kv2.11:0.1Kathāvatthu
kv2.11:0.2Mahāpaṇṇāsaka
kv2.11:0.3Dutiyavagga
kv2.11:0.4Nirodhakathā
kv2.11:1.1Dve nirodhāti?
kv2.11:1.2Āmantā.
kv2.11:1.3Dve dukkhanirodhāti?
kv2.11:1.4Na hevaṁ vattabbe …pe…
kv2.11:1.5dve dukkhanirodhāti?
kv2.11:1.6Āmantā.
kv2.11:1.7Dve nirodhasaccānīti?
kv2.11:1.8Na hevaṁ vattabbe …pe…
kv2.11:1.9dve nirodhasaccānīti?
kv2.11:1.10Āmantā.
kv2.11:1.11Dve dukkhasaccānīti?
kv2.11:1.12Na hevaṁ vattabbe …pe…
kv2.11:1.13dve nirodhasaccānīti?
kv2.11:1.14Āmantā.
kv2.11:1.15Dve samudayasaccānīti?
kv2.11:1.16Na hevaṁ vattabbe …pe…
kv2.11:1.17dve nirodhasaccānīti?
kv2.11:1.18Āmantā.
kv2.11:1.19Dve maggasaccānīti?
kv2.11:1.20Na hevaṁ vattabbe …pe….
kv2.11:2.1Dve nirodhasaccānīti?
kv2.11:2.2Āmantā.
kv2.11:2.3Dve tāṇāni …pe…
kv2.11:2.4dve leṇāni …
kv2.11:2.5dve saraṇāni …
kv2.11:2.6dve parāyaṇāni …
kv2.11:2.7dve accutāni …
kv2.11:2.8dve amatāni …
kv2.11:2.9dve nibbānānīti?
kv2.11:2.10Na hevaṁ vattabbe …pe….
kv2.11:3.1Dve nibbānānīti?
kv2.11:3.2Āmantā.
kv2.11:3.3Atthi dvinnaṁ nibbānānaṁ uccanīcatā hīnapaṇītatā ukkaṁsāvakaṁso sīmā vā bhedo vā rāji vā antarikā vāti?
kv2.11:3.4Na hevaṁ vattabbe …pe….
kv2.11:4.1Dve nirodhāti?
kv2.11:4.2Āmantā.
kv2.11:4.3Nanu appaṭisaṅkhāniruddhe saṅkhāre paṭisaṅkhā nirodhentīti?
kv2.11:4.4Āmantā.
kv2.11:4.5Hañci appaṭisaṅkhāniruddhe saṅkhāre paṭisaṅkhā nirodhenti, no ca vata re vattabbe—
kv2.11:4.6“dve nirodhā”ti.
kv2.11:5.1Na vattabbaṁ—
kv2.11:5.2“dve nirodhā”ti?
kv2.11:5.3Āmantā.
kv2.11:5.4Nanu appaṭisaṅkhāniruddhāpi saṅkhārā accantabhaggā, paṭisaṅkhāniruddhāpi saṅkhārā accantabhaggāti?
kv2.11:5.5Āmantā.
kv2.11:5.6Hañci appaṭisaṅkhāniruddhāpi saṅkhārā accantabhaggā, paṭisaṅkhāniruddhāpi saṅkhārā accantabhaggā, tena vata re vattabbe—
kv2.11:5.7“dve nirodhā”ti.
kv2.11:6.1Dve nirodhāti?
kv2.11:6.2Āmantā.
kv2.11:6.3Paṭisaṅkhāniruddhāpi saṅkhārā ariyamaggaṁ āgamma niruddhāti?
kv2.11:6.4Āmantā.
kv2.11:6.5Appaṭisaṅkhāniruddhā saṅkhārā ariyamaggaṁ āgamma niruddhāti?
kv2.11:6.6Na hevaṁ vattabbe …pe…
kv2.11:7.1Dve nirodhāti?
kv2.11:7.2Āmantā.
kv2.11:7.3Paṭisaṅkhāniruddhā saṅkhārā na puna uppajjantīti?
kv2.11:7.4Āmantā.
kv2.11:7.5Appaṭisaṅkhāniruddhā saṅkhārā na puna uppajjantīti?
kv2.11:7.6Na hevaṁ vattabbe …pe…
kv2.11:7.7tena hi na vattabbaṁ—
kv2.11:7.8“dve nirodhā”ti.
kv2.11:7.9Nirodhakathā niṭṭhitā.
kv2.11:7.10Dutiyo vaggo.
kv2.11:7.11Tassuddānaṁ
kv2.11:8.1Parūpahāro aññāṇaṁ,
kv2.11:8.2kaṅkhā paravitāraṇā;
kv2.11:8.3Vacībhedo dukkhāhāro,
kv2.11:8.4cittaṭṭhiti ca kukkuḷā;
kv2.11:8.5Anupubbābhisamayo,
kv2.11:8.6vohāro ca nirodhakoti.