ds2.4.1:0.1Dhammasaṅgaṇī
ds2.4.1:0.22 Niddesa
ds2.4.1:0.32.4 Aṭṭhakathākaṇḍa
ds2.4.1:0.42.4.1. Tikaatthuddhāra
ds2.4.1:1.02.4.1.1. Kusalattika
ds2.4.1:1.1Katame dhammā kusalā?
ds2.4.1:1.2Catūsu bhūmīsu kusalaṁ—
ds2.4.1:1.3ime dhammā kusalā.
ds2.4.1:2.1Katame dhammā akusalā?
ds2.4.1:2.2Dvādasa akusalacittuppādā—
ds2.4.1:2.3ime dhammā akusalā.
ds2.4.1:3.1Katame dhammā abyākatā?
ds2.4.1:3.2Catūsu bhūmīsu vipāko, tīsu bhūmīsu kiriyābyākataṁ, rūpañca, nibbānañca—
ds2.4.1:3.3ime dhammā abyākatā.
ds2.4.1:4.02.4.1.2. Vedanāttika
ds2.4.1:4.1Katame dhammā sukhāya vedanāya sampayuttā?
ds2.4.1:4.2Kāmāvacarakusalato cattāro somanassasahagatacittuppādā, akusalato cattāro kāmāvacarakusalassa vipākato ca kiriyato ca pañca, rūpāvacaratikacatukkajjhānā kusalato ca vipākato ca kiriyato ca, lokuttaratikacatukkajjhānā kusalato ca vipākato ca, etthuppannaṁ sukhaṁ vedanaṁ ṭhapetvā—
ds2.4.1:4.3ime dhammā sukhāya vedanāya sampayuttā.
ds2.4.1:5.1Katame dhammā dukkhāya vedanāya sampayuttā?
ds2.4.1:5.2Dve domanassasahagatacittuppādā, dukkhasahagataṁ kāyaviññāṇaṁ, etthuppannaṁ dukkhaṁ vedanaṁ ṭhapetvā—
ds2.4.1:5.3ime dhammā dukkhāya vedanāya sampayuttā.
ds2.4.1:6.1Katame dhammā adukkhamasukhāya vedanāya sampayuttā?
ds2.4.1:6.2Kāmāvacarakusalato cattāro upekkhāsahagatacittuppādā, akusalato cha, kāmāvacarakusalassa vipākato dasa, akusalassa vipākato cha, kiriyato cha, rūpāvacaraṁ catutthaṁ jhānaṁ kusalato ca vipākato ca kiriyato ca, cattāro arūpāvacarā kusalato ca vipākato ca kiriyato ca, lokuttaraṁ catutthaṁ jhānaṁ kusalato ca vipākato ca, etthuppannaṁ adukkhamasukhaṁ vedanaṁ ṭhapetvā—
ds2.4.1:6.3ime dhammā adukkhamasukhāya vedanāya sampayuttā.
ds2.4.1:6.4Tisso ca vedanā, rūpañca, nibbānañca—
ds2.4.1:6.5ime dhammā na vattabbā sukhāya vedanāya sampayuttātipi, dukkhāya vedanāya sampayuttātipi, adukkhamasukhāya vedanāya sampayuttātipi.
ds2.4.1:7.02.4.1.3. Vipākattika
ds2.4.1:7.1Katame dhammā vipākā?
ds2.4.1:7.2Catūsu bhūmīsu vipāko—
ds2.4.1:7.3ime dhammā vipākā.
ds2.4.1:8.1Katame dhammā vipākadhammadhammā?
ds2.4.1:8.2Catūsu bhūmīsu kusalaṁ akusalaṁ—
ds2.4.1:8.3ime dhammā vipākadhammadhammā.
ds2.4.1:9.1Katame dhammā nevavipākanavipākadhammadhammā?
ds2.4.1:9.2Tīsu bhūmīsu kiriyābyākataṁ, rūpañca, nibbānañca—
ds2.4.1:9.3ime dhammā nevavipākanavipākadhammadhammā.
ds2.4.1:10.02.4.1.4. Upādinnattika
ds2.4.1:10.1Katame dhammā upādinnupādāniyā?
ds2.4.1:10.2Tīsu bhūmīsu vipāko, yañca rūpaṁ kammassa katattā—
ds2.4.1:10.3ime dhammā upādinnupādāniyā.
ds2.4.1:11.1Katame dhammā anupādinnupādāniyā?
ds2.4.1:11.2Tīsu bhūmīsu kusalaṁ, akusalaṁ, tīsu bhūmīsu kiriyābyākataṁ, yañca rūpaṁ na kammassa katattā—
ds2.4.1:11.3ime dhammā anupādinnupādāniyā.
ds2.4.1:12.1Katame dhammā anupādinnaanupādāniyā?
ds2.4.1:12.2Cattāro maggā apariyāpannā, cattāri ca sāmaññaphalāni, nibbānañca—
ds2.4.1:12.3ime dhammā anupādinnaanupādāniyā.
ds2.4.1:13.02.4.1.5. Saṅkiliṭṭhattika
ds2.4.1:13.1Katame dhammā saṅkiliṭṭhasaṅkilesikā?
ds2.4.1:13.2Dvādasākusalacittuppādā—
ds2.4.1:13.3ime dhammā saṅkiliṭṭhasaṅkilesikā.
ds2.4.1:14.1Katame dhammā asaṅkiliṭṭhasaṅkilesikā?
ds2.4.1:14.2Tīsu bhūmīsu kusalaṁ, tīsu bhūmīsu vipāko, tīsu bhūmīsu kiriyābyākataṁ, sabbañca rūpaṁ—
ds2.4.1:14.3ime dhammā asaṅkiliṭṭhasaṅkilesikā.
ds2.4.1:15.1Katame dhammā asaṅkiliṭṭhaasaṅkilesikā?
ds2.4.1:15.2Cattāro maggā apariyāpannā, cattāri ca sāmaññaphalāni, nibbānañca—
ds2.4.1:15.3ime dhammā asaṅkiliṭṭhaasaṅkilesikā.
ds2.4.1:16.02.4.1.6. Vitakkattika
ds2.4.1:16.1Katame dhammā savitakkasavicārā?
ds2.4.1:16.2Kāmāvacaraṁ kusalaṁ, akusalaṁ, kāmāvacarakusalassa vipākato ekādasa cittuppādā, akusalassa vipākato dve, kiriyato ekādasa, rūpāvacaraṁ paṭhamaṁ jhānaṁ kusalato ca vipākato ca kiriyato ca, lokuttaraṁ paṭhamaṁ jhānaṁ kusalato ca vipākato ca, etthuppanne vitakkavicāre ṭhapetvā—
ds2.4.1:16.3ime dhammā savitakkasavicārā.
ds2.4.1:17.1Katame dhammā avitakkavicāramattā?
ds2.4.1:17.2Rūpāvacarapañcakanaye dutiyaṁ jhānaṁ kusalato ca vipākato ca kiriyato ca, lokuttarapañcakanaye dutiyaṁ jhānaṁ kusalato ca vipākato ca, etthuppannaṁ vicāraṁ ṭhapetvā, vitakko ca—
ds2.4.1:17.3ime dhammā avitakkavicāramattā.
ds2.4.1:18.1Katame dhammā avitakkaavicārā?
ds2.4.1:18.2Dvepañcaviññāṇāni, rūpāvacaratikatikajjhānā kusalato ca vipākato ca kiriyato ca, cattāro āruppā kusalato ca vipākato ca kiriyato ca lokuttaratikatikajjhānā kusalato ca vipākato ca pañcakanaye dutiye jhāne, uppanno ca vicāro rūpañca nibbānañca—
ds2.4.1:18.3ime dhammā avitakkaavicārā.
ds2.4.1:18.4Vitakkasahajāto vicāro na vattabbo savitakkasavicārotipi, avitakkavicāramattotipi, avitakkaavicārotipi.
ds2.4.1:19.02.4.1.7. Pītittika
ds2.4.1:19.1Katame dhammā pītisahagatā?
ds2.4.1:19.2Kāmāvacarakusalato cattāro somanassasahagatacittuppādā, akusalato cattāro, kāmāvacarakusalassa vipākato pañca, kiriyato pañca, rūpāvacaradukatikajjhānā kusalato ca vipākato ca kiriyato ca, lokuttaradukatikajjhānā kusalato ca vipākato ca, etthuppannaṁ pītiṁ ṭhapetvā—
ds2.4.1:19.3ime dhammā pītisahagatā.
ds2.4.1:20.1Katame dhammā sukhasahagatā?
ds2.4.1:20.2Kāmāvacarakusalato cattāro somanassasahagatacittuppādā, akusalato cattāro, kāmāvacarakusalassa vipākato cha, kiriyato pañca, rūpāvacaratikacatukkajjhānā kusalato ca vipākato ca kiriyato ca, lokuttaratikacatukkajjhānā kusalato ca vipākato ca, etthuppannaṁ sukhaṁ ṭhapetvā—
ds2.4.1:20.3ime dhammā sukhasahagatā.
ds2.4.1:21.1Katame dhammā upekkhāsahagatā?
ds2.4.1:21.2Kāmāvacarakusalato cattāro upekkhāsahagatacittuppādā, akusalato cha, kāmāvacarakusalassa vipākato dasa, akusalassa vipākato cha, kiriyato cha, rūpāvacaraṁ catutthaṁ jhānaṁ kusalato ca vipākato ca kiriyato ca, cattāro āruppā kusalato ca vipākato ca kiriyato ca, lokuttaraṁ catutthaṁ jhānaṁ kusalato ca vipākato ca, etthuppannaṁ upekkhaṁ ṭhapetvā—
ds2.4.1:21.3ime dhammā upekkhāsahagatā.
ds2.4.1:21.4Pīti na pītisahagatā, sukhasahagatā, na upekkhāsahagatā.
ds2.4.1:21.5Sukhaṁ na sukhasahagataṁ, siyā pītisahagataṁ, na upekkhāsahagataṁ, siyā na vattabbaṁ pītisahagatanti.
ds2.4.1:21.6Dve domanassasahagatacittuppādā, dukkhasahagatakāyaviññāṇaṁ, yā ca vedanā upekkhā, rūpañca nibbānañca—
ds2.4.1:21.7ime dhammā na vattabbā pītisahagatātipi, sukhasahagatātipi, upekkhāsahagatātipi.
ds2.4.1:22.02.4.1.8. Dassanenapahātabbattika
ds2.4.1:22.1Katame dhammā dassanena pahātabbā?
ds2.4.1:22.2Cattāro diṭṭhigatasampayuttacittuppādā, vicikicchāsahagato cittuppādo—
ds2.4.1:22.3ime dhammā dassanena pahātabbā.
ds2.4.1:23.1Katame dhammā bhāvanāya pahātabbā?
ds2.4.1:23.2Uddhaccasahagato cittuppādo—
ds2.4.1:23.3ime dhammā bhāvanāya pahātabbā.
ds2.4.1:23.4Cattāro diṭṭhigatavippayuttā lobhasahagatacittuppādā, dve domanassasahagatacittuppādā—
ds2.4.1:23.5ime dhammā siyā dassanena pahātabbā siyā bhāvanāya pahātabbā.
ds2.4.1:24.1Katame dhammā neva dassanena na bhāvanāya pahātabbā?
ds2.4.1:24.2Catūsu bhūmīsu kusalaṁ, catūsu bhūmīsu vipāko, tīsu bhūmīsu kiriyābyākataṁ, rūpañca, nibbānañca—
ds2.4.1:24.3ime dhammā neva dassanena na bhāvanāya pahātabbā.
ds2.4.1:25.02.4.1.9. Dassanenapahātabbahetukattika
ds2.4.1:25.1Katame dhammā dassanena pahātabbahetukā?
ds2.4.1:25.2Cattāro diṭṭhigatasampayuttacittuppādā, vicikicchāsahagato cittuppādo, etthuppannaṁ mohaṁ ṭhapetvā—
ds2.4.1:25.3ime dhammā dassanena pahātabbahetukā.
ds2.4.1:26.1Katame dhammā bhāvanāya pahātabbahetukā?
ds2.4.1:26.2Uddhaccasahagato cittuppādo, etthuppannaṁ mohaṁ ṭhapetvā—
ds2.4.1:26.3ime dhammā bhāvanāya pahātabbahetukā.
ds2.4.1:26.4Cattāro diṭṭhigatavippayuttā lobhasahagatacittuppādā, dve domanassasahagatacittuppādā—
ds2.4.1:26.5ime dhammā siyā dassanena pahātabbahetukā, siyā bhāvanāya pahātabbahetukā.
ds2.4.1:27.1Katame dhammā neva dassanena na bhāvanāya pahātabbahetukā?
ds2.4.1:27.2Vicikicchāsahagato moho, uddhaccasahagato moho, catūsu bhūmīsu kusalaṁ, catūsu bhūmīsu vipāko, tīsu bhūmīsu kiriyābyākataṁ, rūpañca, nibbānañca—
ds2.4.1:27.3ime dhammā neva dassanena na bhāvanāya pahātabbahetukā.
ds2.4.1:28.02.4.1.10. Ācayagāmittika
ds2.4.1:28.1Katame dhammā ācayagāmino?
ds2.4.1:28.2Tīsu bhūmīsu kusalaṁ, akusalaṁ—
ds2.4.1:28.3ime dhammā ācayagāmino.
ds2.4.1:29.1Katame dhammā apacayagāmino?
ds2.4.1:29.2Cattāro maggā apariyāpannā—
ds2.4.1:29.3ime dhammā apacayagāmino.
ds2.4.1:30.1Katame dhammā nevācayagāmināpacayagāmino?
ds2.4.1:30.2Catūsu bhūmīsu vipāko, tīsu bhūmīsu kiriyābyākataṁ, rūpañca, nibbānañca—
ds2.4.1:30.3ime dhammā nevācayagāmināpacayagāmino.
ds2.4.1:31.02.4.1.11. Sekkhattika
ds2.4.1:31.1Katame dhammā sekkhā?
ds2.4.1:31.2Cattāro maggā apariyāpannā, heṭṭhimāni ca tīṇi sāmaññaphalāni—
ds2.4.1:31.3ime dhammā sekkhā.
ds2.4.1:32.1Katame dhammā asekkhā?
ds2.4.1:32.2Upariṭṭhimaṁ arahattaphalaṁ—
ds2.4.1:32.3ime dhammā asekkhā.
ds2.4.1:33.1Katame dhammā nevasekkhanāsekkhā?
ds2.4.1:33.2Tīsu bhūmīsu kusalaṁ, akusalaṁ, tīsu bhūmīsu vipāko, tīsu bhūmīsu kiriyābyākataṁ, rūpañca, nibbānañca—
ds2.4.1:33.3ime dhammā nevasekkhanāsekkhā.
ds2.4.1:34.02.4.1.12. Parittattika
ds2.4.1:34.1Katame dhammā parittā?
ds2.4.1:34.2Kāmāvacarakusalaṁ, akusalaṁ, sabbo kāmāvacarassa vipāko, kāmāvacarakiriyābyākataṁ, sabbañca rūpaṁ—
ds2.4.1:34.3ime dhammā parittā.
ds2.4.1:35.1Katame dhammā mahaggatā?
ds2.4.1:35.2Rūpāvacarā, arūpāvacarā, kusalābyākatā—
ds2.4.1:35.3ime dhammā mahaggatā.
ds2.4.1:36.1Katame dhammā appamāṇā?
ds2.4.1:36.2Cattāro maggā apariyāpannā, cattāri ca sāmaññaphalāni, nibbānañca—
ds2.4.1:36.3ime dhammā appamāṇā.
ds2.4.1:37.02.4.1.13. Parittārammaṇattika
ds2.4.1:37.1Katame dhammā parittārammaṇā?
ds2.4.1:37.2Sabbo kāmāvacarassa vipāko, kiriyāmanodhātu, kiriyāhetukamanoviññāṇadhātu somanassasahagatā—
ds2.4.1:37.3ime dhammā parittārammaṇā.
ds2.4.1:38.1Katame dhammā mahaggatārammaṇā?
ds2.4.1:38.2Viññāṇañcāyatanaṁ, nevasaññānāsaññāyatanaṁ—
ds2.4.1:38.3ime dhammā mahaggatārammaṇā.
ds2.4.1:39.1Katame dhammā appamāṇārammaṇā?
ds2.4.1:39.2Cattāro maggā apariyāpannā, cattāri ca sāmaññaphalāni—
ds2.4.1:39.3ime dhammā appamāṇārammaṇā.
ds2.4.1:39.4Kāmāvacarakusalato cattāro ñāṇavippayuttacittuppādā, kiriyato cattāro ñāṇavippayuttacittuppādā, sabbaṁ akusalaṁ—
ds2.4.1:39.5ime dhammā siyā parittārammaṇā, siyā mahaggatārammaṇā, na appamāṇārammaṇā, siyā na vattabbā parittārammaṇātipi, mahaggatārammaṇātipi.
ds2.4.1:39.6Kāmāvacarakusalato cattāro ñāṇasampayuttacittuppādā, kiriyato cattāro ñāṇasampayuttacittuppādā, rūpāvacaraṁ catutthaṁ jhānaṁ kusalato ca kiriyato ca, kiriyāhetukamanoviññāṇadhātu upekkhāsahagatā—
ds2.4.1:39.7ime dhammā siyā parittārammaṇā, siyā mahaggatārammaṇā, siyā appamāṇārammaṇā, siyā na vattabbā parittārammaṇātipi, mahaggatārammaṇātipi, appamāṇārammaṇātipi.
ds2.4.1:39.8Rūpāvacaratikacatukkajjhānā kusalato ca vipākato ca kiriyato ca, catutthassa jhānassa vipāko, ākāsānañcāyatanaṁ, ākiñcaññāyatanaṁ—
ds2.4.1:39.9ime dhammā na vattabbā parittārammaṇātipi, mahaggatārammaṇātipi, appamāṇārammaṇātipi.
ds2.4.1:39.10Rūpañca nibbānañca anārammaṇā.
ds2.4.1:40.02.4.1.14. Hīnattika
ds2.4.1:40.1Katame dhammā hīnā?
ds2.4.1:40.2Dvādasa akusalacittuppādā—
ds2.4.1:40.3ime dhammā hīnā.
ds2.4.1:41.1Katame dhammā majjhimā?
ds2.4.1:41.2Tīsu bhūmīsu kusalaṁ, tīsu bhūmīsu vipāko, tīsu bhūmīsu kiriyābyākataṁ, sabbañca rūpaṁ—
ds2.4.1:41.3ime dhammā majjhimā.
ds2.4.1:42.1Katame dhammā paṇītā?
ds2.4.1:42.2Cattāro maggā apariyāpannā, cattāri ca sāmaññaphalāni, nibbānañca—
ds2.4.1:42.3ime dhammā paṇītā.
ds2.4.1:43.02.4.1.15. Micchattaniyatattika
ds2.4.1:43.1Katame dhammā micchattaniyatā?
ds2.4.1:43.2Cattāro diṭṭhigatasampayuttacittuppādā, dve domanassasahagatacittuppādā—
ds2.4.1:43.3ime dhammā siyā micchattaniyatā, siyā aniyatā.
ds2.4.1:44.1Katame dhammā sammattaniyatā?
ds2.4.1:44.2Cattāro maggā apariyāpannā—
ds2.4.1:44.3ime dhammā sammattaniyatā.
ds2.4.1:45.1Katame dhammā aniyatā?
ds2.4.1:45.2Cattāro diṭṭhigatavippayuttalobhasahagatacittuppādā, vicikicchāsahagato cittuppādo, uddhaccasahagato cittuppādo, tīsu bhūmīsu kusalaṁ, catūsu bhūmīsu vipāko, tīsu bhūmīsu kiriyābyākataṁ, rūpañca, nibbānañca—
ds2.4.1:45.3ime dhammā aniyatā.
ds2.4.1:46.02.4.1.16. Maggārammaṇattika
ds2.4.1:46.1Katame dhammā maggārammaṇā?
ds2.4.1:46.2Kāmāvacarakusalato cattāro ñāṇasampayuttacittuppādā, kiriyato cattāro ñāṇasampayuttacittuppādā—
ds2.4.1:46.3ime dhammā siyā maggārammaṇā, na maggahetukā;
ds2.4.1:46.4siyā maggādhipatino, siyā na vattabbā maggārammaṇātipi, maggādhipatinotipi.
ds2.4.1:46.5Cattāro ariyamaggā na maggārammaṇā, maggahetukā;
ds2.4.1:46.6siyā maggādhipatino, siyā na vattabbā maggādhipatinoti.
ds2.4.1:46.7Rūpāvacaracatutthaṁ jhānaṁ kusalato ca kiriyato ca, kiriyāhetukamanoviññāṇadhātu upekkhāsahagatā—
ds2.4.1:46.8ime dhammā siyā maggārammaṇā;
ds2.4.1:46.9na maggahetukā, na maggādhipatino;
ds2.4.1:46.10siyā na vattabbā maggārammaṇāti.
ds2.4.1:46.11Kāmāvacarakusalato cattāro ñāṇavippayuttacittuppādā, sabbaṁ akusalaṁ, sabbo kāmāvacarassa vipāko, kiriyato cha cittuppādā, rūpāvacaratikacatukkajjhānā kusalato ca vipākato ca kiriyato ca, catutthassa jhānassa vipāko, cattāro āruppā kusalato ca vipākato ca kiriyato ca, cattāri ca sāmaññaphalāni—
ds2.4.1:46.12ime dhammā na vattabbā maggārammaṇātipi, maggahetukātipi, maggādhipatinotipi.
ds2.4.1:46.13Rūpañca nibbānañca anārammaṇā.
ds2.4.1:47.02.4.1.17. Uppannattika
ds2.4.1:47.1Katame dhammā uppannā?
ds2.4.1:47.2Catūsu bhūmīsu vipāko, yañca rūpaṁ kammassa katattā—
ds2.4.1:47.3ime dhammā siyā uppannā, siyā uppādino;
ds2.4.1:47.4na vattabbā anuppannāti.
ds2.4.1:47.5Catūsu bhūmīsu kusalaṁ, akusalaṁ, tīsu bhūmīsu kiriyābyākataṁ, yañca rūpaṁ na kammassa katattā—
ds2.4.1:47.6ime dhammā siyā uppannā, siyā anuppannā, na vattabbā uppādinoti.
ds2.4.1:47.7Nibbānaṁ na vattabbaṁ uppannantipi, anuppannantipi, uppādinotipi.
ds2.4.1:48.02.4.1.18. Atītattika
ds2.4.1:48.1(…) Nibbānaṁ ṭhapetvā sabbe dhammā siyā atītā, siyā anāgatā, siyā paccuppannā.
ds2.4.1:48.2Nibbānaṁ na vattabbaṁ atītantipi, anāgatantipi, paccuppannantipi.
ds2.4.1:49.02.4.1.19. Atītārammaṇattika
ds2.4.1:49.1Katame dhammā atītārammaṇā?
ds2.4.1:49.2Viññāṇañcāyatanaṁ, nevasaññānāsaññāyatanaṁ—
ds2.4.1:49.3ime dhammā atītārammaṇā.
ds2.4.1:50.1Niyogā anāgatārammaṇā natthi.
ds2.4.1:51.1Katame dhammā paccuppannārammaṇā?
ds2.4.1:51.2Dvepañcaviññāṇāni, tisso ca manodhātuyo—
ds2.4.1:51.3ime dhammā paccuppannārammaṇā.
ds2.4.1:51.4Kāmāvacarakusalassa vipākato dasa cittuppādā, akusalassa vipākato manoviññāṇadhātu upekkhāsahagatā, kiriyāhetukamanoviññāṇadhātu somanassasahagatā—
ds2.4.1:51.5ime dhammā siyā atītārammaṇā, siyā anāgatārammaṇā, siyā paccuppannārammaṇā.
ds2.4.1:51.6Kāmāvacarakusalaṁ, akusalaṁ, kiriyato nava cittuppādā, rūpāvacaraṁ catutthaṁ jhānaṁ kusalato ca kiriyato ca—
ds2.4.1:51.7ime dhammā siyā atītārammaṇā, siyā anāgatārammaṇā, siyā paccuppannārammaṇā;
ds2.4.1:51.8siyā na vattabbā atītārammaṇātipi, anāgatārammaṇātipi, paccuppannārammaṇātipi.
ds2.4.1:51.9Rūpāvacaratikacatukkajjhānā kusalato ca vipākato ca kiriyato ca, catutthassa jhānassa vipāko, ākāsānañcāyatanaṁ, ākiñcaññāyatanaṁ, cattāro maggā apariyāpannā, cattāri ca sāmaññaphalāni—
ds2.4.1:51.10ime dhammā na vattabbā atītārammaṇātipi, anāgatārammaṇātipi, paccuppannārammaṇātipi.
ds2.4.1:51.11Rūpañca nibbānañca anārammaṇā.
ds2.4.1:52.02.4.1.20. Ajjhattattika
ds2.4.1:52.1Anindriyabaddharūpañca nibbānañca ṭhapetvā, sabbe dhammā siyā ajjhattā, siyā bahiddhā, siyā ajjhattabahiddhā.
ds2.4.1:52.2Anindriyabaddharūpañca nibbānañca bahiddhā.
ds2.4.1:53.02.4.1.21. Ajjhattārammaṇattika
ds2.4.1:53.1Katame dhammā ajjhattārammaṇā?
ds2.4.1:53.2Viññāṇañcāyatanaṁ, nevasaññānāsaññāyatanaṁ—
ds2.4.1:53.3ime dhammā ajjhattārammaṇā.
ds2.4.1:54.1Katame dhammā bahiddhārammaṇā?
ds2.4.1:54.2Rūpāvacaratikacatukkajjhānā kusalato ca vipākato ca kiriyato ca, catutthassa jhānassa vipāko, ākāsānañcāyatanaṁ, cattāro maggā apariyāpannā cattāri ca sāmaññaphalāni—
ds2.4.1:54.3ime dhammā bahiddhārammaṇā.
ds2.4.1:54.4Rūpaṁ ṭhapetvā, sabbeva kāmāvacarā kusalākusalābyākatā dhammā, rūpāvacaraṁ catutthaṁ jhānaṁ kusalato ca kiriyato ca—
ds2.4.1:54.5ime dhammā siyā ajjhattārammaṇā, siyā bahiddhārammaṇā, siyā ajjhattabahiddhārammaṇā.
ds2.4.1:54.6Ākiñcaññāyatanaṁ na vattabbaṁ ajjhattārammaṇantipi, bahiddhārammaṇantipi, ajjhattabahiddhārammaṇantipi.
ds2.4.1:54.7Rūpañca nibbānañca anārammaṇā.
ds2.4.1:55.02.4.1.22. Sanidassanattika
ds2.4.1:55.1Katame dhammā sanidassanasappaṭighā?
ds2.4.1:55.2Rūpāyatanaṁ—
ds2.4.1:55.3ime dhammā sanidassanasappaṭighā.
ds2.4.1:56.1Katame dhammā anidassanasappaṭighā?
ds2.4.1:56.2Cakkhāyatanaṁ …pe… phoṭṭhabbāyatanaṁ—
ds2.4.1:56.3ime dhammā anidassanasappaṭighā.
ds2.4.1:57.1Katame dhammā anidassanaappaṭighā?
ds2.4.1:57.2Catūsu bhūmīsu kusalaṁ, akusalaṁ, catūsu bhūmīsu vipāko, tīsu bhūmīsu kiriyābyākataṁ, yañca rūpaṁ anidassanaṁ appaṭighaṁ dhammāyatanapariyāpannaṁ, nibbānañca—
ds2.4.1:57.3ime dhammā anidassanaappaṭighā.
ds2.4.1:57.4Tikaṁ.