Dhammasaṅgaṇī

ds2.3.1:0.1Dhammasaṅgaṇī

ds2.3.1:0.22 Niddesa

ds2.3.1:0.32.3 Nikkhepakaṇḍa

ds2.3.1:0.42.3.1. Tikanikkhepa

ds2.3.1:1.02.3.1.1. Kusalattika

ds2.3.1:1.1Katame dhammā kusalā?

ds2.3.1:1.2Tīṇi kusalamūlāni—

ds2.3.1:1.3alobho, adoso, amoho;

ds2.3.1:1.4taṁsampayutto vedanākkhandho, saññākkhandho, saṅkhārakkhandho, viññāṇakkhandho;

ds2.3.1:1.5taṁsamuṭṭhānaṁ kāyakammaṁ, vacīkammaṁ, manokammaṁ—

ds2.3.1:1.6ime dhammā kusalā.

ds2.3.1:2.1Katame dhammā akusalā?

ds2.3.1:2.2Tīṇi akusalamūlāni—

ds2.3.1:2.3lobho, doso, moho;

ds2.3.1:2.4tadekaṭṭhā ca kilesā;

ds2.3.1:2.5taṁsampayutto vedanākkhandho, saññākkhandho, saṅkhārakkhandho, viññāṇakkhandho;

ds2.3.1:2.6taṁsamuṭṭhānaṁ kāyakammaṁ, vacīkammaṁ, manokammaṁ—

ds2.3.1:2.7ime dhammā akusalā.

ds2.3.1:3.1Katame dhammā abyākatā?

ds2.3.1:3.2Kusalākusalānaṁ dhammānaṁ vipākā kāmāvacarā, rūpāvacarā, arūpāvacarā, apariyāpannā;

ds2.3.1:3.3vedanākkhandho, saññākkhandho, saṅkhārakkhandho, viññāṇakkhandho;

ds2.3.1:3.4ye ca dhammā kiriyā neva kusalā nākusalā na ca kammavipākā;

ds2.3.1:3.5sabbañca rūpaṁ, asaṅkhatā ca dhātu—

ds2.3.1:3.6ime dhammā abyākatā.

ds2.3.1:4.02.3.1.2. Vedanāttika

ds2.3.1:4.1Katame dhammā sukhāya vedanāya sampayuttā?

ds2.3.1:4.2Sukhabhūmiyaṁ kāmāvacare, rūpāvacare, apariyāpanne, sukhaṁ vedanaṁ ṭhapetvā;

ds2.3.1:4.3taṁsampayutto saññākkhandho, saṅkhārakkhandho, viññāṇakkhandho—

ds2.3.1:4.4ime dhammā sukhāya vedanāya sampayuttā.

ds2.3.1:5.1Katame dhammā dukkhāya vedanāya sampayuttā?

ds2.3.1:5.2Dukkhabhūmiyaṁ kāmāvacare, dukkhaṁ vedanaṁ ṭhapetvā;

ds2.3.1:5.3taṁsampayutto saññākkhandho, saṅkhārakkhandho, viññāṇakkhandho—

ds2.3.1:5.4ime dhammā dukkhāya vedanāya sampayuttā.

ds2.3.1:6.1Katame dhammā adukkhamasukhāya vedanāya sampayuttā?

ds2.3.1:6.2Adukkhamasukhabhūmiyaṁ kāmāvacare, rūpāvacare, arūpāvacare, apariyāpanne, adukkhamasukhaṁ vedanaṁ ṭhapetvā;

ds2.3.1:6.3taṁsampayutto saññākkhandho, saṅkhārakkhandho, viññāṇakkhandho—

ds2.3.1:6.4ime dhammā adukkhamasukhāya vedanāya sampayuttā.

ds2.3.1:7.02.3.1.3. Vipākattika

ds2.3.1:7.1Katame dhammā vipākā?

ds2.3.1:7.2Kusalākusalānaṁ dhammānaṁ vipākā kāmāvacarā, rūpāvacarā, arūpāvacarā, apariyāpannā;

ds2.3.1:7.3vedanākkhandho …pe… viññāṇakkhandho—

ds2.3.1:7.4ime dhammā vipākā.

ds2.3.1:8.1Katame dhammā vipākadhammadhammā?

ds2.3.1:8.2Kusalākusalā dhammā kāmāvacarā, rūpāvacarā, arūpāvacarā, apariyāpannā;

ds2.3.1:8.3vedanākkhandho …pe… viññāṇakkhandho—

ds2.3.1:8.4ime dhammā vipākadhammadhammā.

ds2.3.1:9.1Katame dhammā nevavipākanavipākadhammadhammā?

ds2.3.1:9.2Ye ca dhammā kiriyā neva kusalā nākusalā na ca kammavipākā, sabbañca rūpaṁ, asaṅkhatā ca dhātu—

ds2.3.1:9.3ime dhammā nevavipākanavipākadhammadhammā.

ds2.3.1:10.02.3.1.4. Upādinnattika

ds2.3.1:10.1Katame dhammā upādinnupādāniyā?

ds2.3.1:10.2Sāsavā kusalākusalānaṁ dhammānaṁ vipākā kāmāvacarā, rūpāvacarā, arūpāvacarā;

ds2.3.1:10.3vedanākkhandho …pe… viññāṇakkhandho;

ds2.3.1:10.4yañca rūpaṁ kammassa katattā—

ds2.3.1:10.5ime dhammā upādinnupādāniyā.

ds2.3.1:11.1Katame dhammā anupādinnupādāniyā?

ds2.3.1:11.2Sāsavā kusalākusalā dhammā kāmāvacarā, rūpāvacarā, arūpāvacarā;

ds2.3.1:11.3vedanākkhandho …pe… viññāṇakkhandho;

ds2.3.1:11.4ye ca dhammā kiriyā neva kusalā nākusalā na ca kammavipākā;

ds2.3.1:11.5yañca rūpaṁ na kammassa katattā—

ds2.3.1:11.6ime dhammā anupādinnupādāniyā.

ds2.3.1:12.1Katame dhammā anupādinnaanupādāniyā?

ds2.3.1:12.2Apariyāpannā maggā ca, maggaphalāni ca, asaṅkhatā ca dhātu—

ds2.3.1:12.3ime dhammā anupādinnaanupādāniyā.

ds2.3.1:13.02.3.1.5. Saṅkiliṭṭhattika

ds2.3.1:13.1Katame dhammā saṅkiliṭṭhasaṅkilesikā?

ds2.3.1:13.2Tīṇi akusalamūlāni—

ds2.3.1:13.3lobho, doso, moho;

ds2.3.1:13.4tadekaṭṭhā ca kilesā;

ds2.3.1:13.5taṁsampayutto vedanākkhandho …pe… viññāṇakkhandho;

ds2.3.1:13.6taṁsamuṭṭhānaṁ kāyakammaṁ, vacīkammaṁ, manokammaṁ—

ds2.3.1:13.7ime dhammā saṅkiliṭṭhasaṅkilesikā.

ds2.3.1:14.1Katame dhammā asaṅkiliṭṭhasaṅkilesikā?

ds2.3.1:14.2Sāsavā kusalābyākatā dhammā kāmāvacarā, rūpāvacarā, arūpāvacarā;

ds2.3.1:14.3rūpakkhandho, vedanākkhandho, saññākkhandho, saṅkhārakkhandho, viññāṇakkhandho—

ds2.3.1:14.4ime dhammā asaṅkiliṭṭhasaṅkilesikā.

ds2.3.1:15.1Katame dhammā asaṅkiliṭṭhaasaṅkilesikā?

ds2.3.1:15.2Apariyāpannā maggā ca, maggaphalāni ca, asaṅkhatā ca dhātu—

ds2.3.1:15.3ime dhammā asaṅkiliṭṭhaasaṅkilesikā.

ds2.3.1:16.02.3.1.6. Vitakkattika

ds2.3.1:16.1Katame dhammā savitakkasavicārā?

ds2.3.1:16.2Savitakkasavicārabhūmiyaṁ kāmāvacare, rūpāvacare, apariyāpanne, vitakkavicāre ṭhapetvā;

ds2.3.1:16.3taṁsampayutto vedanākkhandho …pe… viññāṇakkhandho—

ds2.3.1:16.4ime dhammā savitakkasavicārā.

ds2.3.1:17.1Katame dhammā avitakkavicāramattā?

ds2.3.1:17.2Avitakkavicāramattabhūmiyaṁ rūpāvacare, apariyāpanne, vicāraṁ ṭhapetvā;

ds2.3.1:17.3taṁsampayutto vedanākkhandho …pe… viññāṇakkhandho—

ds2.3.1:17.4ime dhammā avitakkavicāramattā.

ds2.3.1:18.1Katame dhammā avitakkaavicārā?

ds2.3.1:18.2Avitakkaavicārabhūmiyaṁ kāmāvacare, rūpāvacare, arūpāvacare, apariyāpanne;

ds2.3.1:18.3vedanākkhandho …pe… viññāṇakkhandho;

ds2.3.1:18.4sabbañca rūpaṁ, asaṅkhatā ca dhātu—

ds2.3.1:18.5ime dhammā avitakkaavicārā.

ds2.3.1:19.02.3.1.7. Pītittika

ds2.3.1:19.1Katame dhammā pītisahagatā?

ds2.3.1:19.2Pītibhūmiyaṁ kāmāvacare, rūpāvacare, apariyāpanne, pītiṁ ṭhapetvā;

ds2.3.1:19.3taṁsampayutto vedanākkhandho …pe… viññāṇakkhandho—

ds2.3.1:19.4ime dhammā pītisahagatā.

ds2.3.1:20.1Katame dhammā sukhasahagatā?

ds2.3.1:20.2Sukhabhūmiyaṁ kāmāvacare, rūpāvacare, apariyāpanne, sukhaṁ ṭhapetvā;

ds2.3.1:20.3taṁsampayutto saññākkhandho, saṅkhārakkhandho, viññāṇakkhandho—

ds2.3.1:20.4ime dhammā sukhasahagatā.

ds2.3.1:21.1Katame dhammā upekkhāsahagatā?

ds2.3.1:21.2Upekkhābhūmiyaṁ kāmāvacare, rūpāvacare, arūpāvacare, apariyāpanne, upekkhaṁ ṭhapetvā;

ds2.3.1:21.3taṁsampayutto saññākkhandho, saṅkhārakkhandho, viññāṇakkhandho—

ds2.3.1:21.4ime dhammā upekkhāsahagatā.

ds2.3.1:22.02.3.1.8. Dassanenapahātabbattika

ds2.3.1:22.1Katame dhammā dassanena pahātabbā?

ds2.3.1:22.2Tīṇi saññojanāni—

ds2.3.1:22.3sakkāyadiṭṭhi, vicikicchā, sīlabbataparāmāso.

ds2.3.1:23.1Tattha katamā sakkāyadiṭṭhi?

ds2.3.1:23.2Idha assutavā puthujjano ariyānaṁ adassāvī ariyadhammassa akovido ariyadhamme avinīto sappurisānaṁ adassāvī sappurisadhammassa akovido sappurisadhamme avinīto rūpaṁ attato samanupassati, rūpavantaṁ vā attānaṁ, attani vā rūpaṁ, rūpasmiṁ vā attānaṁ.

ds2.3.1:23.3Vedanaṁ attato samanupassati, vedanāvantaṁ vā attānaṁ, attani vā vedanaṁ, vedanāya vā attānaṁ.

ds2.3.1:23.4Saññaṁ attato samanupassati, saññāvantaṁ vā attānaṁ, attani vā saññaṁ, saññāya vā attānaṁ.

ds2.3.1:23.5Saṅkhāre attato samanupassati, saṅkhāravantaṁ vā attānaṁ, attani vā saṅkhāre, saṅkhāresu vā attānaṁ.

ds2.3.1:23.6Viññāṇaṁ attato samanupassati, viññāṇavantaṁ vā attānaṁ, attani vā viññāṇaṁ, viññāṇasmiṁ vā attānaṁ.

ds2.3.1:23.7Yā evarūpā diṭṭhi diṭṭhigataṁ diṭṭhigahanaṁ diṭṭhikantāro diṭṭhivisūkāyikaṁ diṭṭhivipphanditaṁ diṭṭhisaññojanaṁ gāho paṭiggāho abhiniveso parāmāso kummaggo micchāpatho micchattaṁ titthāyatanaṁ vipariyāsaggāho—

ds2.3.1:23.8ayaṁ vuccati sakkāyadiṭṭhi.

ds2.3.1:24.1Tattha katamā vicikicchā?

ds2.3.1:24.2Satthari kaṅkhati vicikicchati, dhamme kaṅkhati vicikicchati, saṅghe kaṅkhati vicikicchati, sikkhāya kaṅkhati vicikicchati, pubbante kaṅkhati vicikicchati, aparante kaṅkhati vicikicchati, pubbantāparante kaṅkhati vicikicchati, idappaccayatā paṭiccasamuppannesu dhammesu kaṅkhati vicikicchati.

ds2.3.1:24.3Yā evarūpā kaṅkhā kaṅkhāyanā kaṅkhāyitattaṁ vimati vicikicchā dveḷhakaṁ dvedhāpatho saṁsayo anekaṁsaggāho āsappanā parisappanā apariyogāhanā thambhitattaṁ cittassa manovilekho—

ds2.3.1:24.4ayaṁ vuccati vicikicchā.

ds2.3.1:25.1Tattha katamo sīlabbataparāmāso?

ds2.3.1:25.2Ito bahiddhā samaṇabrāhmaṇānaṁ ‘sīlena suddhi, vatena suddhi, sīlabbatena suddhī’ti yā evarūpā diṭṭhi diṭṭhigataṁ diṭṭhigahanaṁ diṭṭhikantāro diṭṭhivisūkāyikaṁ diṭṭhivipphanditaṁ diṭṭhisaññojanaṁ gāho paṭiggāho abhiniveso parāmāso kummaggo micchāpatho micchattaṁ titthāyatanaṁ vipariyāsaggāho—

ds2.3.1:25.3ayaṁ vuccati sīlabbataparāmāso.

ds2.3.1:26.1Imāni tīṇi saññojanāni;

ds2.3.1:26.2tadekaṭṭhā ca kilesā;

ds2.3.1:26.3taṁsampayutto vedanākkhandho …pe… viññāṇakkhandho;

ds2.3.1:26.4taṁsamuṭṭhānaṁ kāyakammaṁ vacīkammaṁ manokammaṁ—

ds2.3.1:26.5ime dhammā dassanena pahātabbā.

ds2.3.1:27.1Katame dhammā bhāvanāya pahātabbā?

ds2.3.1:27.2Avaseso lobho, doso, moho;

ds2.3.1:27.3tadekaṭṭhā ca kilesā;

ds2.3.1:27.4taṁsampayutto vedanākkhandho …pe… viññāṇakkhandho;

ds2.3.1:27.5taṁsamuṭṭhānaṁ kāyakammaṁ, vacīkammaṁ, manokammaṁ—

ds2.3.1:27.6ime dhammā bhāvanāya pahātabbā.

ds2.3.1:28.1Katame dhammā neva dassanena na bhāvanāya pahātabbā?

ds2.3.1:28.2Kusalābyākatā dhammā kāmāvacarā, rūpāvacarā, arūpāvacarā, apariyāpannā;

ds2.3.1:28.3vedanākkhandho …pe… viññāṇakkhandho;

ds2.3.1:28.4sabbañca rūpaṁ, asaṅkhatā ca dhātu—

ds2.3.1:28.5ime dhammā neva dassanena na bhāvanāya pahātabbā.

ds2.3.1:29.02.3.1.9. Dassanenapahātabbahetukattika

ds2.3.1:29.1Katame dhammā dassanena pahātabbahetukā?

ds2.3.1:29.2Tīṇi saññojanāni—

ds2.3.1:29.3sakkāyadiṭṭhi, vicikicchā, sīlabbataparāmāso.

ds2.3.1:30.1Tattha katamā sakkāyadiṭṭhi …pe…

ds2.3.1:30.2ayaṁ vuccati sakkāyadiṭṭhi.

ds2.3.1:31.1Tattha katamā vicikicchā …pe…

ds2.3.1:31.2ayaṁ vuccati vicikicchā.

ds2.3.1:32.1Tattha katamo sīlabbataparāmāso …pe…

ds2.3.1:32.2ayaṁ vuccati sīlabbataparāmāso.

ds2.3.1:33.1Imāni tīṇi saññojanāni;

ds2.3.1:33.2tadekaṭṭhā ca kilesā;

ds2.3.1:33.3taṁsampayutto vedanākkhandho …pe… viññāṇakkhandho;

ds2.3.1:33.4taṁsamuṭṭhānaṁ kāyakammaṁ, vacīkammaṁ, manokammaṁ—

ds2.3.1:33.5ime dhammā dassanena pahātabbahetukā.

ds2.3.1:33.6Tīṇi saññojanāni—

ds2.3.1:33.7sakkāyadiṭṭhi, vicikicchā, sīlabbataparāmāso—

ds2.3.1:33.8ime dhammā dassanena pahātabbā.

ds2.3.1:33.9Tadekaṭṭho lobho, doso, moho—

ds2.3.1:33.10ime dhammā dassanena pahātabbahetū.

ds2.3.1:33.11Tadekaṭṭhā ca kilesā;

ds2.3.1:33.12taṁsampayutto vedanākkhandho …pe… viññāṇakkhandho;

ds2.3.1:33.13taṁsamuṭṭhānaṁ kāyakammaṁ, vacīkammaṁ, manokammaṁ—

ds2.3.1:33.14ime dhammā dassanena pahātabbahetukā.

ds2.3.1:34.1Katame dhammā bhāvanāya pahātabbahetukā?

ds2.3.1:34.2Avaseso lobho, doso, moho—

ds2.3.1:34.3ime dhammā bhāvanāya pahātabbahetū.

ds2.3.1:34.4Tadekaṭṭhā ca kilesā;

ds2.3.1:34.5taṁsampayutto vedanākkhandho …pe… viññāṇakkhandho;

ds2.3.1:34.6taṁsamuṭṭhānaṁ kāyakammaṁ, vacīkammaṁ, manokammaṁ—

ds2.3.1:34.7ime dhammā bhāvanāya pahātabbahetukā.

ds2.3.1:35.1Katame dhammā neva dassanena na bhāvanāya pahātabbahetukā?

ds2.3.1:35.2Te dhamme ṭhapetvā avasesā kusalākusalābyākatā dhammā kāmāvacarā rūpāvacarā, arūpāvacarā, apariyāpannā;

ds2.3.1:35.3vedanākkhandho, saññākkhandho, saṅkhārakkhandho, viññāṇakkhandho;

ds2.3.1:35.4sabbañca rūpaṁ, asaṅkhatā ca dhātu—

ds2.3.1:35.5ime dhammā neva dassanena na bhāvanāya pahātabbahetukā.

ds2.3.1:36.02.3.1.10. Ācayagāmittika

ds2.3.1:36.1Katame dhammā ācayagāmino?

ds2.3.1:36.2Sāsavā kusalākusalā dhammā kāmāvacarā, rūpāvacarā, arūpāvacarā;

ds2.3.1:36.3vedanākkhandho …pe… viññāṇakkhandho—

ds2.3.1:36.4ime dhammā ācayagāmino.

ds2.3.1:37.1Katame dhammā apacayagāmino?

ds2.3.1:37.2Cattāro maggā apariyāpannā—

ds2.3.1:37.3ime dhammā apacayagāmino.

ds2.3.1:38.1Katame dhammā neva ācayagāmi na apacayagāmino?

ds2.3.1:38.2Kusalākusalānaṁ dhammānaṁ vipākā kāmāvacarā, rūpāvacarā, arūpāvacarā, apariyāpannā;

ds2.3.1:38.3vedanākkhandho …pe… viññāṇakkhandho;

ds2.3.1:38.4ye ca dhammā kiriyā neva kusalā nākusalā na ca kammavipākā;

ds2.3.1:38.5sabbañca rūpaṁ, asaṅkhatā ca dhātu—

ds2.3.1:38.6ime dhammā neva ācayagāmi na apacayagāmino.

ds2.3.1:39.02.3.1.11. Sekkhattika

ds2.3.1:39.1Katame dhammā sekkhā?

ds2.3.1:39.2Cattāro maggā apariyāpannā, heṭṭhimāni ca tīṇi sāmaññaphalāni—

ds2.3.1:39.3ime dhammā sekkhā.

ds2.3.1:40.1Katame dhammā asekkhā?

ds2.3.1:40.2Upariṭṭhimaṁ arahattaphalaṁ—

ds2.3.1:40.3ime dhammā asekkhā.

ds2.3.1:41.1Katame dhammā nevasekkhanāsekkhā?

ds2.3.1:41.2Te dhamme ṭhapetvā, avasesā kusalākusalābyākatā dhammā kāmāvacarā, rūpāvacarā, arūpāvacarā;

ds2.3.1:41.3vedanākkhandho …pe… viññāṇakkhandho;

ds2.3.1:41.4sabbañca rūpaṁ, asaṅkhatā ca dhātu—

ds2.3.1:41.5ime dhammā nevasekkhanāsekkhā.

ds2.3.1:42.02.3.1.12. Parittattika

ds2.3.1:42.1Katame dhammā parittā?

ds2.3.1:42.2Sabbeva kāmāvacarā kusalākusalābyākatā dhammā;

ds2.3.1:42.3rūpakkhandho …pe… viññāṇakkhandho—

ds2.3.1:42.4ime dhammā parittā.

ds2.3.1:43.1Katame dhammā mahaggatā?

ds2.3.1:43.2Rūpāvacarā, arūpāvacarā, kusalābyākatā dhammā;

ds2.3.1:43.3vedanākkhandho …pe… viññāṇakkhandho—

ds2.3.1:43.4ime dhammā mahaggatā.

ds2.3.1:44.1Katame dhammā appamāṇā?

ds2.3.1:44.2Apariyāpannā maggā ca, maggaphalāni ca, asaṅkhatā ca dhātu—

ds2.3.1:44.3ime dhammā appamāṇā.

ds2.3.1:45.02.3.1.13. Parittārammaṇattika

ds2.3.1:45.1Katame dhammā parittārammaṇā?

ds2.3.1:45.2Paritte dhamme ārabbha ye uppajjanti cittacetasikā dhammā—

ds2.3.1:45.3ime dhammā parittārammaṇā.

ds2.3.1:46.1Katame dhammā mahaggatārammaṇā?

ds2.3.1:46.2Mahaggate dhamme ārabbha ye uppajjanti cittacetasikā dhammā—

ds2.3.1:46.3ime dhammā mahaggatārammaṇā.

ds2.3.1:47.1Katame dhammā appamāṇārammaṇā?

ds2.3.1:47.2Appamāṇe dhamme ārabbha ye uppajjanti cittacetasikā dhammā—

ds2.3.1:47.3ime dhammā appamāṇārammaṇā.

ds2.3.1:48.02.3.1.14. Hīnattika

ds2.3.1:48.1Katame dhammā hīnā?

ds2.3.1:48.2Tīṇi akusalamūlāni—

ds2.3.1:48.3lobho, doso, moho;

ds2.3.1:48.4tadekaṭṭhā ca kilesā;

ds2.3.1:48.5taṁsampayutto vedanākkhandho …pe… viññāṇakkhandho;

ds2.3.1:48.6taṁsamuṭṭhānaṁ kāyakammaṁ, vacīkammaṁ, manokammaṁ—

ds2.3.1:48.7ime dhammā hīnā.

ds2.3.1:49.1Katame dhammā majjhimā?

ds2.3.1:49.2Sāsavā kusalābyākatā dhammā kāmāvacarā, rūpāvacarā, arūpāvacarā, rūpakkhandho …pe… viññāṇakkhandho—

ds2.3.1:49.3ime dhammā majjhimā.

ds2.3.1:50.1Katame dhammā paṇītā?

ds2.3.1:50.2Apariyāpannā maggā ca, maggaphalāni ca, asaṅkhatā ca dhātu—

ds2.3.1:50.3ime dhammā paṇītā.

ds2.3.1:51.02.3.1.15. Micchattaniyatattika

ds2.3.1:51.1Katame dhammā micchattaniyatā?

ds2.3.1:51.2Pañca kammāni ānantarikāni, yā ca micchādiṭṭhiniyatā—

ds2.3.1:51.3ime dhammā micchattaniyatā.

ds2.3.1:52.1Katame dhammā sammattaniyatā?

ds2.3.1:52.2Cattāro maggā apariyāpannā—

ds2.3.1:52.3ime dhammā sammattaniyatā.

ds2.3.1:53.1Katame dhammā aniyatā?

ds2.3.1:53.2Te dhamme ṭhapetvā, avasesā kusalākusalābyākatā dhammā kāmāvacarā, rūpāvacarā, arūpāvacarā, apariyāpannā;

ds2.3.1:53.3vedanākkhandho …pe… viññāṇakkhandho;

ds2.3.1:53.4sabbañca rūpaṁ, asaṅkhatā ca dhātu—

ds2.3.1:53.5ime dhammā aniyatā.

ds2.3.1:54.02.3.1.16. Maggārammaṇattika

ds2.3.1:54.1Katame dhammā maggārammaṇā?

ds2.3.1:54.2Ariyamaggaṁ ārabbha ye uppajjanti cittacetasikā dhammā—

ds2.3.1:54.3ime dhammā maggārammaṇā.

ds2.3.1:55.1Katame dhammā maggahetukā?

ds2.3.1:55.2Ariyamaggasamaṅgissa maggaṅgāni ṭhapetvā;

ds2.3.1:55.3taṁsampayutto vedanākkhandho …pe… viññāṇakkhandho—

ds2.3.1:55.4ime dhammā maggahetukā.

ds2.3.1:55.5Ariyamaggasamaṅgissa sammādiṭṭhi maggo ceva hetu ca, sammādiṭṭhiṁ ṭhapetvā, taṁsampayutto vedanākkhandho …pe… viññāṇakkhandho—

ds2.3.1:55.6ime dhammā maggahetukā.

ds2.3.1:55.7Ariyamaggasamaṅgissa alobho, adoso, amoho—

ds2.3.1:55.8ime dhammā maggahetū.

ds2.3.1:55.9Taṁsampayutto vedanākkhandho …pe… viññāṇakkhandho—

ds2.3.1:55.10ime dhammā maggahetukā.

ds2.3.1:56.1Katame dhammā maggādhipatino?

ds2.3.1:56.2Ariyamaggaṁ adhipatiṁ karitvā ye uppajjanti cittacetasikā dhammā—

ds2.3.1:56.3ime dhammā maggādhipatino.

ds2.3.1:56.4Ariyamaggasamaṅgissa vīmaṁsādhipateyyaṁ maggaṁ bhāvayantassa vīmaṁsaṁ ṭhapetvā;

ds2.3.1:56.5taṁsampayutto vedanākkhandho …pe… viññāṇakkhandho—

ds2.3.1:56.6ime dhammā maggādhipatino.

ds2.3.1:57.02.3.1.17. Uppannattika

ds2.3.1:57.1Katame dhammā uppannā?

ds2.3.1:57.2Ye dhammā jātā bhūtā sañjātā nibbattā abhinibbattā pātubhūtā uppannā samuppannā uṭṭhitā samuṭṭhitā uppannā uppannaṁsena saṅgahitā, rūpaṁ, vedanā, saññā, saṅkhārā, viññāṇaṁ—

ds2.3.1:57.3ime dhammā uppannā.

ds2.3.1:58.1Katame dhammā anuppannā?

ds2.3.1:58.2Ye dhammā ajātā abhūtā asañjātā anibbattā anabhinibbattā apātubhūtā anuppannā asamuppannā anuṭṭhitā asamuṭṭhitā anuppannā anuppannaṁsena saṅgahitā, rūpaṁ, vedanā, saññā, saṅkhārā, viññāṇaṁ—

ds2.3.1:58.3ime dhammā anuppannā.

ds2.3.1:59.1Katame dhammā uppādino?

ds2.3.1:59.2Kusalākusalānaṁ dhammānaṁ avipakkavipākānaṁ vipākā kāmāvacarā, rūpāvacarā, arūpāvacarā, apariyāpannā;

ds2.3.1:59.3vedanākkhandho …pe… viññāṇakkhandho;

ds2.3.1:59.4yañca rūpaṁ kammassa katattā uppajjissati—

ds2.3.1:59.5ime dhammā uppādino.

ds2.3.1:60.02.3.1.18. Atītattika

ds2.3.1:60.1Katame dhammā atītā?

ds2.3.1:60.2Ye dhammā atītā niruddhā vigatā vipariṇatā atthaṅgatā abbhatthaṅgatā uppajjitvā vigatā atītā atītaṁsena saṅgahitā, rūpaṁ, vedanā, saññā, saṅkhārā, viññāṇaṁ—

ds2.3.1:60.3ime dhammā atītā.

ds2.3.1:61.1Katame dhammā anāgatā?

ds2.3.1:61.2Ye dhammā ajātā abhūtā asañjātā anibbattā anabhinibbattā apātubhūtā anuppannā asamuppannā anuṭṭhitā asamuṭṭhitā anāgatā anāgataṁsena saṅgahitā, rūpaṁ, vedanā, saññā, saṅkhārā, viññāṇaṁ—

ds2.3.1:61.3ime dhammā anāgatā.

ds2.3.1:62.1Katame dhammā paccuppannā?

ds2.3.1:62.2Ye dhammā jātā bhūtā sañjātā nibbattā abhinibbattā pātubhūtā uppannā samuppannā uṭṭhitā samuṭṭhitā paccuppannā paccuppannaṁsena saṅgahitā, rūpaṁ, vedanā, saññā, saṅkhārā, viññāṇaṁ—

ds2.3.1:62.3ime dhammā paccuppannā.

ds2.3.1:63.02.3.1.19. Atītārammaṇattika

ds2.3.1:63.1Katame dhammā atītārammaṇā?

ds2.3.1:63.2Atīte dhamme ārabbha ye uppajjanti cittacetasikā dhammā—

ds2.3.1:63.3ime dhammā atītārammaṇā.

ds2.3.1:64.1Katame dhammā anāgatārammaṇā?

ds2.3.1:64.2Anāgate dhamme ārabbha ye uppajjanti cittacetasikā dhammā—

ds2.3.1:64.3ime dhammā anāgatārammaṇā.

ds2.3.1:65.1Katame dhammā paccuppannārammaṇā?

ds2.3.1:65.2Paccuppanne dhamme ārabbha ye uppajjanti cittacetasikā dhammā—

ds2.3.1:65.3ime dhammā paccuppannārammaṇā.

ds2.3.1:66.02.3.1.20. Ajjhattattika

ds2.3.1:66.1Katame dhammā ajjhattā?

ds2.3.1:66.2Ye dhammā tesaṁ tesaṁ sattānaṁ ajjhattaṁ paccattaṁ niyatā pāṭipuggalikā upādinnā, rūpaṁ, vedanā, saññā, saṅkhārā, viññāṇaṁ—

ds2.3.1:66.3ime dhammā ajjhattā.

ds2.3.1:67.1Katame dhammā bahiddhā?

ds2.3.1:67.2Ye dhammā tesaṁ tesaṁ parasattānaṁ parapuggalānaṁ ajjhattaṁ paccattaṁ niyatā pāṭipuggalikā upādinnā, rūpaṁ, vedanā, saññā, saṅkhārā, viññāṇaṁ—

ds2.3.1:67.3ime dhammā bahiddhā.

ds2.3.1:68.1Katame dhammā ajjhattabahiddhā?

ds2.3.1:68.2Tadubhayaṁ—

ds2.3.1:68.3ime dhammā ajjhattabahiddhā.

ds2.3.1:69.02.3.1.21. Ajjhattārammaṇattika

ds2.3.1:69.1Katame dhammā ajjhattārammaṇā?

ds2.3.1:69.2Ajjhatte dhamme ārabbha ye uppajjanti cittacetasikā dhammā—

ds2.3.1:69.3ime dhammā ajjhattārammaṇā.

ds2.3.1:70.1Katame dhammā bahiddhārammaṇā?

ds2.3.1:70.2Bahiddhā dhamme ārabbha ye uppajjanti cittacetasikā dhammā—

ds2.3.1:70.3ime dhammā bahiddhārammaṇā.

ds2.3.1:71.1Katame dhammā ajjhattabahiddhārammaṇā?

ds2.3.1:71.2Ajjhattabahiddhā dhamme ārabbha ye uppajjanti cittacetasikā dhammā—

ds2.3.1:71.3ime dhammā ajjhattabahiddhārammaṇā.

ds2.3.1:72.02.3.1.22. Sanidassanattika

ds2.3.1:72.1Katame dhammā sanidassanasappaṭighā?

ds2.3.1:72.2Rūpāyatanaṁ—

ds2.3.1:72.3ime dhammā sanidassanasappaṭighā.

ds2.3.1:73.1Katame dhammā anidassanasappaṭighā?

ds2.3.1:73.2Cakkhāyatanaṁ, sotāyatanaṁ, ghānāyatanaṁ, jivhāyatanaṁ, kāyāyatanaṁ, saddāyatanaṁ, gandhāyatanaṁ, rasāyatanaṁ, phoṭṭhabbāyatanaṁ—

ds2.3.1:73.3ime dhammā anidassanasappaṭighā.

ds2.3.1:74.1Katame dhammā anidassanaappaṭighā?

ds2.3.1:74.2Vedanākkhandho, saññākkhandho, saṅkhārakkhandho, viññāṇakkhandho;

ds2.3.1:74.3yañca rūpaṁ anidassanaṁ appaṭighaṁ dhammāyatanapariyāpannaṁ;

ds2.3.1:74.4asaṅkhatā ca dhātu—

ds2.3.1:74.5ime dhammā anidassanaappaṭighā.

ds2.3.1:74.6Tikaṁ.