kv3.8:0.1Kathāvatthu
kv3.8:0.2Mahāpaṇṇāsaka
kv3.8:0.3Tatiyavagga
kv3.8:0.4Dibbasotakathā
kv3.8:1.1Maṁsasotaṁ dhammupatthaddhaṁ dibbasotaṁ hotīti?
kv3.8:1.2Āmantā.
kv3.8:1.3Maṁsasotaṁ dibbasotaṁ, dibbasotaṁ maṁsasotanti?
kv3.8:1.4Na hevaṁ vattabbe …pe….
kv3.8:2.1Maṁsasotaṁ dhammupatthaddhaṁ dibbasotaṁ hotīti?
kv3.8:2.2Āmantā.
kv3.8:2.3Yādisaṁ maṁsasotaṁ tādisaṁ dibbasotaṁ, yādisaṁ dibbasotaṁ tādisaṁ maṁsasotanti?
kv3.8:2.4Na hevaṁ vattabbe …pe….
kv3.8:3.1Maṁsasotaṁ dhammupatthaddhaṁ dibbasotaṁ hotīti?
kv3.8:3.2Āmantā.
kv3.8:3.3Taññeva maṁsasotaṁ taṁ dibbasotaṁ, taṁ dibbasotaṁ taṁ maṁsasotanti?
kv3.8:3.4Na hevaṁ vattabbe …pe….
kv3.8:4.1Maṁsasotaṁ dhammupatthaddhaṁ dibbasotaṁ hotīti?
kv3.8:4.2Āmantā.
kv3.8:4.3Yādiso maṁsasotassa visayo ānubhāvo gocaro tādiso dibbassa sotassa visayo ānubhāvo gocaroti?
kv3.8:4.4Na hevaṁ vattabbe …pe….
kv3.8:5.1Maṁsasotaṁ dhammupatthaddhaṁ dibbasotaṁ hotīti?
kv3.8:5.2Āmantā.
kv3.8:5.3Upādinnaṁ hutvā anupādinnaṁ hotīti?
kv3.8:5.4Na hevaṁ vattabbe …pe….
kv3.8:6.1Upādinnaṁ hutvā anupādinnaṁ hotīti?
kv3.8:6.2Āmantā.
kv3.8:6.3Kāmāvacaraṁ hutvā rūpāvacaraṁ hotīti?
kv3.8:6.4Na hevaṁ vattabbe …pe….
kv3.8:7.1Kāmāvacaraṁ hutvā rūpāvacaraṁ hotīti?
kv3.8:7.2Āmantā.
kv3.8:7.3Rūpāvacaraṁ hutvā arūpāvacaraṁ hotīti?
kv3.8:7.4Na hevaṁ vattabbe …pe….
kv3.8:8.1Rūpāvacaraṁ hutvā arūpāvacaraṁ hotīti?
kv3.8:8.2Āmantā.
kv3.8:8.3Pariyāpannaṁ hutvā apariyāpannaṁ hotīti?
kv3.8:8.4Na hevaṁ vattabbe …pe….
kv3.8:9.1Maṁsasotaṁ dhammupatthaddhaṁ dibbasotaṁ hotīti?
kv3.8:9.2Āmantā.
kv3.8:9.3Dibbasotaṁ dhammupatthaddhaṁ maṁsasotaṁ hotīti?
kv3.8:9.4Na hevaṁ vattabbe …pe….
kv3.8:10.1Maṁsasotaṁ dhammupatthaddhaṁ dibbasotaṁ hotīti?
kv3.8:10.2Āmantā.
kv3.8:10.3Ekaṁyeva sotanti?
kv3.8:10.4Na hevaṁ vattabbe …pe….
kv3.8:11.1Ekaṁyeva sotanti?
kv3.8:11.2Āmantā.
kv3.8:11.3Nanu dve sotāni vuttāni bhagavatā—
kv3.8:11.4“maṁsasotaṁ, dibbasotan”ti?
kv3.8:11.5Āmantā.
kv3.8:11.6Hañci dve sotāni vuttāni bhagavatā—
kv3.8:11.7maṁsasotaṁ, dibbasotaṁ, no ca vata re vattabbe—
kv3.8:11.8“ekaññeva sotan”ti.
kv3.8:11.9Dibbasotakathā niṭṭhitā.