kv2.10:0.1Kathāvatthu
kv2.10:0.2Mahāpaṇṇāsaka
kv2.10:0.3Dutiyavagga
kv2.10:0.4Vohārakathā
kv2.10:1.1Buddhassa bhagavato vohāro lokuttaroti?
kv2.10:1.2Āmantā.
kv2.10:1.3Lokuttare sote paṭihaññati no lokiye, lokuttarena viññāṇena paṭivijānanti no lokiyena, sāvakā paṭivijānanti no puthujjanāti?
kv2.10:1.4Na hevaṁ vattabbe …pe….
kv2.10:2.1Nanu buddhassa bhagavato vohāro lokiye sote paṭihaññatīti?
kv2.10:2.2Āmantā.
kv2.10:2.3Hañci buddhassa bhagavato vohāro lokiye sote paṭihaññati, no ca vata re vattabbe—
kv2.10:2.4“buddhassa bhagavato vohāro lokuttaro”ti.
kv2.10:3.1Nanu buddhassa bhagavato vohāraṁ lokiyena viññāṇena paṭivijānantīti?
kv2.10:3.2Āmantā.
kv2.10:3.3Hañci buddhassa bhagavato vohāraṁ lokiyena viññāṇena paṭivijānanti, no ca vata re vattabbe—
kv2.10:3.4“buddhassa bhagavato vohāro lokuttaro”ti.
kv2.10:4.1Nanu buddhassa bhagavato vohāraṁ puthujjanā paṭivijānantīti?
kv2.10:4.2Āmantā.
kv2.10:4.3Hañci buddhassa bhagavato vohāraṁ puthujjanā paṭivijānanti, no ca vata re vattabbe—
kv2.10:4.4“buddhassa bhagavato vohāro lokuttaro”ti.
kv2.10:5.1Buddhassa bhagavato vohāro lokuttaroti?
kv2.10:5.2Āmantā.
kv2.10:5.3Maggo phalaṁ nibbānaṁ, sotāpattimaggo sotāpattiphalaṁ, sakadāgāmimaggo sakadāgāmiphalaṁ, anāgāmimaggo anāgāmiphalaṁ, arahattamaggo arahattaphalaṁ, satipaṭṭhānaṁ sammappadhānaṁ iddhipādo indriyaṁ balaṁ bojjhaṅgoti?
kv2.10:5.4Na hevaṁ vattabbe …pe….
kv2.10:6.1Buddhassa bhagavato vohāro lokuttaroti?
kv2.10:6.2Āmantā.
kv2.10:6.3Atthi keci buddhassa bhagavato vohāraṁ suṇantīti?
kv2.10:6.4Āmantā.
kv2.10:6.5Lokuttaro dhammo sotaviññeyyo, sotasmiṁ paṭihaññati, sotassa āpāthaṁ āgacchatīti?
kv2.10:6.6Na hevaṁ vattabbe …pe….
kv2.10:7.1Nanu lokuttaro dhammo na sotaviññeyyo, na sotasmiṁ paṭihaññati, na sotassa āpāthaṁ āgacchatīti?
kv2.10:7.2Āmantā.
kv2.10:7.3Hañci lokuttaro dhammo na sotaviññeyyo, na sotasmiṁ paṭihaññati, na sotassa āpāthaṁ āgacchati, no ca vata re vattabbe—
kv2.10:7.4“buddhassa bhagavato vohāro lokuttaro”ti.
kv2.10:8.1Buddhassa bhagavato vohāro lokuttaroti?
kv2.10:8.2Āmantā.
kv2.10:8.3Atthi keci buddhassa bhagavato vohāre rajjeyyunti?
kv2.10:8.4Āmantā.
kv2.10:8.5Lokuttaro dhammo rāgaṭṭhāniyo rajanīyo kamanīyo madanīyo bandhanīyo mucchanīyoti?
kv2.10:8.6Na hevaṁ vattabbe …pe….
kv2.10:9.1Nanu lokuttaro dhammo na rāgaṭṭhāniyo na rajanīyo na kamanīyo na madanīyo na bandhanīyo na mucchanīyoti?
kv2.10:9.2Āmantā.
kv2.10:9.3Hañci lokuttaro dhammo na rāgaṭṭhāniyo na rajanīyo na kamanīyo na madanīyo na bandhanīyo na mucchanīyo, no ca vata re vattabbe—
kv2.10:9.4“buddhassa bhagavato vohāro lokuttaro”ti.
kv2.10:10.1Buddhassa bhagavato vohāro lokuttaroti?
kv2.10:10.2Āmantā.
kv2.10:10.3Atthi keci buddhassa bhagavato vohāre dusseyyunti?
kv2.10:10.4Āmantā.
kv2.10:10.5Lokuttaro dhammo dosaṭṭhāniyo kopaṭṭhāniyo paṭighaṭṭhāniyoti?
kv2.10:10.6Na hevaṁ vattabbe …pe….
kv2.10:11.1Nanu lokuttaro dhammo na dosaṭṭhāniyo na kopaṭṭhāniyo na paṭighaṭṭhāniyoti?
kv2.10:11.2Āmantā.
kv2.10:11.3Hañci lokuttaro dhammo na dosaṭṭhāniyo na kopaṭṭhāniyo na paṭighaṭṭhāniyo, no ca vata re vattabbe—
kv2.10:11.4“buddhassa bhagavato vohāro lokuttaro”ti.
kv2.10:12.1Buddhassa bhagavato vohāro lokuttaroti?
kv2.10:12.2Āmantā.
kv2.10:12.3Atthi keci buddhassa bhagavato vohāre muyheyyunti?
kv2.10:12.4Āmantā.
kv2.10:12.5Lokuttaro dhammo mohaṭṭhāniyo aññāṇakaraṇo acakkhukaraṇo paññānirodhiko vighātapakkhiko anibbānasaṁvattanikoti?
kv2.10:12.6Na hevaṁ vattabbe …pe….
kv2.10:13.1Nanu lokuttaro dhammo na mohaṭṭhāniyo na aññāṇakaraṇo na acakkhukaraṇo paññāvuddhiko avighātapakkhiko nibbānasaṁvattanikoti?
kv2.10:13.2Āmantā.
kv2.10:13.3Hañci lokuttaro dhammo na mohaṭṭhāniyo na aññāṇakaraṇo na acakkhukaraṇo paññāvuddhiko avighātapakkhiko nibbānasaṁvattaniko, no ca vata re vattabbe—
kv2.10:13.4“buddhassa bhagavato vohāro lokuttaro”ti.
kv2.10:14.1Buddhassa bhagavato vohāro lokuttaroti?
kv2.10:14.2Āmantā.
kv2.10:14.3Ye keci buddhassa bhagavato vohāraṁ suṇanti, sabbe te maggaṁ bhāventīti?
kv2.10:14.4Na hevaṁ vattabbe …pe….
kv2.10:15.1Ye keci buddhassa bhagavato vohāraṁ suṇanti, sabbe te maggaṁ bhāventīti?
kv2.10:15.2Āmantā.
kv2.10:15.3Bālaputhujjanā buddhassa bhagavato vohāraṁ suṇanti, bālaputhujjanā maggaṁ bhāventīti?
kv2.10:15.4Na hevaṁ vattabbe …pe…
kv2.10:15.5mātughātako maggaṁ bhāveti …pe…
kv2.10:15.6pitughātako …
kv2.10:15.7arahantaghātako …
kv2.10:15.8ruhiruppādako …
kv2.10:15.9saṅghabhedako buddhassa bhagavato vohāraṁ suṇāti, saṅghabhedako maggaṁ bhāvetīti?
kv2.10:15.10Na hevaṁ vattabbe …pe….
kv2.10:16.1Labbhā sovaṇṇamayāya laṭṭhiyā dhaññapuñjopi suvaṇṇapuñjopi ācikkhitunti?
kv2.10:16.2Āmantā.
kv2.10:16.3Evamevaṁ bhagavā lokuttarena vohārena lokiyampi lokuttarampi dhammaṁ voharatīti.
kv2.10:17.1Labbhā elaṇḍiyāya laṭṭhiyā dhaññapuñjopi suvaṇṇapuñjopi ācikkhitunti?
kv2.10:17.2Āmantā.
kv2.10:17.3Evamevaṁ bhagavā lokiyena vohārena lokiyampi lokuttarampi dhammaṁ voharatīti.
kv2.10:18.1Buddhassa bhagavato vohāro lokiyaṁ voharantassa lokiyo hoti, lokuttaraṁ voharantassa lokuttaro hotīti?
kv2.10:18.2Āmantā.
kv2.10:18.3Lokiyaṁ voharantassa lokiye sote paṭihaññati, lokuttaraṁ voharantassa lokuttare sote paṭihaññati;
kv2.10:18.4lokiyaṁ voharantassa lokiyena viññāṇena paṭivijānanti, lokuttaraṁ voharantassa lokuttarena viññāṇena paṭivijānanti;
kv2.10:18.5lokiyaṁ voharantassa puthujjanā paṭivijānanti, lokuttaraṁ voharantassa sāvakā paṭivijānantīti?
kv2.10:18.6Na hevaṁ vattabbe …pe….
kv2.10:19.1Na vattabbaṁ—
kv2.10:19.2“buddhassa bhagavato vohāro lokiyaṁ voharantassa lokiyo hoti, lokuttaraṁ voharantassa lokuttaro hotī”ti?
kv2.10:19.3Āmantā.
kv2.10:19.4Nanu bhagavā lokiyampi lokuttarampi dhammaṁ voharatīti?
kv2.10:19.5Āmantā.
kv2.10:19.6Hañci bhagavā lokiyampi lokuttarampi dhammaṁ voharati, tena vata re vattabbe—
kv2.10:19.7“buddhassa bhagavato vohāro lokiyaṁ voharantassa lokiyo hoti, lokuttaraṁ voharantassa lokuttaro hotī”ti.
kv2.10:20.1Buddhassa bhagavato vohāro lokiyaṁ voharantassa lokiyo hoti, lokuttaraṁ voharantassa lokuttaro hotīti?
kv2.10:20.2Āmantā.
kv2.10:20.3Maggaṁ voharantassa maggo hoti, amaggaṁ voharantassa amaggo hoti, phalaṁ voharantassa phalaṁ hoti, aphalaṁ voharantassa aphalaṁ hoti, nibbānaṁ voharantassa nibbānaṁ hoti, anibbānaṁ voharantassa anibbānaṁ hoti, saṅkhataṁ voharantassa saṅkhataṁ hoti, asaṅkhataṁ voharantassa asaṅkhataṁ hoti, rūpaṁ voharantassa rūpaṁ hoti, arūpaṁ voharantassa arūpaṁ hoti, vedanaṁ voharantassa vedanā hoti, avedanaṁ voharantassa avedanā hoti, saññaṁ voharantassa saññā hoti, asaññaṁ voharantassa asaññā hoti, saṅkhāre voharantassa saṅkhārā honti, asaṅkhāre voharantassa asaṅkhārā honti, viññāṇaṁ voharantassa viññāṇaṁ hoti, aviññāṇaṁ voharantassa aviññāṇaṁ hotīti?
kv2.10:20.4Na hevaṁ vattabbe …pe….
kv2.10:20.5Vohārakathā niṭṭhitā.