Dhammasaṅgaṇī

ds2.1.7:0.1Dhammasaṅgaṇī

ds2.1.7:0.22 Niddesa

ds2.1.7:0.32.1 Cittuppādakaṇḍa

ds2.1.7:0.42.1.7. Abyākatavipāka

ds2.1.7:1.02.1.7.1. Kusalavipākapañcaviññāṇa

ds2.1.7:1.1Katame dhammā abyākatā?

ds2.1.7:1.2Yasmiṁ samaye kāmāvacarassa kusalassa kammassa katattā upacitattā vipākaṁ cakkhuviññāṇaṁ uppannaṁ hoti upekkhāsahagataṁ rūpārammaṇaṁ, tasmiṁ samaye phasso hoti, vedanā hoti, saññā hoti, cetanā hoti, cittaṁ hoti, upekkhā hoti, cittassekaggatā hoti, manindriyaṁ hoti, upekkhindriyaṁ hoti, jīvitindriyaṁ hoti;

ds2.1.7:1.3ye vā pana tasmiṁ samaye aññepi atthi paṭiccasamuppannā arūpino dhammā—

ds2.1.7:1.4ime dhammā abyākatā.

ds2.1.7:2.1Katamo tasmiṁ samaye phasso hoti?

ds2.1.7:2.2Yo tasmiṁ samaye phasso phusanā samphusanā samphusitattaṁ—

ds2.1.7:2.3ayaṁ tasmiṁ samaye phasso hoti.

ds2.1.7:3.1Katamā tasmiṁ samaye vedanā hoti?

ds2.1.7:3.2Yaṁ tasmiṁ samaye tajjācakkhuviññāṇadhātusamphassajaṁ cetasikaṁ neva sātaṁ nāsātaṁ cetosamphassajaṁ adukkhamasukhaṁ vedayitaṁ cetosamphassajā adukkhamasukhā vedanā—

ds2.1.7:3.3ayaṁ tasmiṁ samaye vedanā hoti.

ds2.1.7:4.1Katamā tasmiṁ samaye saññā hoti?

ds2.1.7:4.2Yā tasmiṁ samaye tajjācakkhuviññāṇadhātusamphassajā saññā sañjānanā sañjānitattaṁ—

ds2.1.7:4.3ayaṁ tasmiṁ samaye saññā hoti.

ds2.1.7:5.1Katamā tasmiṁ samaye cetanā hoti?

ds2.1.7:5.2Yā tasmiṁ samaye tajjācakkhuviññāṇadhātusamphassajā cetanā sañcetanā cetayitattaṁ—

ds2.1.7:5.3ayaṁ tasmiṁ samaye cetanā hoti.

ds2.1.7:6.1Katamaṁ tasmiṁ samaye cittaṁ hoti?

ds2.1.7:6.2Yaṁ tasmiṁ samaye cittaṁ mano mānasaṁ hadayaṁ paṇḍaraṁ mano manāyatanaṁ manindriyaṁ viññāṇaṁ viññāṇakkhandho tajjācakkhuviññāṇadhātu—

ds2.1.7:6.3idaṁ tasmiṁ samaye cittaṁ hoti.

ds2.1.7:7.1Katamā tasmiṁ samaye upekkhā hoti?

ds2.1.7:7.2Yaṁ tasmiṁ samaye cetasikaṁ neva sātaṁ nāsātaṁ cetosamphassajaṁ adukkhamasukhaṁ vedayitaṁ cetosamphassajā adukkhamasukhā vedanā—

ds2.1.7:7.3ayaṁ tasmiṁ samaye upekkhā hoti.

ds2.1.7:8.1Katamā tasmiṁ samaye cittassekaggatā hoti?

ds2.1.7:8.2Yā tasmiṁ samaye cittassa ṭhiti—

ds2.1.7:8.3ayaṁ tasmiṁ samaye cittassekaggatā hoti.

ds2.1.7:9.1Katamaṁ tasmiṁ samaye manindriyaṁ hoti?

ds2.1.7:9.2Yaṁ tasmiṁ samaye cittaṁ mano mānasaṁ hadayaṁ paṇḍaraṁ mano manāyatanaṁ manindriyaṁ viññāṇaṁ viññāṇakkhandho tajjācakkhuviññāṇadhātu—

ds2.1.7:9.3idaṁ tasmiṁ samaye manindriyaṁ hoti.

ds2.1.7:10.1Katamaṁ tasmiṁ samaye upekkhindriyaṁ hoti?

ds2.1.7:10.2Yaṁ tasmiṁ samaye cetasikaṁ neva sātaṁ nāsātaṁ cetosamphassajaṁ adukkhamasukhaṁ vedayitaṁ cetosamphassajā adukkhamasukhā vedanā—

ds2.1.7:10.3idaṁ tasmiṁ samaye upekkhindriyaṁ hoti.

ds2.1.7:11.1Katamaṁ tasmiṁ samaye jīvitindriyaṁ hoti?

ds2.1.7:11.2Yo tesaṁ arūpīnaṁ dhammānaṁ āyu ṭhiti yapanā yāpanā iriyanā vattanā pālanā jīvitaṁ jīvitindriyaṁ—

ds2.1.7:11.3idaṁ tasmiṁ samaye jīvitindriyaṁ hoti;

ds2.1.7:11.4ye vā pana tasmiṁ samaye aññepi atthi paṭiccasamuppannā arūpino dhammā—

ds2.1.7:11.5ime dhammā abyākatā.

ds2.1.7:12.1Tasmiṁ kho pana samaye cattāro khandhā honti, dvāyatanāni honti, dve dhātuyo honti, tayo āhārā honti, tīṇindriyāni honti, eko phasso hoti …pe… ekā cakkhuviññāṇadhātu hoti, ekaṁ dhammāyatanaṁ hoti, ekā dhammadhātu hoti;

ds2.1.7:12.2ye vā pana tasmiṁ samaye aññepi atthi paṭiccasamuppannā arūpino dhammā—

ds2.1.7:12.3ime dhammā abyākatā …pe….

ds2.1.7:13.1Katamo tasmiṁ samaye saṅkhārakkhandho hoti?

ds2.1.7:13.2Phasso cetanā cittassekaggatā jīvitindriyaṁ;

ds2.1.7:13.3ye vā pana tasmiṁ samaye aññepi atthi paṭiccasamuppannā arūpino dhammā ṭhapetvā vedanākkhandhaṁ ṭhapetvā saññākkhandhaṁ ṭhapetvā viññāṇakkhandhaṁ—

ds2.1.7:13.4ayaṁ tasmiṁ samaye saṅkhārakkhandho hoti …pe…

ds2.1.7:13.5ime dhammā abyākatā.

ds2.1.7:14.1Katame dhammā abyākatā?

ds2.1.7:14.2Yasmiṁ samaye kāmāvacarassa kusalassa kammassa katattā upacitattā vipākaṁ sotaviññāṇaṁ uppannaṁ hoti upekkhāsahagataṁ saddārammaṇaṁ …pe…

ds2.1.7:14.3ghānaviññāṇaṁ uppannaṁ hoti upekkhāsahagataṁ gandhārammaṇaṁ …pe…

ds2.1.7:14.4jivhāviññāṇaṁ uppannaṁ hoti upekkhāsahagataṁ rasārammaṇaṁ …pe…

ds2.1.7:14.5kāyaviññāṇaṁ uppannaṁ hoti sukhasahagataṁ phoṭṭhabbārammaṇaṁ, tasmiṁ samaye phasso hoti, vedanā hoti, saññā hoti, cetanā hoti, cittaṁ hoti, sukhaṁ hoti, cittassekaggatā hoti, manindriyaṁ hoti, sukhindriyaṁ hoti, jīvitindriyaṁ hoti;

ds2.1.7:14.6ye vā pana tasmiṁ samaye aññepi atthi paṭiccasamuppannā arūpino dhammā—

ds2.1.7:14.7ime dhammā abyākatā.

ds2.1.7:15.1Katamo tasmiṁ samaye phasso hoti?

ds2.1.7:15.2Yo tasmiṁ samaye phasso phusanā samphusanā samphusitattaṁ—

ds2.1.7:15.3ayaṁ tasmiṁ samaye phasso hoti.

ds2.1.7:16.1Katamā tasmiṁ samaye vedanā hoti?

ds2.1.7:16.2Yaṁ tasmiṁ samaye tajjākāyaviññāṇadhātusamphassajaṁ kāyikaṁ sātaṁ kāyikaṁ sukhaṁ kāyasamphassajaṁ sātaṁ sukhaṁ vedayitaṁ kāyasamphassajā sātā sukhā vedanā—

ds2.1.7:16.3ayaṁ tasmiṁ samaye vedanā hoti.

ds2.1.7:17.1Katamā tasmiṁ samaye saññā hoti?

ds2.1.7:17.2Yā tasmiṁ samaye tajjākāyaviññāṇadhātusamphassajā saññā sañjānanā sañjānitattaṁ—

ds2.1.7:17.3ayaṁ tasmiṁ samaye saññā hoti.

ds2.1.7:18.1Katamā tasmiṁ samaye cetanā hoti?

ds2.1.7:18.2Yā tasmiṁ samaye tajjākāyaviññāṇadhātusamphassajā cetanā sañcetanā cetayitattaṁ—

ds2.1.7:18.3ayaṁ tasmiṁ samaye cetanā hoti.

ds2.1.7:19.1Katamaṁ tasmiṁ samaye cittaṁ hoti?

ds2.1.7:19.2Yaṁ tasmiṁ samaye cittaṁ mano mānasaṁ hadayaṁ paṇḍaraṁ mano manāyatanaṁ manindriyaṁ viññāṇaṁ viññāṇakkhandho tajjākāyaviññāṇadhātu—

ds2.1.7:19.3idaṁ tasmiṁ samaye cittaṁ hoti.

ds2.1.7:20.1Katamaṁ tasmiṁ samaye sukhaṁ hoti?

ds2.1.7:20.2Yaṁ tasmiṁ samaye kāyikaṁ sātaṁ kāyikaṁ sukhaṁ kāyasamphassajaṁ sātaṁ sukhaṁ vedayitaṁ kāyasamphassajā sātā sukhā vedanā—

ds2.1.7:20.3idaṁ tasmiṁ samaye sukhaṁ hoti.

ds2.1.7:21.1Katamā tasmiṁ samaye cittassekaggatā hoti?

ds2.1.7:21.2Yā tasmiṁ samaye cittassa ṭhiti—

ds2.1.7:21.3ayaṁ tasmiṁ samaye cittassekaggatā hoti.

ds2.1.7:22.1Katamaṁ tasmiṁ samaye manindriyaṁ hoti?

ds2.1.7:22.2Yaṁ tasmiṁ samaye cittaṁ mano mānasaṁ hadayaṁ paṇḍaraṁ mano manāyatanaṁ manindriyaṁ viññāṇaṁ viññāṇakkhandho tajjākāyaviññāṇadhātu—

ds2.1.7:22.3idaṁ tasmiṁ samaye manindriyaṁ hoti.

ds2.1.7:23.1Katamaṁ tasmiṁ samaye sukhindriyaṁ hoti?

ds2.1.7:23.2Yaṁ tasmiṁ samaye kāyikaṁ sātaṁ kāyikaṁ sukhaṁ kāyasamphassajaṁ sātaṁ sukhaṁ vedayitaṁ kāyasamphassajā sātā sukhā vedanā—

ds2.1.7:23.3idaṁ tasmiṁ samaye sukhindriyaṁ hoti.

ds2.1.7:24.1Katamaṁ tasmiṁ samaye jīvitindriyaṁ hoti?

ds2.1.7:24.2Yo tesaṁ arūpīnaṁ dhammānaṁ āyu ṭhiti yapanā yāpanā iriyanā vattanā pālanā jīvitaṁ jīvitindriyaṁ—

ds2.1.7:24.3idaṁ tasmiṁ samaye jīvitindriyaṁ hoti;

ds2.1.7:24.4ye vā pana tasmiṁ samaye aññepi atthi paṭiccasamuppannā arūpino dhammā—

ds2.1.7:24.5ime dhammā abyākatā.

ds2.1.7:25.1Tasmiṁ kho pana samaye cattāro khandhā honti, dvāyatanāni honti, dve dhātuyo honti, tayo āhārā honti, tīṇindriyāni honti, eko phasso hoti …pe… ekā kāyaviññāṇadhātu hoti, ekaṁ dhammāyatanaṁ hoti, ekā dhammadhātu hoti;

ds2.1.7:25.2ye vā pana tasmiṁ samaye aññepi atthi paṭiccasamuppannā arūpino dhammā—

ds2.1.7:25.3ime dhammā abyākatā …pe….

ds2.1.7:26.1Katamo tasmiṁ samaye saṅkhārakkhandho hoti?

ds2.1.7:26.2Phasso cetanā cittassekaggatā jīvitindriyaṁ;

ds2.1.7:26.3ye vā pana tasmiṁ samaye aññepi atthi paṭiccasamuppannā arūpino dhammā ṭhapetvā vedanākkhandhaṁ ṭhapetvā saññākkhandhaṁ ṭhapetvā viññāṇakkhandhaṁ—

ds2.1.7:26.4ayaṁ tasmiṁ samaye saṅkhārakkhandho hoti …pe…

ds2.1.7:26.5ime dhammā abyākatā.

ds2.1.7:26.6Kusalavipākāni pañcaviññāṇāni.

ds2.1.7:27.02.1.7.2. Kusalavipākamanodhātu

ds2.1.7:27.1Katame dhammā abyākatā?

ds2.1.7:27.2Yasmiṁ samaye kāmāvacarassa kusalassa kammassa katattā upacitattā vipākā manodhātu uppannā hoti upekkhāsahagatā rūpārammaṇā vā …pe…

ds2.1.7:27.3phoṭṭhabbārammaṇā vā yaṁ yaṁ vā panārabbha, tasmiṁ samaye phasso hoti, vedanā hoti, saññā hoti, cetanā hoti, cittaṁ hoti, vitakko hoti, vicāro hoti, upekkhā hoti, cittassekaggatā hoti, manindriyaṁ hoti, upekkhindriyaṁ hoti, jīvitindriyaṁ hoti;

ds2.1.7:27.4ye vā pana tasmiṁ samaye aññepi atthi paṭiccasamuppannā arūpino dhammā—

ds2.1.7:27.5ime dhammā abyākatā.

ds2.1.7:28.1Katamo tasmiṁ samaye phasso hoti?

ds2.1.7:28.2Yo tasmiṁ samaye phasso phusanā samphusanā samphusitattaṁ—

ds2.1.7:28.3ayaṁ tasmiṁ samaye phasso hoti.

ds2.1.7:29.1Katamā tasmiṁ samaye vedanā hoti?

ds2.1.7:29.2Yaṁ tasmiṁ samaye tajjāmanodhātusamphassajaṁ cetasikaṁ neva sātaṁ nāsātaṁ cetosamphassajaṁ adukkhamasukhaṁ vedayitaṁ cetosamphassajā adukkhamasukhā vedanā—

ds2.1.7:29.3ayaṁ tasmiṁ samaye vedanā hoti.

ds2.1.7:30.1Katamā tasmiṁ samaye saññā hoti?

ds2.1.7:30.2Yā tasmiṁ samaye tajjāmanodhātusamphassajā saññā sañjānanā sañjānitattaṁ—

ds2.1.7:30.3ayaṁ tasmiṁ samaye saññā hoti.

ds2.1.7:31.1Katamā tasmiṁ samaye cetanā hoti?

ds2.1.7:31.2Yā tasmiṁ samaye tajjāmanodhātusamphassajā cetanā sañcetanā cetayitattaṁ—

ds2.1.7:31.3ayaṁ tasmiṁ samaye cetanā hoti.

ds2.1.7:32.1Katamaṁ tasmiṁ samaye cittaṁ hoti?

ds2.1.7:32.2Yaṁ tasmiṁ samaye cittaṁ mano mānasaṁ hadayaṁ paṇḍaraṁ mano manāyatanaṁ manindriyaṁ viññāṇaṁ viññāṇakkhandho tajjāmanodhātu—

ds2.1.7:32.3idaṁ tasmiṁ samaye cittaṁ hoti.

ds2.1.7:33.1Katamo tasmiṁ samaye vitakko hoti?

ds2.1.7:33.2Yo tasmiṁ samaye takko vitakko saṅkappo appanā byappanā cetaso abhiniropanā—

ds2.1.7:33.3ayaṁ tasmiṁ samaye vitakko hoti.

ds2.1.7:34.1Katamo tasmiṁ samaye vicāro hoti?

ds2.1.7:34.2Yo tasmiṁ samaye cāro vicāro anuvicāro upavicāro cittassa anusandhānatā anupekkhanatā—

ds2.1.7:34.3ayaṁ tasmiṁ samaye vicāro hoti.

ds2.1.7:35.1Katamā tasmiṁ samaye upekkhā hoti?

ds2.1.7:35.2Yaṁ tasmiṁ samaye cetasikaṁ neva sātaṁ nāsātaṁ cetosamphassajaṁ adukkhamasukhaṁ vedayitaṁ cetosamphassajā adukkhamasukhā vedanā—

ds2.1.7:35.3ayaṁ tasmiṁ samaye upekkhā hoti.

ds2.1.7:36.1Katamā tasmiṁ samaye cittassekaggatā hoti?

ds2.1.7:36.2Yā tasmiṁ samaye cittassa ṭhiti—

ds2.1.7:36.3ayaṁ tasmiṁ samaye cittassekaggatā hoti.

ds2.1.7:37.1Katamaṁ tasmiṁ samaye manindriyaṁ hoti?

ds2.1.7:37.2Yaṁ tasmiṁ samaye cittaṁ mano mānasaṁ hadayaṁ paṇḍaraṁ mano manāyatanaṁ manindriyaṁ viññāṇaṁ viññāṇakkhandho tajjāmanodhātu—

ds2.1.7:37.3idaṁ tasmiṁ samaye manindriyaṁ hoti.

ds2.1.7:38.1Katamaṁ tasmiṁ samaye upekkhindriyaṁ hoti?

ds2.1.7:38.2Yaṁ tasmiṁ samaye cetasikaṁ neva sātaṁ nāsātaṁ cetosamphassajaṁ adukkhamasukhaṁ vedayitaṁ cetosamphassajā adukkhamasukhā vedanā—

ds2.1.7:38.3idaṁ tasmiṁ samaye upekkhindriyaṁ hoti.

ds2.1.7:39.1Katamaṁ tasmiṁ samaye jīvitindriyaṁ hoti?

ds2.1.7:39.2Yo tesaṁ arūpīnaṁ dhammānaṁ āyu ṭhiti yapanā yāpanā iriyanā vattanā pālanā jīvitaṁ jīvitindriyaṁ—

ds2.1.7:39.3idaṁ tasmiṁ samaye jīvitindriyaṁ hoti;

ds2.1.7:39.4ye vā pana tasmiṁ samaye aññepi atthi paṭiccasamuppannā arūpino dhammā—

ds2.1.7:39.5ime dhammā abyākatā.

ds2.1.7:40.1Tasmiṁ kho pana samaye cattāro khandhā honti, dvāyatanāni honti, dve dhātuyo honti, tayo āhārā honti, tīṇindriyāni honti, eko phasso hoti …pe… ekā manodhātu hoti, ekaṁ dhammāyatanaṁ hoti, ekā dhammadhātu hoti;

ds2.1.7:40.2ye vā pana tasmiṁ samaye aññepi atthi paṭiccasamuppannā arūpino dhammā—

ds2.1.7:40.3ime dhammā abyākatā …pe….

ds2.1.7:41.1Katamo tasmiṁ samaye saṅkhārakkhandho hoti?

ds2.1.7:41.2Phasso cetanā vitakko vicāro cittassekaggatā jīvitindriyaṁ;

ds2.1.7:41.3ye vā pana tasmiṁ samaye aññepi atthi paṭiccasamuppannā arūpino dhammā ṭhapetvā vedanākkhandhaṁ ṭhapetvā saññākkhandhaṁ ṭhapetvā viññāṇakkhandhaṁ—

ds2.1.7:41.4ayaṁ tasmiṁ samaye saṅkhārakkhandho hoti …pe…

ds2.1.7:41.5ime dhammā abyākatā.

ds2.1.7:41.6Kusalavipākā manodhātu.

ds2.1.7:42.02.1.7.3. Kusalavipākamanoviññāṇadhātusomanassasahagata

ds2.1.7:42.1Katame dhammā abyākatā?

ds2.1.7:42.2Yasmiṁ samaye kāmāvacarassa kusalassa kammassa katattā upacitattā vipākā manoviññāṇadhātu uppannā hoti somanassasahagatā rūpārammaṇā vā …pe…

ds2.1.7:42.3dhammārammaṇā vā yaṁ yaṁ vā panārabbha, tasmiṁ samaye phasso hoti, vedanā hoti, saññā hoti, cetanā hoti, cittaṁ hoti, vitakko hoti, vicāro hoti, pīti hoti, sukhaṁ hoti, cittassekaggatā hoti, manindriyaṁ hoti, somanassindriyaṁ hoti, jīvitindriyaṁ hoti;

ds2.1.7:42.4ye vā pana tasmiṁ samaye aññepi atthi paṭiccasamuppannā arūpino dhammā—

ds2.1.7:42.5ime dhammā abyākatā.

ds2.1.7:43.1Katamo tasmiṁ samaye phasso hoti?

ds2.1.7:43.2Yo tasmiṁ samaye phasso phusanā samphusanā samphusitattaṁ—

ds2.1.7:43.3ayaṁ tasmiṁ samaye phasso hoti.

ds2.1.7:44.1Katamā tasmiṁ samaye vedanā hoti?

ds2.1.7:44.2Yaṁ tasmiṁ samaye tajjāmanoviññāṇadhātusamphassajaṁ cetasikaṁ sātaṁ cetasikaṁ sukhaṁ cetosamphassajaṁ sātaṁ sukhaṁ vedayitaṁ cetosamphassajā sātā sukhā vedanā—

ds2.1.7:44.3ayaṁ tasmiṁ samaye vedanā hoti.

ds2.1.7:45.1Katamā tasmiṁ samaye saññā hoti?

ds2.1.7:45.2Yā tasmiṁ samaye tajjāmanoviññāṇadhātusamphassajā saññā sañjānanā sañjānitattaṁ—

ds2.1.7:45.3ayaṁ tasmiṁ samaye saññā hoti.

ds2.1.7:46.1Katamā tasmiṁ samaye cetanā hoti.

ds2.1.7:46.2Yā tasmiṁ samaye tajjāmanoviññāṇadhātusamphassajā cetanā sañcetanā cetayitattaṁ—

ds2.1.7:46.3ayaṁ tasmiṁ samaye cetanā hoti.

ds2.1.7:47.1Katamaṁ tasmiṁ samaye cittaṁ hoti?

ds2.1.7:47.2Yaṁ tasmiṁ samaye cittaṁ mano mānasaṁ hadayaṁ paṇḍaraṁ mano manāyatanaṁ manindriyaṁ viññāṇaṁ viññāṇakkhandho tajjāmanoviññāṇadhātu—

ds2.1.7:47.3idaṁ tasmiṁ samaye cittaṁ hoti.

ds2.1.7:48.1Katamo tasmiṁ samaye vitakko hoti?

ds2.1.7:48.2Yo tasmiṁ samaye takko vitakko saṅkappo appanā byappanā cetaso abhiniropanā—

ds2.1.7:48.3ayaṁ tasmiṁ samaye vitakko hoti.

ds2.1.7:49.1Katamo tasmiṁ samaye vicāro hoti?

ds2.1.7:49.2Yo tasmiṁ samaye cāro vicāro anuvicāro upavicāro cittassa anusandhānatā anupekkhanatā—

ds2.1.7:49.3ayaṁ tasmiṁ samaye vicāro hoti.

ds2.1.7:50.1Katamā tasmiṁ samaye pīti hoti?

ds2.1.7:50.2Yā tasmiṁ samaye pīti pāmojjaṁ āmodanā pamodanā hāso pahāso vitti odagyaṁ attamanatā cittassa—

ds2.1.7:50.3ayaṁ tasmiṁ samaye pīti hoti.

ds2.1.7:51.1Katamaṁ tasmiṁ samaye sukhaṁ hoti?

ds2.1.7:51.2Yaṁ tasmiṁ samaye cetasikaṁ sātaṁ cetasikaṁ sukhaṁ cetosamphassajaṁ sātaṁ sukhaṁ vedayitaṁ cetosamphassajā sātā sukhā vedanā—

ds2.1.7:51.3idaṁ tasmiṁ samaye sukhaṁ hoti.

ds2.1.7:52.1Katamā tasmiṁ samaye cittassekaggatā hoti?

ds2.1.7:52.2Yā tasmiṁ samaye cittassa ṭhiti—

ds2.1.7:52.3ayaṁ tasmiṁ samaye cittassekaggatā hoti.

ds2.1.7:53.1Katamaṁ tasmiṁ samaye manindriyaṁ hoti?

ds2.1.7:53.2Yaṁ tasmiṁ samaye cittaṁ mano mānasaṁ hadayaṁ paṇḍaraṁ mano manāyatanaṁ manindriyaṁ viññāṇaṁ viññāṇakkhandho tajjāmanoviññāṇadhātu—

ds2.1.7:53.3idaṁ tasmiṁ samaye manindriyaṁ hoti.

ds2.1.7:54.1Katamaṁ tasmiṁ samaye somanassindriyaṁ hoti?

ds2.1.7:54.2Yaṁ tasmiṁ samaye cetasikaṁ sātaṁ cetasikaṁ sukhaṁ cetosamphassajaṁ sātaṁ sukhaṁ vedayitaṁ cetosamphassajā sātā sukhā vedanā—

ds2.1.7:54.3idaṁ tasmiṁ samaye somanassindriyaṁ hoti.

ds2.1.7:55.1Katamaṁ tasmiṁ samaye jīvitindriyaṁ hoti?

ds2.1.7:55.2Yo tesaṁ arūpīnaṁ dhammānaṁ āyu ṭhiti yapanā yāpanā iriyanā vattanā pālanā jīvitaṁ jīvitindriyaṁ—

ds2.1.7:55.3idaṁ tasmiṁ samaye jīvitindriyaṁ hoti;

ds2.1.7:55.4ye vā pana tasmiṁ samaye aññepi atthi paṭiccasamuppannā arūpino dhammā—

ds2.1.7:55.5ime dhammā abyākatā.

ds2.1.7:56.1Tasmiṁ kho pana samaye cattāro khandhā honti, dvāyatanāni honti, dve dhātuyo honti, tayo āhārā honti, tīṇindriyāni honti, eko phasso hoti …pe… ekā manoviññāṇadhātu hoti, ekaṁ dhammāyatanaṁ hoti, ekā dhammadhātu hoti;

ds2.1.7:56.2ye vā pana tasmiṁ samaye aññepi atthi paṭiccasamuppannā arūpino dhammā—

ds2.1.7:56.3ime dhammā abyākatā …pe….

ds2.1.7:57.1Katamo tasmiṁ samaye saṅkhārakkhandho hoti?

ds2.1.7:57.2Phasso cetanā vitakko vicāro pīti cittassekaggatā jīvitindriyaṁ;

ds2.1.7:57.3ye vā pana tasmiṁ samaye aññepi atthi paṭiccasamuppannā arūpino dhammā ṭhapetvā vedanākkhandhaṁ ṭhapetvā saññākkhandhaṁ ṭhapetvā viññāṇakkhandhaṁ—

ds2.1.7:57.4ayaṁ tasmiṁ samaye saṅkhārakkhandho hoti …pe…

ds2.1.7:57.5ime dhammā abyākatā.

ds2.1.7:57.6Kusalavipākā manoviññāṇadhātu somanassasahagatā.

ds2.1.7:58.02.1.7.4. Kusalavipākamanoviññāṇadhātuupekkhāsahagata

ds2.1.7:58.1Katame dhammā abyākatā?

ds2.1.7:58.2Yasmiṁ samaye kāmāvacarassa kusalassa kammassa katattā upacitattā vipākā manoviññāṇadhātu uppannā hoti upekkhāsahagatā rūpārammaṇā vā …pe…

ds2.1.7:58.3dhammārammaṇā vā yaṁ yaṁ vā panārabbha, tasmiṁ samaye phasso hoti, vedanā hoti, saññā hoti, cetanā hoti, cittaṁ hoti, vitakko hoti, vicāro hoti, upekkhā hoti, cittassekaggatā hoti, manindriyaṁ hoti, upekkhindriyaṁ hoti, jīvitindriyaṁ hoti;

ds2.1.7:58.4ye vā pana tasmiṁ samaye aññepi atthi paṭiccasamuppannā arūpino dhammā—

ds2.1.7:58.5ime dhammā abyākatā.

ds2.1.7:59.1Katamo tasmiṁ samaye phasso hoti?

ds2.1.7:59.2Yo tasmiṁ samaye phasso phusanā samphusanā samphusitattaṁ—

ds2.1.7:59.3ayaṁ tasmiṁ samaye phasso hoti.

ds2.1.7:60.1Katamā tasmiṁ samaye vedanā hoti?

ds2.1.7:60.2Yaṁ tasmiṁ samaye tajjāmanoviññāṇadhātusamphassajaṁ cetasikaṁ neva sātaṁ nāsātaṁ cetosamphassajaṁ adukkhamasukhaṁ vedayitaṁ cetosamphassajā adukkhamasukhā vedanā—

ds2.1.7:60.3ayaṁ tasmiṁ samaye vedanā hoti.

ds2.1.7:61.1Katamā tasmiṁ samaye saññā hoti?

ds2.1.7:61.2Yā tasmiṁ samaye tajjāmanoviññāṇadhātusamphassajā saññā sañjānanā sañjānitattaṁ—

ds2.1.7:61.3ayaṁ tasmiṁ samaye saññā hoti.

ds2.1.7:62.1Katamā tasmiṁ samaye cetanā hoti?

ds2.1.7:62.2Yā tasmiṁ samaye tajjāmanoviññāṇadhātusamphassajā cetanā sañcetanā cetayitattaṁ—

ds2.1.7:62.3ayaṁ tasmiṁ samaye cetanā hoti.

ds2.1.7:63.1Katamaṁ tasmiṁ samaye cittaṁ hoti?

ds2.1.7:63.2Yaṁ tasmiṁ samaye cittaṁ mano mānasaṁ hadayaṁ paṇḍaraṁ mano manāyatanaṁ manindriyaṁ viññāṇaṁ viññāṇakkhandho tajjāmanoviññāṇadhātu—

ds2.1.7:63.3idaṁ tasmiṁ samaye cittaṁ hoti.

ds2.1.7:64.1Katamo tasmiṁ samaye vitakko hoti?

ds2.1.7:64.2Yo tasmiṁ samaye takko vitakko saṅkappo appanā byappanā cetaso abhiniropanā—

ds2.1.7:64.3ayaṁ tasmiṁ samaye vitakko hoti.

ds2.1.7:65.1Katamo tasmiṁ samaye vicāro hoti?

ds2.1.7:65.2Yo tasmiṁ samaye cāro vicāro anuvicāro upavicāro cittassa anusandhānatā anupekkhanatā—

ds2.1.7:65.3ayaṁ tasmiṁ samaye vicāro hoti.

ds2.1.7:66.1Katamā tasmiṁ samaye upekkhā hoti?

ds2.1.7:66.2Yaṁ tasmiṁ samaye cetasikaṁ neva sātaṁ nāsātaṁ cetosamphassajaṁ adukkhamasukhaṁ vedayitaṁ cetosamphassajā adukkhamasukhā vedanā—

ds2.1.7:66.3ayaṁ tasmiṁ samaye upekkhā hoti.

ds2.1.7:67.1Katamā tasmiṁ samaye cittassekaggatā hoti?

ds2.1.7:67.2Yā tasmiṁ samaye cittassa ṭhiti—

ds2.1.7:67.3ayaṁ tasmiṁ samaye cittassekaggatā hoti.

ds2.1.7:68.1Katamaṁ tasmiṁ samaye manindriyaṁ hoti?

ds2.1.7:68.2Yaṁ tasmiṁ samaye cittaṁ mano mānasaṁ hadayaṁ paṇḍaraṁ mano manāyatanaṁ manindriyaṁ viññāṇaṁ viññāṇakkhandho tajjāmanoviññāṇadhātu—

ds2.1.7:68.3idaṁ tasmiṁ samaye manindriyaṁ hoti.

ds2.1.7:69.1Katamaṁ tasmiṁ samaye upekkhindriyaṁ hoti?

ds2.1.7:69.2Yaṁ tasmiṁ samaye cetasikaṁ neva sātaṁ nāsātaṁ cetosamphassajaṁ adukkhamasukhaṁ vedayitaṁ cetosamphassajā adukkhamasukhā vedanā—

ds2.1.7:69.3idaṁ tasmiṁ samaye upekkhindriyaṁ hoti.

ds2.1.7:70.1Katamaṁ tasmiṁ samaye jīvitindriyaṁ hoti?

ds2.1.7:70.2Yo tesaṁ arūpīnaṁ dhammānaṁ āyu ṭhiti yapanā yāpanā iriyanā vattanā pālanā jīvitaṁ jīvitindriyaṁ—

ds2.1.7:70.3idaṁ tasmiṁ samaye jīvitindriyaṁ hoti;

ds2.1.7:70.4ye vā pana tasmiṁ samaye aññepi atthi paṭiccasamuppannā arūpino dhammā—

ds2.1.7:70.5ime dhammā abyākatā.

ds2.1.7:71.1Tasmiṁ kho pana samaye cattāro khandhā honti, dvāyatanāni honti, dve dhātuyo honti, tayo āhārā honti, tīṇindriyāni honti, eko phasso hoti …pe… ekā manoviññāṇadhātu hoti, ekaṁ dhammāyatanaṁ hoti, ekā dhammadhātu hoti;

ds2.1.7:71.2ye vā pana tasmiṁ samaye aññepi atthi paṭiccasamuppannā arūpino dhammā—

ds2.1.7:71.3ime dhammā abyākatā …pe….

ds2.1.7:72.1Katamo tasmiṁ samaye saṅkhārakkhandho hoti?

ds2.1.7:72.2Phasso cetanā vitakko vicāro cittassekaggatā jīvitindriyaṁ;

ds2.1.7:72.3ye vā pana tasmiṁ samaye aññepi atthi paṭiccasamuppannā arūpino dhammā ṭhapetvā vedanākkhandhaṁ ṭhapetvā saññākkhandhaṁ ṭhapetvā viññāṇakkhandhaṁ—

ds2.1.7:72.4ayaṁ tasmiṁ samaye saṅkhārakkhandho hoti …pe…

ds2.1.7:72.5ime dhammā abyākatā.

ds2.1.7:72.6Kusalavipākā upekkhāsahagatā manoviññāṇadhātu.

ds2.1.7:73.02.1.7.5. Aṭṭhamahāvipāka

ds2.1.7:73.1Katame dhammā abyākatā?

ds2.1.7:73.2Yasmiṁ samaye kāmāvacarassa kusalassa kammassa katattā upacitattā vipākā manoviññāṇadhātu uppannā hoti somanassasahagatā ñāṇasampayuttā …pe…

ds2.1.7:73.3somanassasahagatā ñāṇasampayuttā sasaṅkhārena …pe…

ds2.1.7:73.4somanassasahagatā ñāṇavippayuttā …pe…

ds2.1.7:73.5somanassasahagatā ñāṇavippayuttā sasaṅkhārena …pe…

ds2.1.7:73.6upekkhāsahagatā ñāṇasampayuttā …pe…

ds2.1.7:73.7upekkhāsahagatā ñāṇasampayuttā sasaṅkhārena …pe…

ds2.1.7:73.8upekkhāsahagatā ñāṇavippayuttā …pe…

ds2.1.7:73.9upekkhāsahagatā ñāṇavippayuttā sasaṅkhārena rūpārammaṇā vā …pe…

ds2.1.7:73.10dhammārammaṇā vā yaṁ yaṁ vā panārabbha, tasmiṁ samaye phasso hoti …pe… avikkhepo hoti …pe…

ds2.1.7:73.11ime dhammā abyākatā …pe…

ds2.1.7:73.12alobho abyākatamūlaṁ …pe…

ds2.1.7:73.13adoso abyākatamūlaṁ …pe…

ds2.1.7:73.14ime dhammā abyākatā.

ds2.1.7:73.15Aṭṭhamahāvipākā.

ds2.1.7:74.02.1.7.6. Rūpāvacaravipāka

ds2.1.7:74.1Katame dhammā abyākatā?

ds2.1.7:74.2Yasmiṁ samaye rūpūpapattiyā maggaṁ bhāveti vivicceva kāmehi …pe… paṭhamaṁ jhānaṁ upasampajja viharati pathavīkasiṇaṁ, tasmiṁ samaye phasso hoti …pe… avikkhepo hoti …pe…

ds2.1.7:74.3ime dhammā kusalā.

ds2.1.7:74.4Tasseva rūpāvacarassa kusalassa kammassa katattā upacitattā vipākaṁ vivicceva kāmehi …pe… paṭhamaṁ jhānaṁ upasampajja viharati pathavīkasiṇaṁ, tasmiṁ samaye phasso hoti …pe… avikkhepo hoti …pe…

ds2.1.7:74.5ime dhammā abyākatā.

ds2.1.7:75.1Katame dhammā abyākatā?

ds2.1.7:75.2Yasmiṁ samaye rūpūpapattiyā maggaṁ bhāveti vitakkavicārānaṁ vūpasamā …pe… dutiyaṁ jhānaṁ …pe…

ds2.1.7:75.3tatiyaṁ jhānaṁ …pe…

ds2.1.7:75.4catutthaṁ jhānaṁ …pe…

ds2.1.7:75.5paṭhamaṁ jhānaṁ …pe…

ds2.1.7:75.6pañcamaṁ jhānaṁ upasampajja viharati pathavīkasiṇaṁ, tasmiṁ samaye phasso hoti …pe… avikkhepo hoti …pe…

ds2.1.7:75.7ime dhammā kusalā.

ds2.1.7:75.8Tasseva rūpāvacarassa kusalassa kammassa katattā upacitattā vipākaṁ sukhassa ca pahānā …pe… pañcamaṁ jhānaṁ upasampajja viharati pathavīkasiṇaṁ, tasmiṁ samaye phasso hoti …pe… avikkhepo hoti …pe…

ds2.1.7:75.9ime dhammā abyākatā.

ds2.1.7:75.10Rūpāvacaravipākā.

ds2.1.7:76.02.1.7.7. Arūpāvacaravipāka

ds2.1.7:76.1Katame dhammā abyākatā?

ds2.1.7:76.2Yasmiṁ samaye arūpūpapattiyā maggaṁ bhāveti sabbaso rūpasaññānaṁ samatikkamā paṭighasaññānaṁ atthaṅgamā nānattasaññānaṁ amanasikārā ākāsānañcāyatanasaññāsahagataṁ sukhassa ca pahānā …pe… catutthaṁ jhānaṁ upasampajja viharati, tasmiṁ samaye phasso hoti …pe… avikkhepo hoti …pe…

ds2.1.7:76.3ime dhammā kusalā.

ds2.1.7:76.4Tasseva arūpāvacarassa kusalassa kammassa katattā upacitattā vipākaṁ sabbaso rūpasaññānaṁ samatikkamā paṭighasaññānaṁ atthaṅgamā nānattasaññānaṁ amanasikārā ākāsānañcāyatanasaññāsahagataṁ sukhassa ca pahānā …pe… catutthaṁ jhānaṁ upasampajja viharati, tasmiṁ samaye phasso hoti …pe… avikkhepo hoti …pe…

ds2.1.7:76.5ime dhammā abyākatā.

ds2.1.7:77.1Katame dhammā abyākatā?

ds2.1.7:77.2Yasmiṁ samaye arūpūpapattiyā maggaṁ bhāveti sabbaso ākāsānañcāyatanaṁ samatikkamma viññāṇañcāyatanasaññāsahagataṁ sukhassa ca pahānā …pe… catutthaṁ jhānaṁ upasampajja viharati, tasmiṁ samaye phasso hoti …pe… avikkhepo hoti …pe…

ds2.1.7:77.3ime dhammā kusalā.

ds2.1.7:77.4Tasseva arūpāvacarassa kusalassa kammassa katattā upacitattā vipākaṁ sabbaso ākāsānañcāyatanaṁ samatikkamma viññāṇañcāyatanasaññāsahagataṁ sukhassa ca pahānā …pe… catutthaṁ jhānaṁ upasampajja viharati, tasmiṁ samaye phasso hoti …pe… avikkhepo hoti …pe…

ds2.1.7:77.5ime dhammā abyākatā.

ds2.1.7:78.1Katame dhammā abyākatā?

ds2.1.7:78.2Yasmiṁ samaye arūpūpapattiyā maggaṁ bhāveti sabbaso viññāṇañcāyatanaṁ samatikkamma ākiñcaññāyatanasaññāsahagataṁ sukhassa ca pahānā …pe… catutthaṁ jhānaṁ upasampajja viharati, tasmiṁ samaye phasso hoti …pe… avikkhepo hoti …pe…

ds2.1.7:78.3ime dhammā kusalā.

ds2.1.7:78.4Tasseva arūpāvacarassa kusalassa kammassa katattā upacitattā vipākaṁ sabbaso viññāṇañcāyatanaṁ samatikkamma ākiñcaññāyatanasaññāsahagataṁ sukhassa ca pahānā …pe… catutthaṁ jhānaṁ upasampajja viharati, tasmiṁ samaye phasso hoti …pe… avikkhepo hoti …pe…

ds2.1.7:78.5ime dhammā abyākatā.

ds2.1.7:79.1Katame dhammā abyākatā?

ds2.1.7:79.2Yasmiṁ samaye arūpūpapattiyā maggaṁ bhāveti sabbaso ākiñcaññāyatanaṁ samatikkamma nevasaññānāsaññāyatanasaññāsahagataṁ sukhassa ca pahānā …pe… catutthaṁ jhānaṁ upasampajja viharati, tasmiṁ samaye phasso hoti …pe… avikkhepo hoti …pe…

ds2.1.7:79.3ime dhammā kusalā.

ds2.1.7:79.4Tasseva arūpāvacarassa kusalassa kammassa katattā upacitattā vipākaṁ sabbaso ākiñcaññāyatanaṁ samatikkamma nevasaññānāsaññāyatanasaññāsahagataṁ sukhassa ca pahānā …pe… catutthaṁ jhānaṁ upasampajja viharati, tasmiṁ samaye phasso hoti …pe… avikkhepo hoti …pe…

ds2.1.7:79.5ime dhammā abyākatā.

ds2.1.7:79.6Arūpāvacaravipākā.