.6:66.4ye vā pana tasmiṁ samaye aññepi atthi paṭiccasamuppannā arūpino dhammā—
ds2.1.6:66.5ime dhammā akusalā.
ds2.1.6:67.1Tasmiṁ kho pana samaye cattāro khandhā honti, dvāyatanāni honti, dve dhātuyo honti, tayo āhārā honti, cattāri indriyāni honti, caturaṅgikaṁ jhānaṁ hoti, duvaṅgiko maggo hoti, tīṇi balāni honti, eko hetu hoti, eko phasso hoti …pe… ekaṁ dhammāyatanaṁ hoti, ekā dhammadhātu hoti;
ds2.1.6:67.2ye vā pana tasmiṁ samaye aññepi atthi paṭiccasamuppannā arūpino dhammā—
ds2.1.6:67.3ime dhammā akusalā …pe….
ds2.1.6:68.1Katamo tasmiṁ samaye saṅkhārakkhandho hoti?
ds2.1.6:68.2Phasso cetanā vitakko vicāro cittassekaggatā vīriyindriyaṁ jīvitindriyaṁ micchāsaṅkappo micchāvāyāmo vīriyabalaṁ ahirikabalaṁ anottappabalaṁ vicikicchā moho ahirikaṁ anottappaṁ paggāho;
ds2.1.6:68.3ye vā pana tasmiṁ samaye aññepi atthi paṭiccasamuppannā arūpino dhammā ṭhapetvā vedanākkhandhaṁ ṭhapetvā saññākkhandhaṁ ṭhapetvā viññāṇakkhandhaṁ—
ds2.1.6:68.4ayaṁ tasmiṁ samaye saṅkhārakkhandho hoti …pe…
ds2.1.6:68.5ime dhammā akusalā.
ds2.1.6:69.1Katame dhammā akusalā?
ds2.1.6:69.2Yasmiṁ samaye akusalaṁ cittaṁ uppannaṁ hoti upekkhāsahagataṁ uddhaccasampayuttaṁ rūpārammaṇaṁ vā …pe…
ds2.1.6:69.3yaṁ yaṁ vā panārabbha, tasmiṁ samaye phasso hoti, vedanā hoti, saññā hoti, cetanā hoti, cittaṁ hoti, vitakko hoti, vicāro hoti, upekkhā hoti, cittassekaggatā hoti, vīriyindriyaṁ hoti, samādhindriyaṁ hoti, manindriyaṁ hoti, upekkhindriyaṁ hoti, jīvitindriyaṁ hoti, micchāsaṅkappo hoti, micchāvāyāmo hoti, micchāsamādhi hoti, vīriyabalaṁ hoti, samādhibalaṁ hoti, ahirikabalaṁ hoti, anottappabalaṁ hoti, uddhaccaṁ hoti, moho hoti, ahirikaṁ hoti, anottappaṁ hoti, samatho hoti, paggāho hoti, avikkhepo hoti;
ds2.1.6:69.4ye vā pana tasmiṁ samaye aññepi atthi paṭiccasamuppannā arūpino dhammā—
ds2.1.6:69.5ime dhammā akusalā.
ds2.1.6:70.1Katamo tasmiṁ samaye phasso hoti?
ds2.1.6:70.2Yo tasmiṁ samaye phasso phusanā samphusanā samphusitattaṁ—
ds2.1.6:70.3ayaṁ tasmiṁ samaye phasso hoti …pe….
ds2.1.6:71.1Katamaṁ tasmiṁ samaye uddhaccaṁ hoti?
ds2.1.6:71.2Yaṁ tasmiṁ samaye cittassa uddhaccaṁ avūpasamo cetaso vikkhepo bhantattaṁ cittassa—
ds2.1.6:71.3idaṁ tasmiṁ samaye uddhaccaṁ hoti …pe…
ds2.1.6:71.4ye vā pana tasmiṁ samaye aññepi atthi paṭiccasamuppannā arūpino dhammā—
ds2.1.6:71.5ime dhammā akusalā.
ds2.1.6:72.1Tasmiṁ kho pana samaye cattāro khandhā honti, dvāyatanāni honti, dve dhātuyo honti, tayo āhārā honti, pañcindriyāni honti, caturaṅgikaṁ jhānaṁ hoti, tivaṅgiko maggo hoti, cattāri balāni honti, eko hetu hoti, eko phasso hoti …pe… ekaṁ dhammāyatanaṁ hoti, ekā dhammadhātu hoti;
ds2.1.6:72.2ye vā pana tasmiṁ samaye aññepi atthi paṭiccasamuppannā arūpino dhammā—
ds2.1.6:72.3ime dhammā akusalā …pe….
ds2.1.6:73.1Katamo tasmiṁ samaye saṅkhārakkhandho hoti?
ds2.1.6:73.2Phasso cetanā vitakko vicāro cittassekaggatā vīriyindriyaṁ samādhindriyaṁ jīvitindriyaṁ micchāsaṅkappo micchāvāyāmo micchāsamādhi vīriyabalaṁ samādhibalaṁ ahirikabalaṁ anottappabalaṁ uddhaccaṁ moho ahirikaṁ anottappaṁ samatho paggāho avikkhepo;
ds2.1.6:73.3ye vā pana tasmiṁ samaye aññepi atthi paṭiccasamuppannā arūpino dhammā ṭhapetvā vedanākkhandhaṁ ṭhapetvā saññākkhandhaṁ ṭhapetvā viññāṇakkhandhaṁ—
ds2.1.6:73.4ayaṁ tasmiṁ samaye saṅkhārakkhandho hoti …pe…
ds2.1.6:73.5ime dhammā akusalā.
ds2.1.6:73.6Dvādasa akusalacittāni.