ds2.3.3:0.1Dhammasaṅgaṇī
ds2.3.3:0.22 Niddesa
ds2.3.3:0.32.3 Nikkhepakaṇḍa
ds2.3.3:0.42.3.3. Suttantikadukanikkhepa
ds2.3.3:1.02.3.3.1. Vijjābhāgīduka
ds2.3.3:1.1Katame dhammā vijjābhāgino?
ds2.3.3:1.2Vijjāya sampayuttakā dhammā—
ds2.3.3:1.3ime dhammā vijjābhāgino.
ds2.3.3:2.1Katame dhammā avijjābhāgino?
ds2.3.3:2.2Avijjāya sampayuttakā dhammā—
ds2.3.3:2.3ime dhammā avijjābhāgino.
ds2.3.3:3.02.3.3.2. Vijjūpamaduka
ds2.3.3:3.1Katame dhammā vijjūpamā?
ds2.3.3:3.2Heṭṭhimesu tīsu ariyamaggesu paññā—
ds2.3.3:3.3ime dhammā vijjūpamā.
ds2.3.3:4.1Katame dhammā vajirūpamā?
ds2.3.3:4.2Upariṭṭhime arahattamagge paññā—
ds2.3.3:4.3ime dhammā vajirūpamā.
ds2.3.3:5.02.3.3.3. Bāladuka
ds2.3.3:5.1Katame dhammā bālā?
ds2.3.3:5.2Ahirīkañca anottappañca—
ds2.3.3:5.3ime dhammā bālā.
ds2.3.3:5.4Sabbepi akusalā dhammā bālā.
ds2.3.3:6.1Katame dhammā paṇḍitā?
ds2.3.3:6.2Hirī ca ottappañca—
ds2.3.3:6.3ime dhammā paṇḍitā.
ds2.3.3:6.4Sabbepi kusalā dhammā paṇḍitā.
ds2.3.3:7.02.3.3.4. Kaṇhaduka
ds2.3.3:7.1Katame dhammā kaṇhā?
ds2.3.3:7.2Ahirīkañca anottappañca—
ds2.3.3:7.3ime dhammā kaṇhā.
ds2.3.3:7.4Sabbepi akusalā dhammā kaṇhā.
ds2.3.3:8.1Katame dhammā sukkā?
ds2.3.3:8.2Hirī ca ottappañca—
ds2.3.3:8.3ime dhammā sukkā?
ds2.3.3:8.4Sabbepi kusalā dhammā sukkā.
ds2.3.3:9.02.3.3.5. Tapanīyaduka
ds2.3.3:9.1Katame dhammā tapanīyā?
ds2.3.3:9.2Kāyaduccaritaṁ, vacīduccaritaṁ, manoduccaritaṁ—
ds2.3.3:9.3ime dhammā tapanīyā.
ds2.3.3:9.4Sabbepi akusalā dhammā tapanīyā.
ds2.3.3:10.1Katame dhammā atapanīyā?
ds2.3.3:10.2Kāyasucaritaṁ, vacīsucaritaṁ, manosucaritaṁ—
ds2.3.3:10.3ime dhammā atapanīyā.
ds2.3.3:10.4Sabbepi kusalā dhammā atapanīyā.
ds2.3.3:11.02.3.3.6. Adhivacanaduka
ds2.3.3:11.1Katame dhammā adhivacanā?
ds2.3.3:11.2Yā tesaṁ tesaṁ dhammānaṁ saṅkhā samaññā paññatti vohāro nāmaṁ nāmakammaṁ nāmadheyyaṁ nirutti byañjanaṁ abhilāpo—
ds2.3.3:11.3ime dhammā adhivacanā.
ds2.3.3:12.1Sabbeva dhammā adhivacanapathā.
ds2.3.3:13.02.3.3.7. Niruttiduka
ds2.3.3:13.1Katame dhammā nirutti?
ds2.3.3:13.2Yā tesaṁ tesaṁ dhammānaṁ saṅkhā samaññā paññatti vohāro nāmaṁ nāmakammaṁ nāmadheyyaṁ nirutti byañjanaṁ abhilāpo—
ds2.3.3:13.3ime dhammā nirutti.
ds2.3.3:14.1Sabbeva dhammā niruttipathā.
ds2.3.3:15.02.3.3.8. Paññattiduka
ds2.3.3:15.1Katame dhammā paññatti?
ds2.3.3:15.2Yā tesaṁ tesaṁ dhammānaṁ saṅkhā samaññā paññatti vohāro nāmaṁ nāmakammaṁ nāmadheyyaṁ nirutti byañjanaṁ abhilāpo—
ds2.3.3:15.3ime dhammā paññatti.
ds2.3.3:16.1Sabbeva dhammā paññattipathā.
ds2.3.3:17.02.3.3.9. Nāmaduka
ds2.3.3:17.1Tattha katamaṁ nāmaṁ?
ds2.3.3:17.2Vedanākkhandho, saññākkhandho, saṅkhārakkhandho, viññāṇakkhandho, asaṅkhatā ca dhātu—
ds2.3.3:17.3idaṁ vuccati nāmaṁ.
ds2.3.3:18.1Tattha katamaṁ rūpaṁ?
ds2.3.3:18.2Cattāro ca mahābhūtā, catunnañca mahābhūtānaṁ upādāya rūpaṁ—
ds2.3.3:18.3idaṁ vuccati rūpaṁ.
ds2.3.3:19.02.3.3.10. Avijjāduka
ds2.3.3:19.1Tattha katamā avijjā?
ds2.3.3:19.2Yaṁ aññāṇaṁ adassanaṁ …pe… avijjālaṅgī moho akusalamūlaṁ—
ds2.3.3:19.3ayaṁ vuccati avijjā.
ds2.3.3:20.1Tattha katamā bhavataṇhā?
ds2.3.3:20.2Yo bhavesu bhavachando …pe… bhavajjhosānaṁ—
ds2.3.3:20.3ayaṁ vuccati bhavataṇhā.
ds2.3.3:21.02.3.3.11. Bhavadiṭṭhiduka
ds2.3.3:21.1Tattha katamā bhavadiṭṭhi?
ds2.3.3:21.2Bhavissati attā ca loko cāti, yā evarūpā diṭṭhi diṭṭhigataṁ …pe… vipariyāsaggāho—
ds2.3.3:21.3ayaṁ vuccati bhavadiṭṭhi.
ds2.3.3:22.1Tattha katamā vibhavadiṭṭhi?
ds2.3.3:22.2Na bhavissati attā ca loko cāti, yā evarūpā diṭṭhi diṭṭhigataṁ …pe… vipariyāsaggāho—
ds2.3.3:22.3ayaṁ vuccati vibhavadiṭṭhi.
ds2.3.3:23.02.3.3.12. Sassatadiṭṭhiduka
ds2.3.3:23.1Tattha katamā sassatadiṭṭhi?
ds2.3.3:23.2Sassato attā ca loko cāti, yā evarūpā diṭṭhi diṭṭhigataṁ …pe… vipariyāsaggāho—
ds2.3.3:23.3ayaṁ vuccati sassatadiṭṭhi.
ds2.3.3:24.1Tattha katamā ucchedadiṭṭhi?
ds2.3.3:24.2Ucchijjissati attā ca loko cāti, yā evarūpā diṭṭhi diṭṭhigataṁ …pe… vipariyāsaggāho—
ds2.3.3:24.3ayaṁ vuccati ucchedadiṭṭhi.
ds2.3.3:25.02.3.3.13. Antavādiṭṭhiduka
ds2.3.3:25.1Tattha katamā antavā diṭṭhi?
ds2.3.3:25.2Antavā attā ca loko cāti, yā evarūpā diṭṭhi diṭṭhigataṁ …pe… vipariyāsaggāho—
ds2.3.3:25.3ayaṁ vuccati antavā diṭṭhi.
ds2.3.3:26.1Tattha katamā anantavā diṭṭhi?
ds2.3.3:26.2Anantavā attā ca loko cāti, yā evarūpā diṭṭhi diṭṭhigataṁ …pe… vipariyāsaggāho—
ds2.3.3:26.3ayaṁ vuccati anantavā diṭṭhi.
ds2.3.3:27.02.3.3.14. Pubbantānudiṭṭhiduka
ds2.3.3:27.1Tattha katamā pubbantānudiṭṭhi?
ds2.3.3:27.2Pubbantaṁ ārabbha yā uppajjati diṭṭhi diṭṭhigataṁ …pe… vipariyāsaggāho—
ds2.3.3:27.3ayaṁ vuccati pubbantānudiṭṭhi.
ds2.3.3:28.1Tattha katamā aparantānudiṭṭhi?
ds2.3.3:28.2Aparantaṁ ārabbha yā uppajjati diṭṭhi diṭṭhigataṁ …pe… vipariyāsaggāho—
ds2.3.3:28.3ayaṁ vuccati aparantānudiṭṭhi.
ds2.3.3:29.02.3.3.15. Ahirikaduka
ds2.3.3:29.1Tattha katamaṁ ahirikaṁ?
ds2.3.3:29.2Yaṁ na hirīyati hiriyitabbena, na hirīyati pāpakānaṁ akusalānaṁ dhammānaṁ samāpattiyā—
ds2.3.3:29.3idaṁ vuccati ahirikaṁ.
ds2.3.3:30.1Tattha katamaṁ anottappaṁ?
ds2.3.3:30.2Yaṁ na ottappati ottappitabbena, na ottappati pāpakānaṁ akusalānaṁ dhammānaṁ samāpattiyā—
ds2.3.3:30.3idaṁ vuccati anottappaṁ.
ds2.3.3:31.02.3.3.16. Hiriduka
ds2.3.3:31.1Tattha katamā hirī?
ds2.3.3:31.2Yaṁ hirīyati hiriyitabbena, hirīyati pāpakānaṁ akusalānaṁ dhammānaṁ samāpattiyā—
ds2.3.3:31.3ayaṁ vuccati hirī.
ds2.3.3:32.1Tattha katamaṁ ottappaṁ?
ds2.3.3:32.2Yaṁ ottappati ottappitabbena, ottappati pāpakānaṁ akusalānaṁ dhammānaṁ samāpattiyā—
ds2.3.3:32.3idaṁ vuccati ottappaṁ.
ds2.3.3:33.02.3.3.17. Dovacassatāduka
ds2.3.3:33.1Tattha katamā dovacassatā?
ds2.3.3:33.2Sahadhammike vuccamāne dovacassāyaṁ dovacassiyaṁ dovacassatā vippaṭikūlaggāhitā vipaccanīkasātatā anādariyaṁ anādaratā agāravatā appaṭissavatā—
ds2.3.3:33.3ayaṁ vuccati dovacassatā.
ds2.3.3:34.1Tattha katamā pāpamittatā?
ds2.3.3:34.2Ye te puggalā assaddhā dussīlā appassutā maccharino duppaññā, yā tesaṁ sevanā nisevanā saṁsevanā bhajanā sambhajanā bhatti sambhatti taṁsampavaṅkatā—
ds2.3.3:34.3ayaṁ vuccati pāpamittatā.
ds2.3.3:35.02.3.3.18. Sovacassatāduka
ds2.3.3:35.1Tattha katamā sovacassatā?
ds2.3.3:35.2Sahadhammike vuccamāne sovacassāyaṁ sovacassiyaṁ sovacassatā appaṭikūlaggāhitā avipaccanīkasātatā sagāravatā sādariyaṁ sādaratā sappaṭissavatā—
ds2.3.3:35.3ayaṁ vuccati sovacassatā.
ds2.3.3:36.1Tattha katamā kalyāṇamittatā?
ds2.3.3:36.2Ye te puggalā saddhā sīlavanto bahussutā cāgavanto paññavanto, yā tesaṁ sevanā nisevanā saṁsevanā bhajanā sambhajanā bhatti sambhatti taṁsampavaṅkatā—
ds2.3.3:36.3ayaṁ vuccati kalyāṇamittatā.
ds2.3.3:37.02.3.3.19. Āpattikusalatāduka
ds2.3.3:37.1Tattha katamā āpattikusalatā?
ds2.3.3:37.2Pañcapi āpattikkhandhā āpattiyo, sattapi āpattikkhandhā āpattiyo.
ds2.3.3:37.3Yā tāsaṁ āpattīnaṁ āpattikusalatā paññā pajānanā …pe… amoho dhammavicayo sammādiṭṭhi—
ds2.3.3:37.4ayaṁ vuccati āpattikusalatā.
ds2.3.3:38.1Tattha katamā āpattivuṭṭhānakusalatā?
ds2.3.3:38.2Yā tāhi āpattīhi vuṭṭhānakusalatā paññā pajānanā …pe… amoho dhammavicayo sammādiṭṭhi—
ds2.3.3:38.3ayaṁ vuccati āpattivuṭṭhānakusalatā.
ds2.3.3:39.02.3.3.20. Samāpattikusalatāduka
ds2.3.3:39.1Tattha katamā samāpattikusalatā?
ds2.3.3:39.2Atthi savitakkasavicārā samāpatti, atthi avitakkavicāramattā samāpatti, atthi avitakkaavicārā samāpatti.
ds2.3.3:39.3Yā tāsaṁ samāpattīnaṁ samāpattikusalatā paññā pajānanā …pe… amoho dhammavicayo sammādiṭṭhi—
ds2.3.3:39.4ayaṁ vuccati samāpattikusalatā.
ds2.3.3:40.1Tattha katamā samāpattivuṭṭhānakusalatā?
ds2.3.3:40.2Yā tāhi samāpattīhi vuṭṭhānakusalatā paññā pajānanā …pe… amoho dhammavicayo sammādiṭṭhi—
ds2.3.3:40.3ayaṁ vuccati samāpattivuṭṭhānakusalatā.
ds2.3.3:41.02.3.3.21. Dhātukusalatāduka
ds2.3.3:41.1Tattha katamā dhātukusalatā?
ds2.3.3:41.2Aṭṭhārasa dhātuyo cakkhudhātu rūpadhātu cakkhuviññāṇadhātu, sotadhātu saddadhātu sotaviññāṇadhātu, ghānadhātu gandhadhātu ghānaviññāṇadhātu, jivhādhātu rasadhātu jivhāviññāṇadhātu, kāyadhātu phoṭṭhabbadhātu kāyaviññāṇadhātu, manodhātu dhammadhātu manoviññāṇadhātu.
ds2.3.3:41.3Yā tāsaṁ dhātūnaṁ dhātukusalatā paññā pajānanā …pe… amoho dhammavicayo sammādiṭṭhi—
ds2.3.3:41.4ayaṁ vuccati dhātukusalatā.
ds2.3.3:42.1Tattha katamā manasikārakusalatā?
ds2.3.3:42.2Yā tāsaṁ dhātūnaṁ manasikārakusalatā paññā pajānanā …pe… amoho dhammavicayo sammādiṭṭhi—
ds2.3.3:42.3ayaṁ vuccati manasikārakusalatā.
ds2.3.3:43.02.3.3.22. Āyatanakusalatāduka
ds2.3.3:43.1Tattha katamā āyatanakusalatā?
ds2.3.3:43.2Dvādasāyatanāni—
ds2.3.3:43.3cakkhāyatanaṁ, rūpāyatanaṁ, sotāyatanaṁ, saddāyatanaṁ, ghānāyatanaṁ, gandhāyatanaṁ, jivhāyatanaṁ, rasāyatanaṁ, kāyāyatanaṁ, phoṭṭhabbāyatanaṁ, manāyatanaṁ, dhammāyatanaṁ.
ds2.3.3:43.4Yā tesaṁ āyatanānaṁ āyatanakusalatā paññā pajānanā …pe… amoho dhammavicayo sammādiṭṭhi—
ds2.3.3:43.5ayaṁ vuccati āyatanakusalatā.
ds2.3.3:44.1Tattha katamā paṭiccasamuppādakusalatā?
ds2.3.3:44.2Avijjāpaccayā saṅkhārā, saṅkhārapaccayā viññāṇaṁ, viññāṇapaccayā nāmarūpaṁ, nāmarūpapaccayā saḷāyatanaṁ, saḷāyatanapaccayā phasso, phassapaccayā vedanā, vedanāpaccayā taṇhā, taṇhāpaccayā upādānaṁ, upādānapaccayā bhavo, bhavapaccayā jāti, jātipaccayā jarāmaraṇaṁ sokaparidevadukkhadomanassupāyāsā sambhavanti;
ds2.3.3:44.3evametassa kevalassa dukkhakkhandhassa samudayo hotīti.
ds2.3.3:44.4Yā tattha paññā pajānanā …pe… amoho dhammavicayo sammādiṭṭhi—
ds2.3.3:44.5ayaṁ vuccati paṭiccasamuppādakusalatā.
ds2.3.3:45.02.3.3.23. Ṭhānakusalatāduka
ds2.3.3:45.1Tattha katamā ṭhānakusalatā?
ds2.3.3:45.2Ye ye dhammā yesaṁ yesaṁ dhammānaṁ hetū paccayā uppādāya taṁ taṁ ṭhānanti, yā tattha paññā pajānanā …pe… amoho dhammavicayo sammādiṭṭhi—
ds2.3.3:45.3ayaṁ vuccati ṭhānakusalatā.
ds2.3.3:46.1Tattha katamā aṭṭhānakusalatā?
ds2.3.3:46.2Ye ye dhammā yesaṁ yesaṁ dhammānaṁ na hetū na paccayā uppādāya taṁ taṁ aṭṭhānanti, yā tattha paññā pajānanā …pe… amoho dhammavicayo sammādiṭṭhi—
ds2.3.3:46.3ayaṁ vuccati aṭṭhānakusalatā.
ds2.3.3:47.02.3.3.24. Ajjavaduka
ds2.3.3:47.1Tattha katamo ajjavo?
ds2.3.3:47.2Yā ajjavatā ajimhatā avaṅkatā akuṭilatā—
ds2.3.3:47.3ayaṁ vuccati ajjavo.
ds2.3.3:48.1Tattha katamo maddavo?
ds2.3.3:48.2Yā mudutā maddavatā akakkhaḷatā akathinatā nīcacittatā—
ds2.3.3:48.3ayaṁ vuccati maddavo.
ds2.3.3:49.02.3.3.25. Khantiduka
ds2.3.3:49.1Tattha katamā khanti?
ds2.3.3:49.2Yā khanti khamanatā adhivāsanatā acaṇḍikkaṁ anasuropo attamanatā cittassa—
ds2.3.3:49.3ayaṁ vuccati khanti.
ds2.3.3:50.1Tattha katamaṁ soraccaṁ?
ds2.3.3:50.2Yo kāyiko avītikkamo, vācasiko avītikkamo, kāyikavācasiko avītikkamo—
ds2.3.3:50.3idaṁ vuccati soraccaṁ.
ds2.3.3:50.4Sabbopi sīlasaṁvaro soraccaṁ.
ds2.3.3:51.02.3.3.26. Sākhalyaduka
ds2.3.3:51.1Tattha katamaṁ sākhalyaṁ?
ds2.3.3:51.2Yā sā vācā aṇḍakā kakkasā parakaṭukā parābhisajjanī kodhasāmantā asamādhisaṁvattanikā, tathārūpiṁ vācaṁ pahāya yā sā vācā neḷā kaṇṇasukhā pemanīyā hadayaṅgamā porī bahujanakantā bahujanamanāpā tathārūpiṁ vācaṁ bhāsitā hoti;
ds2.3.3:51.3yā tattha saṇhavācatā sakhilavācatā apharusavācatā—
ds2.3.3:51.4idaṁ vuccati sākhalyaṁ.
ds2.3.3:52.1Tattha katamo paṭisanthāro?
ds2.3.3:52.2Dve paṭisanthārā—
ds2.3.3:52.3āmisapaṭisanthāro ca dhammapaṭisanthāro ca.
ds2.3.3:52.4Idhekacco paṭisanthārako hoti āmisapaṭisanthārena vā dhammapaṭisanthārena vā—
ds2.3.3:52.5ayaṁ vuccati paṭisanthāro.
ds2.3.3:53.02.3.3.27. Indriyesuaguttadvāratāduka
ds2.3.3:53.1Tattha katamā indriyesu aguttadvāratā?
ds2.3.3:53.2Idhekacco cakkhunā rūpaṁ disvā nimittaggāhī hoti anubyañjanaggāhī.
ds2.3.3:53.3Yatvādhikaraṇamenaṁ cakkhundriyaṁ asaṁvutaṁ viharantaṁ abhijjhādomanassā pāpakā akusalā dhammā anvāssaveyyuṁ, tassa saṁvarāya na paṭipajjati, na rakkhati cakkhundriyaṁ, cakkhundriye na saṁvaraṁ āpajjati.
ds2.3.3:53.4Sotena saddaṁ sutvā …pe…
ds2.3.3:53.5ghānena gandhaṁ ghāyitvā …pe…
ds2.3.3:53.6jivhāya rasaṁ sāyitvā …pe…
ds2.3.3:53.7kāyena phoṭṭhabbaṁ phusitvā …pe…
ds2.3.3:53.8manasā dhammaṁ viññāya nimittaggāhī hoti anubyañjanaggāhī.
ds2.3.3:53.9Yatvādhikaraṇamenaṁ manindriyaṁ asaṁvutaṁ viharantaṁ abhijjhādomanassā pāpakā akusalā dhammā anvāssaveyyuṁ, tassa saṁvarāya na paṭipajjati, na rakkhati manindriyaṁ, manindriye na saṁvaraṁ āpajjati.
ds2.3.3:53.10Yā imesaṁ channaṁ indriyānaṁ agutti agopanā anārakkho asaṁvaro—
ds2.3.3:53.11ayaṁ vuccati indriyesu aguttadvāratā.
ds2.3.3:54.1Tattha katamā bhojane amattaññutā?
ds2.3.3:54.2Idhekacco appaṭisaṅkhā ayoniso āhāraṁ āhāreti davāya madāya maṇḍanāya vibhūsanāya.
ds2.3.3:54.3Yā tattha asantuṭṭhitā amattaññutā appaṭisaṅkhā bhojane—
ds2.3.3:54.4ayaṁ vuccati bhojane amattaññutā.
ds2.3.3:55.02.3.3.28. Indriyesuguttadvāratāduka
ds2.3.3:55.1Tattha katamā indriyesu guttadvāratā?
ds2.3.3:55.2Idhekacco cakkhunā rūpaṁ disvā na nimittaggāhī hoti nānubyañjanaggāhī.
ds2.3.3:55.3Yatvādhikaraṇamenaṁ cakkhundriyaṁ asaṁvutaṁ viharantaṁ abhijjhādomanassā pāpakā akusalā dhammā anvāssaveyyuṁ, tassa saṁvarāya paṭipajjati, rakkhati cakkhundriyaṁ, cakkhundriye saṁvaraṁ āpajjati.
ds2.3.3:55.4Sotena saddaṁ sutvā …pe…
ds2.3.3:55.5ghānena gandhaṁ ghāyitvā …pe…
ds2.3.3:55.6jivhāya rasaṁ sāyitvā …pe…
ds2.3.3:55.7kāyena phoṭṭhabbaṁ phusitvā …pe…
ds2.3.3:55.8manasā dhammaṁ viññāya na nimittaggāhī hoti nānubyañjanaggāhī.
ds2.3.3:55.9Yatvādhikaraṇamenaṁ manindriyaṁ asaṁvutaṁ viharantaṁ abhijjhādomanassā pāpakā akusalā dhammā anvāssaveyyuṁ, tassa saṁvarāya paṭipajjati, rakkhati manindriyaṁ, manindriye saṁvaraṁ āpajjati.
ds2.3.3:55.10Yā imesaṁ channaṁ indriyānaṁ gutti gopanā ārakkho saṁvaro—
ds2.3.3:55.11ayaṁ vuccati indriyesu guttadvāratā.
ds2.3.3:56.1Tattha katamā bhojane mattaññutā?
ds2.3.3:56.2Idhekacco paṭisaṅkhā yoniso āhāraṁ āhāreti—
ds2.3.3:56.3neva davāya na madāya na maṇḍanāya na vibhūsanāya yāvadeva imassa kāyassa ṭhitiyā yāpanāya vihiṁsūparatiyā brahmacariyānuggahāya, iti purāṇañca vedanaṁ paṭihaṅkhāmi, navañca vedanaṁ na uppādessāmi, yātrā ca me bhavissati anavajjatā ca phāsuvihāro cāti.
ds2.3.3:56.4Yā tattha santuṭṭhitā mattaññutā paṭisaṅkhā bhojane—
ds2.3.3:56.5ayaṁ vuccati bhojane mattaññutā.
ds2.3.3:57.02.3.3.29. Muṭṭhasaccaduka
ds2.3.3:57.1Tattha katamaṁ muṭṭhasaccaṁ?
ds2.3.3:57.2Yā asati ananussati appaṭissati asati asaraṇatā adhāraṇatā pilāpanatā sammussanatā—
ds2.3.3:57.3idaṁ vuccati muṭṭhasaccaṁ.
ds2.3.3:58.1Tattha katamaṁ asampajaññaṁ?
ds2.3.3:58.2Yaṁ aññāṇaṁ adassanaṁ …pe… avijjālaṅgī moho akusalamūlaṁ—
ds2.3.3:58.3idaṁ vuccati asampajaññaṁ.
ds2.3.3:59.02.3.3.30. Satisampajaññaduka
ds2.3.3:59.1Tattha katamā sati?
ds2.3.3:59.2Yā sati anussati paṭissati sati saraṇatā dhāraṇatā apilāpanatā asammussanatā sati satindriyaṁ satibalaṁ sammāsati—
ds2.3.3:59.3ayaṁ vuccati sati.
ds2.3.3:60.1Tattha katamaṁ sampajaññaṁ?
ds2.3.3:60.2Yā paññā pajānanā …pe… amoho dhammavicayo sammādiṭṭhi—
ds2.3.3:60.3idaṁ vuccati sampajaññaṁ.
ds2.3.3:61.02.3.3.31. Paṭisaṅkhānabaladuka
ds2.3.3:61.1Tattha katamaṁ paṭisaṅkhānabalaṁ?
ds2.3.3:61.2Yā paññā pajānanā …pe… amoho dhammavicayo sammādiṭṭhi—
ds2.3.3:61.3idaṁ vuccati paṭisaṅkhānabalaṁ.
ds2.3.3:62.1Tattha katamaṁ bhāvanābalaṁ?
ds2.3.3:62.2Yā kusalānaṁ dhammānaṁ āsevanā bhāvanā bahulīkammaṁ—
ds2.3.3:62.3idaṁ vuccati bhāvanābalaṁ.
ds2.3.3:62.4Sattapi bojjhaṅgā bhāvanābalaṁ.
ds2.3.3:63.02.3.3.32. Samathavipassanāduka
ds2.3.3:63.1Tattha katamo samatho?
ds2.3.3:63.2Yā cittassa ṭhiti …pe… sammāsamādhi—
ds2.3.3:63.3ayaṁ vuccati samatho.
ds2.3.3:64.1Tattha katamā vipassanā?
ds2.3.3:64.2Yā paññā pajānanā …pe… amoho dhammavicayo sammādiṭṭhi—
ds2.3.3:64.3ayaṁ vuccati vipassanā.
ds2.3.3:65.02.3.3.33. Samathanimittaduka
ds2.3.3:65.1Tattha katamaṁ samathanimittaṁ?
ds2.3.3:65.2Yā cittassa ṭhiti …pe… sammāsamādhi—
ds2.3.3:65.3idaṁ vuccati samathanimittaṁ.
ds2.3.3:66.1Tattha katamaṁ paggāhanimittaṁ?
ds2.3.3:66.2Yo cetasiko vīriyārambho …pe… sammāvāyāmo—
ds2.3.3:66.3idaṁ vuccati paggāhanimittaṁ.
ds2.3.3:67.02.3.3.34. Paggāhaduka
ds2.3.3:67.1Tattha katamo paggāho?
ds2.3.3:67.2Yo cetasiko vīriyārambho …pe… sammāvāyāmo—
ds2.3.3:67.3ayaṁ vuccati paggāho.
ds2.3.3:68.1Tattha katamo avikkhepo?
ds2.3.3:68.2Yā cittassa ṭhiti …pe… sammāsamādhi—
ds2.3.3:68.3ayaṁ vuccati avikkhepo.
ds2.3.3:69.02.3.3.35. Sīlavipattiduka
ds2.3.3:69.1Tattha katamā sīlavipatti?
ds2.3.3:69.2Yo kāyiko vītikkamo, vācasiko vītikkamo, kāyikavācasiko vītikkamo—
ds2.3.3:69.3ayaṁ vuccati sīlavipatti.
ds2.3.3:69.4Sabbampi dussilyaṁ sīlavipatti.
ds2.3.3:70.1Tattha katamā diṭṭhivipatti?
ds2.3.3:70.2Natthi dinnaṁ, natthi yiṭṭhaṁ, natthi hutaṁ, natthi sukatadukkaṭānaṁ kammānaṁ phalaṁ vipāko, natthi ayaṁ loko, natthi paro loko, natthi mātā, natthi pitā, natthi sattā opapātikā, natthi loke samaṇabrāhmaṇā sammaggatā sammāpaṭipannā ye imañca lokaṁ parañca lokaṁ sayaṁ abhiññā sacchikatvā pavedentīti;
ds2.3.3:70.3yā evarūpā diṭṭhi diṭṭhigataṁ …pe… vipariyāsaggāho—
ds2.3.3:70.4ayaṁ vuccati diṭṭhivipatti.
ds2.3.3:70.5Sabbāpi micchādiṭṭhi diṭṭhivipatti.
ds2.3.3:71.02.3.3.36. Sīlasampadāduka
ds2.3.3:71.1Tattha katamā sīlasampadā?
ds2.3.3:71.2Yo kāyiko avītikkamo, vācasiko avītikkamo, kāyikavācasiko avītikkamo—
ds2.3.3:71.3ayaṁ vuccati sīlasampadā.
ds2.3.3:71.4Sabbopi sīlasaṁvaro sīlasampadā.
ds2.3.3:72.1Tattha katamā diṭṭhisampadā?
ds2.3.3:72.2Atthi dinnaṁ, atthi yiṭṭhaṁ, atthi hutaṁ, atthi sukatadukkaṭānaṁ kammānaṁ phalaṁ vipāko, atthi ayaṁ loko, atthi paro loko, atthi mātā, atthi pitā, atthi sattā opapātikā, atthi loke samaṇabrāhmaṇā sammaggatā sammāpaṭipannā ye imañca lokaṁ parañca lokaṁ sayaṁ abhiññā sacchikatvā pavedentīti;
ds2.3.3:72.3yā evarūpā paññā pajānanā …pe… amoho dhammavicayo sammādiṭṭhi—
ds2.3.3:72.4ayaṁ vuccati diṭṭhisampadā.
ds2.3.3:72.5Sabbāpi sammādiṭṭhi diṭṭhisampadā.
ds2.3.3:73.02.3.3.37. Sīlavisuddhiduka
ds2.3.3:73.1Tattha katamā sīlavisuddhi?
ds2.3.3:73.2Yo kāyiko avītikkamo, vācasiko avītikkamo, kāyikavācasiko avītikkamo—
ds2.3.3:73.3ayaṁ vuccati sīlavisuddhi.
ds2.3.3:73.4Sabbopi sīlasaṁvaro sīlavisuddhi.
ds2.3.3:74.1Tattha katamā diṭṭhivisuddhi?
ds2.3.3:74.2Kammassakatañāṇaṁ saccānulomikañāṇaṁ maggasamaṅgissa ñāṇaṁ phalasamaṅgissa ñāṇaṁ.
ds2.3.3:75.02.3.3.38. Diṭṭhivisuddhikhopanaduka
ds2.3.3:75.1<b>Diṭṭhivisuddhi kho panā</b>ti—
ds2.3.3:75.2yā paññā pajānanā …pe… amoho dhammavicayo sammādiṭṭhi.
ds2.3.3:76.1<b>Yathādiṭṭhissa ca padhānan</b>ti—
ds2.3.3:76.2yo cetasiko vīriyārambho …pe… sammāvāyāmo.
ds2.3.3:77.02.3.3.39. Saṁvegasaṁvejananiyaṭṭhānaduka
ds2.3.3:77.1<b>Saṁvego</b>ti—
ds2.3.3:77.2jātibhayaṁ jarābhayaṁ byādhibhayaṁ maraṇabhayaṁ.
ds2.3.3:77.3Saṁvejaniyaṁ ṭhānanti—
ds2.3.3:77.4jāti jarā byādhi maraṇaṁ.
ds2.3.3:78.1<b>Saṁviggassa ca yoniso padhānan</b>ti—
ds2.3.3:78.2idha bhikkhu anuppannānaṁ pāpakānaṁ akusalānaṁ dhammānaṁ anuppādāya chandaṁ janeti vāyamati vīriyaṁ ārabhati cittaṁ paggaṇhāti padahati, uppannānaṁ pāpakānaṁ akusalānaṁ dhammānaṁ pahānāya chandaṁ janeti vāyamati vīriyaṁ ārabhati cittaṁ paggaṇhāti padahati, anuppannānaṁ kusalānaṁ dhammānaṁ uppādāya chandaṁ janeti vāyamati vīriyaṁ ārabhati cittaṁ paggaṇhāti padahati, uppannānaṁ kusalānaṁ dhammānaṁ ṭhitiyā asammosāya bhiyyobhāvāya vepullāya bhāvanāya pāripūriyā chandaṁ janeti vāyamati vīriyaṁ ārabhati cittaṁ paggaṇhāti padahati.
ds2.3.3:79.02.3.3.40. Asantuṭṭhitākusaladhammaduka
ds2.3.3:79.1<b>Asantuṭṭhitā ca kusalesu dhammesū</b>ti—
ds2.3.3:79.2yā kusalānaṁ dhammānaṁ bhāvanāya asantuṭṭhassa bhiyyokamyatā.
ds2.3.3:80.1<b>Appaṭivānitā ca padhānasmin</b>ti—
ds2.3.3:80.2yā kusalānaṁ dhammānaṁ bhāvanāya sakkaccakiriyatā sātaccakiriyatā aṭṭhitakiriyatā anolīnavuttitā anikkhittachandatā anikkhittadhuratā āsevanā bhāvanā bahulīkammaṁ.
ds2.3.3:81.02.3.3.41. Vijjāduka
ds2.3.3:81.1<b>Vijjā</b>ti—
ds2.3.3:81.2tisso vijjā—
ds2.3.3:81.3pubbenivāsānussati ñāṇaṁ vijjā, sattānaṁ cutūpapāte ñāṇaṁ vijjā, āsavānaṁ khaye ñāṇaṁ vijjā.
ds2.3.3:82.1<b>Vimuttī</b>ti—
ds2.3.3:82.2dve vimuttiyo—
ds2.3.3:82.3cittassa adhimutti, nibbānañca.
ds2.3.3:83.02.3.3.42. Khayeñāṇaduka
ds2.3.3:83.1<b>Khaye ñāṇan</b>ti—
ds2.3.3:83.2maggasamaṅgissa ñāṇaṁ.
ds2.3.3:84.1<b>Anuppāde ñāṇan</b>ti—
ds2.3.3:84.2phalasamaṅgissa ñāṇaṁ.
ds2.3.3:84.3Nikkhepakaṇḍo niṭṭhito.