Dhammasaṅgaṇī

ds2.3.2:0.1Dhammasaṅgaṇī

ds2.3.2:0.22 Niddesa

ds2.3.2:0.32.3 Nikkhepakaṇḍa

ds2.3.2:0.42.3.2. Dukanikkhepa

ds2.3.2:1.0.12.3.2.1. Hetugocchaka

ds2.3.2:1.0.22.3.2.1.1. Hetuduka

ds2.3.2:1.1Katame dhammā hetū?

ds2.3.2:1.2Tayo kusalahetū, tayo akusalahetū, tayo abyākatahetū, nava kāmāvacarahetū cha rūpāvacarahetū, cha arūpāvacarahetū, cha apariyāpannahetū.

ds2.3.2:2.1Tattha katame tayo kusalahetū?

ds2.3.2:2.2Alobho, adoso, amoho.

ds2.3.2:3.1Tattha katamo alobho?

ds2.3.2:3.2Yo alobho alubbhanā alubbhitattaṁ asārāgo asārajjanā asārajjitattaṁ anabhijjhā alobho kusalamūlaṁ—

ds2.3.2:3.3ayaṁ vuccati alobho.

ds2.3.2:4.1Tattha katamo adoso?

ds2.3.2:4.2Yo adoso adussanā adussitattaṁ metti mettāyanā mettāyitattaṁ anuddā anuddāyanā anudāyitattaṁ hitesitā anukampā abyāpādo abyāpajjo adoso kusalamūlaṁ—

ds2.3.2:4.3ayaṁ vuccati adoso.

ds2.3.2:5.1Tattha katamo amoho?

ds2.3.2:5.2Dukkhe ñāṇaṁ, dukkhasamudaye ñāṇaṁ, dukkhanirodhe ñāṇaṁ, dukkhanirodhagāminiyā paṭipadāya ñāṇaṁ, pubbante ñāṇaṁ, aparante ñāṇaṁ, pubbantāparante ñāṇaṁ, idappaccayatā paṭiccasamuppannesu dhammesu ñāṇaṁ, yā evarūpā paññā pajānanā vicayo pavicayo dhammavicayo sallakkhaṇā upalakkhaṇā paccupalakkhaṇā paṇḍiccaṁ kosallaṁ nepuññaṁ vebhabyā cintā upaparikkhā bhūrī medhā pariṇāyikā vipassanā sampajaññaṁ patodo paññā paññindriyaṁ paññābalaṁ paññāsatthaṁ paññāpāsādo paññāāloko paññāobhāso paññāpajjoto paññāratanaṁ amoho dhammavicayo sammādiṭṭhi—

ds2.3.2:5.3ayaṁ vuccati amoho.

ds2.3.2:6.1Ime tayo kusalahetū.

ds2.3.2:7.1Tattha katame tayo akusalahetū?

ds2.3.2:7.2Lobho, doso, moho.

ds2.3.2:8.1Tattha katamo lobho?

ds2.3.2:8.2Yo rāgo sārāgo anunayo anurodho nandī nandīrāgo cittassa sārāgo icchā mucchā ajjhosānaṁ gedho paligedho saṅgo paṅko ejā māyā janikā sañjananī sibbinī jālinī saritā visattikā suttaṁ visaṭā āyūhinī dutiyā paṇidhi bhavanetti vanaṁ vanatho santhavo sineho apekkhā paṭibandhu āsā āsisanā āsisitattaṁ rūpāsā saddāsā gandhāsā rasāsā phoṭṭhabbāsā lābhāsā dhanāsā puttāsā jīvitāsā jappā pajappā abhijappā jappā jappanā jappitattaṁ loluppaṁ loluppāyanā loluppāyitattaṁ pucchañjikatā sādhukamyatā adhammarāgo visamalobho nikanti nikāmanā patthanā pihanā sampatthanā kāmataṇhā bhavataṇhā vibhavataṇhā rūpataṇhā arūpataṇhā nirodhataṇhā rūpataṇhā saddataṇhā gandhataṇhā rasataṇhā phoṭṭhabbataṇhā dhammataṇhā ogho yogo gantho upādānaṁ āvaraṇaṁ nīvaraṇaṁ chādanaṁ bandhanaṁ upakkileso anusayo pariyuṭṭhānaṁ latā vevicchaṁ dukkhamūlaṁ dukkhanidānaṁ dukkhappabhavo mārapāso mārabaḷisaṁ māravisayo taṇhānadī taṇhājālaṁ taṇhāgaddulaṁ taṇhāsamuddo abhijjhā lobho akusalamūlaṁ—

ds2.3.2:8.3ayaṁ vuccati lobho.

ds2.3.2:9.1Tattha katamo doso?

ds2.3.2:9.2Anatthaṁ me acarīti āghāto jāyati, anatthaṁ me caratīti āghāto jāyati, anatthaṁ me carissatīti āghāto jāyati, piyassa me manāpassa anatthaṁ acari …pe… anatthaṁ carati …pe…

ds2.3.2:9.3anatthaṁ carissatīti āghāto jāyati, appiyassa me amanāpassa atthaṁ acari …pe…

ds2.3.2:9.4atthaṁ carati …pe…

ds2.3.2:9.5atthaṁ carissatīti āghāto jāyati, aṭṭhāne vā pana āghāto jāyati.

ds2.3.2:9.6Yo evarūpo cittassa āghāto paṭighāto paṭighaṁ paṭivirodho kopo pakopo sampakopo doso padoso sampadoso cittassa byāpatti manopadoso kodho kujjhanā kujjhitattaṁ doso dussanā dussitattaṁ byāpatti byāpajjanā byāpajjitattaṁ virodho paṭivirodho caṇḍikkaṁ asuropo anattamanatā cittassa—

ds2.3.2:9.7ayaṁ vuccati doso.

ds2.3.2:10.1Tattha katamo moho?

ds2.3.2:10.2Dukkhe aññāṇaṁ, dukkhasamudaye aññāṇaṁ, dukkhanirodhe aññāṇaṁ, dukkhanirodhagāminiyā paṭipadāya aññāṇaṁ, pubbante aññāṇaṁ, aparante aññāṇaṁ, pubbantāparante aññāṇaṁ, idappaccayatā paṭiccasamuppannesu dhammesu aññāṇaṁ, yaṁ evarūpaṁ aññāṇaṁ adassanaṁ anabhisamayo ananubodho asambodho appaṭivedho asaṅgāhanā apariyogāhanā asamapekkhanā apaccavekkhaṇā apaccakkhakammaṁ dummejjhaṁ bālyaṁ asampajaññaṁ moho pamoho sammoho avijjā avijjogho avijjāyogo avijjānusayo avijjāpariyuṭṭhānaṁ avijjālaṅgī moho akusalamūlaṁ—

ds2.3.2:10.3ayaṁ vuccati moho.

ds2.3.2:11.1Ime tayo akusalahetū.

ds2.3.2:12.1Tattha katame tayo abyākatahetū?

ds2.3.2:12.2Kusalānaṁ vā dhammānaṁ vipākato kiriyābyākatesu vā dhammesu alobho adoso amoho—

ds2.3.2:12.3ime tayo abyākatahetū.

ds2.3.2:13.1Tattha katame nava kāmāvacarahetū?

ds2.3.2:13.2Tayo kusalahetū, tayo akusalahetū, tayo abyākatahetū—

ds2.3.2:13.3ime nava kāmāvacarahetū.

ds2.3.2:14.1Tattha katame cha rūpāvacarahetū?

ds2.3.2:14.2Tayo kusalahetū, tayo abyākatahetū—

ds2.3.2:14.3ime cha rūpāvacarahetū.

ds2.3.2:15.1Tattha katame cha arūpāvacarahetū?

ds2.3.2:15.2Tayo kusalahetū, tayo abyākatahetū—

ds2.3.2:15.3ime cha arūpāvacarahetū.

ds2.3.2:16.1Tattha katame cha apariyāpannahetū?

ds2.3.2:16.2Tayo kusalahetū, tayo abyākatahetū—

ds2.3.2:16.3ime cha apariyāpannahetū.

ds2.3.2:17.1Tattha katame tayo kusalahetū?

ds2.3.2:17.2Alobho, adoso, amoho.

ds2.3.2:18.1Tattha katamo alobho?

ds2.3.2:18.2Yo alobho alubbhanā alubbhitattaṁ asārāgo asārajjanā asārajjitattaṁ anabhijjhā alobho kusalamūlaṁ—

ds2.3.2:18.3ayaṁ vuccati alobho.

ds2.3.2:19.1Tattha katamo adoso?

ds2.3.2:19.2Yo adoso adussanā adussitattaṁ …pe… abyāpādo abyāpajjo adoso kusalamūlaṁ—

ds2.3.2:19.3ayaṁ vuccati adoso.

ds2.3.2:20.1Tattha katamo amoho?

ds2.3.2:20.2Dukkhe ñāṇaṁ, dukkhasamudaye ñāṇaṁ, dukkhanirodhe ñāṇaṁ, dukkhanirodhagāminiyā paṭipadāya ñāṇaṁ, pubbante ñāṇaṁ, aparante ñāṇaṁ, pubbantāparante ñāṇaṁ, idappaccayatā paṭiccasamuppannesu dhammesu ñāṇaṁ, yā evarūpā paññā pajānanā vicayo pavicayo dhammavicayo sallakkhaṇā upalakkhaṇā paccupalakkhaṇā paṇḍiccaṁ kosallaṁ nepuññaṁ vebhabyā cintā upaparikkhā bhūrī medhā pariṇāyikā vipassanā sampajaññaṁ patodo paññā paññindriyaṁ paññābalaṁ paññāsatthaṁ paññāpāsādo paññāāloko paññāobhāso paññāpajjoto paññāratanaṁ amoho dhammavicayo sammādiṭṭhi dhammavicayasambojjhaṅgo maggaṅgaṁ maggapariyāpannaṁ—

ds2.3.2:20.3ayaṁ vuccati amoho.

ds2.3.2:21.1Ime tayo kusalahetū.

ds2.3.2:22.1Tattha katame tayo abyākatahetū?

ds2.3.2:22.2Kusalānaṁ dhammānaṁ vipākato alobho adoso amoho—

ds2.3.2:22.3ime tayo abyākatahetū.

ds2.3.2:22.4Ime cha apariyāpannahetū—

ds2.3.2:22.5ime dhammā hetū.

ds2.3.2:23.1Katame dhammā na hetū?

ds2.3.2:23.2Te dhamme ṭhapetvā, avasesā kusalākusalābyākatā dhammā kāmāvacarā, rūpāvacarā, arūpāvacarā, apariyāpannā;

ds2.3.2:23.3vedanākkhandho …pe… viññāṇakkhandho;

ds2.3.2:23.4sabbañca rūpaṁ, asaṅkhatā ca dhātu—

ds2.3.2:23.5ime dhammā na hetū.

ds2.3.2:24.02.3.2.1.2. Sahetukaduka

ds2.3.2:24.1Katame dhammā sahetukā?

ds2.3.2:24.2Tehi dhammehi ye dhammā sahetukā vedanākkhandho …pe… viññāṇakkhandho—

ds2.3.2:24.3ime dhammā sahetukā.

ds2.3.2:25.1Katame dhammā ahetukā?

ds2.3.2:25.2Tehi dhammehi ye dhammā ahetukā vedanākkhandho …pe… viññāṇakkhandho, sabbañca rūpaṁ, asaṅkhatā ca dhātu—

ds2.3.2:25.3ime dhammā ahetukā.

ds2.3.2:26.02.3.2.1.3. Hetusampayuttaduka

ds2.3.2:26.1Katame dhammā hetusampayuttā?

ds2.3.2:26.2Tehi dhammehi ye dhammā sampayuttā vedanākkhandho …pe… viññāṇakkhandho—

ds2.3.2:26.3ime dhammā hetusampayuttā.

ds2.3.2:27.1Katame dhammā hetuvippayuttā?

ds2.3.2:27.2Tehi dhammehi ye dhammā vippayuttā vedanākkhandho …pe… viññāṇakkhandho, sabbañca rūpaṁ, asaṅkhatā ca dhātu—

ds2.3.2:27.3ime dhammā hetuvippayuttā.

ds2.3.2:28.02.3.2.1.4. Hetusahetukaduka

ds2.3.2:28.1Katame dhammā hetū ceva sahetukā ca?

ds2.3.2:28.2Lobho mohena hetu ceva sahetuko ca, moho lobhena hetu ceva sahetuko ca, doso mohena hetu ceva sahetuko ca, moho dosena hetu ceva sahetuko ca;

ds2.3.2:28.3alobho adoso amoho, te aññamaññaṁ hetū ceva sahetukā ca—

ds2.3.2:28.4ime dhammā hetū ceva sahetukā ca.

ds2.3.2:29.1Katame dhammā sahetukā ceva na ca hetū?

ds2.3.2:29.2Tehi dhammehi ye dhammā sahetukā te dhamme ṭhapetvā, vedanākkhandho …pe… viññāṇakkhandho—

ds2.3.2:29.3ime dhammā sahetukā ceva na ca hetū.

ds2.3.2:30.02.3.2.1.5. Hetuhetusampayuttaduka

ds2.3.2:30.1Katame dhammā hetū ceva hetusampayuttā ca?

ds2.3.2:30.2Lobho mohena hetu ceva hetusampayutto ca, moho lobhena hetu ceva hetusampayutto ca, doso mohena hetu ceva hetusampayutto ca, moho dosena hetu ceva hetusampayutto ca;

ds2.3.2:30.3alobho adoso amoho, te aññamaññaṁ hetū ceva hetusampayuttā ca—

ds2.3.2:30.4ime dhammā hetū ceva hetusampayuttā ca.

ds2.3.2:31.1Katame dhammā hetusampayuttā ceva na ca hetū?

ds2.3.2:31.2Tehi dhammehi ye dhammā sampayuttā te dhamme ṭhapetvā, vedanākkhandho …pe… viññāṇakkhandho—

ds2.3.2:31.3ime dhammā hetusampayuttā ceva na ca hetū.

ds2.3.2:32.02.3.2.1.6. Nahetusahetukaduka

ds2.3.2:32.1Katame dhammā na hetū sahetukā?

ds2.3.2:32.2Tehi dhammehi ye dhammā na hetū sahetukā vedanākkhandho …pe… viññāṇakkhandho—

ds2.3.2:32.3ime dhammā na hetū sahetukā.

ds2.3.2:33.1Katame dhammā na hetū ahetukā?

ds2.3.2:33.2Tehi dhammehi ye dhammā na hetū ahetukā vedanākkhandho …pe… viññāṇakkhandho, sabbañca rūpaṁ, asaṅkhatā ca dhātu—

ds2.3.2:33.3ime dhammā na hetū ahetukā.

ds2.3.2:34.0.12.3.2.2. Cūḷantaraduka

ds2.3.2:34.0.22.3.2.2.1. Sappaccayaduka

ds2.3.2:34.1Katame dhammā sappaccayā?

ds2.3.2:34.2Pañcakkhandhā—

ds2.3.2:34.3rūpakkhandho, vedanākkhandho, saññākkhandho, saṅkhārakkhandho, viññāṇakkhandho—

ds2.3.2:34.4ime dhammā sappaccayā.

ds2.3.2:35.1Katame dhammā appaccayā?

ds2.3.2:35.2Asaṅkhatā dhātu—

ds2.3.2:35.3ime dhammā appaccayā.

ds2.3.2:36.02.3.2.2.2. Saṅkhataduka

ds2.3.2:36.1Katame dhammā saṅkhatā?

ds2.3.2:36.2Yeva te dhammā sappaccayā, teva te dhammā saṅkhatā.

ds2.3.2:37.1Katame dhammā asaṅkhatā?

ds2.3.2:37.2Yo eva so dhammo appaccayo, so eva so dhammo asaṅkhato.

ds2.3.2:38.02.3.2.2.3. Sanidassanaduka

ds2.3.2:38.1Katame dhammā sanidassanā?

ds2.3.2:38.2Rūpāyatanaṁ—

ds2.3.2:38.3ime dhammā sanidassanā.

ds2.3.2:39.1Katame dhammā anidassanā?

ds2.3.2:39.2Cakkhāyatanaṁ …pe… phoṭṭhabbāyatanaṁ, vedanākkhandho …pe… viññāṇakkhandho, yañca rūpaṁ anidassanaṁ appaṭighaṁ dhammāyatanapariyāpannaṁ, asaṅkhatā ca dhātu—

ds2.3.2:39.3ime dhammā anidassanā.

ds2.3.2:40.02.3.2.2.4. Sappaṭighaduka

ds2.3.2:40.1Katame dhammā sappaṭighā?

ds2.3.2:40.2Cakkhāyatanaṁ …pe… phoṭṭhabbāyatanaṁ—

ds2.3.2:40.3ime dhammā sappaṭighā.

ds2.3.2:41.1Katame dhammā appaṭighā?

ds2.3.2:41.2Vedanākkhandho …pe… viññāṇakkhandho, yañca rūpaṁ anidassanaṁ appaṭighaṁ dhammāyatanapariyāpannaṁ, asaṅkhatā ca dhātu—

ds2.3.2:41.3ime dhammā appaṭighā.

ds2.3.2:42.02.3.2.2.5. Rūpīduka

ds2.3.2:42.1Katame dhammā rūpino?

ds2.3.2:42.2Cattāro ca mahābhūtā catunnañca mahābhūtānaṁ upādāya rūpaṁ—

ds2.3.2:42.3ime dhammā rūpino.

ds2.3.2:43.1Katame dhammā arūpino?

ds2.3.2:43.2Vedanākkhandho …pe… viññāṇakkhandho, asaṅkhatā ca dhātu—

ds2.3.2:43.3ime dhammā arūpino.

ds2.3.2:44.02.3.2.2.6. Lokiyaduka

ds2.3.2:44.1Katame dhammā lokiyā?

ds2.3.2:44.2Sāsavā kusalākusalābyākatā dhammā kāmāvacarā, rūpāvacarā, arūpāvacarā, rūpakkhandho …pe… viññāṇakkhandho—

ds2.3.2:44.3ime dhammā lokiyā.

ds2.3.2:45.1Katame dhammā lokuttarā?

ds2.3.2:45.2Apariyāpannā maggā ca, maggaphalāni ca, asaṅkhatā ca dhātu—

ds2.3.2:45.3ime dhammā lokuttarā.

ds2.3.2:46.02.3.2.2.7. Kenaciviññeyyaduka

ds2.3.2:46.1Katame dhammā kenaci viññeyyā, kenaci na viññeyyā?

ds2.3.2:47.1Ye te dhammā cakkhuviññeyyā, na te dhammā sotaviññeyyā;

ds2.3.2:47.2ye vā pana te dhammā sotaviññeyyā, na te dhammā cakkhuviññeyyā.

ds2.3.2:48.1Ye te dhammā cakkhuviññeyyā, na te dhammā ghānaviññeyyā;

ds2.3.2:48.2ye vā pana te dhammā ghānaviññeyyā, na te dhammā cakkhuviññeyyā.

ds2.3.2:49.1Ye te dhammā cakkhuviññeyyā, na te dhammā jivhāviññeyyā;

ds2.3.2:49.2ye vā pana te dhammā jivhāviññeyyā, na te dhammā cakkhuviññeyyā.

ds2.3.2:50.1Ye te dhammā cakkhuviññeyyā, na te dhammā kāyaviññeyyā;

ds2.3.2:50.2ye vā pana te dhammā kāyaviññeyyā, na te dhammā cakkhuviññeyyā.

ds2.3.2:51.1Ye te dhammā sotaviññeyyā, na te dhammā ghānaviññeyyā;

ds2.3.2:51.2ye vā pana te dhammā ghānaviññeyyā, na te dhammā sotaviññeyyā.

ds2.3.2:52.1Ye te dhammā sotaviññeyyā, na te dhammā jivhāviññeyyā;

ds2.3.2:52.2ye vā pana te dhammā jivhāviññeyyā, na te dhammā sotaviññeyyā.

ds2.3.2:53.1Ye te dhammā sotaviññeyyā, na te dhammā kāyaviññeyyā;

ds2.3.2:53.2ye vā pana te dhammā kāyaviññeyyā na te dhammā sotaviññeyyā.

ds2.3.2:54.1Ye te dhammā sotaviññeyyā, na te dhammā cakkhuviññeyyā;

ds2.3.2:54.2ye vā pana te dhammā cakkhuviññeyyā, na te dhammā sotaviññeyyā.

ds2.3.2:55.1Ye te dhammā ghānaviññeyyā, na te dhammā jivhāviññeyyā;

ds2.3.2:55.2ye vā pana te dhammā jivhāviññeyyā, na te dhammā ghānaviññeyyā.

ds2.3.2:56.1Ye te dhammā ghānaviññeyyā, na te dhammā kāyaviññeyyā;

ds2.3.2:56.2ye vā pana te dhammā kāyaviññeyyā, na te dhammā ghānaviññeyyā.

ds2.3.2:57.1Ye te dhammā ghānaviññeyyā, na te dhammā cakkhuviññeyyā;

ds2.3.2:57.2ye vā pana te dhammā cakkhuviññeyyā, na te dhammā ghānaviññeyyā.

ds2.3.2:58.1Ye te dhammā ghānaviññeyyā, na te dhammā sotaviññeyyā;

ds2.3.2:58.2ye vā pana te dhammā sotaviññeyyā, na te dhammā ghānaviññeyyā.

ds2.3.2:59.1Ye te dhammā jivhāviññeyyā, na te dhammā kāyaviññeyyā;

ds2.3.2:59.2ye vā pana te dhammā kāyaviññeyyā, na te dhammā jivhāviññeyyā.

ds2.3.2:60.1Ye te dhammā jivhāviññeyyā, na te dhammā cakkhuviññeyyā;

ds2.3.2:60.2ye vā pana te dhammā cakkhuviññeyyā, na te dhammā jivhāviññeyyā.

ds2.3.2:61.1Ye te dhammā jivhāviññeyyā, na te dhammā sotaviññeyyā;

ds2.3.2:61.2ye vā pana te dhammā sotaviññeyyā, na te dhammā jivhāviññeyyā.

ds2.3.2:62.1Ye te dhammā jivhāviññeyyā, na te dhammā ghānaviññeyyā;

ds2.3.2:62.2ye vā pana te dhammā ghānaviññeyyā, na te dhammā jivhāviññeyyā.

ds2.3.2:63.1Ye te dhammā kāyaviññeyyā, na te dhammā cakkhuviññeyyā;

ds2.3.2:63.2ye vā pana te dhammā cakkhuviññeyyā, na te dhammā kāyaviññeyyā.

ds2.3.2:64.1Ye te dhammā kāyaviññeyyā, na te dhammā sotaviññeyyā;

ds2.3.2:64.2ye vā pana te dhammā sotaviññeyyā, na te dhammā kāyaviññeyyā.

ds2.3.2:65.1Ye te dhammā kāyaviññeyyā, na te dhammā ghānaviññeyyā;

ds2.3.2:65.2ye vā pana te dhammā ghānaviññeyyā, na te dhammā kāyaviññeyyā.

ds2.3.2:66.1Ye te dhammā kāyaviññeyyā, na te dhammā jivhāviññeyyā;

ds2.3.2:66.2ye vā pana te dhammā jivhāviññeyyā, na te dhammā kāyaviññeyyā.

ds2.3.2:67.1Ime dhammā kenaci viññeyyā kenaci na viññeyyā.

ds2.3.2:68.0.12.3.2.3. Āsavagocchaka

ds2.3.2:68.0.22.3.2.3.1. Āsavaduka

ds2.3.2:68.1Katame dhammā āsavā?

ds2.3.2:68.2Cattāro āsavā—

ds2.3.2:68.3kāmāsavo, bhavāsavo, diṭṭhāsavo, avijjāsavo.

ds2.3.2:69.1Tattha katamo kāmāsavo?

ds2.3.2:69.2Yo kāmesu kāmacchando kāmarāgo kāmanandī kāmataṇhā kāmasineho kāmapariḷāho kāmamucchā kāmajjhosānaṁ—

ds2.3.2:69.3ayaṁ vuccati kāmāsavo.

ds2.3.2:70.1Tattha katamo bhavāsavo?

ds2.3.2:70.2Yo bhavesu bhavachando bhavarāgo bhavanandī bhavataṇhā bhavasineho bhavapariḷāho bhavamucchā bhavajjhosānaṁ—

ds2.3.2:70.3ayaṁ vuccati bhavāsavo.

ds2.3.2:71.1Tattha katamo diṭṭhāsavo?

ds2.3.2:71.2Sassato lokoti vā, asassato lokoti vā, antavā lokoti vā, anantavā lokoti vā, taṁ jīvaṁ taṁ sarīranti vā, aññaṁ jīvaṁ aññaṁ sarīranti vā, hoti tathāgato paraṁ maraṇāti vā, na hoti tathāgato paraṁ maraṇāti vā, hoti ca na ca hoti tathāgato paraṁ maraṇāti vā, neva hoti na na hoti tathāgato paraṁ maraṇāti vā;

ds2.3.2:71.3yā evarūpā diṭṭhi diṭṭhigataṁ diṭṭhigahanaṁ diṭṭhikantāro diṭṭhivisūkāyikaṁ diṭṭhivipphanditaṁ diṭṭhisaññojanaṁ gāho paṭiggāho abhiniveso parāmāso kummaggo micchāpatho micchattaṁ titthāyatanaṁ vipariyāsaggāho—

ds2.3.2:71.4ayaṁ vuccati diṭṭhāsavo.

ds2.3.2:71.5Sabbāpi micchādiṭṭhi diṭṭhāsavo.

ds2.3.2:72.1Tattha katamo avijjāsavo?

ds2.3.2:72.2Dukkhe aññāṇaṁ, dukkhasamudaye aññāṇaṁ, dukkhanirodhe aññāṇaṁ, dukkhanirodhagāminiyā paṭipadāya aññāṇaṁ, pubbante aññāṇaṁ, aparante aññāṇaṁ, pubbantāparante aññāṇaṁ, idappaccayatā paṭiccasamuppannesu dhammesu aññāṇaṁ;

ds2.3.2:72.3yaṁ evarūpaṁ aññāṇaṁ adassanaṁ anabhisamayo ananubodho asambodho appaṭivedho asaṅgāhanā apariyogāhanā asamapekkhanā apaccavekkhaṇā apaccakkhakammaṁ dummejjhaṁ bālyaṁ asampajaññaṁ moho pamoho sammoho avijjā avijjogho avijjāyogo avijjānusayo avijjāpariyuṭṭhānaṁ avijjālaṅgī moho akusalamūlaṁ—

ds2.3.2:72.4ayaṁ vuccati avijjāsavo.

ds2.3.2:73.1Ime dhammā āsavā.

ds2.3.2:74.1Katame dhammā no āsavā?

ds2.3.2:74.2Te dhamme ṭhapetvā avasesā kusalākusalābyākatā dhammā kāmāvacarā, rūpāvacarā, arūpāvacarā, apariyāpannā vedanākkhandho …pe… viññāṇakkhandho;

ds2.3.2:74.3sabbañca rūpaṁ asaṅkhatā ca dhātu—

ds2.3.2:74.4ime dhammā no āsavā.

ds2.3.2:75.02.3.2.3.2. Sāsavaduka

ds2.3.2:75.1Katame dhammā sāsavā?

ds2.3.2:75.2Kusalākusalābyākatā dhammā kāmāvacarā, rūpāvacarā, arūpāvacarā;

ds2.3.2:75.3rūpakkhandho …pe… viññāṇakkhandho—

ds2.3.2:75.4ime dhammā sāsavā.

ds2.3.2:76.1Katame dhammā anāsavā?

ds2.3.2:76.2Apariyāpannā maggā ca maggaphalāni ca, asaṅkhatā ca dhātu—

ds2.3.2:76.3ime dhammā anāsavā.

ds2.3.2:77.02.3.2.3.3. Āsavasampayuttaduka

ds2.3.2:77.1Katame dhammā āsavasampayuttā?

ds2.3.2:77.2Tehi dhammehi ye dhammā sampayuttā vedanākkhandho …pe… viññāṇakkhandho—

ds2.3.2:77.3ime dhammā āsavasampayuttā.

ds2.3.2:78.1Katame dhammā āsavavippayuttā?

ds2.3.2:78.2Tehi dhammehi ye dhammā vippayuttā vedanākkhandho …pe… viññāṇakkhandho;

ds2.3.2:78.3sabbañca rūpaṁ, asaṅkhatā ca dhātu—

ds2.3.2:78.4ime dhammā āsavavippayuttā.

ds2.3.2:79.02.3.2.3.4. Āsavasāsavaduka

ds2.3.2:79.1Katame dhammā āsavā ceva sāsavā ca?

ds2.3.2:79.2Teyeva āsavā āsavā ceva sāsavā ca.

ds2.3.2:80.1Katame dhammā sāsavā ceva no ca āsavā?

ds2.3.2:80.2Tehi dhammehi ye dhammā sāsavā, te dhamme ṭhapetvā avasesā sāsavā kusalākusalābyākatā dhammā kāmāvacarā, rūpāvacarā, arūpāvacarā;

ds2.3.2:80.3rūpakkhandho …pe… viññāṇakkhandho—

ds2.3.2:80.4ime dhammā sāsavā ceva no ca āsavā.

ds2.3.2:81.02.3.2.3.5. Āsavaāsavasampayuttaduka

ds2.3.2:81.1Katame dhammā āsavā ceva āsavasampayuttā ca?

ds2.3.2:81.2Kāmāsavo avijjāsavena āsavo ceva āsavasampayutto ca, avijjāsavo kāmāsavena āsavo ceva āsavasampayutto ca, bhavāsavo avijjāsavena āsavo ceva āsavasampayutto ca, avijjāsavo bhavāsavena āsavo ceva āsavasampayutto ca, diṭṭhāsavo avijjāsavena āsavo ceva āsavasampayutto ca, avijjāsavo diṭṭhāsavena āsavo ceva āsavasampayutto ca—

ds2.3.2:81.3ime dhammā āsavā ceva āsavasampayuttā ca.

ds2.3.2:82.1Katame dhammā āsavasampayuttā ceva no ca āsavā?

ds2.3.2:82.2Tehi dhammehi ye dhammā sampayuttā, te dhamme ṭhapetvā vedanākkhandho …pe… viññāṇakkhandho—

ds2.3.2:82.3ime dhammā āsavasampayuttā ceva no ca āsavā.

ds2.3.2:83.02.3.2.3.6. Āsavavippayuttasāsavaduka

ds2.3.2:83.1Katame dhammā āsavavippayuttā sāsavā?

ds2.3.2:83.2Tehi dhammehi ye dhammā vippayuttā sāsavā kusalākusalābyākatā dhammā kāmāvacarā, rūpāvacarā, arūpāvacarā, rūpakkhandho …pe… viññāṇakkhandho—

ds2.3.2:83.3ime dhammā āsavavippayuttā sāsavā.

ds2.3.2:84.1Katame dhammā āsavavippayuttā anāsavā?

ds2.3.2:84.2Apariyāpannā maggā ca, maggaphalāni ca, asaṅkhatā ca dhātu—

ds2.3.2:84.3ime dhammā āsavavippayuttā anāsavā.

ds2.3.2:84.4Nikkhepakaṇḍe paṭhamabhāṇavāro.

ds2.3.2:85.0.12.3.2.4. Saññojanagocchaka

ds2.3.2:85.0.22.3.2.4.1. Saññojanaduka

ds2.3.2:85.1Katame dhammā saññojanā?

ds2.3.2:85.2Dasa saññojanāni—

ds2.3.2:85.3kāmarāgasaññojanaṁ, paṭighasaññojanaṁ, mānasaññojanaṁ, diṭṭhisaññojanaṁ, vicikicchāsaññojanaṁ, sīlabbataparāmāsasaññojanaṁ, bhavarāgasaññojanaṁ, issāsaññojanaṁ, macchariyasaññojanaṁ, avijjāsaññojanaṁ.

ds2.3.2:86.1Tattha katamaṁ kāmarāgasaññojanaṁ?

ds2.3.2:86.2Yo kāmesu kāmacchando kāmarāgo kāmanandī kāmataṇhā kāmasineho kāmapariḷāho kāmamucchā kāmajjhosānaṁ—

ds2.3.2:86.3idaṁ vuccati kāmarāgasaññojanaṁ.

ds2.3.2:87.1Tattha katamaṁ paṭighasaññojanaṁ?

ds2.3.2:87.2Anatthaṁ me acarīti āghāto jāyati, anatthaṁ me caratīti āghāto jāyati, anatthaṁ me carissatīti āghāto jāyati, piyassa me manāpassa anatthaṁ acari …pe… anatthaṁ carati …pe…

ds2.3.2:87.3anatthaṁ carissatīti āghāto jāyati, appiyassa me amanāpassa atthaṁ acari …pe…

ds2.3.2:87.4atthaṁ carati …pe…

ds2.3.2:87.5atthaṁ carissatīti āghāto jāyati, aṭṭhāne vā pana āghāto jāyati.

ds2.3.2:87.6Yo evarūpo cittassa āghāto paṭighāto paṭighaṁ paṭivirodho kopo pakopo sampakopo doso padoso sampadoso cittassa byāpatti manopadoso kodho kujjhanā kujjhitattaṁ doso dussanā dussitattaṁ byāpatti byāpajjanā byāpajjitattaṁ virodho paṭivirodho caṇḍikkaṁ asuropo anattamanatā cittassa—

ds2.3.2:87.7idaṁ vuccati paṭighasaññojanaṁ.

ds2.3.2:88.1Tattha katamaṁ mānasaññojanaṁ?

ds2.3.2:88.2Seyyohamasmīti māno, sadisohamasmīti māno, hīnohamasmīti māno.

ds2.3.2:88.3Yo evarūpo māno maññanā maññitattaṁ unnati unnamo dhajo sampaggāho ketukamyatā cittassa—

ds2.3.2:88.4idaṁ vuccati mānasaññojanaṁ.

ds2.3.2:89.1Tattha katamaṁ diṭṭhisaññojanaṁ?

ds2.3.2:89.2Sassato lokoti vā, asassato lokoti vā, antavā lokoti vā, anantavā lokoti vā, taṁ jīvaṁ taṁ sarīranti vā, aññaṁ jīvaṁ aññaṁ sarīranti vā, hoti tathāgato paraṁ maraṇāti vā, na hoti tathāgato paraṁ maraṇāti vā, hoti ca na ca hoti tathāgato paraṁ maraṇāti vā, neva hoti na na hoti tathāgato paraṁ maraṇāti vā;

ds2.3.2:89.3yā evarūpā diṭṭhi diṭṭhigataṁ diṭṭhigahanaṁ diṭṭhikantāro diṭṭhivisūkāyikaṁ diṭṭhivipphanditaṁ diṭṭhisaññojanaṁ gāho patiṭṭhāho abhiniveso parāmāso kummaggo micchāpatho micchattaṁ titthāyatanaṁ vipariyāsaggāho—

ds2.3.2:89.4idaṁ vuccati diṭṭhisaññojanaṁ.

ds2.3.2:89.5Ṭhapetvā sīlabbataparāmāsasaññojanaṁ sabbāpi micchādiṭṭhi diṭṭhisaññojanaṁ.

ds2.3.2:90.1Tattha katamaṁ vicikicchāsaññojanaṁ?

ds2.3.2:90.2Satthari kaṅkhati vicikicchati, dhamme kaṅkhati vicikicchati, saṅghe kaṅkhati vicikicchati, sikkhāya kaṅkhati vicikicchati, pubbante kaṅkhati vicikicchati, aparante kaṅkhati vicikicchati, pubbantāparante kaṅkhati vicikicchati, idappaccayatā paṭiccasamuppannesu dhammesu kaṅkhati vicikicchati;

ds2.3.2:90.3yā evarūpā kaṅkhā kaṅkhāyanā kaṅkhāyitattaṁ vimati vicikicchā dveḷhakaṁ dvedhāpatho saṁsayo anekaṁsaggāho āsappanā parisappanā apariyogāhanā thambhitattaṁ cittassa manovilekho—

ds2.3.2:90.4idaṁ vuccati vicikicchāsaññojanaṁ.

ds2.3.2:91.1Tattha katamaṁ sīlabbataparāmāsasaññojanaṁ?

ds2.3.2:91.2Ito bahiddhā samaṇabrāhmaṇānaṁ sīlena suddhi vatena suddhi sīlabbatena suddhīti;

ds2.3.2:91.3yā evarūpā diṭṭhi diṭṭhigataṁ diṭṭhigahanaṁ diṭṭhikantāro diṭṭhivisūkāyikaṁ diṭṭhivipphanditaṁ diṭṭhisaññojanaṁ gāho patiṭṭhāho abhiniveso parāmāso kummaggo micchāpatho micchattaṁ titthāyatanaṁ vipariyāsaggāho—

ds2.3.2:91.4idaṁ vuccati sīlabbataparāmāsasaññojanaṁ.

ds2.3.2:92.1Tattha katamaṁ bhavarāgasaññojanaṁ?

ds2.3.2:92.2Yo bhavesu bhavachando bhavarāgo bhavanandī bhavataṇhā bhavasineho bhavapariḷāho bhavamucchā bhavajjhosānaṁ—

ds2.3.2:92.3idaṁ vuccati bhavarāgasaññojanaṁ.

ds2.3.2:93.1Tattha katamaṁ issāsaññojanaṁ?

ds2.3.2:93.2Yā paralābhasakkāragarukāramānanavandanapūjanāsu issā issāyanā issāyitattaṁ usūyā usūyanā usūyitattaṁ—

ds2.3.2:93.3idaṁ vuccati issāsaññojanaṁ.

ds2.3.2:94.1Tattha katamaṁ macchariyasaññojanaṁ?

ds2.3.2:94.2Pañca macchariyāni—

ds2.3.2:94.3āvāsamacchariyaṁ, kulamacchariyaṁ, lābhamacchariyaṁ, vaṇṇamacchariyaṁ, dhammamacchariyaṁ.

ds2.3.2:94.4Yaṁ evarūpaṁ maccheraṁ maccharāyanā maccharāyitattaṁ vevicchaṁ kadariyaṁ kaṭukañcukatā aggahitattaṁ cittassa—

ds2.3.2:94.5idaṁ vuccati macchariyasaññojanaṁ.

ds2.3.2:95.1Tattha katamaṁ avijjāsaññojanaṁ?

ds2.3.2:95.2Dukkhe aññāṇaṁ, dukkhasamudaye aññāṇaṁ, dukkhanirodhe aññāṇaṁ, dukkhanirodhagāminiyā paṭipadāya aññāṇaṁ, pubbante aññāṇaṁ, aparante aññāṇaṁ, pubbantāparante aññāṇaṁ, idappaccayatā paṭiccasamuppannesu dhammesu aññāṇaṁ;

ds2.3.2:95.3yaṁ evarūpaṁ aññāṇaṁ adassanaṁ anabhisamayo ananubodho asambodho appaṭivedho asaṅgāhanā apariyogāhanā asamapekkhanā apaccavekkhaṇā apaccakkhakammaṁ dummejjhaṁ bālyaṁ asampajaññaṁ moho pamoho sammoho avijjā avijjogho avijjāyogo avijjānusayo avijjāpariyuṭṭhānaṁ avijjālaṅgī moho akusalamūlaṁ—

ds2.3.2:95.4idaṁ vuccati avijjāsaññojanaṁ.

ds2.3.2:96.1Ime dhammā saññojanā.

ds2.3.2:97.1Katame dhammā no saññojanā?

ds2.3.2:97.2Te dhamme ṭhapetvā avasesā kusalākusalābyākatā dhammā kāmāvacarā, rūpāvacarā, arūpāvacarā, apariyāpannā;

ds2.3.2:97.3vedanākkhandho …pe… viññāṇakkhandho;

ds2.3.2:97.4sabbañca rūpaṁ, asaṅkhatā ca dhātu—

ds2.3.2:97.5ime dhammā no saññojanā.

ds2.3.2:98.02.3.2.4.2. Saññojaniyaduka

ds2.3.2:98.1Katame dhammā saññojaniyā?

ds2.3.2:98.2Sāsavā kusalākusalābyākatā dhammā kāmāvacarā, rūpāvacarā, arūpāvacarā;

ds2.3.2:98.3rūpakkhandho …pe… viññāṇakkhandho—

ds2.3.2:98.4ime dhammā saññojaniyā.

ds2.3.2:99.1Katame dhammā asaññojaniyā?

ds2.3.2:99.2Apariyāpannā maggā ca, maggaphalāni ca, asaṅkhatā ca dhātu—

ds2.3.2:99.3ime dhammā asaññojaniyā.

ds2.3.2:100.02.3.2.4.3. Saññojanasampayuttaduka

ds2.3.2:100.1Katame dhammā saññojanasampayuttā?

ds2.3.2:100.2Tehi dhammehi ye dhammā sampayuttā vedanākkhandho …pe… viññāṇakkhandho—

ds2.3.2:100.3ime dhammā saññojanasampayuttā.

ds2.3.2:101.1Katame dhammā saññojanavippayuttā?

ds2.3.2:101.2Tehi dhammehi ye dhammā vippayuttā vedanākkhandho …pe… viññāṇakkhandho;

ds2.3.2:101.3sabbañca rūpaṁ, asaṅkhatā ca dhātu—

ds2.3.2:101.4ime dhammā saññojanavippayuttā.

ds2.3.2:102.02.3.2.4.4. Saññojanasaññojaniyaduka

ds2.3.2:102.1Katame dhammā saññojanā ceva saññojaniyā ca?

ds2.3.2:102.2Tāneva saññojanāni saññojanā ceva saññojaniyā ca.

ds2.3.2:103.1Katame dhammā saññojaniyā ceva no ca saññojanā?

ds2.3.2:103.2Tehi dhammehi ye dhammā saññojaniyā, te dhamme ṭhapetvā avasesā sāsavā kusalākusalābyākatā dhammā kāmāvacarā, rūpāvacarā, arūpāvacarā;

ds2.3.2:103.3rūpakkhandho …pe… viññāṇakkhandho—

ds2.3.2:103.4ime dhammā saññojaniyā ceva no ca saññojanā.

ds2.3.2:104.02.3.2.4.5. Saññojanasaññojanasampayuttaduka

ds2.3.2:104.1Katame dhammā saññojanā ceva saññojanasampayuttā ca?

ds2.3.2:104.2Kāmarāgasaññojanaṁ avijjāsaññojanena saññojanañceva saññojanasampayuttañca, avijjāsaññojanaṁ kāmarāgasaññojanena saññojanañceva saññojanasampayuttañca, paṭighasaññojanaṁ avijjāsaññojanena saññojanañceva saññojanasampayuttañca, avijjāsaññojanaṁ paṭighasaññojanena saññojanañceva saññojanasampayuttañca, mānasaññojanaṁ avijjāsaññojanena saññojanañceva saññojanasampayuttañca, avijjāsaññojanaṁ mānasaññojanena saññojanañceva saññojanasampayuttañca, diṭṭhisaññojanaṁ avijjāsaññojanena saññojanañceva saññojanasampayuttañca, avijjāsaññojanaṁ diṭṭhisaññojanena saññojanañceva saññojanasampayuttañca, vicikicchāsaññojanaṁ avijjāsaññojanena saññojanañceva saññojanasampayuttañca, avijjāsaññojanaṁ vicikicchāsaññojanena saññojanañceva saññojanasampayuttañca, sīlabbataparāmāsasaññojanaṁ avijjāsaññojanena saññojanañceva saññojanasampayuttañca, avijjāsaññojanaṁ sīlabbataparāmāsasaññojanena saññojanañceva saññojanasampayuttañca, bhavarāgasaññojanaṁ avijjāsaññojanena saññojanañceva saññojanasampayuttañca, avijjāsaññojanaṁ bhavarāgasaññojanena saññojanañceva saññojanasampayuttañca, issāsaññojanaṁ avijjāsaññojanena saññojanañceva saññojanasampayuttañca, avijjāsaññojanaṁ issāsaññojanena saññojanañceva saññojanasampayuttañca, macchariyasaññojanaṁ avijjāsaññojanena saññojanañceva saññojanasampayuttañca, avijjāsaññojanaṁ macchariyasaññojanena saññojanañceva saññojanasampayuttañca—

ds2.3.2:104.3ime dhammā saññojanā ceva saññojanasampayuttā ca.

ds2.3.2:105.1Katame dhammā saññojanasampayuttā ceva no ca saññojanā?

ds2.3.2:105.2Tehi dhammehi ye dhammā sampayuttā, te dhamme ṭhapetvā vedanākkhandho …pe… viññāṇakkhandho—

ds2.3.2:105.3ime dhammā saññojanasampayuttā ceva no ca saññojanā.

ds2.3.2:106.02.3.2.4.6. Saññojanavippayuttasaññojaniyaduka

ds2.3.2:106.1Katame dhammā saññojanavippayuttā saññojaniyā?

ds2.3.2:106.2Tehi dhammehi ye dhammā vippayuttā sāsavā kusalākusalābyākatā dhammā kāmāvacarā, rūpāvacarā, arūpāvacarā;

ds2.3.2:106.3rūpakkhandho …pe… viññāṇakkhandho—

ds2.3.2:106.4ime dhammā saññojanavippayuttā saññojaniyā.

ds2.3.2:107.1Katame dhammā saññojanavippayuttā asaññojaniyā?

ds2.3.2:107.2Apariyāpannā maggā ca, maggaphalāni ca, asaṅkhatā ca dhātu—

ds2.3.2:107.3ime dhammā saññojanavippayuttā asaññojaniyā.

ds2.3.2:108.0.12.3.2.5. Ganthagocchaka

ds2.3.2:108.0.22.3.2.5.1. Ganthaduka

ds2.3.2:108.1Katame dhammā ganthā?

ds2.3.2:108.2Cattāro ganthā—

ds2.3.2:108.3abhijjhākāyagantho, byāpādo kāyagantho, sīlabbataparāmāso kāyagantho, idaṁ saccābhiniveso kāyagantho.

ds2.3.2:109.1Tattha katamo abhijjhākāyagantho?

ds2.3.2:109.2Yo rāgo sārāgo anunayo anurodho nandī nandīrāgo cittassa sārāgo icchā mucchā ajjhosānaṁ gedho paligedho saṅgo paṅko ejā māyā janikā sañjananī sibbinī jālinī saritā visattikā suttaṁ visaṭā āyūhinī dutiyā paṇidhi bhavanetti vanaṁ vanatho santhavo sineho apekkhā paṭibandhu āsā āsisanā āsisitattaṁ rūpāsā saddāsā gandhāsā rasāsā phoṭṭhabbāsā lābhāsā dhanāsā puttāsā jīvitāsā jappā pajappā abhijappā jappā jappanā jappitattaṁ loluppaṁ loluppāyanā loluppāyitattaṁ pucchañjikatā sādhukamyatā adhammarāgo visamalobho nikanti nikāmanā patthanā pihanā sampatthanā kāmataṇhā bhavataṇhā vibhavataṇhā rūpataṇhā arūpataṇhā nirodhataṇhā rūpataṇhā saddataṇhā gandhataṇhā rasataṇhā phoṭṭhabbataṇhā dhammataṇhā ogho yogo gantho upādānaṁ āvaraṇaṁ nīvaraṇaṁ chādanaṁ bandhanaṁ upakkileso anusayo pariyuṭṭhānaṁ latā vevicchaṁ dukkhamūlaṁ dukkhanidānaṁ dukkhappabhavo mārapāso mārabaḷisaṁ māravisayo taṇhānadī taṇhājālaṁ taṇhāgaddulaṁ taṇhāsamuddo abhijjhā lobho akusalamūlaṁ—

ds2.3.2:109.3ayaṁ vuccati abhijjhākāyagantho.

ds2.3.2:110.1Tattha katamo byāpādo kāyagantho?

ds2.3.2:110.2Anatthaṁ me acarīti āghāto jāyati, anatthaṁ me caratīti āghāto jāyati, anatthaṁ me carissatīti āghāto jāyati, piyassa me manāpassa anatthaṁ acari …pe… anatthaṁ carati …pe…

ds2.3.2:110.3anatthaṁ carissatīti āghāto jāyati, appiyassa me amanāpassa atthaṁ acari …pe…

ds2.3.2:110.4atthaṁ carati …pe…

ds2.3.2:110.5atthaṁ carissatīti āghāto jāyati, aṭṭhāne vā pana āghāto jāyati.

ds2.3.2:110.6Yo evarūpo cittassa āghāto paṭighāto paṭighaṁ paṭivirodho kopo pakopo sampakopo doso padoso sampadoso cittassa byāpatti manopadoso kodho kujjhanā kujjhitattaṁ doso dussanā dussitattaṁ byāpatti byāpajjanā byāpajjitattaṁ virodho paṭivirodho caṇḍikkaṁ asuropo anattamanatā cittassa—

ds2.3.2:110.7ayaṁ vuccati byāpādo kāyagantho.

ds2.3.2:111.1Tattha katamo sīlabbataparāmāso kāyagantho?

ds2.3.2:111.2Ito bahiddhā samaṇabrāhmaṇānaṁ sīlena suddhi, vatena suddhi, sīlabbatena suddhīti;

ds2.3.2:111.3yā evarūpā diṭṭhi diṭṭhigataṁ diṭṭhigahanaṁ diṭṭhikantāro diṭṭhivisūkāyikaṁ diṭṭhivipphanditaṁ diṭṭhisaññojanaṁ gāho patiṭṭhāho abhiniveso parāmāso kummaggo micchāpatho micchattaṁ titthāyatanaṁ vipariyāsaggāho—

ds2.3.2:111.4ayaṁ vuccati sīlabbataparāmāso kāyagantho.

ds2.3.2:112.1Tattha katamo idaṁsaccābhiniveso kāyagantho?

ds2.3.2:112.2Sassato loko, idameva saccaṁ moghamaññanti vā;

ds2.3.2:112.3asassato loko, idameva saccaṁ moghamaññanti vā;

ds2.3.2:112.4antavā loko, idameva saccaṁ moghamaññanti vā;

ds2.3.2:112.5anantavā loko, idameva saccaṁ moghamaññanti vā;

ds2.3.2:112.6taṁ jīvaṁ taṁ sarīraṁ, idameva saccaṁ moghamaññanti vā;

ds2.3.2:112.7aññaṁ jīvaṁ aññaṁ sarīraṁ, idameva saccaṁ moghamaññanti vā;

ds2.3.2:112.8hoti tathāgato paraṁ maraṇā, idameva saccaṁ moghamaññanti vā;

ds2.3.2:112.9na hoti tathāgato paraṁ maraṇā, idameva saccaṁ moghamaññanti vā;

ds2.3.2:112.10hoti ca na ca hoti tathāgato paraṁ maraṇā, idameva saccaṁ moghamaññanti vā;

ds2.3.2:112.11neva hoti na na hoti tathāgato paraṁ maraṇā, idameva saccaṁ moghamaññanti vā;

ds2.3.2:112.12yā evarūpā diṭṭhi diṭṭhigataṁ diṭṭhigahanaṁ diṭṭhikantāro diṭṭhivisūkāyikaṁ diṭṭhivipphanditaṁ diṭṭhisaññojanaṁ gāho patiṭṭhāho abhiniveso parāmāso kummaggo micchāpatho micchattaṁ titthāyatanaṁ vipariyāsaggāho—

ds2.3.2:112.13ayaṁ vuccati idaṁsaccābhiniveso kāyagantho.

ds2.3.2:112.14Ṭhapetvā sīlabbataparāmāsaṁ kāyaganthaṁ sabbāpi micchādiṭṭhi idaṁsaccābhiniveso kāyagantho.

ds2.3.2:113.1Ime dhammā ganthā.

ds2.3.2:114.1Katame dhammā no ganthā?

ds2.3.2:114.2Te dhamme ṭhapetvā avasesā kusalākusalābyākatā dhammā kāmāvacarā, rūpāvacarā, arūpāvacarā, apariyāpannā;

ds2.3.2:114.3vedanākkhandho …pe… viññāṇakkhandho;

ds2.3.2:114.4sabbañca rūpaṁ, asaṅkhatā ca dhātu—

ds2.3.2:114.5ime dhammā no ganthā.

ds2.3.2:115.02.3.2.5.2. Ganthaniyaduka

ds2.3.2:115.1Katame dhammā ganthaniyā?

ds2.3.2:115.2Sāsavā kusalākusalābyākatā dhammā kāmāvacarā, rūpāvacarā, arūpāvacarā;

ds2.3.2:115.3rūpakkhandho …pe… viññāṇakkhandho—

ds2.3.2:115.4ime dhammā ganthaniyā.

ds2.3.2:116.1Katame dhammā aganthaniyā?

ds2.3.2:116.2Apariyāpannā maggā ca, maggaphalāni ca, asaṅkhatā ca dhātu—

ds2.3.2:116.3ime dhammā aganthaniyā.

ds2.3.2:117.02.3.2.5.3. Ganthasampayuttaduka

ds2.3.2:117.1Katame dhammā ganthasampayuttā?

ds2.3.2:117.2Tehi dhammehi ye dhammā sampayuttā vedanākkhandho …pe… viññāṇakkhandho—

ds2.3.2:117.3ime dhammā ganthasampayuttā.

ds2.3.2:118.1Katame dhammā ganthavippayuttā?

ds2.3.2:118.2Tehi dhammehi ye dhammā vippayuttā vedanākkhandho …pe… viññāṇakkhandho, sabbañca rūpaṁ asaṅkhatā ca dhātu—

ds2.3.2:118.3ime dhammā ganthavippayuttā.

ds2.3.2:119.02.3.2.5.4. Ganthaganthaniyaduka

ds2.3.2:119.1Katame dhammā ganthā ceva ganthaniyā ca?

ds2.3.2:119.2Teva ganthā ganthā ceva ganthaniyā ca.

ds2.3.2:120.1Katame dhammā ganthaniyā ceva no ca ganthā?

ds2.3.2:120.2Tehi dhammehi ye dhammā ganthaniyā, te dhamme ṭhapetvā avasesā sāsavā kusalākusalābyākatā dhammā kāmāvacarā, rūpāvacarā, arūpāvacarā;

ds2.3.2:120.3rūpakkhandho …pe… viññāṇakkhandho—

ds2.3.2:120.4ime dhammā ganthaniyā ceva no ca ganthā.

ds2.3.2:121.02.3.2.5.5. Ganthaganthasampayuttaduka

ds2.3.2:121.1Katame dhammā ganthā ceva ganthasampayuttā ca?

ds2.3.2:121.2Sīlabbataparāmāso kāyagantho abhijjhākāyaganthena gantho ceva ganthasampayutto ca, abhijjhākāyagantho sīlabbataparāmāsena kāyaganthena gantho ceva ganthasampayutto ca, idaṁsaccābhiniveso kāyagantho abhijjhākāyaganthena gantho ceva ganthasampayutto ca, abhijjhākāyagantho idaṁsaccābhinivesena kāyaganthena gantho ceva ganthasampayutto ca—

ds2.3.2:121.3ime dhammā ganthā ceva ganthasampayuttā ca.

ds2.3.2:122.1Katame dhammā ganthasampayuttā ceva no ca ganthā?

ds2.3.2:122.2Tehi dhammehi ye dhammā sampayuttā, te dhamme ṭhapetvā vedanākkhandho …pe… viññāṇakkhandho—

ds2.3.2:122.3ime dhammā ganthasampayuttā ceva no ca ganthā.

ds2.3.2:123.02.3.2.5.6. Ganthavippayuttaganthaniyaduka

ds2.3.2:123.1Katame dhammā ganthavippayuttā ganthaniyā?

ds2.3.2:123.2Tehi dhammehi ye dhammā vippayuttā sāsavā kusalākusalābyākatā dhammā kāmāvacarā, rūpāvacarā, arūpāvacarā;

ds2.3.2:123.3rūpakkhandho …pe… viññāṇakkhandho—

ds2.3.2:123.4ime dhammā ganthavippayuttā ganthaniyā.

ds2.3.2:124.1Katame dhammā ganthavippayuttā aganthaniyā?

ds2.3.2:124.2Apariyāpannā maggā ca, maggaphalāni ca, asaṅkhatā ca dhātu—

ds2.3.2:124.3ime dhammā ganthavippayuttā aganthaniyā.

ds2.3.2:125.02.3.2.6. Oghagocchaka

ds2.3.2:125.1Katame dhammā oghā?

ds2.3.2:125.2(Cattāro oghā) …pe…

ds2.3.2:125.3(ime dhammā oghavippayuttā oghaniyā.)

ds2.3.2:126.02.3.2.7. Yogagocchaka

ds2.3.2:126.1Katame dhammā yogā?

ds2.3.2:126.2(Cattāro yogā) …pe…

ds2.3.2:126.3(ime dhammā yogavippayuttā yoganiyā.)

ds2.3.2:127.0.12.3.2.8. Nīvaraṇagocchaka

ds2.3.2:127.0.22.3.2.8.1. Nīvaraṇaduka

ds2.3.2:127.1Katame dhammā nīvaraṇā?

ds2.3.2:127.2Cha nīvaraṇā—

ds2.3.2:127.3kāmacchandanīvaraṇaṁ, byāpādanīvaraṇaṁ, thinamiddhanīvaraṇaṁ, uddhaccakukkuccanīvaraṇaṁ, vicikicchānīvaraṇaṁ, avijjānīvaraṇaṁ.

ds2.3.2:128.1Tattha katamaṁ kāmacchandanīvaraṇaṁ?

ds2.3.2:128.2Yo kāmesu kāmacchando kāmarāgo kāmanandī kāmataṇhā kāmasineho kāmapariḷāho kāmamucchā kāmajjhosānaṁ—

ds2.3.2:128.3idaṁ vuccati kāmacchandanīvaraṇaṁ.

ds2.3.2:129.1Tattha katamaṁ byāpādanīvaraṇaṁ?

ds2.3.2:129.2Anatthaṁ me acarīti āghāto jāyati, anatthaṁ me caratīti āghāto jāyati;

ds2.3.2:129.3anatthaṁ me carissatīti āghāto jāyati;

ds2.3.2:129.4piyassa me manāpassa anatthaṁ acari …pe… anatthaṁ carati …pe…

ds2.3.2:129.5anatthaṁ carissatīti āghāto jāyati, appiyassa me amanāpassa atthaṁ acari …pe…

ds2.3.2:129.6atthaṁ carati …pe…

ds2.3.2:129.7atthaṁ carissatīti āghāto jāyati, aṭṭhāne vā pana āghāto jāyati.

ds2.3.2:129.8Yo evarūpo cittassa āghāto paṭighāto paṭighaṁ paṭivirodho kopo pakopo sampakopo doso padoso sampadoso cittassa byāpatti manopadoso kodho kujjhanā kujjhitattaṁ doso dussanā dussitattaṁ byāpatti byāpajjanā byāpajjitattaṁ virodho paṭivirodho caṇḍikkaṁ asuropo anattamanatā cittassa—

ds2.3.2:129.9idaṁ vuccati byāpādanīvaraṇaṁ.

ds2.3.2:130.1Tattha katamaṁ thinamiddhanīvaraṇaṁ?

ds2.3.2:130.2Atthi thinaṁ, atthi middhaṁ.

ds2.3.2:131.1Tattha katamaṁ thinaṁ?

ds2.3.2:131.2Yā cittassa akallatā akammaññatā olīyanā sallīyanā līnaṁ līyanā līyitattaṁ thinaṁ thiyanā thiyitattaṁ cittassa—

ds2.3.2:131.3idaṁ vuccati thinaṁ.

ds2.3.2:132.1Tattha katamaṁ middhaṁ?

ds2.3.2:132.2Yā kāyassa akallatā akammaññatā onāho pariyonāho antosamorodho middhaṁ soppaṁ pacalāyikā soppaṁ supanā supitattaṁ—

ds2.3.2:132.3idaṁ vuccati middhaṁ.

ds2.3.2:132.4Iti idañca thinaṁ, idañca middhaṁ—

ds2.3.2:132.5idaṁ vuccati thinamiddhanīvaraṇaṁ.

ds2.3.2:133.1Tattha katamaṁ uddhaccakukkuccanīvaraṇaṁ?

ds2.3.2:133.2Atthi uddhaccaṁ, atthi kukkuccaṁ.

ds2.3.2:134.1Tattha katamaṁ uddhaccaṁ?

ds2.3.2:134.2Yaṁ cittassa uddhaccaṁ avūpasamo cetaso vikkhepo bhantattaṁ cittassa—

ds2.3.2:134.3idaṁ vuccati uddhaccaṁ.

ds2.3.2:135.1Tattha katamaṁ kukkuccaṁ?

ds2.3.2:135.2Akappiye kappiyasaññitā, kappiye akappiyasaññitā, avajje vajjasaññitā, vajje avajjasaññitā.

ds2.3.2:135.3Yaṁ evarūpaṁ kukkuccaṁ kukkuccāyanā kukkuccāyitattaṁ cetaso vippaṭisāro manovilekho—

ds2.3.2:135.4idaṁ vuccati kukkuccaṁ.

ds2.3.2:135.5Iti idañca uddhaccaṁ, idañca kukkuccaṁ—

ds2.3.2:135.6idaṁ vuccati uddhaccakukkuccanīvaraṇaṁ.

ds2.3.2:136.1Tattha katamaṁ vicikicchānīvaraṇaṁ?

ds2.3.2:136.2Satthari kaṅkhati vicikicchati, dhamme kaṅkhati vicikicchati, saṅghe kaṅkhati vicikicchati, sikkhāya kaṅkhati vicikicchati, pubbante kaṅkhati vicikicchati, aparante kaṅkhati vicikicchati, pubbantāparante kaṅkhati vicikicchati, idappaccayatā paṭiccasamuppannesu dhammesu kaṅkhati vicikicchati.

ds2.3.2:136.3Yā evarūpā kaṅkhā kaṅkhāyanā kaṅkhāyitattaṁ vimati vicikicchā dveḷhakaṁ dvedhāpatho saṁsayo anekaṁsaggāho āsappanā parisappanā apariyogāhanā thambhitattaṁ cittassa manovilekho—

ds2.3.2:136.4idaṁ vuccati vicikicchānīvaraṇaṁ.

ds2.3.2:137.1Tattha katamaṁ avijjānīvaraṇaṁ?

ds2.3.2:137.2Dukkhe aññāṇaṁ, dukkhasamudaye aññāṇaṁ, dukkhanirodhe aññāṇaṁ, dukkhanirodhagāminiyā paṭipadāya aññāṇaṁ, pubbante aññāṇaṁ, aparante aññāṇaṁ, pubbantāparante aññāṇaṁ, idappaccayatā paṭiccasamuppannesu dhammesu aññāṇaṁ;

ds2.3.2:137.3yaṁ evarūpaṁ aññāṇaṁ adassanaṁ anabhisamayo ananubodho asambodho appaṭivedho asaṅgāhanā apariyogāhanā asamapekkhanā apaccavekkhaṇā apaccakkhakammaṁ dummejjhaṁ bālyaṁ asampajaññaṁ moho pamoho sammoho avijjā avijjogho avijjāyogo avijjānusayo avijjāpariyuṭṭhānaṁ avijjālaṅgī moho akusalamūlaṁ—

ds2.3.2:137.4idaṁ vuccati avijjānīvaraṇaṁ.

ds2.3.2:138.1Ime dhammā nīvaraṇā.

ds2.3.2:139.1Katame dhammā no nīvaraṇā?

ds2.3.2:139.2Te dhamme ṭhapetvā avasesā kusalākusalābyākatā dhammā kāmāvacarā, rūpāvacarā, arūpāvacarā, apariyāpannā;

ds2.3.2:139.3vedanākkhandho …pe… viññāṇakkhandho;

ds2.3.2:139.4sabbañca rūpaṁ, asaṅkhatā ca dhātu—

ds2.3.2:139.5ime dhammā no nīvaraṇā.

ds2.3.2:140.02.3.2.8.2. Nīvaraṇiyaduka

ds2.3.2:140.1Katame dhammā nīvaraṇiyā?

ds2.3.2:140.2Sāsavā kusalākusalābyākatā dhammā kāmāvacarā, rūpāvacarā, arūpāvacarā;

ds2.3.2:140.3rūpakkhandho …pe… viññāṇakkhandho—

ds2.3.2:140.4ime dhammā nīvaraṇiyā.

ds2.3.2:141.1Katame dhammā anīvaraṇiyā?

ds2.3.2:141.2Apariyāpannā maggā ca, maggaphalāni ca, asaṅkhatā ca dhātu—

ds2.3.2:141.3ime dhammā anīvaraṇiyā.

ds2.3.2:142.02.3.2.8.3. Nīvaraṇasampayuttaduka

ds2.3.2:142.1Katame dhammā nīvaraṇasampayuttā?

ds2.3.2:142.2Tehi dhammehi ye dhammā sampayuttā vedanākkhandho …pe… viññāṇakkhandho—

ds2.3.2:142.3ime dhammā nīvaraṇasampayuttā.

ds2.3.2:143.1Katame dhammā nīvaraṇavippayuttā?

ds2.3.2:143.2Tehi dhammehi ye dhammā vippayuttā vedanākkhandho …pe… viññāṇakkhandho;

ds2.3.2:143.3sabbañca rūpaṁ, asaṅkhatā ca dhātu—

ds2.3.2:143.4ime dhammā nīvaraṇavippayuttā.

ds2.3.2:144.02.3.2.8.4. Nīvaraṇanīvaraṇiyaduka

ds2.3.2:144.1Katame dhammā nīvaraṇā ceva nīvaraṇiyā ca?

ds2.3.2:144.2Tāneva nīvaraṇāni nīvaraṇā ceva nīvaraṇiyā ca.

ds2.3.2:145.1Katame dhammā nīvaraṇiyā ceva no ca nīvaraṇā?

ds2.3.2:145.2Tehi dhammehi ye dhammā nīvaraṇiyā, te dhamme ṭhapetvā avasesā sāsavā kusalākusalābyākatā dhammā kāmāvacarā, rūpāvacarā, arūpāvacarā;

ds2.3.2:145.3rūpakkhandho …pe… viññāṇakkhandho—

ds2.3.2:145.4ime dhammā nīvaraṇiyā ceva no ca nīvaraṇā.

ds2.3.2:146.02.3.2.8.5. Nīvaraṇanīvaraṇasampayuttaduka

ds2.3.2:146.1Katame dhammā nīvaraṇā ceva nīvaraṇasampayuttā ca?

ds2.3.2:146.2Kāmacchandanīvaraṇaṁ avijjānīvaraṇena nīvaraṇañceva nīvaraṇasampayuttañca, avijjānīvaraṇaṁ kāmacchandanīvaraṇena nīvaraṇañceva nīvaraṇasampayuttañca, byāpādanīvaraṇaṁ avijjānīvaraṇena nīvaraṇañceva nīvaraṇasampayuttañca, avijjānīvaraṇaṁ byāpādanīvaraṇena nīvaraṇañceva nīvaraṇasampayuttañca, thinamiddhanīvaraṇaṁ avijjānīvaraṇena nīvaraṇañceva nīvaraṇasampayuttañca, avijjānīvaraṇaṁ thinamiddhanīvaraṇena nīvaraṇañceva nīvaraṇasampayuttañca, uddhaccanīvaraṇaṁ avijjānīvaraṇena nīvaraṇañceva nīvaraṇasampayuttañca, avijjānīvaraṇaṁ uddhaccanīvaraṇena nīvaraṇañceva nīvaraṇasampayuttañca, kukkuccanīvaraṇaṁ avijjānīvaraṇena nīvaraṇañceva nīvaraṇasampayuttañca, avijjānīvaraṇaṁ kukkuccanīvaraṇena nīvaraṇañceva nīvaraṇasampayuttañca, vicikicchānīvaraṇaṁ avijjānīvaraṇena nīvaraṇañceva nīvaraṇasampayuttañca, avijjānīvaraṇaṁ vicikicchānīvaraṇena nīvaraṇañceva nīvaraṇasampayuttañca, kāmacchandanīvaraṇaṁ uddhaccanīvaraṇena nīvaraṇañceva nīvaraṇasampayuttañca, uddhaccanīvaraṇaṁ kāmacchandanīvaraṇena nīvaraṇañceva nīvaraṇasampayuttañca, byāpādanīvaraṇaṁ uddhaccanīvaraṇena nīvaraṇañceva nīvaraṇasampayuttañca, uddhaccanīvaraṇaṁ byāpādanīvaraṇena nīvaraṇañceva nīvaraṇasampayuttañca, thinamiddhanīvaraṇaṁ uddhaccanīvaraṇena nīvaraṇañceva nīvaraṇasampayuttañca, uddhaccanīvaraṇaṁ thinamiddhanīvaraṇena nīvaraṇañceva nīvaraṇasampayuttañca, kukkuccanīvaraṇaṁ uddhaccanīvaraṇena nīvaraṇañceva nīvaraṇasampayuttañca, uddhaccanīvaraṇaṁ kukkuccanīvaraṇena nīvaraṇañceva nīvaraṇasampayuttañca, vicikicchānīvaraṇaṁ uddhaccanīvaraṇena nīvaraṇañceva nīvaraṇasampayuttañca, uddhaccanīvaraṇaṁ vicikicchānīvaraṇena nīvaraṇañceva nīvaraṇasampayuttañca, avijjānīvaraṇaṁ uddhaccanīvaraṇena nīvaraṇañceva nīvaraṇasampayuttañca, uddhaccanīvaraṇaṁ avijjānīvaraṇena nīvaraṇañceva nīvaraṇasampayuttañca—

ds2.3.2:146.3ime dhammā nīvaraṇā ceva nīvaraṇasampayuttā ca.

ds2.3.2:147.1Katame dhammā nīvaraṇasampayuttā ceva no ca nīvaraṇā?

ds2.3.2:147.2Tehi dhammehi ye dhammā sampayuttā, te dhamme ṭhapetvā vedanākkhandho …pe… viññāṇakkhandho—

ds2.3.2:147.3ime dhammā nīvaraṇasampayuttā ceva no ca nīvaraṇā.

ds2.3.2:148.02.3.2.8.6. Nīvaraṇavippayuttanīvaraṇiyaduka

ds2.3.2:148.1Katame dhammā nīvaraṇavippayuttā nīvaraṇiyā?

ds2.3.2:148.2Tehi dhammehi ye dhammā vippayuttā sāsavā kusalābyākatā dhammā kāmāvacarā, rūpāvacarā, arūpāvacarā;

ds2.3.2:148.3rūpakkhandho …pe… viññāṇakkhandho—

ds2.3.2:148.4ime dhammā nīvaraṇavippayuttā nīvaraṇiyā.

ds2.3.2:149.1Katame dhammā nīvaraṇavippayuttā anīvaraṇiyā?

ds2.3.2:149.2Apariyāpannā maggā ca, maggaphalāni ca, asaṅkhatā ca dhātu—

ds2.3.2:149.3ime dhammā nīvaraṇavippayuttā anīvaraṇiyā.

ds2.3.2:150.0.12.3.2.9. Parāmāsagocchaka

ds2.3.2:150.0.22.3.2.9.1. Parāmāsaduka

ds2.3.2:150.1Katame dhammā parāmāsā?

ds2.3.2:150.2Diṭṭhiparāmāso.

ds2.3.2:151.1Tattha katamo diṭṭhiparāmāso?

ds2.3.2:151.2Sassato lokoti vā, asassato lokoti vā, antavā lokoti vā, anantavā lokoti vā, taṁ jīvaṁ taṁ sarīranti vā, aññaṁ jīvaṁ aññaṁ sarīranti vā, hoti tathāgato paraṁ maraṇāti vā, na hoti tathāgato paraṁ maraṇāti vā, hoti ca na ca hoti tathāgato paraṁ maraṇāti vā, neva hoti na na hoti tathāgato paraṁ maraṇāti vā;

ds2.3.2:151.3yā evarūpā diṭṭhi diṭṭhigataṁ diṭṭhigahanaṁ diṭṭhikantāro diṭṭhivisūkāyikaṁ diṭṭhivipphanditaṁ diṭṭhisaññojanaṁ gāho patiṭṭhāho abhiniveso parāmāso kummaggo micchāpatho micchattaṁ titthāyatanaṁ vipariyāsaggāho—

ds2.3.2:151.4ayaṁ vuccati diṭṭhiparāmāso.

ds2.3.2:151.5Sabbāpi micchādiṭṭhi diṭṭhiparāmāso.

ds2.3.2:152.1Ime dhammā parāmāsā.

ds2.3.2:153.1Katame dhammā no parāmāsā?

ds2.3.2:153.2Te dhamme ṭhapetvā avasesā kusalākusalābyākatā dhammā kāmāvacarā, rūpāvacarā, arūpāvacarā, apariyāpannā;

ds2.3.2:153.3vedanākkhandho …pe… viññāṇakkhandho;

ds2.3.2:153.4sabbañca rūpaṁ, asaṅkhatā ca dhātu—

ds2.3.2:153.5ime dhammā no parāmāsā.

ds2.3.2:154.02.3.2.9.2. Parāmaṭṭhaduka

ds2.3.2:154.1Katame dhammā parāmaṭṭhā?

ds2.3.2:154.2Sāsavā kusalākusalābyākatā dhammā kāmāvacarā, rūpāvacarā, arūpāvacarā;

ds2.3.2:154.3rūpakkhandho …pe… viññāṇakkhandho—

ds2.3.2:154.4ime dhammā parāmaṭṭhā.

ds2.3.2:155.1Katame dhammā aparāmaṭṭhā?

ds2.3.2:155.2Apariyāpannā maggā ca, maggaphalāni ca, asaṅkhatā ca dhātu—

ds2.3.2:155.3ime dhammā aparāmaṭṭhā.

ds2.3.2:156.02.3.2.9.3. Parāmāsasampayuttaduka

ds2.3.2:156.1Katame dhammā parāmāsasampayuttā?

ds2.3.2:156.2Tehi dhammehi ye dhammā sampayuttā vedanākkhandho …pe… viññāṇakkhandho—

ds2.3.2:156.3ime dhammā parāmāsasampayuttā.

ds2.3.2:157.1Katame dhammā parāmāsavippayuttā?

ds2.3.2:157.2Tehi dhammehi ye dhammā vippayuttā vedanākkhandho …pe… viññāṇakkhandho;

ds2.3.2:157.3sabbañca rūpaṁ, asaṅkhatā ca dhātu—

ds2.3.2:157.4ime dhammā parāmāsavippayuttā.

ds2.3.2:158.02.3.2.9.4. Parāmāsaparāmaṭṭhaduka

ds2.3.2:158.1Katame dhammā parāmāsā ceva parāmaṭṭhā ca?

ds2.3.2:158.2Sveva parāmāso parāmāso ceva parāmaṭṭho ca.

ds2.3.2:159.1Katame dhammā parāmaṭṭhā ceva no ca parāmāsā?

ds2.3.2:159.2Tehi dhammehi ye dhammā parāmaṭṭhā, te dhamme ṭhapetvā avasesā sāsavā kusalākusalābyākatā dhammā kāmāvacarā, rūpāvacarā, arūpāvacarā;

ds2.3.2:159.3rūpakkhandho …pe… viññāṇakkhandho—

ds2.3.2:159.4ime dhammā parāmaṭṭhā ceva no ca parāmāsā.

ds2.3.2:160.02.3.2.9.5. Parāmāsavippayuttaparāmaṭṭhaduka

ds2.3.2:160.1Katame dhammā parāmāsavippayuttā parāmaṭṭhā?

ds2.3.2:160.2Tehi dhammehi ye dhammā vippayuttā sāsavā kusalākusalābyākatā dhammā kāmāvacarā, rūpāvacarā arūpāvacarā;

ds2.3.2:160.3rūpakkhandho …pe… viññāṇakkhandho—

ds2.3.2:160.4ime dhammā parāmāsavippayuttā parāmaṭṭhā.

ds2.3.2:161.1Katame dhammā parāmāsavippayuttā aparāmaṭṭhā?

ds2.3.2:161.2Apariyāpannā maggā ca, maggaphalāni ca, asaṅkhatā ca dhātu—

ds2.3.2:161.3ime dhammā parāmāsavippayuttā aparāmaṭṭhā.

ds2.3.2:162.0.12.3.2.10. Mahantaraduka

ds2.3.2:162.0.22.3.2.10.1. Sārammaṇaduka

ds2.3.2:162.1Katame dhammā sārammaṇā?

ds2.3.2:162.2Vedanākkhandho, saññākkhandho, saṅkhārakkhandho, viññāṇakkhandho—

ds2.3.2:162.3ime dhammā sārammaṇā.

ds2.3.2:163.1Katame dhammā anārammaṇā?

ds2.3.2:163.2Sabbañca rūpaṁ, asaṅkhatā ca dhātu—

ds2.3.2:163.3ime dhammā anārammaṇā.

ds2.3.2:164.02.3.2.10.2. Cittaduka

ds2.3.2:164.1Katame dhammā cittā?

ds2.3.2:164.2Cakkhuviññāṇaṁ, sotaviññāṇaṁ, ghānaviññāṇaṁ, jivhāviññāṇaṁ, kāyaviññāṇaṁ, manodhātu, manoviññāṇadhātu—

ds2.3.2:164.3ime dhammā cittā.

ds2.3.2:165.1Katame dhammā no cittā?

ds2.3.2:165.2Vedanākkhandho, saññākkhandho, saṅkhārakkhandho, sabbañca rūpaṁ, asaṅkhatā ca dhātu—

ds2.3.2:165.3ime dhammā no cittā.

ds2.3.2:166.02.3.2.10.3. Cetasikaduka

ds2.3.2:166.1Katame dhammā cetasikā?

ds2.3.2:166.2Vedanākkhandho, saññākkhandho, saṅkhārakkhandho—

ds2.3.2:166.3ime dhammā cetasikā.

ds2.3.2:167.1Katame dhammā acetasikā?

ds2.3.2:167.2Cittañca, sabbañca rūpaṁ, asaṅkhatā ca dhātu—

ds2.3.2:167.3ime dhammā acetasikā.

ds2.3.2:168.02.3.2.10.4. Cittasampayuttaduka

ds2.3.2:168.1Katame dhammā cittasampayuttā?

ds2.3.2:168.2Vedanākkhandho, saññākkhandho, saṅkhārakkhandho—

ds2.3.2:168.3ime dhammā cittasampayuttā.

ds2.3.2:169.1Katame dhammā cittavippayuttā?

ds2.3.2:169.2Sabbañca rūpaṁ, asaṅkhatā ca dhātu—

ds2.3.2:169.3ime dhammā cittavippayuttā.

ds2.3.2:169.4Cittaṁ na vattabbaṁ—

ds2.3.2:169.5cittena sampayuttantipi, cittena vippayuttantipi.

ds2.3.2:170.02.3.2.10.5. Cittasaṁsaṭṭhaduka

ds2.3.2:170.1Katame dhammā cittasaṁsaṭṭhā?

ds2.3.2:170.2Vedanākkhandho, saññākkhandho, saṅkhārakkhandho—

ds2.3.2:170.3ime dhammā cittasaṁsaṭṭhā.

ds2.3.2:171.1Katame dhammā cittavisaṁsaṭṭhā?

ds2.3.2:171.2Sabbañca rūpaṁ, asaṅkhatā ca dhātu—

ds2.3.2:171.3ime dhammā cittavisaṁsaṭṭhā.

ds2.3.2:171.4Cittaṁ na vattabbaṁ—

ds2.3.2:171.5cittena saṁsaṭṭhantipi, cittena visaṁsaṭṭhantipi.

ds2.3.2:172.02.3.2.10.6. Cittasamuṭṭhānaduka

ds2.3.2:172.1Katame dhammā cittasamuṭṭhānā?

ds2.3.2:172.2Vedanākkhandho, saññākkhandho, saṅkhārakkhandho;

ds2.3.2:172.3kāyaviññatti vacīviññatti;

ds2.3.2:172.4yaṁ vā panaññampi atthi rūpaṁ cittajaṁ cittahetukaṁ cittasamuṭṭhānaṁ rūpāyatanaṁ saddāyatanaṁ gandhāyatanaṁ rasāyatanaṁ phoṭṭhabbāyatanaṁ ākāsadhātu āpodhātu rūpassa lahutā rūpassa mudutā rūpassa kammaññatā rūpassa upacayo rūpassa santati kabaḷīkāro āhāro—

ds2.3.2:172.5ime dhammā cittasamuṭṭhānā.

ds2.3.2:173.1Katame dhammā no cittasamuṭṭhānā?

ds2.3.2:173.2Cittañca, avasesañca rūpaṁ, asaṅkhatā ca dhātu—

ds2.3.2:173.3ime dhammā no cittasamuṭṭhānā.

ds2.3.2:174.02.3.2.10.7. Cittasahabhūduka

ds2.3.2:174.1Katame dhammā cittasahabhuno?

ds2.3.2:174.2Vedanākkhandho, saññākkhandho, saṅkhārakkhandho, kāyaviññatti, vacīviññatti—

ds2.3.2:174.3ime dhammā cittasahabhuno.

ds2.3.2:175.1Katame dhammā no cittasahabhuno?

ds2.3.2:175.2Cittañca, avasesañca rūpaṁ, asaṅkhatā ca dhātu—

ds2.3.2:175.3ime dhammā no cittasahabhuno.

ds2.3.2:176.02.3.2.10.8. Cittānuparivattiduka

ds2.3.2:176.1Katame dhammā cittānuparivattino?

ds2.3.2:176.2Vedanākkhandho, saññākkhandho, saṅkhārakkhandho, kāyaviññatti, vacīviññatti—

ds2.3.2:176.3ime dhammā cittānuparivattino.

ds2.3.2:177.1Katame dhammā no cittānuparivattino?

ds2.3.2:177.2Cittañca, avasesañca rūpaṁ, asaṅkhatā ca dhātu—

ds2.3.2:177.3ime dhammā no cittānuparivattino.

ds2.3.2:178.02.3.2.10.9. Cittasaṁsaṭṭhasamuṭṭhānaduka

ds2.3.2:178.1Katame dhammā cittasaṁsaṭṭhasamuṭṭhānā?

ds2.3.2:178.2Vedanākkhandho, saññākkhandho, saṅkhārakkhandho—

ds2.3.2:178.3ime dhammā cittasaṁsaṭṭhasamuṭṭhānā.

ds2.3.2:179.1Katame dhammā no cittasaṁsaṭṭhasamuṭṭhānā?

ds2.3.2:179.2Cittañca, sabbañca rūpaṁ, asaṅkhatā ca dhātu—

ds2.3.2:179.3ime dhammā no cittasaṁsaṭṭhasamuṭṭhānā.

ds2.3.2:180.02.3.2.10.10. Cittasaṁsaṭṭhasamuṭṭhānasahabhūduka

ds2.3.2:180.1Katame dhammā cittasaṁsaṭṭhasamuṭṭhānasahabhuno?

ds2.3.2:180.2Vedanākkhandho, saññākkhandho, saṅkhārakkhandho—

ds2.3.2:180.3ime dhammā cittasaṁsaṭṭhasamuṭṭhānasahabhuno.

ds2.3.2:181.1Katame dhammā no cittasaṁsaṭṭhasamuṭṭhānasahabhuno?

ds2.3.2:181.2Cittañca, sabbañca rūpaṁ, asaṅkhatā ca dhātu—

ds2.3.2:181.3ime dhammā no cittasaṁsaṭṭhasamuṭṭhānasahabhuno.

ds2.3.2:182.02.3.2.10.11. Cittasaṁsaṭṭhasamuṭṭhānānuparivattiduka

ds2.3.2:182.1Katame dhammā cittasaṁsaṭṭhasamuṭṭhānānuparivattino?

ds2.3.2:182.2Vedanākkhandho, saññākkhandho, saṅkhārakkhandho—

ds2.3.2:182.3ime dhammā cittasaṁsaṭṭhasamuṭṭhānānuparivattino.

ds2.3.2:183.1Katame dhammā no cittasaṁsaṭṭhasamuṭṭhānānuparivattino?

ds2.3.2:183.2Cittañca, sabbañca rūpaṁ, asaṅkhatā ca dhātu—

ds2.3.2:183.3ime dhammā no cittasaṁsaṭṭhasamuṭṭhānānuparivattino.

ds2.3.2:184.02.3.2.10.12. Ajjhattikaduka

ds2.3.2:184.1Katame dhammā ajjhattikā?

ds2.3.2:184.2Cakkhāyatanaṁ …pe… manāyatanaṁ—

ds2.3.2:184.3ime dhammā ajjhattikā.

ds2.3.2:185.1Katame dhammā bāhirā?

ds2.3.2:185.2Rūpāyatanaṁ …pe… dhammāyatanaṁ—

ds2.3.2:185.3ime dhammā bāhirā.

ds2.3.2:186.02.3.2.10.13. Upādāduka

ds2.3.2:186.1Katame dhammā upādā?

ds2.3.2:186.2Cakkhāyatanaṁ …pe… kabaḷīkāro āhāro—

ds2.3.2:186.3ime dhammā upādā.

ds2.3.2:187.1Katame dhammā no upādā?

ds2.3.2:187.2Vedanākkhandho, saññākkhandho, saṅkhārakkhandho, viññāṇakkhandho, cattāro ca mahābhūtā, asaṅkhatā ca dhātu—

ds2.3.2:187.3ime dhammā no upādā.

ds2.3.2:188.02.3.2.10.14. Upādinnaduka

ds2.3.2:188.1Katame dhammā upādinnā?

ds2.3.2:188.2Sāsavā kusalākusalānaṁ dhammānaṁ vipākā kāmāvacarā, rūpāvacarā, arūpāvacarā;

ds2.3.2:188.3vedanākkhandho …pe… viññāṇakkhandho;

ds2.3.2:188.4yañca rūpaṁ kammassa katattā—

ds2.3.2:188.5ime dhammā upādinnā.

ds2.3.2:189.1Katame dhammā anupādinnā?

ds2.3.2:189.2Sāsavā kusalākusalā dhammā kāmāvacarā, rūpāvacarā, arūpāvacarā;

ds2.3.2:189.3vedanākkhandho …pe… viññāṇakkhandho;

ds2.3.2:189.4ye ca dhammā kiriyā neva kusalā nākusalā na ca kammavipākā, yañca rūpaṁ na kammassa katattā, apariyāpannā maggā ca, maggaphalāni ca, asaṅkhatā ca dhātu—

ds2.3.2:189.5ime dhammā anupādinnā.

ds2.3.2:190.0.12.3.2.11. Upādānagocchaka

ds2.3.2:190.0.22.3.2.11.1. Upādānaduka

ds2.3.2:190.1Katame dhammā upādānā?

ds2.3.2:190.2Cattāri upādānāni—

ds2.3.2:190.3kāmupādānaṁ, diṭṭhupādānaṁ, sīlabbatupādānaṁ, attavādupādānaṁ.

ds2.3.2:191.1Tattha katamaṁ kāmupādānaṁ?

ds2.3.2:191.2Yo kāmesu kāmacchando kāmarāgo kāmanandī kāmataṇhā kāmasineho kāmapariḷāho kāmamucchā kāmajjhosānaṁ—

ds2.3.2:191.3idaṁ vuccati kāmupādānaṁ.

ds2.3.2:192.1Tattha katamaṁ diṭṭhupādānaṁ?

ds2.3.2:192.2Natthi dinnaṁ, natthi yiṭṭhaṁ, natthi hutaṁ, natthi sukatadukkaṭānaṁ kammānaṁ phalaṁ vipāko, natthi ayaṁ loko, natthi paro loko, natthi mātā, natthi pitā, natthi sattā opapātikā, natthi loke samaṇabrāhmaṇā sammaggatā sammāpaṭipannā, ye imañca lokaṁ parañca lokaṁ sayaṁ abhiññā sacchikatvā pavedentīti—

ds2.3.2:192.3yā evarūpā diṭṭhi diṭṭhigataṁ diṭṭhigahanaṁ diṭṭhikantāro diṭṭhivisūkāyikaṁ diṭṭhivipphanditaṁ diṭṭhisaññojanaṁ gāho patiṭṭhāho abhiniveso parāmāso kummaggo micchāpatho micchattaṁ titthāyatanaṁ vipariyāsaggāho—

ds2.3.2:192.4idaṁ vuccati diṭṭhupādānaṁ.

ds2.3.2:192.5Ṭhapetvā sīlabbatupādānañca attavādupādānañca sabbāpi micchādiṭṭhi diṭṭhupādānaṁ.

ds2.3.2:193.1Tattha katamaṁ sīlabbatupādānaṁ?

ds2.3.2:193.2Ito bahiddhā samaṇabrāhmaṇānaṁ sīlena suddhi, vatena suddhi, sīlabbatena suddhīti—

ds2.3.2:193.3yā evarūpā diṭṭhi diṭṭhigataṁ diṭṭhigahanaṁ diṭṭhikantāro diṭṭhivisūkāyikaṁ diṭṭhivipphanditaṁ diṭṭhisaññojanaṁ gāho patiṭṭhāho abhiniveso parāmāso kummaggo micchāpatho micchattaṁ titthāyatanaṁ vipariyāsaggāho—

ds2.3.2:193.4idaṁ vuccati sīlabbatupādānaṁ.

ds2.3.2:194.1Tattha katamaṁ attavādupādānaṁ?

ds2.3.2:194.2Idha assutavā puthujjano ariyānaṁ adassāvī ariyadhammassa akovido ariyadhamme avinīto sappurisānaṁ adassāvī sappurisadhammassa akovido sappurisadhamme avinīto rūpaṁ attato samanupassati, rūpavantaṁ vā attānaṁ, attani vā rūpaṁ, rūpasmiṁ vā attānaṁ.

ds2.3.2:194.3Vedanaṁ …pe…

ds2.3.2:194.4saññaṁ …pe…

ds2.3.2:194.5saṅkhāre …pe…

ds2.3.2:194.6viññāṇaṁ attato samanupassati, viññāṇavantaṁ vā attānaṁ, attani vā viññāṇaṁ viññāṇasmiṁ vā attānaṁ.

ds2.3.2:194.7Yā evarūpā diṭṭhi diṭṭhigataṁ diṭṭhigahanaṁ diṭṭhikantāro diṭṭhivisūkāyikaṁ diṭṭhivipphanditaṁ diṭṭhisaññojanaṁ gāho patiṭṭhāho abhiniveso parāmāso kummaggo micchāpatho micchattaṁ titthāyatanaṁ vipariyāsaggāho—

ds2.3.2:194.8idaṁ vuccati attavādupādānaṁ.

ds2.3.2:195.1Ime dhammā upādānā.

ds2.3.2:196.1Katame dhammā no upādānā?

ds2.3.2:196.2Te dhamme ṭhapetvā avasesā kusalākusalābyākatā dhammā kāmāvacarā, rūpāvacarā, arūpāvacarā, apariyāpannā;

ds2.3.2:196.3vedanākkhandho …pe… viññāṇakkhandho;

ds2.3.2:196.4sabbañca rūpaṁ, asaṅkhatā ca dhātu—

ds2.3.2:196.5ime dhammā no upādānā.

ds2.3.2:197.02.3.2.11.2. Upādāniyaduka

ds2.3.2:197.1Katame dhammā upādāniyā?

ds2.3.2:197.2Sāsavā kusalākusalābyākatā dhammā kāmāvacarā, rūpāvacarā, arūpāvacarā;

ds2.3.2:197.3rūpakkhandho …pe… viññāṇakkhandho—

ds2.3.2:197.4ime dhammā upādāniyā.

ds2.3.2:198.1Katame dhammā anupādāniyā?

ds2.3.2:198.2Apariyāpannā maggā ca, maggaphalāni ca, asaṅkhatā ca dhātu—

ds2.3.2:198.3ime dhammā anupādāniyā.

ds2.3.2:199.02.3.2.11.3. Upādānasampayuttaduka

ds2.3.2:199.1Katame dhammā upādānasampayuttā?

ds2.3.2:199.2Tehi dhammehi ye dhammā sampayuttā vedanākkhandho …pe… viññāṇakkhandho—

ds2.3.2:199.3ime dhammā upādānasampayuttā.

ds2.3.2:200.1Katame dhammā upādānavippayuttā?

ds2.3.2:200.2Tehi dhammehi ye dhammā vippayuttā vedanākkhandho …pe… viññāṇakkhandho;

ds2.3.2:200.3sabbañca rūpaṁ, asaṅkhatā ca dhātu—

ds2.3.2:200.4ime dhammā upādānavippayuttā.

ds2.3.2:201.02.3.2.11.4. Upādānaupādāniyaduka

ds2.3.2:201.1Katame dhammā upādānā ceva upādāniyā ca?

ds2.3.2:201.2Tāneva upādānāni upādānā ceva upādāniyā ca.

ds2.3.2:202.1Katame dhammā upādāniyā ceva no ca upādānā?

ds2.3.2:202.2Tehi dhammehi ye dhammā upādāniyā, te dhamme ṭhapetvā avasesā sāsavā kusalākusalābyākatā dhammā kāmāvacarā, rūpāvacarā, arūpāvacarā;

ds2.3.2:202.3rūpakkhandho …pe… viññāṇakkhandho—

ds2.3.2:202.4ime dhammā upādāniyā ceva no ca upādānā.

ds2.3.2:203.02.3.2.11.5. Upādānaupādānasampayuttaduka

ds2.3.2:203.1Katame dhammā upādānā ceva upādānasampayuttā ca?

ds2.3.2:203.2Diṭṭhupādānaṁ kāmupādānena upādānañceva upādānasampayuttañca, kāmupādānaṁ diṭṭhupādānena upādānañceva upādānasampayuttañca, sīlabbatupādānaṁ kāmupādānena upādānañceva upādānasampayuttañca, kāmupādānaṁ sīlabbatupādānena upādānañceva upādānasampayuttañca, attavādupādānaṁ kāmupādānena upādānañceva upādānasampayuttañca, kāmupādānaṁ attavādupādānena upādānañceva upādānasampayuttañca—

ds2.3.2:203.3ime dhammā upādānā ceva upādānasampayuttā ca.

ds2.3.2:204.1Katame dhammā upādānasampayuttā ceva no ca upādānā?

ds2.3.2:204.2Tehi dhammehi ye dhammā sampayuttā, te dhamme ṭhapetvā vedanākkhandho …pe… viññāṇakkhandho—

ds2.3.2:204.3ime dhammā upādānasampayuttā ceva no ca upādānā.

ds2.3.2:205.02.3.2.11.6. Upādānavippayuttaupādāniyaduka

ds2.3.2:205.1Katame dhammā upādānavippayuttā upādāniyā?

ds2.3.2:205.2Tehi dhammehi ye dhammā vippayuttā sāsavā kusalākusalābyākatā dhammā kāmāvacarā, rūpāvacarā, arūpāvacarā;

ds2.3.2:205.3rūpakkhandho …pe… viññāṇakkhandho—

ds2.3.2:205.4ime dhammā upādānavippayuttā upādāniyā.

ds2.3.2:206.1Katame dhammā upādānavippayuttā anupādāniyā?

ds2.3.2:206.2Apariyāpannā maggā ca, maggaphalāni ca, asaṅkhatā ca dhātu—

ds2.3.2:206.3ime dhammā upādānavippayuttā anupādāniyā.

ds2.3.2:206.4Nikkhepakaṇḍe dutiyabhāṇavāro.

ds2.3.2:207.0.12.3.2.12. Kilesagocchaka

ds2.3.2:207.0.22.3.2.12.1. Kilesaduka

ds2.3.2:207.1Katame dhammā kilesā?

ds2.3.2:207.2Dasa kilesavatthūni—

ds2.3.2:207.3lobho, doso, moho, māno, diṭṭhi, vicikicchā, thinaṁ, uddhaccaṁ, ahirīkaṁ, anottappaṁ.

ds2.3.2:208.1Tattha katamo lobho?

ds2.3.2:208.2Yo rāgo sārāgo anunayo anurodho nandī nandīrāgo cittassa sārāgo icchā mucchā ajjhosānaṁ gedho paligedho saṅgo paṅko ejā māyā janikā sañjananī sibbinī jālinī saritā visattikā suttaṁ visaṭā āyūhinī dutiyā paṇidhi bhavanetti vanaṁ vanatho santhavo sineho apekkhā paṭibandhu āsā āsisanā āsisitattaṁ rūpāsā saddāsā gandhāsā rasāsā phoṭṭhabbāsā lābhāsā dhanāsā puttāsā jīvitāsā jappā pajappā abhijappā jappā jappanā jappitattaṁ loluppaṁ loluppāyanā loluppāyitattaṁ pucchañjikatā sādhukamyatā adhammarāgo visamalobho nikanti nikāmanā patthanā pihanā sampatthanā kāmataṇhā bhavataṇhā vibhavataṇhā rūpataṇhā arūpataṇhā nirodhataṇhā rūpataṇhā saddataṇhā gandhataṇhā rasataṇhā phoṭṭhabbataṇhā dhammataṇhā ogho yogo gantho upādānaṁ āvaraṇaṁ nīvaraṇaṁ chādanaṁ bandhanaṁ upakkileso anusayo pariyuṭṭhānaṁ latā vevicchaṁ dukkhamūlaṁ dukkhanidānaṁ dukkhappabhavo mārapāso mārabaḷisaṁ māravisayo taṇhānadī taṇhājālaṁ taṇhāgaddulaṁ taṇhāsamuddo abhijjhā lobho akusalamūlaṁ—

ds2.3.2:208.3ayaṁ vuccati lobho.

ds2.3.2:209.1Tattha katamo doso?

ds2.3.2:209.2Anatthaṁ me acarīti āghāto jāyati, anatthaṁ me caratīti āghāto jāyati, anatthaṁ me carissatīti āghāto jāyati, piyassa me manāpassa anatthaṁ acari …pe… anatthaṁ carati …pe…

ds2.3.2:209.3anatthaṁ carissatīti āghāto jāyati, appiyassa me amanāpassa atthaṁ acari …pe…

ds2.3.2:209.4atthaṁ carati …pe…

ds2.3.2:209.5atthaṁ carissatīti āghāto jāyati, aṭṭhāne vā pana āghāto jāyati.

ds2.3.2:209.6Yo evarūpo cittassa āghāto paṭighāto paṭighaṁ paṭivirodho kopo pakopo sampakopo doso padoso sampadoso cittassa byāpatti manopadoso kodho kujjhanā kujjhitattaṁ doso dussanā dussitattaṁ byāpatti byāpajjanā byāpajjitattaṁ virodho paṭivirodho caṇḍikkaṁ asuropo anattamanatā cittassa—

ds2.3.2:209.7ayaṁ vuccati doso.

ds2.3.2:210.1Tattha katamo moho?

ds2.3.2:210.2Dukkhe aññāṇaṁ, dukkhasamudaye aññāṇaṁ, dukkhanirodhe aññāṇaṁ, dukkhanirodhagāminiyā paṭipadāya aññāṇaṁ, pubbante aññāṇaṁ, aparante aññāṇaṁ, pubbantāparante aññāṇaṁ, idappaccayatā paṭiccasamuppannesu dhammesu aññāṇaṁ.

ds2.3.2:210.3Yaṁ evarūpaṁ aññāṇaṁ adassanaṁ anabhisamayo ananubodho asambodho appaṭivedho asaṅgāhanā apariyogāhanā asamapekkhanā apaccavekkhaṇā apaccakkhakammaṁ dummejjhaṁ bālyaṁ asampajaññaṁ moho pamoho sammoho avijjā avijjogho avijjāyogo avijjānusayo avijjāpariyuṭṭhānaṁ avijjālaṅgī moho akusalamūlaṁ—

ds2.3.2:210.4ayaṁ vuccati moho.

ds2.3.2:211.1Tattha katamo māno?

ds2.3.2:211.2Seyyohamasmīti māno, sadisohamasmīti māno, hīnohamasmīti māno;

ds2.3.2:211.3yo evarūpo māno maññanā maññitattaṁ unnati unnamo dhajo sampaggāho ketukamyatā cittassa—

ds2.3.2:211.4ayaṁ vuccati māno.

ds2.3.2:212.1Tattha katamā diṭṭhi?

ds2.3.2:212.2Sassato lokoti vā, asassato lokoti vā, antavā lokoti vā, anantavā lokoti vā, taṁ jīvaṁ taṁ sarīranti vā, aññaṁ jīvaṁ aññaṁ sarīranti vā, hoti tathāgato paraṁ maraṇāti vā, na hoti tathāgato paraṁ maraṇāti vā, hoti ca na ca hoti tathāgato paraṁ maraṇāti vā, neva hoti na na hoti tathāgato paraṁ maraṇāti vā;

ds2.3.2:212.3yā evarūpā diṭṭhi diṭṭhigataṁ diṭṭhigahanaṁ diṭṭhikantāro diṭṭhivisūkāyikaṁ diṭṭhivipphanditaṁ diṭṭhisaññojanaṁ gāho patiṭṭhāho abhiniveso parāmāso kummaggo micchāpatho micchattaṁ titthāyatanaṁ vipariyāsaggāho—

ds2.3.2:212.4ayaṁ vuccati diṭṭhi.

ds2.3.2:212.5Sabbāpi micchādiṭṭhi diṭṭhi.

ds2.3.2:213.1Tattha katamā vicikicchā?

ds2.3.2:213.2Satthari kaṅkhati vicikicchati, dhamme kaṅkhati vicikicchati, saṅghe kaṅkhati vicikicchati sikkhāya kaṅkhati vicikicchati, pubbante kaṅkhati vicikicchati, aparante kaṅkhati vicikicchati, pubbantāparante kaṅkhati vicikicchati, idappaccayatā paṭiccasamuppannesu dhammesu kaṅkhati vicikicchati;

ds2.3.2:213.3yā evarūpā kaṅkhā kaṅkhāyanā kaṅkhāyitattaṁ vimati vicikicchā dveḷhakaṁ dvedhāpatho saṁsayo, anekaṁsaggāho āsappanā parisappanā apariyogāhanā thambhitattaṁ cittassa manovilekho—

ds2.3.2:213.4ayaṁ vuccati vicikicchā.

ds2.3.2:214.1Tattha katamaṁ thinaṁ?

ds2.3.2:214.2Yā cittassa akallatā akammaññatā olīyanā sallīyanā līnaṁ līyanā līyitattaṁ thinaṁ thiyanā thiyitattaṁ cittassa—

ds2.3.2:214.3idaṁ vuccati thinaṁ.

ds2.3.2:215.1Tattha katamaṁ uddhaccaṁ?

ds2.3.2:215.2Yaṁ cittassa uddhaccaṁ avūpasamo cetaso vikkhepo bhantattaṁ cittassa—

ds2.3.2:215.3idaṁ vuccati uddhaccaṁ.

ds2.3.2:216.1Tattha katamaṁ ahirikaṁ?

ds2.3.2:216.2Yaṁ na hirīyati hiriyitabbena, na hirīyati pāpakānaṁ akusalānaṁ dhammānaṁ samāpattiyā—

ds2.3.2:216.3idaṁ vuccati ahirikaṁ.

ds2.3.2:217.1Tattha katamaṁ anottappaṁ?

ds2.3.2:217.2Yaṁ na ottappati ottappitabbena, na ottappati pāpakānaṁ akusalānaṁ dhammānaṁ samāpattiyā—

ds2.3.2:217.3idaṁ vuccati anottappaṁ.

ds2.3.2:218.1Ime dhammā kilesā.

ds2.3.2:219.1Katame dhammā no kilesā?

ds2.3.2:219.2Te dhamme ṭhapetvā avasesā kusalākusalābyākatā dhammā kāmāvacarā, rūpāvacarā, arūpāvacarā, apariyāpannā;

ds2.3.2:219.3vedanākkhandho …pe… viññāṇakkhandho;

ds2.3.2:219.4sabbañca rūpaṁ, asaṅkhatā ca dhātu—

ds2.3.2:219.5ime dhammā no kilesā.

ds2.3.2:220.02.3.2.12.2. Saṅkilesikaduka

ds2.3.2:220.1Katame dhammā saṅkilesikā?

ds2.3.2:220.2Sāsavā kusalākusalābyākatā dhammā kāmāvacarā, rūpāvacarā, arūpāvacarā;

ds2.3.2:220.3rūpakkhandho …pe… viññāṇakkhandho—

ds2.3.2:220.4ime dhammā saṅkilesikā.

ds2.3.2:221.1Katame dhammā asaṅkilesikā?

ds2.3.2:221.2Apariyāpannā maggā ca, maggaphalāni ca, asaṅkhatā ca dhātu—

ds2.3.2:221.3ime dhammā asaṅkilesikā.

ds2.3.2:222.02.3.2.12.3. Saṅkiliṭṭhaduka

ds2.3.2:222.1Katame dhammā saṅkiliṭṭhā?

ds2.3.2:222.2Tīṇi akusalamūlāni—

ds2.3.2:222.3lobho, doso, moho;

ds2.3.2:222.4tadekaṭṭhā ca kilesā, taṁsampayutto vedanākkhandho …pe… viññāṇakkhandho, taṁsamuṭṭhānaṁ kāyakammaṁ, vacīkammaṁ, manokammaṁ—

ds2.3.2:222.5ime dhammā saṅkiliṭṭhā.

ds2.3.2:223.1Katame dhammā asaṅkiliṭṭhā?

ds2.3.2:223.2Kusalābyākatā dhammā kāmāvacarā, rūpāvacarā, arūpāvacarā, apariyāpannā;

ds2.3.2:223.3vedanākkhandho …pe… viññāṇakkhandho;

ds2.3.2:223.4sabbañca rūpaṁ, asaṅkhatā ca dhātu—

ds2.3.2:223.5ime dhammā asaṅkiliṭṭhā.

ds2.3.2:224.02.3.2.12.4. Kilesasampayuttaduka

ds2.3.2:224.1Katame dhammā kilesasampayuttā?

ds2.3.2:224.2Tehi dhammehi ye dhammā sampayuttā vedanākkhandho …pe… viññāṇakkhandho—

ds2.3.2:224.3ime dhammā kilesasampayuttā.

ds2.3.2:225.1Katame dhammā kilesavippayuttā?

ds2.3.2:225.2Tehi dhammehi ye dhammā vippayuttā vedanākkhandho …pe… viññāṇakkhandho;

ds2.3.2:225.3sabbañca rūpaṁ, asaṅkhatā ca dhātu—

ds2.3.2:225.4ime dhammā kilesavippayuttā.

ds2.3.2:226.02.3.2.12.5. Kilesasaṅkilesikaduka

ds2.3.2:226.1Katame dhammā kilesā ceva saṅkilesikā ca?

ds2.3.2:226.2Teva kilesā kilesā ceva saṅkilesikā ca.

ds2.3.2:227.1Katame dhammā saṅkilesikā ceva no ca kilesā?

ds2.3.2:227.2Tehi dhammehi ye dhammā saṅkilesikā, te dhamme ṭhapetvā avasesā sāsavā kusalākusalābyākatā dhammā kāmāvacarā, rūpāvacarā, arūpāvacarā;

ds2.3.2:227.3rūpakkhandho …pe… viññāṇakkhandho—

ds2.3.2:227.4ime dhammā saṅkilesikā ceva no ca kilesā.

ds2.3.2:228.02.3.2.12.6. Kilesasaṅkiliṭṭhaduka

ds2.3.2:228.1Katame dhammā kilesā ceva saṅkiliṭṭhā ca?

ds2.3.2:228.2Teva kilesā kilesā ceva saṅkiliṭṭhā ca.

ds2.3.2:229.1Katame dhammā saṅkiliṭṭhā ceva no ca kilesā?

ds2.3.2:229.2Tehi dhammehi ye dhammā saṅkiliṭṭhā, te dhamme ṭhapetvā vedanākkhandho …pe… viññāṇakkhandho—

ds2.3.2:229.3ime dhammā saṅkiliṭṭhā ceva no ca kilesā.

ds2.3.2:230.02.3.2.12.7. Kilesakilesasampayuttaduka

ds2.3.2:230.1Katame dhammā kilesā ceva kilesasampayuttā ca?

ds2.3.2:230.2Lobho mohena kileso ceva kilesasampayutto ca, moho lobhena kileso ceva kilesasampayutto ca, doso mohena kileso ceva kilesasampayutto ca, moho dosena kileso ceva kilesasampayutto ca, māno mohena kileso ceva kilesasampayutto ca, moho mānena kileso ceva kilesasampayutto ca, diṭṭhi mohena kileso ceva kilesasampayuttā ca, moho diṭṭhiyā kileso ceva kilesasampayutto ca, vicikicchā mohena kileso ceva kilesasampayuttā ca, moho vicikicchāya kileso ceva kilesasampayutto ca, thinaṁ mohena kileso ceva kilesasampayuttañca, moho thinena kileso ceva kilesasampayutto ca, uddhaccaṁ mohena kileso ceva kilesasampayuttañca, moho uddhaccena kileso ceva kilesasampayutto ca, ahirikaṁ mohena kileso ceva kilesasampayuttañca, moho ahirikena kileso ceva kilesasampayutto ca, anottappaṁ mohena kileso ceva kilesasampayuttañca, moho anottappena kileso ceva kilesasampayutto ca.

ds2.3.2:231.1Lobho uddhaccena kileso ceva kilesasampayutto ca, uddhaccaṁ lobhena kileso ceva kilesasampayuttañca, doso uddhaccena kileso ceva kilesasampayutto ca, uddhaccaṁ dosena kileso ceva kilesasampayuttañca, moho uddhaccena kileso ceva kilesasampayutto ca, uddhaccaṁ mohena kileso ceva kilesasampayuttañca, māno uddhaccena kileso ceva kilesasampayutto ca, uddhaccaṁ mānena kileso ceva kilesasampayuttañca, diṭṭhi uddhaccena kileso ceva kilesasampayuttā ca, uddhaccaṁ diṭṭhiyā kileso ceva kilesasampayuttañca, vicikicchā uddhaccena kileso ceva kilesasampayuttā ca, uddhaccaṁ vicikicchāya kileso ceva kilesasampayuttañca, thinaṁ uddhaccena kileso ceva kilesasampayuttañca, uddhaccaṁ thinena kileso ceva kilesasampayuttañca, ahirikaṁ uddhaccena kileso ceva kilesasampayuttañca, uddhaccaṁ ahirikena kileso ceva kilesasampayuttañca, anottappaṁ uddhaccena kileso ceva kilesasampayuttañca, uddhaccaṁ anottappena kileso ceva kilesasampayuttañca, lobho ahirikena kileso ceva kilesasampayutto ca, ahirikaṁ lobhena kileso ceva kilesasampayuttañca, doso ahirikena kileso ceva kilesasampayutto ca, ahirikaṁ dosena kileso ceva kilesasampayuttañca, moho ahirikena kileso ceva kilesasampayutto ca, ahirikaṁ mohena kileso ceva kilesasampayuttañca, māno ahirikena kileso ceva kilesasampayutto ca, ahirikaṁ mānena kileso ceva kilesasampayuttañca, diṭṭhi ahirikena kileso ceva kilesasampayuttā ca, ahirikaṁ diṭṭhiyā kileso ceva kilesasampayuttañca, vicikicchā ahirikena kileso ceva kilesasampayuttā ca, ahirikaṁ vicikicchāya kileso ceva kilesasampayuttañca, thinaṁ ahirikena kileso ceva kilesasampayuttañca, ahirikaṁ thinena kileso ceva kilesasampayuttañca, uddhaccaṁ ahirikena kileso ceva kilesasampayuttañca, ahirikaṁ uddhaccena kileso ceva kilesasampayuttañca, anottappaṁ ahirikena kileso ceva kilesasampayuttañca, ahirikaṁ anottappena kileso ceva kilesasampayuttañca.

ds2.3.2:232.1Lobho anottappena kileso ceva kilesasampayutto ca, anottappaṁ lobhena kileso ceva kilesasampayuttañca, doso anottappena kileso ceva kilesasampayutto ca, anottappaṁ dosena kileso ceva kilesasampayuttañca, moho anottappena kileso ceva kilesasampayutto ca, anottappaṁ mohena kileso ceva kilesasampayuttañca, māno anottappena kileso ceva kilesasampayutto ca, anottappaṁ mānena kileso ceva kilesasampayuttañca, diṭṭhi anottappena kileso ceva kilesasampayuttā ca, anottappaṁ diṭṭhiyā kileso ceva kilesasampayuttañca, vicikicchā anottappena kileso ceva kilesasampayuttā ca, anottappaṁ vicikicchāya kileso ceva kilesasampayuttañca, thinaṁ anottappena kileso ceva kilesasampayuttañca, anottappaṁ thinena kileso ceva kilesasampayuttañca, uddhaccaṁ anottappena kileso ceva kilesasampayuttañca, anottappaṁ uddhaccena kileso ceva kilesasampayuttañca, ahirikaṁ anottappena kileso ceva kilesasampayuttañca, anottappaṁ ahirikena kileso ceva kilesasampayuttañca—

ds2.3.2:232.2ime dhammā kilesā ceva kilesasampayuttā ca.

ds2.3.2:233.1Katame dhammā kilesasampayuttā ceva no ca kilesā?

ds2.3.2:233.2Tehi dhammehi ye dhammā sampayuttā te dhamme ṭhapetvā vedanākkhandho …pe… viññāṇakkhandho—

ds2.3.2:233.3ime dhammā kilesasampayuttā ceva no ca kilesā.

ds2.3.2:234.02.3.2.12.8. Kilesavippayuttasaṅkilesikaduka

ds2.3.2:234.1Katame dhammā kilesavippayuttā saṅkilesikā?

ds2.3.2:234.2Tehi dhammehi ye dhammā vippayuttā sāsavā kusalābyākatā dhammā kāmāvacarā, rūpāvacarā, arūpāvacarā;

ds2.3.2:234.3rūpakkhandho …pe… viññāṇakkhandho—

ds2.3.2:234.4ime dhammā kilesavippayuttā saṅkilesikā.

ds2.3.2:235.1Katame dhammā kilesavippayuttā asaṅkilesikā?

ds2.3.2:235.2Apariyāpannā maggā ca, maggaphalāni ca, asaṅkhatā ca dhātu—

ds2.3.2:235.3ime dhammā kilesavippayuttā asaṅkilesikā.

ds2.3.2:236.0.12.3.2.13. Piṭṭhiduka

ds2.3.2:236.0.22.3.2.13.1. Dassanenapahātabbaduka

ds2.3.2:236.1Katame dhammā dassanena pahātabbā?

ds2.3.2:236.2Tīṇi saññojanāni—

ds2.3.2:236.3sakkāyadiṭṭhi, vicikicchā, sīlabbataparāmāso.

ds2.3.2:237.1Tattha katamā sakkāyadiṭṭhi?

ds2.3.2:237.2Idha assutavā puthujjano ariyānaṁ adassāvī ariyadhammassa akovido ariyadhamme avinīto sappurisānaṁ adassāvī sappurisadhammassa akovido sappurisadhamme avinīto rūpaṁ attato samanupassati, rūpavantaṁ vā attānaṁ, attani vā rūpaṁ, rūpasmiṁ vā attānaṁ.

ds2.3.2:237.3Vedanaṁ …pe…

ds2.3.2:237.4saññaṁ …pe…

ds2.3.2:237.5saṅkhāre …pe…

ds2.3.2:237.6viññāṇaṁ attato samanupassati, viññāṇavantaṁ vā attānaṁ, attani vā viññāṇaṁ, viññāṇasmiṁ vā attānaṁ.

ds2.3.2:237.7Yā evarūpā diṭṭhi diṭṭhigataṁ …pe… vipariyāsaggāho—

ds2.3.2:237.8ayaṁ vuccati sakkāyadiṭṭhi.

ds2.3.2:238.1Tattha katamā vicikicchā?

ds2.3.2:238.2Satthari kaṅkhati vicikicchati …pe… thambhitattaṁ cittassa manovilekho—

ds2.3.2:238.3ayaṁ vuccati vicikicchā.

ds2.3.2:239.1Tattha katamo sīlabbataparāmāso?

ds2.3.2:239.2Ito bahiddhā samaṇabrāhmaṇānaṁ sīlena suddhi vatena suddhi sīlabbatena suddhīti—

ds2.3.2:239.3yā evarūpā diṭṭhi diṭṭhigataṁ …pe… vipariyāsaggāho—

ds2.3.2:239.4ayaṁ vuccati sīlabbataparāmāso.

ds2.3.2:239.5Imāni tīṇi saññojanāni, tadekaṭṭhā ca kilesā, taṁsampayutto vedanākkhandho …pe… viññāṇakkhandho, taṁsamuṭṭhānaṁ kāyakammaṁ vacīkammaṁ manokammaṁ—

ds2.3.2:239.6ime dhammā dassanena pahātabbā.

ds2.3.2:240.1Katame dhammā na dassanena pahātabbā?

ds2.3.2:240.2Te dhamme ṭhapetvā avasesā kusalākusalābyākatā dhammā kāmāvacarā, rūpāvacarā, arūpāvacarā, apariyāpannā;

ds2.3.2:240.3vedanākkhandho …pe… viññāṇakkhandho, sabbañca rūpaṁ, asaṅkhatā ca dhātu—

ds2.3.2:240.4ime dhammā na dassanena pahātabbā.

ds2.3.2:241.02.3.2.13.2. Bhāvanāyapahātabbaduka

ds2.3.2:241.1Katame dhammā bhāvanāya pahātabbā?

ds2.3.2:241.2Avaseso lobho doso moho, tadekaṭṭhā ca kilesā, taṁsampayutto vedanākkhandho …pe… viññāṇakkhandho, taṁsamuṭṭhānaṁ kāyakammaṁ, vacīkammaṁ manokammaṁ—

ds2.3.2:241.3ime dhammā bhāvanāya pahātabbā.

ds2.3.2:242.1Katame dhammā na bhāvanāya pahātabbā?

ds2.3.2:242.2Te dhamme ṭhapetvā avasesā kusalākusalābyākatā dhammā kāmāvacarā, rūpāvacarā, arūpāvacarā, apariyāpannā;

ds2.3.2:242.3vedanākkhandho …pe… viññāṇakkhandho;

ds2.3.2:242.4sabbañca rūpaṁ, asaṅkhatā ca dhātu—

ds2.3.2:242.5ime dhammā na bhāvanāya pahātabbā.

ds2.3.2:243.02.3.2.13.3. Dassanenapahātabbahetukaduka

ds2.3.2:243.1Katame dhammā dassanena pahātabbahetukā?

ds2.3.2:243.2Tīṇi saññojanāni—

ds2.3.2:243.3sakkāyadiṭṭhi, vicikicchā, sīlabbataparāmāso.

ds2.3.2:244.1Tattha katamā sakkāyadiṭṭhi?

ds2.3.2:244.2Idha assutavā puthujjano ariyānaṁ adassāvī ariyadhammassa akovido ariyadhamme avinīto sappurisānaṁ adassāvī sappurisadhammassa akovido sappurisadhamme avinīto rūpaṁ attato samanupassati, rūpavantaṁ vā attānaṁ, attani vā rūpaṁ, rūpasmiṁ vā attānaṁ.

ds2.3.2:244.3Vedanaṁ …pe…

ds2.3.2:244.4saññaṁ …pe…

ds2.3.2:244.5saṅkhāre …pe…

ds2.3.2:244.6viññāṇaṁ attato samanupassati, viññāṇavantaṁ vā attānaṁ, attani vā viññāṇaṁ, viññāṇasmiṁ vā attānaṁ.

ds2.3.2:244.7Yā evarūpā diṭṭhi diṭṭhigataṁ …pe… vipariyāsaggāho—

ds2.3.2:244.8ayaṁ vuccati sakkāyadiṭṭhi.

ds2.3.2:245.1Tattha katamā vicikicchā?

ds2.3.2:245.2Satthari kaṅkhati vicikicchati …pe… thambhitattaṁ cittassa manovilekho—

ds2.3.2:245.3ayaṁ vuccati vicikicchā.

ds2.3.2:246.1Tattha katamo sīlabbataparāmāso?

ds2.3.2:246.2Ito bahiddhā samaṇabrāhmaṇānaṁ sīlena suddhi vatena suddhi sīlabbatena suddhīti—

ds2.3.2:246.3yā evarūpā diṭṭhi diṭṭhigataṁ …pe… vipariyāsaggāho—

ds2.3.2:246.4ayaṁ vuccati sīlabbataparāmāso.

ds2.3.2:246.5Imāni tīṇi saññojanāni, tadekaṭṭhā ca kilesā, taṁsampayutto vedanākkhandho …pe… viññāṇakkhandho, taṁsamuṭṭhānaṁ kāyakammaṁ, vacīkammaṁ, manokammaṁ—

ds2.3.2:246.6ime dhammā dassanena pahātabbahetukā.

ds2.3.2:246.7Tīṇi saññojanāni—

ds2.3.2:246.8sakkāyadiṭṭhi, vicikicchā, sīlabbataparāmāso—

ds2.3.2:246.9ime dhammā dassanena pahātabbā.

ds2.3.2:246.10Tadekaṭṭho lobho doso moho—

ds2.3.2:246.11ime dhammā dassanena pahātabbahetū.

ds2.3.2:246.12Tadekaṭṭhā ca kilesā, taṁsampayutto vedanākkhandho …pe… viññāṇakkhandho, taṁsamuṭṭhānaṁ kāyakammaṁ, vacīkammaṁ, manokammaṁ—

ds2.3.2:246.13ime dhammā dassanena pahātabbahetukā.

ds2.3.2:247.1Katame dhammā na dassanena pahātabbahetukā?

ds2.3.2:247.2Te dhamme ṭhapetvā avasesā kusalākusalābyākatā dhammā kāmāvacarā, rūpāvacarā, arūpāvacarā, apariyāpannā;

ds2.3.2:247.3vedanākkhandho …pe… viññāṇakkhandho;

ds2.3.2:247.4sabbañca rūpaṁ, asaṅkhatā ca dhātu—

ds2.3.2:247.5ime dhammā na dassanena pahātabbahetukā.

ds2.3.2:248.02.3.2.13.4. Bhāvanāyapahātabbahetukaduka

ds2.3.2:248.1Katame dhammā bhāvanāya pahātabbahetukā?

ds2.3.2:248.2Avaseso lobho doso moho—

ds2.3.2:248.3ime dhammā bhāvanāya pahātabbahetū.

ds2.3.2:248.4Tadekaṭṭhā ca kilesā, taṁsampayutto vedanākkhandho …pe… viññāṇakkhandho, taṁsamuṭṭhānaṁ kāyakammaṁ, vacīkammaṁ, manokammaṁ—

ds2.3.2:248.5ime dhammā bhāvanāya pahātabbahetukā.

ds2.3.2:249.1Katame dhammā na bhāvanāya pahātabbahetukā?

ds2.3.2:249.2Te dhamme ṭhapetvā avasesā kusalākusalābyākatā dhammā kāmāvacarā, rūpāvacarā, arūpāvacarā, apariyāpannā;

ds2.3.2:249.3vedanākkhandho …pe… viññāṇakkhandho;

ds2.3.2:249.4sabbañca rūpaṁ, asaṅkhatā ca dhātu—

ds2.3.2:249.5ime dhammā na bhāvanāya pahātabbahetukā.

ds2.3.2:250.02.3.2.13.5. Savitakkaduka

ds2.3.2:250.1Katame dhammā savitakkā?

ds2.3.2:250.2Savitakkabhūmiyaṁ kāmāvacare rūpāvacare apariyāpanne, vitakkaṁ ṭhapetvā, taṁsampayutto vedanākkhandho …pe… viññāṇakkhandho—

ds2.3.2:250.3ime dhammā savitakkā.

ds2.3.2:251.1Katame dhammā avitakkā?

ds2.3.2:251.2Avitakkabhūmiyaṁ kāmāvacare rūpāvacare arūpāvacare apariyāpanne;

ds2.3.2:251.3vedanākkhandho …pe… viññāṇakkhandho;

ds2.3.2:251.4vitakko ca, sabbañca rūpaṁ, asaṅkhatā ca dhātu—

ds2.3.2:251.5ime dhammā avitakkā.

ds2.3.2:252.02.3.2.13.6. Savicāraduka

ds2.3.2:252.1Katame dhammā savicārā?

ds2.3.2:252.2Savicārabhūmiyaṁ kāmāvacare rūpāvacare apariyāpanne, vicāraṁ ṭhapetvā, taṁsampayutto vedanākkhandho, saññākkhandho, saṅkhārakkhandho, viññāṇakkhandho—

ds2.3.2:252.3ime dhammā savicārā.

ds2.3.2:253.1Katame dhammā avicārā?

ds2.3.2:253.2Avicārabhūmiyaṁ kāmāvacare rūpāvacare arūpāvacare apariyāpanne;

ds2.3.2:253.3vedanākkhandho …pe… viññāṇakkhandho;

ds2.3.2:253.4vicāro ca, sabbañca rūpaṁ, asaṅkhatā ca dhātu—

ds2.3.2:253.5ime dhammā avicārā.

ds2.3.2:254.02.3.2.13.7. Sappītikaduka

ds2.3.2:254.1Katame dhammā sappītikā?

ds2.3.2:254.2Sappītikabhūmiyaṁ kāmāvacare rūpāvacare apariyāpanne, pītiṁ ṭhapetvā, taṁsampayutto vedanākkhandho …pe… viññāṇakkhandho—

ds2.3.2:254.3ime dhammā sappītikā.

ds2.3.2:255.1Katame dhammā appītikā?

ds2.3.2:255.2Appītikabhūmiyaṁ kāmāvacare rūpāvacare arūpāvacare apariyāpanne;

ds2.3.2:255.3vedanākkhandho …pe… viññāṇakkhandho;

ds2.3.2:255.4pīti ca, sabbañca rūpaṁ, asaṅkhatā ca dhātu—

ds2.3.2:255.5ime dhammā appītikā.

ds2.3.2:256.02.3.2.13.8. Pītisahagataduka

ds2.3.2:256.1Katame dhammā pītisahagatā?

ds2.3.2:256.2Pītibhūmiyaṁ kāmāvacare rūpāvacare apariyāpanne, pītiṁ ṭhapetvā, taṁsampayutto vedanākkhandho …pe… viññāṇakkhandho—

ds2.3.2:256.3ime dhammā pītisahagatā.

ds2.3.2:257.1Katame dhammā na pītisahagatā?

ds2.3.2:257.2Na pītibhūmiyaṁ kāmāvacare rūpāvacare arūpāvacare apariyāpanne;

ds2.3.2:257.3vedanākkhandho …pe… viññāṇakkhandho;

ds2.3.2:257.4pīti ca, sabbañca rūpaṁ, asaṅkhatā ca dhātu—

ds2.3.2:257.5ime dhammā na pītisahagatā.

ds2.3.2:258.02.3.2.13.9. Sukhasahagataduka

ds2.3.2:258.1Katame dhammā sukhasahagatā?

ds2.3.2:258.2Sukhabhūmiyaṁ kāmāvacare rūpāvacare apariyāpanne, sukhaṁ ṭhapetvā, taṁsampayutto saññākkhandho, saṅkhārakkhandho, viññāṇakkhandho—

ds2.3.2:258.3ime dhammā sukhasahagatā.

ds2.3.2:259.1Katame dhammā na sukhasahagatā?

ds2.3.2:259.2Na sukhabhūmiyaṁ kāmāvacare rūpāvacare arūpāvacare apariyāpanne;

ds2.3.2:259.3vedanākkhandho …pe… viññāṇakkhandho;

ds2.3.2:259.4sukhañca, sabbañca rūpaṁ, asaṅkhatā ca dhātu—

ds2.3.2:259.5ime dhammā na sukhasahagatā.

ds2.3.2:260.02.3.2.13.10. Upekkhāsahagataduka

ds2.3.2:260.1Katame dhammā upekkhāsahagatā?

ds2.3.2:260.2Upekkhābhūmiyaṁ kāmāvacare rūpāvacare arūpāvacare apariyāpanne, upekkhaṁ ṭhapetvā, taṁsampayutto saññākkhandho, saṅkhārakkhandho, viññāṇakkhandho—

ds2.3.2:260.3ime dhammā upekkhāsahagatā.

ds2.3.2:261.1Katame dhammā na upekkhāsahagatā?

ds2.3.2:261.2Na upekkhābhūmiyaṁ kāmāvacare rūpāvacare apariyāpanne, vedanākkhandho …pe… viññāṇakkhandho, upekkhā ca, sabbañca rūpaṁ, asaṅkhatā ca dhātu—

ds2.3.2:261.3ime dhammā na upekkhāsahagatā.

ds2.3.2:262.02.3.2.13.11. Kāmāvacaraduka

ds2.3.2:262.1Katame dhammā kāmāvacarā?

ds2.3.2:262.2Heṭṭhato avicinirayaṁ pariyantaṁ karitvā, uparito paranimmitavasavattī deve anto karitvā, yaṁ etasmiṁ antare etthāvacarā ettha pariyāpannā khandhadhātu āyatanā, rūpaṁ vedanā saññā saṅkhārā viññāṇaṁ—

ds2.3.2:262.3ime dhammā kāmāvacarā.

ds2.3.2:263.1Katame dhammā na kāmāvacarā?

ds2.3.2:263.2Rūpāvacarā, arūpāvacarā, apariyāpannā—

ds2.3.2:263.3ime dhammā na kāmāvacarā.

ds2.3.2:264.02.3.2.13.12. Rūpāvacaraduka

ds2.3.2:264.1Katame dhammā rūpāvacarā?

ds2.3.2:264.2Heṭṭhato brahmalokaṁ pariyantaṁ karitvā, uparito akaniṭṭhe deve anto karitvā, yaṁ etasmiṁ antare etthāvacarā ettha pariyāpannā samāpannassa vā upapannassa vā diṭṭhadhammasukhavihārissa vā cittacetasikā dhammā—

ds2.3.2:264.3ime dhammā rūpāvacarā.

ds2.3.2:265.1Katame dhammā na rūpāvacarā?

ds2.3.2:265.2Kāmāvacarā, arūpāvacarā, apariyāpannā—

ds2.3.2:265.3ime dhammā na rūpāvacarā.

ds2.3.2:266.02.3.2.13.13. Arūpāvacaraduka

ds2.3.2:266.1Katame dhammā arūpāvacarā?

ds2.3.2:266.2Heṭṭhato ākāsānañcāyatanupage deve pariyantaṁ karitvā, uparito nevasaññānāsaññāyatanupage deve anto karitvā, yaṁ etasmiṁ antare etthāvacarā ettha pariyāpannā samāpannassa vā upapannassa vā diṭṭhadhammasukhavihārissa vā cittacetasikā dhammā—

ds2.3.2:266.3ime dhammā arūpāvacarā.

ds2.3.2:267.1Katame dhammā na arūpāvacarā?

ds2.3.2:267.2Kāmāvacarā, rūpāvacarā, apariyāpannā—

ds2.3.2:267.3ime dhammā na arūpāvacarā.

ds2.3.2:268.02.3.2.13.14. Pariyāpannaduka

ds2.3.2:268.1Katame dhammā pariyāpannā?

ds2.3.2:268.2Sāsavā kusalākusalābyākatā dhammā kāmāvacarā, rūpāvacarā, arūpāvacarā, rūpakkhandho …pe… viññāṇakkhandho—

ds2.3.2:268.3ime dhammā pariyāpannā.

ds2.3.2:269.1Katame dhammā apariyāpannā?

ds2.3.2:269.2Maggā ca, maggaphalāni ca, asaṅkhatā ca dhātu—

ds2.3.2:269.3ime dhammā apariyāpannā.

ds2.3.2:270.02.3.2.13.15. Niyyānikaduka

ds2.3.2:270.1Katame dhammā niyyānikā?

ds2.3.2:270.2Cattāro maggā apariyāpannā—

ds2.3.2:270.3ime dhammā niyyānikā.

ds2.3.2:271.1Katame dhammā aniyyānikā?

ds2.3.2:271.2Te dhamme ṭhapetvā avasesā kusalākusalābyākatā dhammā kāmāvacarā, rūpāvacarā, arūpāvacarā, apariyāpannā;

ds2.3.2:271.3vedanākkhandho …pe… viññāṇakkhandho, sabbañca rūpaṁ, asaṅkhatā ca dhātu—

ds2.3.2:271.4ime dhammā aniyyānikā.

ds2.3.2:272.02.3.2.13.16. Niyataduka

ds2.3.2:272.1Katame dhammā niyatā?

ds2.3.2:272.2Pañca kammāni ānantarikāni, yā ca micchādiṭṭhi niyatā, cattāro maggā apariyāpannā—

ds2.3.2:272.3ime dhammā niyatā.

ds2.3.2:273.1Katame dhammā aniyatā?

ds2.3.2:273.2Te dhamme ṭhapetvā avasesā kusalākusalābyākatā dhammā kāmāvacarā, rūpāvacarā, arūpāvacarā, apariyāpannā;

ds2.3.2:273.3vedanākkhandho …pe… viññāṇakkhandho, sabbañca rūpaṁ, asaṅkhatā ca dhātu—

ds2.3.2:273.4ime dhammā aniyatā.

ds2.3.2:274.02.3.2.13.17. Sauttaraduka

ds2.3.2:274.1Katame dhammā sauttarā?

ds2.3.2:274.2Sāsavā kusalākusalābyākatā dhammā kāmāvacarā, rūpāvacarā, arūpāvacarā;

ds2.3.2:274.3rūpakkhandho …pe… viññāṇakkhandho—

ds2.3.2:274.4ime dhammā sauttarā.

ds2.3.2:275.1Katame dhammā anuttarā?

ds2.3.2:275.2Apariyāpannā maggā ca, maggaphalāni ca, asaṅkhatā ca dhātu—

ds2.3.2:275.3ime dhammā anuttarā.

ds2.3.2:276.02.3.2.13.18. Saraṇaduka

ds2.3.2:276.1Katame dhammā saraṇā?

ds2.3.2:276.2Tīṇi akusalamūlāni lobho, doso, moho;

ds2.3.2:276.3tadekaṭṭhā ca kilesā, taṁsampayutto vedanākkhandho …pe… viññāṇakkhandho, taṁsamuṭṭhānaṁ kāyakammaṁ, vacīkammaṁ, manokammaṁ—

ds2.3.2:276.4ime dhammā saraṇā.

ds2.3.2:277.1Katame dhammā araṇā?

ds2.3.2:277.2Kusalābyākatā dhammā kāmāvacarā, rūpāvacarā, arūpāvacarā, apariyāpannā;

ds2.3.2:277.3vedanākkhandho …pe… viññāṇakkhandho, sabbañca rūpaṁ, asaṅkhatā ca dhātu—

ds2.3.2:277.4ime dhammā araṇā.

ds2.3.2:277.5Abhidhammadukaṁ.