kv2.9:0.1Kathāvatthu
kv2.9:0.2Mahāpaṇṇāsaka
kv2.9:0.3Dutiyavagga
kv2.9:0.4Anupubbābhisamayakathā
kv2.9:1.1Anupubbābhisamayoti?
kv2.9:1.2Āmantā.
kv2.9:1.3Anupubbena sotāpattimaggaṁ bhāvetīti?
kv2.9:1.4Na hevaṁ vattabbe.
kv2.9:1.5Anupubbena sotāpattimaggaṁ bhāvetīti?
kv2.9:1.6Āmantā.
kv2.9:1.7Anupubbena sotāpattiphalaṁ sacchikarotīti?
kv2.9:1.8Na hevaṁ vattabbe.
kv2.9:2.1Anupubbābhisamayoti?
kv2.9:2.2Āmantā.
kv2.9:2.3Anupubbena sakadāgāmimaggaṁ bhāvetīti?
kv2.9:2.4Na hevaṁ vattabbe.
kv2.9:2.5Anupubbena sakadāgāmimaggaṁ bhāvetīti?
kv2.9:2.6Āmantā.
kv2.9:2.7Anupubbena sakadāgāmiphalaṁ sacchikarotīti?
kv2.9:2.8Na hevaṁ vattabbe.
kv2.9:3.1Anupubbābhisamayoti?
kv2.9:3.2Āmantā.
kv2.9:3.3Anupubbena anāgāmimaggaṁ bhāvetīti?
kv2.9:3.4Na hevaṁ vattabbe.
kv2.9:3.5Anupubbena anāgāmimaggaṁ bhāvetīti?
kv2.9:3.6Āmantā.
kv2.9:3.7Anupubbena anāgāmiphalaṁ sacchikarotīti?
kv2.9:3.8Na hevaṁ vattabbe.
kv2.9:4.1Anupubbābhisamayoti?
kv2.9:4.2Āmantā.
kv2.9:4.3Anupubbena arahattamaggaṁ bhāvetīti?
kv2.9:4.4Na hevaṁ vattabbe.
kv2.9:4.5Anupubbena arahattamaggaṁ bhāvetīti?
kv2.9:4.6Āmantā.
kv2.9:4.7Anupubbena arahattaphalaṁ sacchikarotīti?
kv2.9:4.8Na hevaṁ vattabbe.
kv2.9:5.1Sotāpattiphalasacchikiriyāya paṭipanno puggalo dukkhadassanena kiṁ jahatīti?
kv2.9:5.2Sakkāyadiṭṭhiṁ, vicikicchaṁ, sīlabbataparāmāsaṁ, tadekaṭṭhe ca kilese catubhāgaṁ jahatīti.
kv2.9:5.3Catubhāgaṁ sotāpanno, catubhāgaṁ na sotāpanno, catubhāgaṁ sotāpattiphalappatto paṭiladdho adhigato sacchikato upasampajja viharati, kāyena phusitvā viharati, catubhāgaṁ na kāyena phusitvā viharati, catubhāgaṁ sattakkhattuparamo kolaṅkolo ekabījī buddhe aveccappasādena samannāgato, dhamme …pe… saṅghe …pe… ariyakantehi sīlehi samannāgato catubhāgaṁ na ariyakantehi sīlehi samannāgatoti?
kv2.9:5.4Na hevaṁ vattabbe.
kv2.9:6.1Samudayadassanena …pe…
kv2.9:6.2nirodhadassanena …pe…
kv2.9:6.3maggadassanena kiṁ jahatīti?
kv2.9:6.4Sakkāyadiṭṭhiṁ, vicikicchaṁ, sīlabbataparāmāsaṁ, tadekaṭṭhe ca kilese catubhāgaṁ jahatīti.
kv2.9:6.5Catubhāgaṁ sotāpanno, catubhāgaṁ na sotāpanno, catubhāgaṁ sotāpattiphalappatto paṭiladdho adhigato sacchikato upasampajja viharati, kāyena phusitvā viharati, catubhāgaṁ na kāyena phusitvā viharati, catubhāgaṁ sattakkhattuparamo kolaṅkolo ekabījī buddhe aveccappasādena samannāgato, dhamme …pe… saṅghe …pe… ariyakantehi sīlehi samannāgato, catubhāgaṁ na ariyakantehi sīlehi samannāgatoti?
kv2.9:6.6Na hevaṁ vattabbe …pe….
kv2.9:7.1Sakadāgāmiphalasacchikiriyāya paṭipanno puggalo dukkhadassanena kiṁ jahatīti?
kv2.9:7.2Oḷārikaṁ kāmarāgaṁ, oḷārikaṁ byāpādaṁ, tadekaṭṭhe ca kilese catubhāgaṁ jahatīti.
kv2.9:7.3Catubhāgaṁ sakadāgāmī, catubhāgaṁ na sakadāgāmī, catubhāgaṁ sakadāgāmiphalappatto paṭiladdho adhigato sacchikato upasampajja viharati, kāyena phusitvā viharati, catubhāgaṁ na kāyena phusitvā viharatīti?
kv2.9:7.4Na hevaṁ vattabbe …pe…
kv2.9:7.5samudayadassanena …pe…
kv2.9:7.6nirodhadassanena …pe…
kv2.9:7.7maggadassanena kiṁ jahatīti?
kv2.9:7.8Oḷārikaṁ kāmarāgaṁ, oḷārikaṁ byāpādaṁ, tadekaṭṭhe ca kilese catubhāgaṁ jahatīti.
kv2.9:7.9Catubhāgaṁ sakadāgāmī, catubhāgaṁ na sakadāgāmī, catubhāgaṁ sakadāgāmiphalappatto paṭiladdho adhigato sacchikato upasampajja viharati, kāyena phusitvā viharati, catubhāgaṁ na kāyena phusitvā viharatīti?
kv2.9:7.10Na hevaṁ vattabbe …pe….
kv2.9:8.1Anāgāmiphalasacchikiriyāya paṭipanno puggalo dukkhadassanena kiṁ jahatīti?
kv2.9:8.2Aṇusahagataṁ kāmarāgaṁ, aṇusahagataṁ byāpādaṁ, tadekaṭṭhe ca kilese catubhāgaṁ jahatīti.
kv2.9:8.3Catubhāgaṁ anāgāmī, catubhāgaṁ na anāgāmī, catubhāgaṁ anāgāmiphalappatto paṭiladdho adhigato sacchikato upasampajja viharati, kāyena phusitvā viharati, catubhāgaṁ na kāyena phusitvā viharati, catubhāgaṁ antarāparinibbāyī …pe… upahaccaparinibbāyī … asaṅkhāraparinibbāyī … sasaṅkhāraparinibbāyī … uddhaṁsoto akaniṭṭhagāmī, catubhāgaṁ na uddhaṁsoto na akaniṭṭhagāmīti?
kv2.9:8.4Na hevaṁ vattabbe …pe….
kv2.9:9.1Samudayadassanena …pe…
kv2.9:9.2nirodhadassanena …pe…
kv2.9:9.3maggadassanena kiṁ jahatīti?
kv2.9:9.4Aṇusahagataṁ kāmarāgaṁ, aṇusahagataṁ byāpādaṁ, tadekaṭṭhe ca kilese catubhāgaṁ jahatīti.
kv2.9:9.5Catubhāgaṁ anāgāmī, catubhāgaṁ na anāgāmī, catubhāgaṁ anāgāmiphalappatto paṭiladdho adhigato sacchikato upasampajja viharati, kāyena phusitvā viharati, catubhāgaṁ na kāyena phusitvā viharati, catubhāgaṁ antarāparinibbāyī …pe… upahaccaparinibbāyī … asaṅkhāraparinibbāyī … sasaṅkhāraparinibbāyī … uddhaṁsoto akaniṭṭhagāmī, catubhāgaṁ na uddhaṁsoto akaniṭṭhagāmīti?
kv2.9:9.6Na hevaṁ vattabbe …pe….
kv2.9:10.1Arahattasacchikiriyāya paṭipanno puggalo dukkhadassanena kiṁ jahatīti?
kv2.9:10.2Rūparāgaṁ, arūparāgaṁ, mānaṁ, uddhaccaṁ, avijjaṁ, tadekaṭṭhe ca kilese catubhāgaṁ jahatīti.
kv2.9:10.3Catubhāgaṁ arahā, catubhāgaṁ na arahā, catubhāgaṁ arahattappatto paṭiladdho adhigato sacchikato upasampajja viharati, kāyena phusitvā viharati, catubhāgaṁ na kāyena phusitvā viharati, catubhāgaṁ vītarāgo …pe… vītadoso … vītamoho …pe… katakaraṇīyo ohitabhāro anuppattasadattho parikkhīṇabhavasaṁyojano sammadaññāvimutto ukkhittapaligho saṅkiṇṇaparikho abbūḷhesiko niraggaḷo ariyo pannaddhajo pannabhāro visaññutto suvijitavijayo, dukkhaṁ tassa pariññātaṁ, samudayo pahīno, nirodho sacchikato, maggo bhāvito, abhiññeyyaṁ abhiññātaṁ, pariññeyyaṁ pariññātaṁ, pahātabbaṁ pahīnaṁ, bhāvetabbaṁ bhāvitaṁ …pe… sacchikātabbaṁ sacchikataṁ, catubhāgaṁ sacchikātabbaṁ na sacchikatanti?
kv2.9:10.4Na hevaṁ vattabbe …pe….
kv2.9:11.1Samudayadassanena … nirodhadassanena … maggadassanena kiṁ jahatīti?
kv2.9:11.2Rūparāgaṁ, arūparāgaṁ, mānaṁ, uddhaccaṁ, avijjaṁ, tadekaṭṭhe ca kilese catubhāgaṁ jahatīti.
kv2.9:11.3Catubhāgaṁ arahā, catubhāgaṁ na arahā, catubhāgaṁ arahattappatto paṭiladdho adhigato sacchikato upasampajja viharati, kāyena phusitvā viharati, catubhāgaṁ na kāyena phusitvā viharati, catubhāgaṁ vītarāgo …pe… vītadoso … vītamoho … katakaraṇīyo ohitabhāro anuppattasadattho parikkhīṇabhavasaṁyojano sammadaññāvimutto ukkhittapaligho saṅkiṇṇaparikho abbūḷhesiko niraggaḷo ariyo pannaddhajo pannabhāro visaññutto suvijitavijayo, dukkhaṁ tassa pariññātaṁ, samudayo pahīno, nirodho sacchikato, maggo bhāvito, abhiññeyyaṁ abhiññātaṁ, pariññeyyaṁ pariññātaṁ, pahātabbaṁ pahīnaṁ, bhāvitabbaṁ bhāvitaṁ …pe… sacchikātabbaṁ sacchikataṁ, catubhāgaṁ sacchikātabbaṁ na sacchikatanti?
kv2.9:11.4Na hevaṁ vattabbe …pe….
kv2.9:12.1Sotāpattiphalasacchikiriyāya paṭipanno puggalo dukkhaṁ dakkhanto paṭipannakoti vattabboti?
kv2.9:12.2Āmantā.
kv2.9:12.3Dukkhe diṭṭhe phale ṭhitoti vattabboti?
kv2.9:12.4Na hevaṁ vattabbe.
kv2.9:12.5Samudayaṁ dakkhanto …pe…
kv2.9:12.6nirodhaṁ dakkhanto paṭipannakoti vattabboti?
kv2.9:12.7Āmantā.
kv2.9:12.8Nirodhe diṭṭhe phale ṭhitoti vattabboti?
kv2.9:12.9Na hevaṁ vattabbe.
kv2.9:13.1Sotāpattiphalasacchikiriyāya paṭipanno puggalo maggaṁ dakkhanto paṭipannakoti vattabbo, magge diṭṭhe phale ṭhitoti vattabboti?
kv2.9:13.2Āmantā.
kv2.9:13.3Dukkhaṁ dakkhanto paṭipannakoti vattabbo, dukkhe diṭṭhe phale ṭhitoti vattabboti?
kv2.9:13.4Na hevaṁ vattabbe …pe…
kv2.9:13.5maggaṁ dakkhanto paṭipannakoti vattabbo, magge diṭṭhe phale ṭhitoti vattabboti?
kv2.9:13.6Āmantā.
kv2.9:13.7Samudayaṁ dakkhanto …pe…
kv2.9:13.8nirodhaṁ dakkhanto paṭipannakoti vattabbo, nirodhe diṭṭhe phale ṭhitoti vattabboti?
kv2.9:13.9Na hevaṁ vattabbe …pe….
kv2.9:14.1Sotāpattiphalasacchikiriyāya paṭipanno puggalo dukkhaṁ dakkhanto paṭipannakoti vattabbo, dukkhe diṭṭhe na vattabbaṁ—
kv2.9:14.2“phale ṭhitoti vattabbo”ti?
kv2.9:14.3Āmantā.
kv2.9:14.4Maggaṁ dakkhanto paṭipannakoti vattabbo, magge diṭṭhe na vattabbaṁ—
kv2.9:14.5“phale ṭhitoti vattabbo”ti?
kv2.9:14.6Na hevaṁ vattabbe …pe…
kv2.9:14.7samudayaṁ dakkhanto …
kv2.9:14.8nirodhaṁ dakkhanto paṭipannakoti vattabbo, nirodhe diṭṭhe na vattabbaṁ—
kv2.9:14.9“phale ṭhitoti vattabbo”ti?
kv2.9:14.10Āmantā.
kv2.9:14.11Maggaṁ dakkhanto “paṭipannako”ti vattabbo, magge diṭṭhe na vattabbaṁ—
kv2.9:14.12“phale ṭhitoti vattabbo”ti?
kv2.9:14.13Na hevaṁ vattabbe …pe….
kv2.9:15.1Sotāpattiphalasacchikiriyāya paṭipanno puggalo dukkhaṁ dakkhanto paṭipannakoti vattabbo, dukkhe diṭṭhe na vattabbaṁ—
kv2.9:15.2“phale ṭhitoti vattabbo”ti?
kv2.9:15.3Āmantā.
kv2.9:15.4Niratthiyaṁ dukkhadassananti?
kv2.9:15.5Na hevaṁ vattabbe …pe…
kv2.9:15.6samudayaṁ dakkhanto …pe…
kv2.9:15.7nirodhaṁ dakkhanto paṭipannakoti vattabbo, nirodhe diṭṭhe na vattabbaṁ—
kv2.9:15.8“phale ṭhitoti vattabbo”ti?
kv2.9:15.9Āmantā.
kv2.9:15.10Niratthiyaṁ nirodhadassananti?
kv2.9:15.11Na hevaṁ vattabbe …pe….
kv2.9:16.1Dukkhe diṭṭhe cattāri saccāni diṭṭhāni hontīti?
kv2.9:16.2Āmantā.
kv2.9:16.3Dukkhasaccaṁ cattāri saccānīti?
kv2.9:16.4Na hevaṁ vattabbe …pe….
kv2.9:17.1Rūpakkhandhe aniccato diṭṭhe pañcakkhandhā aniccato diṭṭhā hontīti?
kv2.9:17.2Āmantā.
kv2.9:17.3Rūpakkhandho pañcakkhandhāti?
kv2.9:17.4Na hevaṁ vattabbe …pe….
kv2.9:18.1Cakkhāyatane aniccato diṭṭhe dvādasāyatanāni aniccato diṭṭhāni hontīti?
kv2.9:18.2Āmantā.
kv2.9:18.3Cakkhāyatanaṁ dvādasāyatanānīti?
kv2.9:18.4Na hevaṁ vattabbe …pe….
kv2.9:19.1Cakkhudhātuyā aniccato diṭṭhāya aṭṭhārasa dhātuyo aniccato diṭṭhā hontīti?
kv2.9:19.2Āmantā.
kv2.9:19.3Cakkhudhātu aṭṭhārasa dhātuyoti?
kv2.9:19.4Na hevaṁ vattabbe …pe….
kv2.9:20.1Cakkhundriye aniccato diṭṭhe bāvīsatindriyāni aniccato diṭṭhāni hontīti?
kv2.9:20.2Āmantā.
kv2.9:20.3Cakkhundriyaṁ bāvīsatindriyānīti?
kv2.9:20.4Na hevaṁ vattabbe …pe….
kv2.9:21.1Catūhi ñāṇehi sotāpattiphalaṁ sacchikarotīti?
kv2.9:21.2Āmantā.
kv2.9:21.3Cattāri sotāpattiphalānīti?
kv2.9:21.4Na hevaṁ vattabbe …pe…
kv2.9:21.5aṭṭhahi ñāṇehi sotāpattiphalaṁ sacchikarotīti?
kv2.9:21.6Āmantā.
kv2.9:21.7Aṭṭha sotāpattiphalānīti?
kv2.9:21.8Na hevaṁ vattabbe …pe…
kv2.9:21.9dvādasahi ñāṇehi sotāpattiphalaṁ sacchikarotīti?
kv2.9:21.10Āmantā.
kv2.9:21.11Dvādasa sotāpattiphalānīti?
kv2.9:21.12Na hevaṁ vattabbe …pe…
kv2.9:21.13catucattārīsāya ñāṇehi sotāpattiphalaṁ sacchikarotīti?
kv2.9:21.14Āmantā.
kv2.9:21.15Catucattārīsaṁ sotāpattiphalānīti?
kv2.9:21.16Na hevaṁ vattabbe …pe…
kv2.9:21.17sattasattatiyā ñāṇehi sotāpattiphalaṁ sacchikarotīti?
kv2.9:21.18Āmantā.
kv2.9:21.19Sattasattati sotāpattiphalānīti?
kv2.9:21.20Na hevaṁ vattabbe …pe….
kv2.9:22.1Na vattabbaṁ—
kv2.9:22.2“anupubbābhisamayo”ti?
kv2.9:22.3Āmantā.
kv2.9:22.4Nanu vuttaṁ bhagavatā—
kv2.9:22.5“seyyathāpi, bhikkhave, mahāsamuddo anupubbaninno anupubbapoṇo anupubbapabbhāro, na āyatakeneva papāto;
kv2.9:22.6evameva kho, bhikkhave, imasmiṁ dhammavinaye anupubbasikkhā anupubbakiriyā anupubbapaṭipadā, na āyatakeneva aññāpaṭivedho”ti.
kv2.9:22.7Attheva suttantoti?
kv2.9:22.8Āmantā.
kv2.9:22.9Tena hi anupubbābhisamayoti.
kv2.9:23.1Na vattabbaṁ—
kv2.9:23.2“anupubbābhisamayo”ti?
kv2.9:23.3Āmantā.
kv2.9:23.4Nanu vuttaṁ bhagavatā—
kv2.9:24.1“Anupubbena medhāvī,
kv2.9:24.2thokaṁ thokaṁ khaṇe khaṇe;
kv2.9:24.3Kammāro rajatasseva,
kv2.9:24.4niddhame malamattano”ti.
kv2.9:25.1Attheva suttantoti?
kv2.9:25.2Āmantā.
kv2.9:25.3Tena hi anupubbābhisamayoti.
kv2.9:26.1Anupubbābhisamayoti?
kv2.9:26.2Āmantā.
kv2.9:26.3Nanvāyasmā gavampati thero bhikkhū etadavoca—
kv2.9:26.4“sammukhā metaṁ, āvuso, bhagavato sutaṁ sammukhā paṭiggahitaṁ—
kv2.9:26.5‘yo, bhikkhave, dukkhaṁ passati dukkhasamudayampi so passati, dukkhanirodhampi passati, dukkhanirodhagāminiṁ paṭipadampi passati;
kv2.9:26.6yo dukkhasamudayaṁ passati dukkhampi so passati, dukkhanirodhampi passati, dukkhanirodhagāminiṁ paṭipadampi passati;
kv2.9:26.7yo dukkhanirodhaṁ passati dukkhampi so passati, dukkhasamudayampi passati, dukkhanirodhagāminiṁ paṭipadampi passati;
kv2.9:26.8yo dukkhanirodhagāminiṁ paṭipadaṁ passati dukkhampi so passati, dukkhasamudayampi passati, dukkhanirodhampi passatī’”ti.
kv2.9:26.9Attheva suttantoti?
kv2.9:26.10Āmantā.
kv2.9:26.11Tena hi na vattabbaṁ—
kv2.9:26.12“anupubbābhisamayo”ti.
kv2.9:27.1Anupubbābhisamayoti?
kv2.9:27.2Āmantā.
kv2.9:27.3Nanu vuttaṁ bhagavatā—
kv2.9:28.1“Sahāvassa dassanasampadāya,
kv2.9:28.2Tayassu dhammā jahitā bhavanti;
kv2.9:28.3Sakkāyadiṭṭhī vicikicchitañca,
kv2.9:28.4Sīlabbataṁ vāpi yadatthi kiñci;
kv2.9:28.5Catūhapāyehi ca vippamutto,
kv2.9:28.6Chaccābhiṭhānāni abhabba kātun”ti.
kv2.9:29.1Attheva suttantoti?
kv2.9:29.2Āmantā.
kv2.9:29.3Tena hi na vattabbaṁ—
kv2.9:29.4“anupubbābhisamayo”ti.
kv2.9:30.1Anupubbābhisamayoti?
kv2.9:30.2Āmantā.
kv2.9:30.3Nanu vuttaṁ bhagavatā—
kv2.9:30.4“yasmiṁ, bhikkhave, samaye ariyasāvakassa virajaṁ vītamalaṁ dhammacakkhuṁ udapādi—
kv2.9:30.5‘yaṁ kiñci samudayadhammaṁ sabbaṁ taṁ nirodhadhamman’ti, saha dassanuppādā, bhikkhave, ariyasāvakassa tīṇi saṁyojanāni pahīyanti—
kv2.9:30.6sakkāyadiṭṭhi, vicikicchā, sīlabbataparāmāso”ti.
kv2.9:30.7Attheva suttantoti?
kv2.9:30.8Āmantā.
kv2.9:30.9Tena hi na vattabbaṁ—
kv2.9:30.10“anupubbābhisamayo”ti.
kv2.9:30.11Anupubbābhisamayakathā niṭṭhitā.